200 млрд сўмлик активлар атрофидаги можаро: Орзиқул Пайзиқулов нима дейди?

Effect.uz 2026 йил 28 сентябрь куни «Қидирувдаги шахсга 200 млрдлик активларга эга жамият улуши қандай расмийлаштирилди?» сарлавҳали материални эълон қилган эди. Унда хорижлик инвесторга тегишли экани айтилган, қарийб 200 млрд сўмлик активларга эга жамиятдаги 50 фоизлик улуш қандай расмийлаштирилгани юзасидан саволлар кўтарилган.

Энди мазкур материалда номи тилга олинган тадбиркор Орзиқул Пайзикулов томонидан ушбу воқеаларга муносабат билдирилмоқда. Унинг адвокати таҳририятга тақдим этган маълумотномада аввалги мақолада тилга олинган ҳолатларга нисбатан бошқача позиция билдирилган.

Адвокатнинг асосий тушунтириши — О.Пайзикулов келишув шартларини бажаргани, унга нисбатан юритилган жиноят ишининг тегишли қисми тугатилгани ва кейинчалик унга нисбатан янги даъволар билан мурожаат қилингани ҳақида.

👉 https://effect.uz/n/257

Telegram I Facebook I YouTube I Instagram

«Қамоқ ҳавас қиладиган жой эмас»: 7 йилга қамалган йигит панжара ортидаги ҳаёти ҳақида гапирди

Кучли таъсир қилувчи дорилар савдоси учун 7 йилга озодликдан маҳрум этилган йигит Бухородаги жазони ижро этиш муассасасидаги ҳаёти, қилган хатоси ва ундан олган сабоқлари ҳақида гапирди.

Унинг айтишича, қамоқда инсон эркинликнинг ҳақиқий қадрини янада чуқурроқ англар экан. «Қуёшни ярим соат кўрамиз», дея таъкидлаган маҳкум ёшларни бундай хатога йўл қўймасликка чақирди.

Бир нафар фарзанди борлигини айтган йигит давлат раҳбаридан ҳам ўз ҳолати бўйича енгиллик сўраганини билдирди.

Унинг панжара ортидаги ҳаёти, қилган хатоси, фарзанди ҳақидаги ўйлари ва ёшларга берган сабоғи — батафсил видеода.

Telegram I Facebook I YouTube I Instagram

300 нафар талаба ётоқхонадан чиқарилди: вазирлик ҳолатга изоҳ берди

Тошкент давлат техника университетининг вилоятлардан келиб таҳсил олаётган 300 га яқин талабаси жойлаштирилган ётоқхона бўшатилди. Талабалар университетнинг бошқа ётоқхоналарига вақтинча жойлаштирилган.

Telegram I Facebook I YouTube I Instagram

Ўзбекистонда 7 та олийгоҳи ТОП-1000 да

2026 йилнинг III чорагида олий таълим, фан ва инновациялар соҳасида қатор муҳим натижалар қайд этилди. Олий таълимда
1,8 млндан зиёд талаба таҳсил олмоқда.
9 та олийгоҳнинг 98 та таълим дастури халқаро аккредитациядан ўтказилди.

Ўзбекистоннинг 7 та олийгоҳи QS рейтингида 12 та йўналиш бўйича ТОП-1000дан жой олди. 9 ойда соҳага
69,7 млн доллар инвестиция жалб қилинди, таълим экспорти 36,9 млн долларни ташкил этди.

7 минг битирувчига бизнес ғояларини амалга ошириш учун 619,7 млрд сўмдан зиёд маблағ ажратилди.
4 300 нафардан зиёд профессор-ўқитувчи хорижда малака оширди ва стажировка ўтади. Илмий тадқиқотлар учун 748 та лойиҳа молиялаштирилди.


Telegram I Facebook I YouTube I Instagram

«Ўзбекча гапиринг» дегани учун самолётдан туширилган блогерга зарари қопланди

Самара–Тошкент рейсидаги можаро якунланди: блогернинг моддий ва маънавий зарари қопланди, авиакомпания узр сўради.
Блогернинг айтишича, у самолётга чиқиш вақтида стюардессадан ўзбек тилида мурожаат қилишни сўраган. Шундан сўнг улар ўртасида тортишув юзага келган ва блогердан самолётдан тушиш сўралган.

Ҳолат ижтимоий тармоқларда муҳокама қилинганидан сўнг Centrum Air ва блогер ўртасида учрашув бўлиб ўтган. Блогернинг маълум қилишича, унинг моддий ва маънавий зарари тўлиқ қопланган. Шунингдек, стюардесса йўл қўйилган хатони тан олган, авиакомпания эса ундан узр сўраган.

Блогер бу ҳақда қуйидагиларни айтади:

«Centrum Air билан бўлган ҳолат ўз ниҳоясига етди. Ҳозир офисларидан чиқиб кетяпман. Моддий ва маънавий зарарим қопланди. Стюардесса опамиз ҳам ўзларидан ўтган хатони тан олдилар. Компания ҳам, албатта, узр сўради. Менинг барча зарарларим қопланди. Centrum Air’га тезкорлик билан муносабат билдиргани учун катта раҳмат».

Шу тариқа, ўзбек тилида мурожаат қилиш масаласидан бошланган можаро томонларнинг келишуви ва зарарнинг қопланиши билан якунланган.

Telegram I Facebook I YouTube I Instagram

Ўзбекистоннинг 44,9 млн гектар ери қандай тақсимланган?

2026 йил 1 январь ҳолатига кўра, Ўзбекистоннинг умумий ер майдони 44,9 млн гектарни ташкил этади. Шундан 4,4 млн гектари — суғориладиган ерлар.

Мамлакат ер фонди 8 та тоифага бўлинган:

🔴 Қишлоқ хўжалигига мўлжалланган ерлар — 25,9 млн га;
🔴 Ўрмон фонди ерлари — 11 млн га;
🔴 Табиатни муҳофаза қилиш, соғломлаштириш ва рекреация ерлари — 4,3 млн га;
🔴 Захира ерлар — 1,5 млн га;
🔴 Сув фонди ерлари — 1,2 млн га;
🔴 Саноат, транспорт, алоқа, мудофаа ва бошқа мақсадларга мўлжалланган ерлар — 827,8 минг га;
🔴 Аҳоли пунктлари ерлари — 216,7 минг га;
🔴 Тарихий-маданий аҳамиятга молик ерлар — 34,5 минг га.
📊 Жами — 44,9 млн гектар.

Энг катта улуш қишлоқ хўжалигига мўлжалланган ерларга тўғри келади. Уларнинг майдони мамлакат умумий ер фондининг қарийб 58 фоизини ташкил этади.

Telegram I Facebook I YouTube I Instagram

Ўзбекистон терма жамоаси ФИФА рейтингида яна юқорилади

Ўзбекистон миллий терма жамоаси ФИФАнинг навбатдаги рейтингида ўз позициясини яхшилаб, 59-ўринга кўтарилди.

Бу натижа терма жамоанинг халқаро майдондаги мавқеи янада мустаҳкамланаётганини кўрсатади.

Telegram I Facebook I YouTube I Instagram

7 вилоятда сел хавфи: кучли ёмғир кутилмоқда

11–12 октябрь кунлари айрим ҳудудларда кучли ёмғир ёғиши натижасида Қашқадарё, Сурхондарё, Жиззах, Тошкент, Наманган, Фарғона ва Андижон вилоятларининг тоғ ва тоғолди ҳудудларида сел-сув тошқинлари юзага келиши мумкин.

Айрим жойларда ёмғир сувлари тўпланиб, ҳудудларни сув босиши эҳтимоли ҳам бор.

Аҳолидан эҳтиёт чораларига риоя қилиш сўралади.

Telegram I Facebook I YouTube I Instagram

Марказий Осиё ва Озарбайжон етакчилари бир даврада жамланди

Туркманистоннинг «Аваза» мажмуасида Президент Шавкат Мирзиёев иштирокида Марказий Осиё ва Озарбайжон давлат раҳбарларининг VIII Маслаҳат учрашуви бошланди.

Йиғилиш олдидан Ўзбекистон Президентини Туркманистон Президенти Сердар Бердимуҳамедов кутиб олди.

Учрашувда минтақавий ҳамкорлик ва ўзаро муносабатларга оид масалалар муҳокама қилиниши кутилмоқда.

Telegram I Facebook I YouTube I Instagram

Uzum Marketда техник носозлик: айрим хизматлар вақтинча тўхтатилди

Uzum Market фаолиятида юзага келган техник носозлик сабабли омборлар ва қабул қилиш пунктларида товарларни қабул қилиш ҳамда қайтарилган маҳсулотларни топшириш вақтинча тўхтатилди.

Компания мутахассислари муаммони бартараф этмоқда. Ҳамкорлардан ҳозирча омборларга бормаслик сўралган.

Қабул қилинмаган товарларни етказиб бериш муддати жаримасиз кўчирилади, харидорлар учун эса буюртмаларни сақлаш муддати узайтирилди.

Telegram I Facebook I YouTube I Instagram

Бўстонлиқда 586 туп дарахт қонунсиз қўпорилди — зарар 1,7 млрд сўм

Тошкент вилояти Бўстонлиқ туманида 2 гектар майдонда 586 туп дарахт қонунга хилоф равишда илдизи билан қўпориб ташлангани аниқланди.

Экология ва иқлим ўзгариши бош бошқармаси ҳамда Экология полицияси ходимлари ўтказган ўрганишда «Ғазалкент» МФЙ ҳудудидаги ҳолат «Y.D.» МЧЖ билан боғлиқ экани маълум бўлган.

Қўпорилган дарахтларнинг 9 тупи до‘лана, 3 тупи арча, 3 тупи тоғ олчаси ва 571 тупи учқат бўлган.

Расмий маълумотга кўра, тадбиркорга бир неча бор қонуний талаблар билдирилган. Бироқ у талабларга бўйсунмасдан, қаршилик кўрсатишга уринган.

Ҳолат бўйича табиатга етказилган зарар 1 миллиард 705 миллион 660 минг сўм деб ҳисобланган.

2 гектар майдон. 586 туп дарахт. 1,7 миллиард сўмлик зарар.

Энди бу ҳолат бўйича ким ва қандай жавоб бериши масаласи ҳуқуқни муҳофаза қилувчи органлар хулосасига боғлиқ.

Telegram I Facebook I YouTube I Instagram

Эҳтиёжманд оилаларга қуёш панеллари бепул ўрнатилади

Қорақалпоғистон, Самарқанд ва Бухоро вилоятларидаги 1 197 та эҳтиёжманд оила махсус дастур доирасида қуёш панеллари билан бепул таъминланади.

Энергетика вазирлиги маълум қилишича, лойиҳа доирасида ҳозиргача 1 580 та хонадон ва 334 та ижтимоий объектга қуёш панеллари ўрнатилган.

Telegram I Facebook I YouTube I Instagram

Шавкат Мирзиёев Марказий Осиё ва Озарбайжон раҳбарлари учрашувида қатор ташаббусларни илгари сурди

Президент Шавкат Мирзиёев Марказий Осиё ва Озарбайжон давлат раҳбарларининг Маслаҳат учрашувида иштирок этиб, минтақавий ҳамкорликни кенгайтиришга қаратилган қатор кенг кўламли ташаббусларни илгари сурди.

Telegram I Facebook I YouTube I Instagram

Мирзиёев минтақавий ҳамкорликни янги босқичга олиб чиқишни таклиф қилди

Президент Шавкат Мирзиёев Марказий Осиё ва Озарбайжон давлат раҳбарларининг VIII Маслаҳат учрашувида нутқ сўзлади.

Унда:
🔹 Марказий Осиё ва қўшни минтақалар ўртасидаги ҳамкорликнинг янги босқичини белгилаш;
🔹 давлат раҳбарларининг Маслаҳат учрашувлари ҳуқуқий базасини такомиллаштириш;
🔹 савдо ва инвестициялар ҳажмини ошириш;
🔹 2035 йилгача мўлжалланган минтақавий савдо-иқтисодий дастурни амалий механизмга айлантириш таклиф этилди.

Telegram I Facebook I YouTube I Instagram