Устозга эҳтиром — келажакка эҳтиром!

Республика тез тиббий ёрдам маркази Тошкент вилояти филиали жамоаси барча устоз ва мураббийларни 1 октябрь — Устоз ва мураббийлар куни муносабати билан самимий муборакбод этади!

Инсон ҳаётида устознинг ўрни беқиёс. Устоз — билим берувчи, йўл кўрсатувчи, тажрибаси ва ибрати билан келажак авлодни камолга етказувчи улуғ сиймодир. Айниқса, тиббиёт соҳасида ҳар бир малакали мутахассиснинг ортида ўз билим ва тажрибасини сидқидилдан улашган устозларнинг улкани меҳнати мужассам.

Азиз устоз ва мураббийлар! Сизларга мустаҳкам соғлиқ, оилавий фаровонлик, шарафли ва масъулиятли фаолиятингизда улкани муваффақиятлар тилаймиз. Шогирдларингизнинг ютуқлари, халқимизнинг ҳурмат ва эътирофи доимо Сизга ҳамроҳ бўлсин!

Байрамингиз муборак бўлсин, азиз устоз ва мураббийлар!"

дейилади хабарда.

Telegram I Facebook I YouTube I Instagram

Талаба ҳам ўқийди, ҳам ишлайди: кадр тайёрлашнинг янги тизими жорий этилади

Келгуси йилдан корхоналар ўз эҳтиёжига мос номзодни танлаб, уни олийгоҳга ўқишга буюртма қилади. Номзод тестсиз, суҳбат асосида қабул қилиниб, ўқиш билан бир вақтда корхонада ишлайди.

Янги тизимда:
🔹 талаба маошининг 50 фоизи давлат томонидан қопланади;

🔹 корхонадаги устозга олийгоҳ томонидан қўшимча ҳақ тўланади;

🔹 зарур ҳолларда талаба ижара харажатининг 100 фоизи компенсация қилинади;

🔹 ўқиш ва ишда юқори натижа кўрсатганлар 2-курсдан давлат гранти асосида таҳсил олади.
Президент таъкидлаганидек, олийгоҳни битирган ёш албатта ишли бўлиши керак.

Telegram I Facebook I YouTube I Instagram

Тиббиёт университетида 5 мингдан зиёд ёш талаба ҳаётида янги босқич бошланди

Тошкент давлат тиббиёт университетида «Талабаликка бағишлов — 2026» ва «1 октябрь — Устоз ва мураббийлар куни»га бағишланган тантанали тадбир бўлиб ўтди.

Унда 5 мингдан зиёд биринчи босқич талабаси талаба қасамёдини қабул қилди.

Шунингдек, 150 нафар фахрий профессор-ўқитувчи пул мукофоти билан тақдирланди. Университетнинг 17 нафар ходими «Олий таълим аълочиси» кўкрак нишонига сазовор бўлди.
Тантана концерт дастури билан давом этди.

Telegram I Facebook I YouTube I Instagram

Орол денгизининг Ўзбекистондаги қисми: энди 7 та ҳавза ташкил этилади

Ўзбекистон ҳудудида Орол денгизини аввалги ҳолатигача тўлиқ тиклаш имкони мавжуд эмас. Шу сабабли денгиз қолдиқларидан 7 та алоҳида ҳавза ташкил этиш стратегияси танланган.

Айтилишича, Оролнинг Ўзбекистон ҳудудидаги қисмини сақлаб қолишда ҳудуд рельефи ва мавжуд гидрологик шароитлар инобатга олинган.
Қозоғистон эса Шимолий Оролни сақлаб қолиш учун бошқача ёндашувни танлаган. Мамлакат Сирдарё оқимини ушлаб қолиш ва сув ресурсларини тўплаш орқали Шимолий Орол ҳавзасини сақлашни кўзламоқда. Қозоғистон ҳудудининг табиий рельефи бу усулни қўллаш имконини беради.

Бироқ Бурхонжоновга кўра, ушбу ёндашув Оролнинг Ўзбекистон ҳудудидаги қисми учун самарали эмас. Шу боис бу ерда денгиз қолдиқларини 7 та ҳавзага ажратишга асосланган стратегик ёндашув танланган.

Telegram I Facebook I YouTube I Instagram

Ҳурматли ва қадрли устозлар, муаллимлар!

Сизни 1 октябрь — Ўқитувчи ва мураббийлар куни муносабати билан EFFECT.UZ ижодий жамоаси номидан чин қалбимиздан муборакбод этамиз.

Ҳаёт йўлимизни ёритиб, билим ва маърифат зиёсини улашган машаққатли ҳамда шарафли меҳнатингиз чексиз ҳурмат ва эътирофга лойиқдир. Жамият тараққиёти, ёш авлоднинг комил инсон бўлиб вояга етишида қўшаётган ҳиссангиз беқиёс.

Сизга мустаҳкам соғлиқ, оилавий хотиржамлик, масъулиятли ва шарафли фаолиятингизда улкан зафарлар тилаймиз. Доимо шогирдларингизнинг ютуқларидан қувониб юриш насиб этсин.

Байрамингиз муборак бўлсин!
Сизга ҳурмат ва эҳтиром ила, EFFECT.UZ жамоаси

Telegram I Facebook I YouTube I Instagram

Мадамин Сафаров МТРК раиси ўринбосари лавозимидан кетди

Мадамин Сафаров Ўзбекистон Миллий телерадиокомпанияси раиси ўринбосари лавозимидан озод этилди.

У 2020 йилдан буён ушбу лавозимда ишлаб келаётган эди. Айрим манбаларда Сафаровнинг Администрация тизимига ўтиши мумкинлиги айтилмоқда.

Telegram I Facebook I YouTube I Instagram

Қашқадарёда тунги ёнғин: икки ошхонага зарар етди

Бугун, 1 октябрь куни соат 03:17 да Қашқадарё вилояти Яккабоғ тумани Амир Темур кўчасида жойлашган ёнма-ён қурилган икки умумий овқатланиш шохобчасида ёнғин содир бўлди.

Фавқулодда вазиятлар хизмати томонидан ёнғин соат 04:25 да тўлиқ бартараф этилган.

Ҳодиса оқибатида биринчи ошхонанинг 40 квадрат метр, иккинчисининг эса 38 квадрат метр майдони зарарланган.

Ёнғин сабаблари ва етказилган зарар миқдори аниқланмоқда.

Telegram I Facebook I YouTube I Instagram

Пенальтиларда омад Япония томонида: Ўзбекистон U-23 финалга чиқа олмади

Ўзбекистон U-23 терма жамоаси Осиё ўйинлари ярим финалида Японияга пенальтилар сериясида мағлуб бўлди.

Асосий вақт 1:1 ҳисобида якунланди. Сардорбек Баҳромов 8-дақиқада Ўзбекистонни олдинга олиб чиққан бўлса, японлар 88-дақиқада ҳисобни тенглаштирди.

Пенальтилар сериясида эса Япония 9:8 ҳисобида ғалаба қозонди.

Энди Ўзбекистон U-23 терма жамоаси 3 октябрь куни Хитойга қарши бронза медали учун майдонга тушади.

Telegram I Facebook I YouTube I Instagram

Ўзбекистоннинг ташқи қарзи 84 миллиард доллардан ошди

2026 йилнинг биринчи ярми якунларига кўра, Ўзбекистоннинг умумий ташқи қарзи 84,1 миллиард долларга етди. Йил бошидан буён кўрсаткич 1,9 миллиард долларга ошган.

Шундан:
— 🏛️ 41,7 млрд доллар — давлат ташқи қарзи;
— 🏢 42,4 млрд доллар — давлат кафолатисиз корпоратив қарзлар.

Марказий банк маълумотида қайд этилишича, Халқаро валюта жамғармаси Ўзбекистоннинг қарз юкини паст даражада баҳолайди. Ташқи қарзнинг салмоқли қисми имтиёзли шартларда жалб қилинган.

Telegram I Facebook I YouTube I Instagram

Президент: Устозни эъзозлаш — миллат келажагини эъзозлашдир

«Ўқитувчининг қадри улуғланган юртда илмга интилиш, қонунга ҳурмат, меҳнатга муносабат ва Ватанга садоқат ҳамиша юксак бўлади. Чунки устозни эъзозлаш — бутун бир миллат келажагини эъзозлаш демакдир», — деди Президент Шавкат Мирзиёев.

Президент таъкидлаганидек, устозга бўлган ҳурмат жамиятнинг илм-фан, меҳнат ва маънавий қадриятларга муносабатида муҳим ўрин тутади.

Telegram I Facebook I YouTube I Instagram

Қамчиқда туман ва ёмғир: ҳайдовчиларга огоҳлантириш

«Қамчиқ» довонида майда ёмғир ёғиши давом этмоқда. Айрим ҳудудларда туман тушгани сабабли йўлнинг кўриниш масофаси қисқарган.

Ҳаракат хавфсизлиги ЙПХ ходимлари томонидан назоратга олинган.

Ҳайдовчилардан тезликни меъёрдан оширмаслик, оралиқ масофани сақлаш ҳамда об-ҳаво ва йўл шароитини инобатга олган ҳолда ҳаракатланиш сўралмоқда.

Telegram I Facebook I YouTube I Instagram

Сирдарёда 3 та автомобиль тўқнашиб, йўлда тирбандлик юзага келди

Бугун, 1 октябрь куни соат 07:45 атрофида Сирдарё вилояти Оқолтин тумани ҳудудидан ўтувчи М-39 автомобиль йўлининг 924–925-километрларида таъмирланаётган йўл қисмида учта автомобиль иштирокида ЙТҲ содир бўлди.

Ҳодиса сабаб қисқа муддатли тирбандлик юзага келган. Дастлабки маълумотларга кўра, тан жароҳати олганлар йўқ.

Telegram I Facebook I YouTube I Instagram

Кўмир қачон сотувга чиқади? Расмий жавоб берилди

Кўмир омборларга етказиб берилгач, аҳоли учун сотув mycoal.uz электрон платформаси орқали йўлга қўйилади.

Сотув бошланадиган сана, омбор манзили ҳамда мавжуд кўмир миқдори ҳудудлар кесимида платформада очиқ эълон қилиб борилади.

Яъни аҳоли кўмирни қаердан ва қачон харид қилиш мумкинлигини mycoal.uz орқали олдиндан билиб олади.

Telegram I Facebook I YouTube I Instagram

Ўзбекистондан жанубий осиёга янги темирйўл йўли очилади

Ўзбекистон, Қозоғистон ва Бирлашган Араб Амирликлари Қозоғистон–Ўзбекистон–Афғонистон–Покистон йўналиши бўйлаб янги темирйўл лойиҳасини ишлаб чиқади.

Бу борада томонлар CASA (Марказий Осиё – Жанубий Осиё) лойиҳаси доирасида ҳамкорлик қилиш тўғрисида меморандум имзолади.

Лойиҳа Марказий ва Жанубий Осиёни темирйўл орқали боғлаш, шунингдек, Покистоннинг денгиз портларига чиқиш имкониятини яратишни назарда тутади.

Лойиҳа доирасида техник ва иқтисодий тадқиқотлар ўтказилади.

Telegram I Facebook I YouTube I Instagram

Тошкентда бугун тунда кучли ёмғир ёғиши мумкин

Халқаро об-ҳаво прогноз моделларига кўра, бугун тунда Тошкент шаҳрида қисқа вақт ичида кучли ёмғир ёғиши эҳтимоли бор.

Прогноз харитасида ёғингарчилик эҳтимоли юқори бўлган ҳудудлар яшил ва сариқ рангларда акс эттирилган.

Telegram I Facebook I YouTube I Instagram

Магистратурадаги талаба қизлар учун муҳим хабар: ариза топшириш муддати узайтирилди

Магистратурада таҳсил олаётган хотин-қизларнинг контракт тўловини давлат бюджети ҳисобидан қоплаб бериш учун ариза топшириш муддати 10 октябрга қадар узайтирилди.

Вазирлар Маҳкамасининг 2022 йил 15 августдаги 447-сон қарорига мувофиқ, магистратурага базавий тўлов-контракт асосида тавсия этилган ва таҳсил олаётган хотин-қизларнинг контракт тўловлари Давлат бюджети маблағлари ҳисобидан қоплаб берилади.

2026/2027 ўқув йили учун аризалар 10 октябрга қадар қабул қилинади.

Аризани kontrakt.edu.uz платформаси орқали онлайн юбориш мумкин.

Telegram I Facebook I YouTube I Instagram

Тошкентда машина устига дарахт қулаб тушди

Тошкент шаҳрининг Чилонзор туманида ҳаракатланаётган автомобиль устига дарахт қулаб тушди.

Ҳодиса 1 октябрь куни соат 23:59 да Кичик ҳалқа кўчасида содир бўлган. Қулаган дарахт автомобиль ҳаракатида бўлган пайтда уни босиб қолган.

Ҳодиса оқибатида жабрланганлар қайд этилмаган.

Telegram I Facebook I YouTube I Instagram

Киберҳужумлар кескин кўпайди: Ўзбекистонда янги чоралар белгиланди

Ўзбекистонда киберхавфсизликка таҳдидлар сўнгги йилларда сезиларли даражада ошган. Расмий маълумотларга кўра, сўнгги беш йилда кибержиноятлар сони қарийб 11 баробар кўпайиб, 62 мингдан ошган.

2026–2030 йилларга мўлжалланган Киберхавфсизлик стратегияси доирасида бу таҳдидларга қарши қатор чоралар белгиланган.

Жумладан:

▪️ 2026 йил якунига қадар киберхавфсизлик талабларига бефарқ муносабатда бўлган мансабдор шахслар учун жавобгарлик белгилашни назарда тутувчи қонун лойиҳаси ишлаб чиқилади;

▪️ 2029 йил якунига қадар миллий SOC марказлари ишга туширилади;

▪️ мактабларда ўқувчилар учун кибергигиена дарсларини жорий этиш давом эттирилади.

Киберхавфсизлик маркази маълумотига кўра, фирибгарлик ҳолатларининг 82 фоизи ахборот технологияларидан фойдаланган ҳолда содир этилган.

Банк тизимидаги антифрод дастурлари эса 2026 йилнинг биринчи ярмида 462 млрд сўмлик ноқонуний ўтказмаларни реал вақт режимида тўхтатган.

Шунингдек, давлат органларининг веб-ресурсларига қилинган тармоқ ҳужумлари ўтган йилнинг мос даврига нисбатан 427 фоизга, .uz доменида аниқланган киберхавфсизлик ҳодисалари эса 570 фоизга ошган.

Кибертаҳдидлар кўпайиб бораётган шароитда янги стратегия хавфларни эрта аниқлаш, ҳимояни кучайтириш ва аҳолининг рақамли саводхонлигини оширишга қаратилган.

Telegram I Facebook I YouTube I Instagram

14 ёшга тўлмаганларга қарши жинсий жиноятлар учун жазо кучайтирилиши мумкин: 25 йил ёки умрбод қамоқ

Олий Мажлис Сенати томонидан муҳокама қилинаётган янги қонунга кўра, болаларга нисбатан оғир жиноятлар содир этган шахсларга нисбатан жазо муддати 25 йилгача ёки умрбод озодликдан маҳрум этиш этиб белгиланиши кутилмоқда.

Шунингдек, бундай жиноий қилмишларни содир этганларга нисбатан амнистия, шартли озод қилиш ёки жазони енгиллаштириш каби ҳеч қандай имтиёзлар қўлланилмайди.

Telegram I Facebook I YouTube I Instagram