Minglab ish o‘rni yaratgan korxonalar qo‘llab-quvvatlanadi

Ko‘p ish o‘rni yaratayotgan sanoat korxonalarini rag‘batlantirish bo‘yicha yangi choralar belgilanadi.

Kamida 1 ming nafar ishchisi bo‘lgan korxonalarda xodimlarni o‘qitish, malakasini oshirish hamda ularni ish joyiga olib kelish va olib ketish uchun transport xarajatlarining 50 foizi kompensatsiya qilinadi.

Bunday korxonalarda kamida 5 yil ishlagan xodimlarning farzandlari kontrakt to‘lovi ham qoplab beriladi.

Ishchilar soni 1 ming nafarga yaqinlashayotgan korxonalar uchun ham alohida grantlar ajratiladi. Bu yo‘nalishda Andijon uchun 20 million dollar mablag‘ yo‘naltiriladi.

Mutasaddilarga bir oy davomida ko‘p ish o‘rni yaratadigan korxonalarni qo‘llab-quvvatlash bo‘yicha qaror loyihasini ishlab chiqish topshirildi.

Telegram I Facebook I YouTube I Instagram

Andijon muhandislik kadrlari markaziga aylanadi

Andijonni Farg‘ona vodiysining muhandislik kadrlari markaziga aylantirish bo‘yicha yangi vazifalar belgilandi.

Bugun viloyatdagi 12 ta oliygohda 95 ming talaba, 59 ta texnikumda esa 60 ming yosh tahsil olmoqda. Endi bu katta salohiyatni ishlab chiqarish bilan yanada yaqin bog‘lash ko‘zda tutilgan.

Oliygoh va texnikumlarning amaliy kafedralari 46 ta sanoat zonasi va 56 ta yirik korxona hududiga ko‘chiriladi. Yil yakunigacha dual ta’lim ulushi kamida 80 foizga yetkaziladi.

Qariyb 7,5 milliard dollarlik yangi loyihalar energetika, gidrotexnika, elektronika, mashinasozlik, IT va logistika yo‘nalishlarida muhandislarga talabni oshiradi.

Shu sababli Andijon texnika instituti transformatsiya qilinadi. Xorijiy menejer va professor-o‘qituvchilar jalb etilib, ta’lim dasturlari yangilanadi. Institutda alohida dizaynerlik fakulteti ham ochilib, sanoat korxonalariga biriktiriladi.

Buning uchun 25 milliard so‘m ajratiladi.

Telegram I Facebook I YouTube I Instagram

Andijonda gidroenergetika yangi bosqichga chiqadi

Andijonda sanoat rivoji bilan ortib borayotgan energiya talabini qoplash uchun gidroenergetika salohiyatidan keng foydalanish bo‘yicha vazifalar belgilandi.

Viloyatning gidroenergetika salohiyati 200 megavatt bo‘lib, bu yiliga 500 million kilovatt-soat elektr energiyasi ishlab chiqarish imkonini beradi.

Ayni paytda umumiy quvvati 44 megavatt bo‘lgan kichik va mikro GESlar qurish istagida 400 nafar talabgor bor. GES turbinalarini ishlab chiqarish ham Andijonning o‘zida yo‘lga qo‘yilgan.

Ikki yillik dastur asosida mikro GESlarni tayyor holda qurib, tadbirkorlarga lizing asosida berish va qulay moliyaviy mexanizmlarni joriy etish topshirildi.

Shuningdek, betonlashtirilishi rejalashtirilgan 81 kilometr kanallarda GESlar kaskadini barpo etish ko‘zda tutilmoqda.

Telegram I Facebook I YouTube I Instagram

Kredit olishda garov talabi yumshaydi

Davlat banklarini mijozlar biznesini o‘stirishga xizmat qiladigan tizimga o‘tkazish bo‘yicha yangi vazifalar belgilandi.
Yil boshidan garov yoki kafil topa olmagani sababli 35 ming kishiga kredit berilmagan. Endilikda banklar faqat an’anaviy garov va standart shartlar bilan cheklanib qolmaydi.

Kreditlashda real pul oqimi, buyurtma va shartnomalar, debitorlik qarzi, tovar aylanmasi hamda biznes zanjiri asosida yangi moliyaviy mahsulotlar joriy etiladi.

Kichik tadbirkorning yirik korxona yoki buyurtmachi bilan tuzgan uzoq muddatli shartnomasi kredit garovi sifatida qabul qilinadi.

500 million so‘mgacha bo‘lgan loyihalar uchun biznes-reja talab etilmaydi. Kredit garovga emas, tadbirkorning pul oqimiga qarab ajratiladi. Eksportbop mahsulot uchun xomashyo xarid qilish kreditlarida esa sug‘urta polisining o‘zi garov sifatida yetarli bo‘ladi.

To‘qqizta davlat bankiga bir oy ichida biznesni rivojlantirishga yordam beradigan 20 ta yangi bank mahsulotini joriy etish vazifasi topshirildi.

Telegram I Facebook I YouTube I Instagram

«Bu islohotlarimizga berilgan xalqning bahosi emasmi?»

Prezident Shavkat Mirziyoyev Andijondagi muloqot chog‘ida kecha suhbatlashgan ayol haqida gapirdi.

Rossiyada bir necha yil ishlagan, ikki nafar farzandini yolg‘iz tarbiyalayotgan ayol davlat rahbariga hozirgi daromadi avvalgidan ancha yuqori ekanini aytgan.

Prezidentni yana bir jihat quvontirgan — ayolning farzandlaridan biri bu yil Andijon davlat tibbiyot institutiga o‘qishga kirgan.

Shavkat Mirziyoyev ayoldan besh yil avval farzandining oliy ta’limga kirishiga ishongan-ishonmaganini so‘ragan. Zalda esa: «Hech qachon bunday bo‘lmagan», degan javob yangragan.

«Bu islohotlarimizga berilgan xalqning bahosi emasmi?» — dedi Prezident.

Telegram I Facebook I YouTube I Instagram

Prezident maktab taʼlimida oʻquvchilarni hayotga tayyorlash masalasiga eʼtibor qaratdi

“11 yil oʻqitib, bolani keng okeanga qoʻyib yuboryapmiz. Qani masʼuliyat?” — Prezident

Telegram I Facebook I YouTube I Instagram

Soliqchilar endi biznes muammosini ham hal qiladi

Soliq idoralariga tadbirkorlar faoliyatini kengaytirish va mavjud ish o‘rinlarini saqlab qolishga ko‘maklashish vazifasi yuklatildi.

Viloyatda ayrim korxonalarning aylanmasi va ish o‘rinlari qisqargani, ayrim biznes subyektlari esa faoliyatini tugatgani qayd etildi. Endilikda mahallaga biriktirilgan soliq xodimlari bunday holatlarning sabablarini o‘rganib, tadbirkorga yechim topishda yordam beradi.

Daromadi yoki ish o‘rni kamaygan korxonaga mahalla soliqchisi borib, muammoni o‘rganadi. U hokim yordamchisi va mahalla bankiri bilan birgalikda soliq to‘lovini kechiktirish, kredit muddatini uzaytirish, aylanma mablag‘, bozor yoki eksport masalalarida ko‘maklashish bo‘yicha tuman shtabiga taklif kiritadi.

Bunda har bir biznesning daromadga chiqish muddati va o‘ziga xos xususiyatlari hisobga olinadi.

Shuningdek, yoshlar bandligi mahalla soliqchilari faoliyatini baholash va mehnatiga haq to‘lashning asosiy samaradorlik mezonlaridan biri etib belgilanadi.

Telegram I Facebook I YouTube I Instagram

«Notinch dunyoda tinch mamlakat bor, bu— O‘zbekiston»

Prezident Shavkat Mirziyoyev Andijonga tashrifi davomida kecha suhbatlashgan oqsoqollardan birining so‘zlarini esladi.

Oqsoqol: «Notinch dunyoda tinch mamlakat bor, bu – O‘zbekiston», degan.
Davlat rahbari bu so‘zlardan mamnun bo‘lganini ta’kidladi.

«Siyosatdan yiroq odam, lekin yuragidagi bor gapni gapirdi. Men juda xursand bo‘ldim», — dedi Shavkat Mirziyoyev.

Telegram I Facebook I YouTube I Instagram

Ayrim korxonalarda ishchilar farzandining kontrakti qoplab beriladi

Kamida 1 ming nafar ishchisi bo‘lgan korxonalarda kamida 5 yil ishlagan xodimlarning farzandlari uchun kontrakt to‘lovi qoplab beriladi. Bu haqda Prezident Shavkat Mirziyoyev ma’lum qildi.
Shuningdek, bunday korxonalarda xodimlarni o‘qitish, malakasini oshirish hamda ularni ish joyiga olib kelish va olib ketish uchun transport xarajatlarining 50 foizi kompensatsiya qilinadi.

Ish o‘rinlari soni ming nafarga yaqinlashayotgan korxonalar uchun ham alohida grantlar ajratiladi.

Telegram I Facebook I YouTube I Instagram

Tanlagan yoʻlimiz aniq — ochiqlik – Saida Mirziyoyeva BMT Bosh Assambleyasi minbaridan Oʻzbekistonning pozitsiyasini bildirdi

Oʻzbekiston Prezident Administratsiyasi rahbari Saida Mirziyoyeva BMT Bosh Assambleyasidagi nutqida bugungi murakkab dunyoda ochiqlik, yaxshi qoʻshnichilik va muloqot muhim ekanini taʼkidladi.

Nutqda Markaziy Osiyodagi oʻzgarishlar, Oʻzbekistondagi islohotlar, Orol fojiasi va ekologik muammolar, sunʼiy intellekt, qonun ustuvorligi hamda inson huquqlari masalalariga toʻxtalib oʻtildi.

Mirziyoyeva taʼkidlaganidek, global muammolarni biror davlat yolgʻiz hal qila olmaydi. Oʻzbekiston oʻzaro ishonch va hurmatga asoslangan xalqaro hamkorlikni qoʻllab-quvvatlaydi.

“Tanlagan yoʻlimiz aniq — ochiqlik, yaxshi qoʻshnichilik va muloqot. Biz tinchlik, hamkorlik hamda inson qadr-qimmatini eʼzozlash tarafdorimiz”, deydi PA rahbari.

“Andijonda shuncha muammo boʻla turib, men Toshkentda qanday tinch oʻtiraman?” — Shavkat Mirziyoyev

Prezident Andijon viloyatidagi kambagʻallik, ishsizlik va migratsiyada boʻlgan aholi masalasiga toʻxtaldi.

Davlat rahbari hududdagi muammolarni sanab oʻtib, “Bu odamlar Yangi Oʻzbekistondan rozimi?” degan savolni oʻrtaga tashladi.

Prezidentning taʼkidlashicha, aholi daromadini oshirish, ish oʻrinlari yaratish va fuqarolarning turmush sharoitini yaxshilash boʻyicha amaliy ishlar zarur.

Telegram I Facebook I YouTube I Instagram

Bekoboddagi o‘zboshimchalik: 40 yillik mulkka kim chang solyapti?

Bekobod shahri, 13-mikrorayonda yuzlab fuqarolarning 1988-yildan beri foydalanib kelayotgan garajlari hech qanday sud qarori va ogohlantirishsiz noqonuniy ravishda buzib tashlanmoqda.

Garajlar sobiq Ijroiya qo‘mitaning 1985-yildagi qarori bilan rasmiy qurilgan bo‘lib, amaldagi O‘RQ–937-sonli qonunga ko‘ra to‘liq qonuniylashtirish huquqiga ega. Bundan tashqari, Prezidentning PF-6243-sonli farmoniga asosan 2021-yildan beri hokimliklarning yer berish vakolati qat’iyan bekor qilingan.

EFFECT.UZ ijodiy guruhi surishtiruv o‘tkazish uchun Bekobodga borganida shahar hokimi ish o‘rnida topilmadi. Mas’ul xodimlarni va shahar hokimi ishtirokida fuqarolar bilan uchrashuv tashkillashtirib beramiz degan matbuot kotibi, har safar har xil vajlarni sabab qilib keltirib, ish yuzasida ijobiy gap aytgani yo‘q. Oradan 12 kun vaqt o‘tgan bo‘lsa-da, hokimiyat va kadastr bo‘limidan hech qanday aniq munosabat bildirilmadi.

Tahririyat mas’ullardan quyidagi savollarga javob talab qiladi:
1. Yerga vakolati bo‘lmagan hokimlik bu hududni tadbirkorga qaysi asosda berib yubordi?
2. Kadastr bo‘limi nega aholi huquqlarini himoya qilish o‘rniga jarima solmoqda?
3. Tadbirkorda sud qarori va aholining roziligi bormi?

Shuningdek, Bosh prokuratura va tegishli vazirliklardan Bekobod shahrida sodir bo‘layotgan bu holatni o‘z nazoratiga olishini hamda noqonuniy xatti-harakatlarga huquqiy baho berishini so‘raymiz.

TO‘LIQ VIDEO

Telegram I Facebook I YouTube I Instagram

Tog‘da yo‘lini yo‘qotgan fuqaro topildi

23-sentabr kuni soat 09:22 da Toshkent viloyati Favqulodda vaziyatlar bosh boshqarmasiga “112” yagona dispetcherlik xizmati orqali murojaat kelib tushdi.

Ma’lum qilinishicha, bir nafar fuqaro “Xumson” tog‘iga sayr qilish maqsadida chiqib, yo‘lini yo‘qotgan va qutqaruvchilar yordamiga muhtoj bo‘lgan.

Xabar asosida qutqaruvchilar voqea joyiga yetib borib, fuqaroni xavfsiz hududga olib tushishdi.

Hodisa oqibatida tan jarohati olganlar yo‘q.

Telegram I Facebook I YouTube I Instagram

Prezident maktab ta’limini keskin tanqid qildi

Shavkat Mirziyoyev maktab ta’limida o‘quvchilarga aniq kasb va amaliy ko‘nikmalar berish zarurligini ta’kidladi.

Telegram I Facebook I YouTube I Instagram

Prezident Administratsiyasi rahbarining BMTdagi nutqi — eksklyuziv videoda

Prezident Administratsiyasi rahbari Saida Mirziyoyeva BMT Bosh Assambleyasining oliy minbaridan so‘zga chiqdi.

Uning nutqida O‘zbekistonning xalqaro hamkorlik, tinchlik va barqaror taraqqiyotga oid ustuvor yondashuvlari bayon etildi.

Telegram I Facebook I YouTube I Instagram

Qozog‘istonda 19 harbiy dengizga oqib ketdi

Qozog‘istonning Mang‘istov viloyatida 24-sentyabr kuni harbiy mashg‘ulotlar vaqtida 19 nafar harbiy Kaspiy dengiziga oqib ketdi.

Telegram I Facebook I YouTube I Instagram

Toshkentda maktab qo‘riqchisi 12 yoshli o‘quvchiga nisbatan shilqimlikda gumonlandi

Holat 15 sentyabr kuni Shayxontohur tumanidagi maktablardan birida sodir bo‘lgan.

Telegram I Facebook I YouTube I Instagram

5 yil ishlagan xodim farzandining kontrakti to‘lab berilishi mumkin

Kamida 1 ming nafar ishchisi bor korxonalar uchun yangi rag‘batlantirish choralari belgilanishi aytildi.

Telegram I Facebook I YouTube I Instagram