Икки давлат банкида раҳбар ўринбосарлари лавозимидан озод этилди

“Туронбанк” АТБ Бошқаруви раиси ўринбосари Обидов Зоҳиджон Сидиқовичнинг ваколатлари 29 сентябрдан муддатидан олдин тугатилди.

Шунингдек, “Микрокредитбанк” АТБ Бошқаруви раиси ўринбосари Мелибаев Содир Адилович ҳам лавозимидан озод этилган.

“Туронбанк”даги қарорга кўра, ушбу масала Бош вазир ўринбосарининг 16 сентябрдаги топшириғи ҳамда Марказий банкнинг 4 сентябрдаги танқидий хатида белгиланган вазифалар билан боғлиқ.

Telegram I Facebook I YouTube I Instagram

Президент устоз ва мураббийларни касб байрами билан табриклади

Президент Шавкат Мирзиёев «Янги Ўзбекистон» университетида устоз ва мураббийлар билан учрашиб, уларни касб байрами билан табриклади.

Давлат раҳбари ўқитувчини «меҳр дарёси, эзгулик булоғи, маърифат қуёши» дея таърифлаб, ёшлар қалбига сингдирилаётган билим ва эзгулик эртага бутун жамият самарасига айланишини таъкидлади.

Президент буюк аждодларимиз — Имом Бухорий, Беруний, Амир Темур ва Алишер Навоий камолоти ортида ҳам устозлар меҳнати турганини қайд этиб, барча педагогларга юксак ҳурмат ва миннатдорлик билдирди.

Telegram I Facebook I YouTube I Instagram

Янги давлат мукофоти таъсис этилади

Президент Шавкат Мирзиёев таълим тизимининг барча бўғинларида фаолият юритаётган илғор педагогларни рағбатлантириш мақсадида алоҳида давлат мукофоти таъсис этишни таклиф қилди.

Давлат раҳбари ушбу мукофотга ўзбек миллий педагогикаси асосчиларидан бири, жадид бобомиз Абдулла Авлоний номини беришни таклиф қилди.

Telegram I Facebook I YouTube I Instagram

Ўқитувчилар учун янги рағбатлар эълон қилинди

Президент Шавкат Мирзиёев таълим сифатини ошириш ва илғор педагогларни қўллаб-қувватлаш бўйича янги ташаббусларни маълум қилди.

🔹 Синфда 25 нафардан ортиқ ўқувчи бўлса, математика, физика, кимё ва биология икки гуруҳга бўлиб ўқитилади.

🔹 Миллий сертификатга эга педагогларга 50 фоиз устама, ҳар йили 208 та туман ва шаҳарнинг лидер ўқитувчиларига 30 миллион сўмдан мукофот берилади.

🔹 1 минг нафар ўқитувчи хорижда стажировка ўтайди. 15 йилдан ортиқ иш стажига эга педагоглар фарзандларига олий таълим контракти учун фоизсиз кредит ажратилади.

🔹 Халқаро ва миллий сертификат имтиҳонлари харажатлари қопланади. Халқаро олимпиада ғолибларини тайёрлаган устозларга тўғридан-тўғри олий тоифа берилади.

🔹 4-синф ўқувчилари учун фан олимпиадалари йўлга қўйилади. Ғолибларга компьютер, уларнинг устозларига эса босқичига қараб 10, 50 ва 100 миллион сўм мукофот берилади.

🔹 Янги ўқув йилидан 100 та мактабда математика, информатика ва табиий фанлар айрим синфларда тўлиқ инглиз тилида ўқитилади. Лойиҳа ўқитувчиларига 100 фоиз устама берилади.

Шунингдек, мактаблар учун «сифат индекси» жорий этилади. Илғор мактаб ўз тажрибасини бошқаларга ўргатиб, уларни юқори тоифага олиб чиқса, унинг педагогик жамоасига 30 фоиз устама тўланади.

Президент бу ташаббуслар қарийб 100 минг нафар ўқитувчини муносиб рағбатлантиришини таъкидлади.

Telegram I Facebook I YouTube I Instagram

Хусусий мактабда ўқиётган фарзанд учун солиқ имтиёзи кенгайтирилади

Фарзанди хусусий мактабда таълим олаётган ота-оналар учун солиқ солинмайдиган даромад чегараси 3 миллион сўмдан 6 миллион сўмга оширилади. Бу оилаларга йилига 6–7 миллион сўмгача тежаш имконини беради.

Шунингдек, хусусий мактабларни кўпайтириш учун:

🔹 мактаб очишга 7 йилга 10 фоизли имтиёзли кредит;
🔹 қурилиш ва жиҳозлаш харажатларининг 15 фоизигача, 1,5 млрд сўмгача субсидия;
🔹 бўш давлат биноларини хусусий мактабларга 10 йилга бепул ижарага бериш;
🔹 халқаро аккредитация харажатларининг 50 фоизини қоплаш чоралари жорий этилади.

Мактаб учун биносини ижарага берганларга ҳам ер ва мол-мулк солиғи бўйича имтиёзлар берилади.

Тўловларни солиқ идоралари ҳар ой автоматик қайтарадиган тизим яратилади.

Telegram I Facebook I YouTube I Instagram

"Мактаб даврида ҳар йили 4 ярим ой пахтада бўлганман. Болаларимизни пахта даласидан мактаб партасига қайтардик" — Президент

Президент Шавкат Мирзиёев устоз ва мураббийлар билан учрашувда ўз мактаб йилларини эслади.

Давлат раҳбари ўша даврда ўқувчилар ҳар йили ойлаб пахта теримига жалб қилинганини таъкидлади.
«Болаларимизни пахта даласидан мактаб партасига, ўқитувчиларни таълим жараёнига қайтардик», — деди Президент.

Шунингдек, бугун ёшларнинг ўқиши, изланиши, камол топиши ва катта орзулар билан яшаши учун зарур шароитлар яратилганини қайд этди.

Telegram I Facebook I YouTube I Instagram

Математика ва табиий фанлар инглиз тилида ўқитилади

Янги ўқув йилидан бошлаб 100 та мактабнинг биттадан синфида математика, информатика ва табиий фанлар инглиз тилида ўқитилади.

Лойиҳага жалб қилинган ўқитувчилар ҳамда мактабга тайёрлов гуруҳи педагогларига 100 фоизлик устама берилади.

Ташаббус ўқувчиларнинг чет тилларини ўрганиши ва замонавий билимларни эгаллашига кенгроқ имконият яратиши кўзда тутилмоқда.

Telegram I Facebook I YouTube I Instagram

Мактабларда янги сифат мезони жорий этилади: илғор жамоаларга 30 фоиз устама

Мактаблар педагогик жамоа салоҳияти ва эришилган натижаларига қараб тоифаларга ажратилади.

Илғор мактаблар ўз тажрибасини бошқа таълим муассасаларига жорий этиб, уларнинг ҳам юқори тоифага ўтишига ёрдам берса, бутун педагогик жамоага 30 фоиз устама тўланади.

Президент Шавкат Мирзиёев мактабларда меҳнатга ҳақ тўлаш тизимида ҳам таълим сифати кўрсаткичлари инобатга олинишини таъкидлади.

Telegram I Facebook I YouTube I Instagram

Ўқитувчилар учун бир ойлик мажбурий курслар бекор қилинади

Энди педагоглар малака ошириш учун пойтахт ёки вилоят марказига бориб, бир ойлик мажбурий курсда ўқимайди.

Янги тартибга кўра, тоифа синови натижасига қараб, ўқитувчиларга 18 соатдан 72 соатгача мустақил касбий ривожланиш учун ваучер берилади. Харажатлар давлат томонидан қопланади.

Президент Шавкат Мирзиёев бу ўзгаришлар ўқитувчилар учун манфаатли бўлишини таъкидлади.

Telegram I Facebook I YouTube I Instagram

Ўқитувчиларга тўланган мукофот пулидан нега солиқ ушланди?

1 октябрь — Ўқитувчи ва мураббийлар куни муносабати билан берилган мукофот пулларидан даромад солиғи ушлангани ижтимоий тармоқларда муҳокамаларга сабаб бўлди.

Мактабгача ва мактаб таълими вазирлигига кўра, Директор жамғармаси ҳисобидан тўланадиган, меҳнатга ҳақ тўлашнинг энг кам миқдорининг 75 фоизигача бўлган мукофот рағбатлантириш тўлови ҳисобланади.

Шу боис ушбу маблағ ходимнинг жами даромади таркибига киритилиб, ундан даромад солиғи ундирилади.

Telegram I Facebook I YouTube I Instagram

Ишли оналарга боғча пули қопланади, тарбиячилар 3 йил ўқийди

Келгуси йил 1 январдан 2–3 ёшли фарзандини оилавий боғчага берган ишли оналарнинг бадал пули бюджет ҳисобидан қоплаб берилади.

Шунингдек, келгуси ўқув йилидан боғча тарбиячиларининг педагогика олийгоҳларида ўқиш муддати 4 йилдан 3 йилга қисқартирилади.

Боғчада камида 5 йил ишлаган тарбиячи ёрдамчилари ҳам ушбу имкониятдан фойдаланиши мумкин.

Telegram I Facebook I YouTube I Instagram

Болалар ҳимояси бўйича қонун лойиҳаси қабул қилинди

Олий Мажлис Қонунчилик палатасида болаларни зўравонликнинг барча шаклларидан ҳимоя қилишга қаратилган қонун лойиҳаси иккинчи ўқишда қабул қилинди.

Лойиҳа билан 5 та кодекс ва 7 та қонунга ўзгартириш ва қўшимчалар киритилади.
Ҳужжат болаларнинг ҳуқуқ ва манфаатларини кафолатлаш, зўравонликдан ҳимоя қилиш ҳамда масъул ташкилотлар жавобгарлигини кучайтиришга қаратилган.

Telegram I Facebook I YouTube I Instagram

Ўқитувчи ва мураббийларга юксак эҳтиром

Президент Шавкат Мирзиёев ўқитувчи ва мураббийлар билан анъанавий учрашув ўтказиб, таълим соҳаси фидойиларига давлат мукофотларини топширди.

Учрашувда устозларнинг жамият ва ёш авлод тарбиясидаги муҳим ўрни алоҳида таъкидланди.

Telegram I Facebook I YouTube I Instagram

Устозга эҳтиром — келажакка эҳтиром!

Республика тез тиббий ёрдам маркази Тошкент вилояти филиали жамоаси барча устоз ва мураббийларни 1 октябрь — Устоз ва мураббийлар куни муносабати билан самимий муборакбод этади!

Инсон ҳаётида устознинг ўрни беқиёс. Устоз — билим берувчи, йўл кўрсатувчи, тажрибаси ва ибрати билан келажак авлодни камолга етказувчи улуғ сиймодир. Айниқса, тиббиёт соҳасида ҳар бир малакали мутахассиснинг ортида ўз билим ва тажрибасини сидқидилдан улашган устозларнинг улкани меҳнати мужассам.

Азиз устоз ва мураббийлар! Сизларга мустаҳкам соғлиқ, оилавий фаровонлик, шарафли ва масъулиятли фаолиятингизда улкани муваффақиятлар тилаймиз. Шогирдларингизнинг ютуқлари, халқимизнинг ҳурмат ва эътирофи доимо Сизга ҳамроҳ бўлсин!

Байрамингиз муборак бўлсин, азиз устоз ва мураббийлар!"

дейилади хабарда.

Telegram I Facebook I YouTube I Instagram

Талаба ҳам ўқийди, ҳам ишлайди: кадр тайёрлашнинг янги тизими жорий этилади

Келгуси йилдан корхоналар ўз эҳтиёжига мос номзодни танлаб, уни олийгоҳга ўқишга буюртма қилади. Номзод тестсиз, суҳбат асосида қабул қилиниб, ўқиш билан бир вақтда корхонада ишлайди.

Янги тизимда:
🔹 талаба маошининг 50 фоизи давлат томонидан қопланади;

🔹 корхонадаги устозга олийгоҳ томонидан қўшимча ҳақ тўланади;

🔹 зарур ҳолларда талаба ижара харажатининг 100 фоизи компенсация қилинади;

🔹 ўқиш ва ишда юқори натижа кўрсатганлар 2-курсдан давлат гранти асосида таҳсил олади.
Президент таъкидлаганидек, олийгоҳни битирган ёш албатта ишли бўлиши керак.

Telegram I Facebook I YouTube I Instagram

Тиббиёт университетида 5 мингдан зиёд ёш талаба ҳаётида янги босқич бошланди

Тошкент давлат тиббиёт университетида «Талабаликка бағишлов — 2026» ва «1 октябрь — Устоз ва мураббийлар куни»га бағишланган тантанали тадбир бўлиб ўтди.

Унда 5 мингдан зиёд биринчи босқич талабаси талаба қасамёдини қабул қилди.

Шунингдек, 150 нафар фахрий профессор-ўқитувчи пул мукофоти билан тақдирланди. Университетнинг 17 нафар ходими «Олий таълим аълочиси» кўкрак нишонига сазовор бўлди.
Тантана концерт дастури билан давом этди.

Telegram I Facebook I YouTube I Instagram

Орол денгизининг Ўзбекистондаги қисми: энди 7 та ҳавза ташкил этилади

Ўзбекистон ҳудудида Орол денгизини аввалги ҳолатигача тўлиқ тиклаш имкони мавжуд эмас. Шу сабабли денгиз қолдиқларидан 7 та алоҳида ҳавза ташкил этиш стратегияси танланган.

Айтилишича, Оролнинг Ўзбекистон ҳудудидаги қисмини сақлаб қолишда ҳудуд рельефи ва мавжуд гидрологик шароитлар инобатга олинган.
Қозоғистон эса Шимолий Оролни сақлаб қолиш учун бошқача ёндашувни танлаган. Мамлакат Сирдарё оқимини ушлаб қолиш ва сув ресурсларини тўплаш орқали Шимолий Орол ҳавзасини сақлашни кўзламоқда. Қозоғистон ҳудудининг табиий рельефи бу усулни қўллаш имконини беради.

Бироқ Бурхонжоновга кўра, ушбу ёндашув Оролнинг Ўзбекистон ҳудудидаги қисми учун самарали эмас. Шу боис бу ерда денгиз қолдиқларини 7 та ҳавзага ажратишга асосланган стратегик ёндашув танланган.

Telegram I Facebook I YouTube I Instagram