Киберҳужумлар кескин кўпайди: Ўзбекистонда янги чоралар белгиланди

Ўзбекистонда киберхавфсизликка таҳдидлар сўнгги йилларда сезиларли даражада ошган. Расмий маълумотларга кўра, сўнгги беш йилда кибержиноятлар сони қарийб 11 баробар кўпайиб, 62 мингдан ошган.

2026–2030 йилларга мўлжалланган Киберхавфсизлик стратегияси доирасида бу таҳдидларга қарши қатор чоралар белгиланган.

Жумладан:

▪️ 2026 йил якунига қадар киберхавфсизлик талабларига бефарқ муносабатда бўлган мансабдор шахслар учун жавобгарлик белгилашни назарда тутувчи қонун лойиҳаси ишлаб чиқилади;

▪️ 2029 йил якунига қадар миллий SOC марказлари ишга туширилади;

▪️ мактабларда ўқувчилар учун кибергигиена дарсларини жорий этиш давом эттирилади.

Киберхавфсизлик маркази маълумотига кўра, фирибгарлик ҳолатларининг 82 фоизи ахборот технологияларидан фойдаланган ҳолда содир этилган.

Банк тизимидаги антифрод дастурлари эса 2026 йилнинг биринчи ярмида 462 млрд сўмлик ноқонуний ўтказмаларни реал вақт режимида тўхтатган.

Шунингдек, давлат органларининг веб-ресурсларига қилинган тармоқ ҳужумлари ўтган йилнинг мос даврига нисбатан 427 фоизга, .uz доменида аниқланган киберхавфсизлик ҳодисалари эса 570 фоизга ошган.

Кибертаҳдидлар кўпайиб бораётган шароитда янги стратегия хавфларни эрта аниқлаш, ҳимояни кучайтириш ва аҳолининг рақамли саводхонлигини оширишга қаратилган.

Telegram I Facebook I YouTube I Instagram

14 ёшга тўлмаганларга қарши жинсий жиноятлар учун жазо кучайтирилиши мумкин: 25 йил ёки умрбод қамоқ

Олий Мажлис Сенати томонидан муҳокама қилинаётган янги қонунга кўра, болаларга нисбатан оғир жиноятлар содир этган шахсларга нисбатан жазо муддати 25 йилгача ёки умрбод озодликдан маҳрум этиш этиб белгиланиши кутилмоқда.

Шунингдек, бундай жиноий қилмишларни содир этганларга нисбатан амнистия, шартли озод қилиш ёки жазони енгиллаштириш каби ҳеч қандай имтиёзлар қўлланилмайди.

Telegram I Facebook I YouTube I Instagram

Ўзбекистонда ҳаво кескин ўзгаради: совуқ ва ёмғирли кунлар кутилмоқда

3 октябрдан шимолий ҳудудларга, 4–5 октябрь кунлари эса республиканинг қолган қисмига совуқ ва нам ҳаво массалари кириб келади.

3–4 октябрда шимол ва чўл ҳудудларида, 4–5 октябрда бошқа жойларда ёмғир ёғади. Айрим ҳудудларда ёғингарчилик кучли бўлиши, баланд тоғларда эса қорга айланиши мумкин.

Telegram I Facebook I YouTube I Instagram

«40 миллион кредитим бор, студентман...» — веломопед ҳайдовчиси билан боғлиқ видео тарқалди

Ижтимоий тармоқларда ЙПХ ходими ва веломопед бошқарган фуқаро ўртасидаги мулоқот акс этган видео тарқалди. Кадрларда фуқаро ўзининг студент экани ва 40 миллион сўм кредит мажбурияти борлигини айтиб, ходимдан уни қўйиб юборишни сўраган.

Ҳолат жамоатчилик орасида турли муҳокамаларга сабаб бўлди. Айримлар веломопедларга нисбатан жарима қўллаш тартиби бўйича саволлар билдирмоқда.

Веломопедларга нисбатан ушбу талаблар қандай тартибда амал қилаётганига ойдинлик киритиш учун расмий изоҳ кутилмоқда.

Telegram I Facebook I YouTube I Instagram

Трамп билан учрашув: Мирзиёевнинг эзгу тилаклари етказилди

Саида Мирзиёева АҚШ Президенти Дональд Трамп билан учрашиб, Ўзбекистон Президенти Шавкат Мирзиёевнинг самимий ва эзгу тилакларини етказди.

Telegram I Facebook I YouTube I Instagram

Ишхонадаги «шилқимлик» энди жавобгарликка сабаб бўлади

Иш жойларида шаҳвоний шилқимликка йўл қўймасликни назарда тутувчи қонун Сенатда маъқулланди.

Ташқи қиёфани изоҳлаш, номақбул ишора, тегиниш ёки чақириш шахс учун номақбул бўлиб, унинг шаъни ва қадр-қимматини таҳқирласа, шаҳвоний шилқимлик сифатида баҳоланиши белгиланмоқда.

Маълумотларга кўра, 2024 йилда 2 106 нафар, 2025 йилда эса қарийб 23 фоиз кўп шахс шу каби ҳолатлар бўйича жавобгарликка тортилган.

Telegram I Facebook I YouTube I Instagram

Ишдан бўшатилган фуқароларга муддатидан олдин пенсия тайинланиши мумкин

Айрим ҳолатларда ишдан бўшатилган фуқароларга белгиланган пенсия ёшидан олдин пенсия тайинланиши мумкин.

Бунда 58–60 ёшдаги, камида 25 йил иш стажига эга эркаклар ҳамда 53–55 ёшдаги, камида 20 йил иш стажи бор аёллар меҳнат шартномаси қонунчиликда белгиланган айрим асосларга кўра бекор қилинган бўлса, ЯИДХП орқали ариза бериши мумкин.

➖ Ариза ва ишдан бўшатиш ҳақидаги буйруқ нусхаси тақдим этилади. Иш стажи тўлиқ рақамлаштирилмаган бўлса, меҳнат дафтарчаси нусхаси ҳам талаб қилинади.

➖ Тақдим этилган ҳужжатлар икки иш куни ичида текширилади. Шундан сўнг фуқарога уч ой давомида муносиб иш топишда кўмаклашилади.

➖ Агар уч ой ичида иш топилмаса, фуқаро ишсиз деб эътироф этилади ва муддатидан олдин пенсия тайинлаш учун зарур ҳужжатлар Пенсия жамғармасига юборилади.

Пенсия тайинланганидан кейин ишсизлик нафақасини тўлаш кейинги ойдан тўхтатилади.

Telegram I Facebook I YouTube I Instagram

Бугун Тошкентда дрон-шоу бўлиб ўтади

Бугун, 2 октябрь куни соат 20:00 да «Янги Ўзбекистон» боғида Ўзбекистон терма жамоасининг 46-Бутунжаҳон шахмат олимпиадасидаги тарихий ғалабаси муносабати билан махсус дрон-шоу ташкил этилади.

Шахматчиларимизнинг тарихий зафарини осмондаги ёрқин намойиш орқали нишонлаш режалаштирилган.

Telegram I Facebook I YouTube I Instagram

Қўшработдаги ер низоси ижобий ҳал этилди

Қўшработ туманида 1992 йилда фуқарога ажратилган ер майдони бўйича узоқ йиллардан бери ҳал бўлмаётган кадастр муаммоси ижобий якун топди.

ОАВда эълон қилинган суриштирувдан сўнг туман ҳокими масалани ўз назоратига олди. Ҳоким бошчилигида қурилиш бўйича ўринбосар, архитектура, кадастр ва адлия бўлими масъулларидан иборат ишчи гуруҳ тузилиб, ҳужжатлар атрофлича ўрганилди.

Оқибатда фуқаронинг қонуний ҳуқуқлари тўлиқ тикланиб, ер майдони давлат реестридан ўтказиб берилди. Масалага тезкор ва адолатли ёндашгани учун Қўшработ тумани ҳокимлигига миннатдорлик билдирамиз.

Журналистик суриштирув ва масъуллар аралашуви билан йиллар давомида ечимини кутган навбатдаги низо барҳам топди.

Effect.uz — сизга аслини кўрсатади!

Telegram I Facebook I YouTube I Instagram

Ўзбекистон миллий телерадиокомпанияси раисига ўринбосар тайинланди

Ўзбекистон Республикаси Президенти Администрацияси Раҳбарининг фармойиши билан Баҳодир Махсутович Юнусов Ўзбекистон миллий телерадиокомпанияси раисининг комплаенс ва коррупцияга қарши ички назорат бўйича ўринбосари лавозимига тайинланди.

Шу муносабат билан у Президент Администрацияси Коммуникациялар департаменти шўъба мудири лавозимидан озод этилди.

Telegram I Facebook I YouTube I Instagram

Тошкент давлат шарқшунослик университетига ректор тайинланди

Саодат Абдуллаевна Носирова Тошкент давлат шарқшунослик университети ректори этиб тайинланди.

У бунга қадар университет ҳузуридаги Конфуций номидаги Ўзбек-Хитой институти директори лавозимида фаолият юритган.

Telegram I Facebook I YouTube I Instagram

Янги Ўзбекистон боғида ўтказилган дрон шоудан эсда қоларли кадрлар

Telegram I Facebook I YouTube I Instagram

17 та олийгоҳнинг бўйсунуви ўзгарди

Президентнинг 2 октябрдаги қарори билан 17 та олий таълим муассасаси Олий таълим, фан ва инновациялар вазирлиги тизимига ўтказилди.

Шундан 14 таси — Мактабгача ва мактаб таълими вазирлиги тизимидаги педагогика олийгоҳлари, яна 3 таси эса Ихтисослаштирилган таълим муассасалари агентлиги тизимидаги олий таълим муассасаларидир.

Шунингдек, Ўзбекистон миллий педагогика университети Низомий Ганжавий номидаги Ўзбекистон миллий педагогика университети деб қайта номланди.

Telegram I Facebook I YouTube I Instagram

Талаба ўқиш пайтида маош олади: битиргач 2 йил ишлайди

2027/2028 ўқув йилидан олий таълимда корхона буюртмаси асосида дуал таълим тизими жорий этилади.

Янги тартибга кўра:
▪️ талаба ўқиш даврида корхонада амалиёт ўтайди ва ҳар ой камида меҳнатга ҳақ тўлашнинг энг кам миқдорида иш ҳақи олади;
▪️ ўқишни тамомлагандан сўнг камида 2 йил шу корхонада ишлайди;
▪️ қабул корхоналар буюртмаси асосида тўлов-контракт шаклида амалга оширилади.

Тизим «корхона – олийгоҳ – мақсадли кадр» тамойили асосида йўлга қўйилади.

Telegram I Facebook I YouTube I Instagram

Бухородаги баҳсли қурилишга Кадастр нуқта қўйди

Бухоро шаҳри, Пойи Калон кўчасидаги қурилиш ишлари юзасидан Кадастр агентлиги Бухоро вилояти бошқармаси томонидан ўрганиш ўтказилди.

Аниқланишича, Пойи Калон кўчаси, 12/1-уйдаги 235 кв. метр ер майдони 2019 йилда фуқаро М.Ш.га мерос қилиб қолдириладиган умрбод эгалик ҳуқуқи асосида берилган.
Мазкур кўчмас мулк 2024 йилда нотариал олди-сотди шартномаси асосида фуқаро С.М.га ўтган ва белгиланган тартибда давлат рўйхатидан ўтказилган.

Ўрганиш натижасига кўра, ҳозирда олиб борилаётган қайта қуриш ишлари мулк эгасига тегишли ер участкаси доирасида амалга оширилаётгани аниқланган.
Кадастр агентлиги мазкур ҳолатни ўз ваколати доирасида ўрганган.

Telegram I Facebook I YouTube I Instagram

Ўқитувчиларга берилган имтиёзлар ҳақида биласизми?

🔹Болаларга таълим-тарбия берадиган барча педагог ходимлар доимий равишда бепул тиббий кўрикдан ўтказилади.

🔹Педагоглар учун 56 кунлик йиллик ҳақ тўланадиган узайтирилган таътиллар берилади.

🔹Педагоглар ходимлар учун иш вақтининг давомийлиги ҳафтасига кўпи билан 36 соат қилиб белгиланади.

🔹Мактабда ўрнак кўрсатган педагог ходимлар рағбатлантирилади.

🔹“Хорижий тилларни ўқитиш бўйича энг яхши мактаб” танлови ғолиби бўлган мактабга ярим миллиард сўм берилади.

🔹Ўқитувчилар касал бўлиб қолганида моддий ёрдам берилади.

🔹Инклюзив синф ўқитувчиларига 40 фоизгача устама берилади.

🔹Олис ҳудудларда дарс бераётган ўқитувчиларга 50 фоизгача устама берилади.

🔹Республика фан олимпиадаси ғолибларини тайёрлаган ўқитувчилар малака тоифаси бир поғона оширилади.

🔹Тиббиёт соҳаси профессор-ўқитувчиларига даволаш-ташхис ишларини бажарганликлари учун қўшимча ҳақ тўланади.

🔹Педагогларнинг фарзандлари учун контракт тўловига 30 фоиз чегирма берилади.

🔹Педагогларга айрим давлат хизматларини кўрсатишда 50 фоиз чегирма берилади.

🔹Ўқитувчиларнинг фаолиятига аралашганлик учун жавобгарлик бор.

Telegram I Facebook I YouTube I Instagram

Ётоқхонадан жой ололмаган талабаларга ижара пули бўйича енгиллик

Ётоқхонадан жой ололмаган талабаларга ижара тўловининг бир қисмини қоплаб бериш учун ариза топшириш имконияти чеклангани ҳақида хабарлар тарқалмоқда.

Амалдаги тартибга кўра, ётоқхона билан қамраб олинмаган давлат олий таълим ташкилотлари талабаларига ижара асосида яшаётган хонадони учун тўловнинг бир қисми белгиланган тартибда қоплаб берилади.

Telegram I Facebook I YouTube I Instagram

9,1 млрд сўмлик газ «ҳавога учган»: Учкўприкда қоидабузарлик фош этилди

Фарғона вилояти Учкўприк туманида ўтказилган назорат тадбирида 9 миллиард 187 миллион сўмлик зарарга сабаб бўлган газдан ноқонуний фойдаланиш ҳолати аниқланди.

Ўтказилган текширув натижасида «R. P.» МЧЖга қарашли автомобилларга газ тўлдириш компрессор шохобчасида ҳисоблаш ускунаси табиий газ сарфини ҳисобламаётгани маълум бўлди. Ҳолат юзасидан тегишли тартибда чоралар кўрилмоқда.

Telegram I Facebook I YouTube I Instagram