17 та олийгоҳнинг бўйсунуви ўзгарди

Президентнинг 2 октябрдаги қарори билан 17 та олий таълим муассасаси Олий таълим, фан ва инновациялар вазирлиги тизимига ўтказилди.

Шундан 14 таси — Мактабгача ва мактаб таълими вазирлиги тизимидаги педагогика олийгоҳлари, яна 3 таси эса Ихтисослаштирилган таълим муассасалари агентлиги тизимидаги олий таълим муассасаларидир.

Шунингдек, Ўзбекистон миллий педагогика университети Низомий Ганжавий номидаги Ўзбекистон миллий педагогика университети деб қайта номланди.

Telegram I Facebook I YouTube I Instagram

Талаба ўқиш пайтида маош олади: битиргач 2 йил ишлайди

2027/2028 ўқув йилидан олий таълимда корхона буюртмаси асосида дуал таълим тизими жорий этилади.

Янги тартибга кўра:
▪️ талаба ўқиш даврида корхонада амалиёт ўтайди ва ҳар ой камида меҳнатга ҳақ тўлашнинг энг кам миқдорида иш ҳақи олади;
▪️ ўқишни тамомлагандан сўнг камида 2 йил шу корхонада ишлайди;
▪️ қабул корхоналар буюртмаси асосида тўлов-контракт шаклида амалга оширилади.

Тизим «корхона – олийгоҳ – мақсадли кадр» тамойили асосида йўлга қўйилади.

Telegram I Facebook I YouTube I Instagram

Бухородаги баҳсли қурилишга Кадастр нуқта қўйди

Бухоро шаҳри, Пойи Калон кўчасидаги қурилиш ишлари юзасидан Кадастр агентлиги Бухоро вилояти бошқармаси томонидан ўрганиш ўтказилди.

Аниқланишича, Пойи Калон кўчаси, 12/1-уйдаги 235 кв. метр ер майдони 2019 йилда фуқаро М.Ш.га мерос қилиб қолдириладиган умрбод эгалик ҳуқуқи асосида берилган.
Мазкур кўчмас мулк 2024 йилда нотариал олди-сотди шартномаси асосида фуқаро С.М.га ўтган ва белгиланган тартибда давлат рўйхатидан ўтказилган.

Ўрганиш натижасига кўра, ҳозирда олиб борилаётган қайта қуриш ишлари мулк эгасига тегишли ер участкаси доирасида амалга оширилаётгани аниқланган.
Кадастр агентлиги мазкур ҳолатни ўз ваколати доирасида ўрганган.

Telegram I Facebook I YouTube I Instagram

Ўқитувчиларга берилган имтиёзлар ҳақида биласизми?

🔹Болаларга таълим-тарбия берадиган барча педагог ходимлар доимий равишда бепул тиббий кўрикдан ўтказилади.

🔹Педагоглар учун 56 кунлик йиллик ҳақ тўланадиган узайтирилган таътиллар берилади.

🔹Педагоглар ходимлар учун иш вақтининг давомийлиги ҳафтасига кўпи билан 36 соат қилиб белгиланади.

🔹Мактабда ўрнак кўрсатган педагог ходимлар рағбатлантирилади.

🔹“Хорижий тилларни ўқитиш бўйича энг яхши мактаб” танлови ғолиби бўлган мактабга ярим миллиард сўм берилади.

🔹Ўқитувчилар касал бўлиб қолганида моддий ёрдам берилади.

🔹Инклюзив синф ўқитувчиларига 40 фоизгача устама берилади.

🔹Олис ҳудудларда дарс бераётган ўқитувчиларга 50 фоизгача устама берилади.

🔹Республика фан олимпиадаси ғолибларини тайёрлаган ўқитувчилар малака тоифаси бир поғона оширилади.

🔹Тиббиёт соҳаси профессор-ўқитувчиларига даволаш-ташхис ишларини бажарганликлари учун қўшимча ҳақ тўланади.

🔹Педагогларнинг фарзандлари учун контракт тўловига 30 фоиз чегирма берилади.

🔹Педагогларга айрим давлат хизматларини кўрсатишда 50 фоиз чегирма берилади.

🔹Ўқитувчиларнинг фаолиятига аралашганлик учун жавобгарлик бор.

Telegram I Facebook I YouTube I Instagram

Ётоқхонадан жой ололмаган талабаларга ижара пули бўйича енгиллик

Ётоқхонадан жой ололмаган талабаларга ижара тўловининг бир қисмини қоплаб бериш учун ариза топшириш имконияти чеклангани ҳақида хабарлар тарқалмоқда.

Амалдаги тартибга кўра, ётоқхона билан қамраб олинмаган давлат олий таълим ташкилотлари талабаларига ижара асосида яшаётган хонадони учун тўловнинг бир қисми белгиланган тартибда қоплаб берилади.

Telegram I Facebook I YouTube I Instagram

9,1 млрд сўмлик газ «ҳавога учган»: Учкўприкда қоидабузарлик фош этилди

Фарғона вилояти Учкўприк туманида ўтказилган назорат тадбирида 9 миллиард 187 миллион сўмлик зарарга сабаб бўлган газдан ноқонуний фойдаланиш ҳолати аниқланди.

Ўтказилган текширув натижасида «R. P.» МЧЖга қарашли автомобилларга газ тўлдириш компрессор шохобчасида ҳисоблаш ускунаси табиий газ сарфини ҳисобламаётгани маълум бўлди. Ҳолат юзасидан тегишли тартибда чоралар кўрилмоқда.

Telegram I Facebook I YouTube I Instagram

Сергелида янги қурилаётган масжид гумбази ёнди

Бугун, 3 октябрь куни соат 11:36 да Тошкент шаҳри Янгихаёт тумани, Сергели-4 даҳасида янги қурилаётган масжид биносининг гумбаз қисмида ёнғин содир бўлди.

ФВБ маълумотига кўра, гумбаз қисмидаги пенополиуретан ёнган. Қутқарувчилар воқеа жойига етиб бориб, ёнғинни соат 12:04 да тўлиқ бартараф этган.

Ҳодиса оқибатида жабрланганлар йўқ.

Telegram I Facebook I YouTube I Instagram

Наманганда 51,5 млн сўмлик қалбаки пуллар аниқланди

Наманган шаҳрида ДХХ ва божхона органлари ҳамкорлигида ўтказилган тезкор тадбирда қалбаки 20, 50, 100 ва 200 минг сўмлик банкнотларни тайёрлаб, сотаётган икки нафар шахс ушланди.

Улар шартли харидорга жами 37,4 млн сўмлик қалбаки пулни 7,5 млн сўмга сотиш вақтида ашёвий далиллар билан қўлга олинган.

Шунингдек, улардан ва автомашина салонидан яна 6,4 млн сўм, гумонланувчилардан бирининг хонадонидан эса 7,7 млн сўмлик қалбаки пул, 145 дона турли купюралар, компьютер ва рангли принтер аниқланиб, расмийлаштириб олинган.

Ҳолат юзасидан жиноят иши қўзғатилиб, тергов давом этмоқда.

Telegram I Facebook I YouTube I Instagram

Бухоро тарихий қисмида гольфкарлар ҳаракати чекланишига изоҳ берилди

Бухоро шаҳар ҳокимлиги тарихий ҳудудда йўловчи ташишга мўлжалланмаган транспорт воситалари ҳаракатини тартибга солиш бўйича қарор юзасидан расмий муносабат билдирди.

Қайд этилишича, қарор тарихий обидаларни асраш, ҳаракат хавфсизлигини таъминлаш ва сайёҳлар учун қулай муҳит яратиш мақсадида қабул қилинган.

Қарордан норози бўлган 30 нафардан ортиқ фуқаро билан мулоқот ўтказилиб, уларнинг муаммолари ўрганилган. Учрашувда муқобил йўналишлар, махсус жойлар ташкил этиш ва қўшимча иш ўринлари таклиф қилиш бўйича чоралар белгиланган.

Telegram I Facebook I YouTube I Instagram

Қашқадарёда 3 ёшли қиз ўгай онаси томонидан уриб ўлдирилган

Қашқадарё вилояти Касби туманида 3 ёшли қиз ўгай онаси томонидан урилганидан сўнг вафот этган.

Маълум қилинишича, 26 сентябрь куни 1994 йилда туғилган аёл турмуш ўртоғи билан низолашиб, унинг 2022 йилда туғилган қизини урган. Оқибатда бола бош қисмидан оғир жароҳат олиб, шу куни вафот этган.

Ҳолат юзасидан жиноят иши қўзғатилиб, аёл гумонланувчи тариқасида ушланган. Дастлабки тергов ҳаракатлари давом этмоқда. Мазкур иш Болалар омбудсмани назоратига олинган.

Telegram I Facebook I YouTube I Instagram

82 ёшли аёлга 82,4 млн сўм жарима: Кадастр агентлиги изоҳ берди

Ижтимоий тармоқларда «82 ёшли онахонни 82 млн сўм жаримага тортган агентлик» мазмунидаги мурожаат тарқалди.

Кадастр агентлиги Тошкент шаҳар бошқармасига кўра, низоли ер майдони Юнусобод туманидаги ҳокимлик захирасида бўлиб, 2021 йилда 574 кв. метр ер ўзбошимчалик билан эгаллангани ва ноқонуний қурилиш қилингани аниқланган.

2026 йил 24 апрелдаги назорат тадбирида эса 1 574 кв. метр ер майдони ўзбошимчалик билан эгаллангани ва 574 кв. метр ҳудудда ноқонуний қурилиш мавжудлиги қайд этилган. Шу асосда 82,4 млн сўм жарима қўлланилган.

Берилган кўрсатма бажарилмагани учун ноқонуний қурилмани бузиш ва ерни бўшатиш бўйича судга даъво киритилган.

1993 йилдаги ер ажратиш ҳақидаги қарорда майдоннинг манзили ва чегаралари кўрсатилмаган, ер давлат рўйхатидан ҳам ўтказилмаган. Низоли ҳудуд шаҳар бош режасига кўра «қизил чизиқ»да жойлашган. Ерни ўзбошимчалик билан эгаллаш ва рухсатсиз қурилиш қилиш қонунга зид.

Telegram I Facebook I YouTube I Instagram

Маҳалла раиси аёлга жинсий яқинлик таклиф қилгани учун жазоланди

Самарқанд вилояти Қўшработ туманидаги Катта Оқмачит маҳалласи раиси низоли оилани яраштириш жараёнида аёлнинг телефон рақамини олиб, кейин унга Telegram орқали шаҳвоний мазмундаги хабар ва видеолар юборган ҳамда жинсий яқинлик таклиф қилган.

Судда раис айбига иқрор бўлмаган. Бироқ суд уни Маъмурий жавобгарлик тўғрисидаги кодекснинг шаҳвоний шилқимлик ва порнографик маҳсулот тарқатишга оид моддалари бўйича айбдор деб топиб, 5 суткага маъмурий қамоқ жазосини тайинлаган.

Telegram I Facebook I YouTube I Instagram

Педагоглар учун муҳим хабар: аттестация тўловига қўшимча вақт берилди

Кузги аттестацияда иштирок этиш учун тўлов қилиш муддати 5 октябрь соат 23:59 гача узайтирилди.

Навбатдан ташқари аттестацияга ариза берган айрим педагоглар тўловни амалга оширишга улгурмагани сабабли, Мактабгача ва мактаб таълими вазирлиги тўлов муддатини узайтиришга қарор қилди. Илгари белгиланган муддат — 1 октябрь эди.

Telegram I Facebook I YouTube I Instagram

Мактаб таълими вазирлигида муҳим лавозим тугатилди

Мактабгача ва мактаб таълими вазирлиги марказий аппарати тузилмасидаги вазирнинг педагогик таълимни ривожлантириш масалалари бўйича ўринбосари — Низомий номидаги Ўзбекистон миллий педагогика университети ректори лавозими тугатилди.

Telegram I Facebook I YouTube I Instagram

Россиядаги шубҳали инфекциядан сўнг Ўзбекистонда назорат кучайтирилди

Россиянинг Иркутск вилоятида аёл «ўта хавфли инфекция» гумони билан вафот этганидан сўнг Шелехов туман шифохонасининг айрим бўлимлари карантинга ёпилди.

Бемор билан алоқада бўлган 197 киши аниқланиб, уларнинг 189 нафари тиббий кузатувга олинган. Ҳозирча уларда касаллик белгилари аниқланмаган.

Ижтимоий тармоқларда инфекция ўпка ўлати экани ҳақида хабарлар тарқалган бўлса-да, бу маълумот Россия расмийлари томонидан ҳозирча тасдиқланмаган.

Ҳодиса ортидан Ўзбекистонда ҳам ўта хавфли юқумли касалликларнинг кириб келишининг олдини олиш бўйича эпидемиологик назорат ва тайёргарлик кучайтирилди.

Тегишли идоралар вазиятни Россиянинг ваколатли ташкилотлари ва ЖССТ маълумотлари асосида кузатиб бормоқда.

Telegram I Facebook I YouTube I Instagram

Ўзбекистонда таълим соҳасини бошқариш тизими ўзгарди

Президент фармони билан Мактабгача ва мактаб таълими вазирлиги ҳамда Олий таълим, фан ва инновациялар вазирлиги негизида Таълим ва илм-фан вазирлиги ташкил этилди.

Янги вазирлик таълим, тарбия ва илм-фанни ягона тизим асосида бошқариш, таълим сифатини ошириш ҳамда инсон капиталини ривожлантириш билан шуғулланади.

Шунингдек, мактабгача таълимдан олий таълимгача бўлган барча босқичлар ва илмий фаолият ўртасидаги узвийликни таъминлаш, ягона самарали бошқарув тизимини жорий этиш режалаштирилган.

Telegram I Facebook I YouTube I Instagram