Uzbekistan Airways ички рейслар учун янги тарифларни жорий қилади

16 октябрдан Тошкентдан ички йўналишларга авиачипталарнинг янги тарифлари амалга киритилади.

Андижон, Наманган, Самарқанд ва Фарғонага — 201 062 сўмдан, Бухорога — 241 274 сўмдан, Термизга — 361 911 сўмдан, Нукус ва Урганчга — 442 336 сўмдан бошланади.

Telegram I Facebook I YouTube I Instagram

Бухородаги ёнғин: жиноят иши қўзғатилди, тадбиркорлар кредитлари музлатилади, жойлар бепул берилади

Бухородаги «Карвон» бозорида содир бўлган ёнғин юзасидан жиноят иши қўзғатилди. Бу ҳақда Бухоро вилоят прокурори Улуғбек Ҳамдамов жабрланган тадбиркорлар билан учрашувда маълум қилди.

Тергов-суриштирув ишлари тезлаштирилиб, ёнғин сабаблари ва етказилган зарар тўлиқ аниқланади.

Шунингдек, жабрланган тадбиркорларни қўллаб-қувватлаш учун:

🔹 кредит тўловлари 1 йилгача музлатилади;
🔹 «Карвон» ва бошқа савдо мажмуаларидан 1 йилгача ижара ҳақисиз жой ажратилади;
🔹 зарарни аниқлаш ва қоплаш бўйича ишлар тезлаштирилади.

Telegram I Facebook I YouTube I Instagram

Тошкентда шамол кучайиб, ҳаво чангиши мумкин

Бугун пойтахтда ёмғирдан олдин қисқа муддатли чанг-тўзон кузатилиши эҳтимоли бор.

Шамол тезлиги 3–8 м/с, айрим ҳудудларда 10–14 м/с гача кучайиши мумкин. Натижада ҳаводаги чанг заррачалари, жумладан PM10 миқдори қисқа муддатга ортиши эҳтимоли бор.

Telegram I Facebook I YouTube I Instagram

57,4 млрд долларлик савдо: Ўзбекистоннинг ташқи иқтисодий алоқалари кенгаймоқда

2026 йилнинг январь–август ойларида Ўзбекистоннинг ташқи савдо айланмаси 57,4 млрд долларни ташкил этди. Бу ўтган йилнинг мос даврига нисбатан 4 млрд долларга кўп.

Мамлакат 200 дан ортиқ давлат билан савдо алоқаларини амалга оширган.

🔹 Экспорт — 22,9 млрд доллар
🔹 Импорт — 34,5 млрд доллар

Telegram I Facebook I YouTube I Instagram

Тошкентда айрим ҳудудларда 5 кун иссиқ сув бўлмайди

Режали профилактика ишлари сабаб 5–9 октябрь кунлари Миробод, Яшнобод, Сергели, Янгиҳаёт ва Бектемир туманларининг қуйидаги ҳудудларида иссиқ сув таъминоти тўхтатилади:

🔹 Миробод: Баратхўжа, Парвона, Чинор, Юксалиш, Янги Қўйлиқ, Толариқ, Зиёнур, Билимдон, Файзобод, Сариқўл, Қорасув, Олтинкўл, Фурқат, Абдурауф Фитрат.

🔹 Яшнобод: Катта Қўйлиқ, Мумтоз.

🔹 Сергели: Ўзгариш, Ҳабибий, Меҳригиё, Мададкор, Зийнат, Янги Сергели, Соҳибкор, Софдил, Нилуфар, Иттифоқ, Нурҳаёт, Саховат, Қипчоқ, Халқобод, Маданият, Бирдамлик, Шукрона, Қўшқўрғон, Қурувчилар, Фароғатли.

🔹 Янгиҳаёт: Машъал, Навқирон, Ал-Фарғоний, Виқор, Йўлдош, Чорбоғ, Зарбдор, Дўстлик, Чароғон, Ёрқинҳаёт, Хушнуд.

🔹 Бектемир: Зилола, Роҳат, Миришкор, Иқбол.

Telegram I Facebook I YouTube I Instagram

Дуал таълимда энг яхшиларга 3 млрд сўмгача берилади

2027/2028 ўқув йилидан бошлаб дуал таълимда ОТМ ва корхоналар самарадорлиги бўйича рейтинг юритилади.

Рейтингда талабалар қамрови, уларнинг иш ҳақи, ўзлаштириш даражаси ва битирувчилар бандлиги асосий мезон бўлади.

🥇 1-ўрин — 3 млрд сўм
🥈 2-ўрин — 2 млрд сўм
🥉 3-ўрин — 1 млрд сўм

Шунингдек, 2027 йилдан айрим йўналишларда дуал таълимда ўқиётган талабалар учун корхона тўлаган иш ҳақининг 50 фоизи субсидия қилинади.

Дуал таълим учун олиб кириладиган айрим жиҳозларга 2030 йилгача 1 фоизлик божхона божи қўлланади.

Telegram I Facebook I YouTube I Instagram

Фарғонада 1 кг наркотикни $20 мингга сотмоқчи бўлганлар ушланди

Фарғонада 1 килограмм опиум гиёҳвандлик воситасини 20 минг долларга сотиш вақтида икки нафар шахс қўлга олинди.

Фарғона вилояти Ёзёвон туманида 1 килограмм опиум гиёҳвандлик воситасини 20 минг долларга сотмоқчи бўлган икки нафар шахс ушланди.

Ички ишлар вазирлиги маълумотига кўра, 1981 йилда Андижон вилоятида туғилган фуқаро 1998 йилда туғилган шериги билан гиёҳвандлик воситасини сотишга уринган.

Тезкор тадбир давомида улар қўлга олинган.

Вазирлик хабарида қайд этилишича, мусодара қилинган гиёҳвандлик воситаларининг қора бозордаги қиймати 240 миллион сўмни ташкил этган.

Ҳолат юзасидан Қўқон шаҳар ИИБ ҳузуридаги тергов бўлими томонидан Жиноят кодексининг 273-моддаси асосида жиноят иши қўзғатилган. Ҳозирда дастлабки тергов ҳаракатлари олиб борилмоқда.

Telegram I Facebook I YouTube I Instagram

Скутер ҳайдовчиларига ҳам «права» шарт: талаб нега кучайтирилди?

Скутер, мопед ва кичик ҳажмли мототранспорт бошқарувчилари ҳам йўл ҳаракати қоидаларини билиши ва тегишли ҳужжатларга эга бўлиши шарт.

Бу талаб кеча пайдо бўлган эмас. Ҳайдовчиларга икки йилдан буён «права» олиш ва транспорт воситасини давлат рўйхатидан ўтказиш зарурлиги ҳақида огоҳлантириб келинган.

Эндиликда қоидаларга риоя қилиш ва йўл ҳаракати хавфсизлигини таъминлаш талаби кучайтирилмоқда.

Telegram I Facebook I YouTube I Instagram

Қашқадарёда солиқчилар 122,6 млн сўмни ўзлаштиргани фош бўлди

Қарши шаҳар солиқ инспекциясининг давлат солиқ бош инспекторлари М.А., Ш.Т. ва бошқалар 97 нафар солиқ тўловчидан 122,6 млн сўмни солиқ қарзини сўндириш баҳонасида олиб, шахсий ҳисобварақларга кирим қилмасдан ўзлаштиргани аниқланди.

Бош прокуратура ҳузуридаги Департаментнинг Қарши шаҳар бўлими ўтказган терговга қадар текширувда мазкур ҳолат фош этилган.

Ҳолат юзасидан Жиноят кодексининг 167-моддаси билан жиноят иши қўзғатилиб, тергов ҳаракатлари олиб борилмоқда.

Telegram I Facebook I YouTube I Instagram

Дори нархидаги «ўйинлар» фош бўлди: айрим дорихоналарда нарх 5 бараваргача оширилган

Рақобат қўмитасининг «сирли мижоз» тадбирлари давомида айрим дорихоналарда дори воситалари рухсат этилган нархдан бир неча баравар қимматга сотилгани аниқланди.

Жумладан, «SHUNQORLAR»да «Полимик» 12,8 минг сўм ўрнига 70 минг, «Конвулекс» 66,4 минг ўрнига 395 минг сўмдан таклиф қилинган. «MUNO FARM»да «Стимулотон» 50,6 минг ўрнига 295 минг сўмдан сотилган.

Айрим дорихоналарда «Бактамед», «Но-шпа», «Слидерон» ва бошқа дорилар ҳам белгиланган нархдан қиммат сотилгани қайд этилган. «FERUZA NUR MED»да «Полимик» нархи қарийб 5 баравар оширилган.

Ҳолатлар бўйича дорихоналарга мажбурий кўрсатмалар берилган, лицензия талабларига риоя этилиши юзасидан ваколатли органга сўров юборилган.

Telegram I Facebook I YouTube I Instagram

Гиёҳвандлик уни 10 йилга қамоққа етаклади

«Ўзимни кечира олмайман»: гиёҳвандлик савдоси сабаб 10 йилга қамалган йигитнинг Бухоро панжаралари ортидаги изтироблари

Telegram I Facebook I YouTube I Instagram

Ўзбекистон орқали Покистон портларига янги темир йўл йўли очилиши мумкин

Қозоғистон, Ўзбекистон ва Бирлашган Араб Амирликлари Қозоғистон — Ўзбекистон — Афғонистон — Покистон (CASA) темир йўл йўналишини биргаликда ишлаб чиқиш бўйича англашув меморандумини имзолади.

Лойиҳа Марказий ва Жанубий Осиёни темир йўл орқали боғлаб, Покистоннинг денгиз портларига чиқиш имкониятини яратиши кўзда тутилмоқда.

Лойиҳа доирасида техник-иқтисодий тадқиқотлар ўтказилиб, темир йўл инфратузилмасини ривожлантириш имкониятлари ўрганилади. Шунингдек, техник, иқтисодий ва молиявий масалаларни комплекс таҳлил қилиш учун махсус ишчи гуруҳ тузиш режалаштирилмоқда.

Telegram I Facebook I YouTube I Instagram

Россиядаги вабо хавфи: Қирғизистон чегарада назоратни кучайтирди

Қирғизистон Россияда вабо касаллиги қайд этилгани ҳақидаги хабарлар ортидан давлат чегарасида санитария-карантин назоратини кучайтирди.

Барча санитария-карантин пунктлари кучайтирилган тартибда ишламоқда. Мутахассислар чегарада одамлар, транспорт ва юклар ҳаракатини назорат қилмоқда.

Вазият санитария-эпидемиология хизмати назоратига олинган.

Telegram I Facebook I YouTube I Instagram

Президентдан тарихий ғалабаларга юксак эътироф: спортчиларимиз табрикланди

Президент Шавкат Мирзиёев Япониянинг Айти-Нагоя шаҳрида ўтказилган XX ёзги Осиё ўйинларида муваффақиятли иштирок этган Ўзбекистон спорт делегацияси аъзоларини самимий табриклади.

Ўзбекистон терма жамоаси 21 та олтин, 25 та кумуш ва 24 та бронза — жами 70 та медаль билан умумжамоа ҳисобида 5-ўринни эгаллади.

Давлат раҳбари спортчилар, мураббийлар, уларнинг ота-оналари ва мухлисларга миннатдорлик билдириб, ушбу натижалар 2028 йил Лос-Анжелес Олимпиадаси учун мустаҳкам замин бўлишини таъкидлади.

Telegram I Facebook I YouTube I Instagram

Трамп Ўзбекистонга ташриф буюриш ниятини билдирди

АҚШ президенти Дональд Трамп Ўзбекистонга ташриф буюриш истагини билдирган. Бу ҳақда АҚШ президентининг глобал ҳамкорлик бўйича махсус вакили Паоло Замполли маълум қилди.

Унинг сўзларига кўра, Трамп бу ниятини шахсан айтган ва ташриф имкони қадар тезроқ амалга ошишига умид қилинмоқда.

Telegram I Facebook I YouTube I Instagram

«Пулиз кўпайсин дейди» — Бухородаги болалар қувончи Саида Мирзиёевани ҳам таъсирлантирди

Президент Администрацияси раҳбари Саида Мирзиёева Бухорода янгиланган мактабгача таълим муассасасида бўлиб, болалар билан суҳбатлашди.

У болаларнинг қувончи ва Президентга билдирган самимий миннатдорлигини алоҳида таъкидлади.

«Ҳаммалари Президентимизга раҳмат дейишмоқда. Бундан катта бахт борми? Мен учун йўқ», — деди Саида Мирзиёева.

Унинг таъкидлашича, бундай замонавий ва қулай шароитлар босқичма-босқич мамлакатнинг барча ҳудудларида яратилади.

Telegram I Facebook I YouTube I Instagram