Namangan hokimiga ikki o‘rinbosar tayinlandi

Namangan viloyati hokimiga ikki yangi o‘rinbosar tayinlandi.
🔹 Xondamir Oxunboyev — turizm, madaniyat, madaniy meros va ommaviy kommunikatsiya masalalari bo‘yicha hokim o‘rinbosari.

🔹 Azizbek Abdusalomov — qishloq va suv xo‘jaligi masalalari bo‘yicha hokim o‘rinbosari — viloyat Qishloq xo‘jaligi boshqarmasi boshlig‘i etib tayinlandi.

Har ikki mutaxassis tayinlovga qadar tegishli sohalarda rahbarlik lavozimlarida faoliyat yuritgan.

Telegram I Facebook I YouTube I Instagram

Toshkent markazida bugun ayrim ko‘chalar yopiladi

Keng ko‘lamli film suratga olish ishlari sabab 16-sentabr kuni soat 09:00 dan 16:00 gacha Toshkent markazidagi ayrim yo‘llarda transport harakati to‘liq cheklanadi.

⛔️Zarafshon ko‘chasi — Hyatt Regency Tashkent nazorat punktidan Mustaqillik shoh ko‘chasigacha;
⛔️ Istiqlol ko‘chasi — Amir Temur shoh ko‘chasidan Buyuk Turon ko‘chasigacha.

Telegram I Facebook I YouTube I Instagram

​Навоий чўлларида Миср тажрибаси: биринчи кун келишувлари

Навоий вилояти ҳокими Нормат Турсунов бошчилигидаги делегация айни дамда расмий ташриф билан Мисрда бўлиб турибди.

Ташрифнинг биринчи кун тафсилотлари:

⬛️ Навоий вилояти делегацияси Мисрда: янги ҳамкорлик уфқлари.

⬛️ Навоий вилояти ва Миср: чўл ҳудудларини ўзлаштиришда ҳамкорликнинг янги босқичи.

⬛️ Сув — чўл ҳудудларини ўзлаштиришда асосий омил.

⬛️ Нормат Турсунов бошчилигидаги делегация Сув ресурслари ва ирригация вазири Ҳани Сувейлим билан учрашув ўтказди.

⬛️ Нормат Турсунов Миср Қишлоқ хўжалиги илмий-тадқиқот маркази президенти, профессор Одил Абдулазим билан учрашув ўтказди.

⬛️ Қишлоқ хўжалиги илмий-тадқиқот марказида муҳим учрашув ва музокаралар ўтказилди.

⬛️ Қишлоқ хўжалиги маҳсулотлари кўргазмаси билан танишилди.

⬛️ Ўзбекистон ва Миср корхоналари ўртасида янги бизнес алоқалар ўрнатилмоқда

Telegram I Facebook I YouTube I Instagram

– “Ertalabdan beri gapiryapman, hech kim suv ham bermaydi menga”.
– “Yo‘q, endi berasanmi?!”

Prezident Shavkat Mirziyoyev Seulda vatandoshlar bilan uchrashuvda tansoqchisiga hazil qildi.

Prezident Shavkat Mirziyoyev Seulda Janubiy Koreyada tahsil olayotgan va mehnat qilayotgan o‘zbekistonlik yoshlar bilan uchrashdi.

Muloqotda “El-yurt umidi” jamg‘armasi stipendiatlari, tadbirkorlar hamda koreyslarga o‘zbek tilini o‘rgatayotgan yoshlar ishtirok etdi.

Prezident yoshlarning takliflarini tinglab, ularni vaqtni qadrlash, ko‘proq bilim olish va kelajakda Vatanga sadoqat bilan xizmat qilishga chaqirdi.

«“Bir daqiqa ham vaqtlaringni bekorga o‘tkazmanglar. 5 yil o‘tadi, 10–15 yil o‘tadi. Kim boshqaradi O‘zbekistonni? Sizlar”, — dedi Shavkat Mirziyoyev.»

Telegram I Facebook I YouTube I Instagram

Pensiya uchun 15 yil staj talab qilinishi mumkin

O‘zbekistonda pensiya tayinlash uchun zarur bo‘lgan minimal ish stajini amaldagi 7 yildan 2034-yilgacha bosqichma-bosqich 15 yilgacha oshirish taklif qilinmoqda.

Shuningdek, 2027-yildan pensiya hisob-kitobida inobatga olinadigan ish haqi davrini 5 yildan 20 yilgacha bosqichma-bosqich kengaytirish rejalashtirilmoqda.
Staji yetarli bo‘lmagan fuqarolarga esa yoshga doir nafaqa olish huquqi saqlab qolinishi ko‘zda tutilgan.

Muhim: bu hozircha qonun emas, loyiha. Takliflar muhokama jarayonida o‘zgarishi mumkin.

Telegram I Facebook I YouTube I Instagram

Markaziy Osiyo va Koreya: tarixiy ilk sammit

Prezident Shavkat Mirziyoyev Markaziy Osiyo davlatlari va Koreya Respublikasining birinchi sammitida nutq so‘zladi.

Davlatimiz rahbari sammit doirasida mintaqalararo hamkorlikni yanada rivojlantirish, iqtisodiyot, investitsiya, texnologiyalar va boshqa ustuvor yo‘nalishlarda sheriklikni kengaytirish masalalariga to‘xtaldi.

Telegram I Facebook I YouTube I Instagram

Toshkentda yotoqxonaning 4-qavatidan tushib ketgan o‘quvchi 10 kundan so‘ng vafot etdi

Toshkentdagi maktab-internat yotoqxonasida 10 kun avval sodir bo‘lgan baxtsiz hodisa oqibatida o‘quvchi vafot etdi.

Ma’lum qilinishicha, SH.J. yotoqxonaning to‘rtinchi qavatidan tushib ketib, og‘ir jarohat olgan. U shifoxonaga yotqizilib, davolangan. Biroq 15-sentyabr kuni vafot etgan.

Marhum o‘quvchi matematika va ilmiy yo‘nalishdagi respublika hamda xalqaro tanlovlarda sovrinli o‘rinlarni egallab kelgan iqtidorli o‘quvchilardan biri bo‘lgan.

Holat yuzasidan tergovga qadar tekshiruv olib borilmoqda.

Telegram I Facebook I YouTube I Instagram

Tibbiyot xodimlariga har oylik ustamalar belgilanadi

2027-yil 1-yanvardan tibbiyot, farmatsevtika va pedagog xodimlarining maoshiga malakasiga qarab har oy ustamalar to‘lanadi.

Ustama miqdori:
🔹 bakalavriatni tamomlagan hamshiralar va tibbiyot og‘alariga — MHTEKMning 1 baravari;
🔹 magistraturani tamomlagan hamshiralar va tibbiyot og‘alariga — 2 baravari;
🔹 oilaviy tibbiyot rezidenturasini tamomlagan oilaviy shifokorlar hamda shu yo‘nalishda magistraturani tamomlagan pedagoglarga — 4 baravari.

Shuningdek, 2027/2028-o‘quv yilidan tibbiy hamrohlik sohasi bo‘yicha bakalavriat va magistratura dasturlari joriy etiladi.

Telegram I Facebook I YouTube I Instagram

Hazoraspda hamshiralar hasharga majburlanmoqda sarlavhasi ostidagi material yuzasidan rasmiy munosabat berildi

Effect.uz avvalroq Hazorasp tumanida hamshiralar obodonlashtirish ishlariga majburan jalb qilinayotgani hamda ulardan jarima uchun pul yig‘ilayotgani haqidagi murojaat yuzasidan video material e’lon qilgan edi.

Mazkur holat yuzasidan Xorazm viloyati Sog‘liqni saqlash boshqarmasi rasmiy munosabat bildirdi.

Boshqarma o‘tkazgan o‘rganishlarga ko‘ra, tibbiyot xodimlarining yo‘l bo‘ylariga yoki xonadonlar oldiga majburan chiqarilgani haqidagi ma’lumotlar tasdiqlanmagan.

Ma’lum qilinishicha, obodonlashtirish ishlari faqat tibbiyot muassasalarining ichki hududlarida olib borilgan. Xodimlar muassasa hududidan tashqariga chiqarilmagan.

Shuningdek, xodimlardan jarima uchun pul yig‘ilayotgani haqidagi iddao ham tasdiqlanmagan.

Boshqarma sanitariya-gigiyena qoidalarini buzgan ayrim mas’ul xodimlarga nisbatan qonunchilik asosida shaxsiy ma’muriy jarimalar qo‘llanganini bildirdi.

Rasmiy munosabatda muassasaga qo‘llanilgan jarimani xodimlar hisobidan undirishga yo‘l qo‘yilmasligi ta’kidlangan.

Xorazm viloyati Sog‘liqni saqlash boshqarmasi tizimda mehnat qonunchiligiga rioya etilishi va xodimlar huquqlari himoyasi nazoratda ekanini ma’lum qildi.

Telegram I Facebook I YouTube I Instagram

Toshkent avtobuslarida yo‘lovchilar oqimi bo‘yicha yangi rekord qayd etildi

Bir sutka davomida poytaxt avtobuslari 1,52 milliondan ortiq yo‘lovchini tashidi. Bu avtobuslar yo‘lovchi tashish ko‘rsatkichi bo‘yicha yangi rekord hisoblanadi.

Bundan bir kun avval esa Toshkent metrosida ham rekord qayd etilgan — bir sutkada 1,16 million yo‘lovchiga xizmat ko‘rsatilgan.

Poytaxtda jamoat transportidan foydalanish ko‘lami yana bir bor yuqori ko‘rsatkichni namoyish etdi.

Telegram I Facebook I YouTube I Instagram

Yosh kadr o‘z mahallasidagi maktabda dars bermoqchi: tomonlar pozitsiyasi turlicha

Surxondaryo viloyati Oltinsoy tumanida yashovchi fuqaro Effect.uz tahririyatiga murojaat qilib, o‘zi yashaydigan mahalladagi 60-maktabda tarix fanidan 5 soat dars berish istagi amalga oshmayotganini bildirdi.

Murojaatchi 2022-yilda tarix yo‘nalishida ikkinchi mutaxassislik bo‘yicha o‘qishga kirgan, hozirda 4-kursda tahsil olmoqda. Ayni paytda shu maktabda kutubxona mudiri bo‘lib ishlaydi.

Maktab direktori esa unga dars berishdan butunlay bosh tortilmaganini, boshqa filialdan dars berish taklif qilinganini aytdi. Direktorning so‘zlariga ko‘ra, maktabda tarix fanidan oliy toifali va A+ sertifikatiga ega o‘qituvchi bor, dars soatlari belgilangan mezonlar asosida taqsimlangan.

Murojaatchining aytishicha, boshqa filial 25–30 kilometr uzoqlikda bo‘lib, transport qatnovi ham muammoli.

Endilikda savol: agar murojaatchi amaldagi talablarga javob bersa va maktabda dars soatlari mavjud bo‘lsa, unga o‘z mahallasidagi maktabda dars berish imkoniyati nega ko‘rib chiqilmayapti?

Effect.uz masala yuzasidan mas’ullarning rasmiy munosabatini kutadi.

Telegram I Facebook I YouTube I Instagram

“Hech kimga kerakmas rus rassomining uyi ekan” — Rus madaniy merosiga oid bino bo‘yicha Alisher Qodirovdan taklif

“Milliy tiklanish” demokratik partiyasi raisi Alisher Qodirov rus madaniy merosiga oid ayrim eski binolar faqat muhofaza maqomiga ega ekani uchun saqlab qolinmasligi kerakligini aytdi.

Uning fikricha, Madaniy meros agentligi e’tiborni, avvalo, “Shohi Zinda” kabi milliy meros obyektlarini asrashga qaratishi lozim.

Qodirov shu nuqtayi nazardan rus madaniy merosiga mansub ayrim obyektlardan birini olib tashlashga chaqirgan.

Telegram I Facebook I YouTube I Instagram

Respublika bo‘ylab “World Cleanup Day” munosabati bilan ommaviy plogging eko-aksiyasi o‘tkaziladi

2026-yilning 19-sentyabr kuni soat 11:00 da O‘zbekistonning barcha hududlarida “World Cleanup Day” (Butunjahon tozalik kuni)ga bag‘ishlangan “Hayot uchun joy ajrating!” nomli ommaviy plogging eko-aksiyasiga start beriladi. Chiqindilarni boshqarish va sirkulyar iqtisodiyotni rivojlantirish agentligi tomonidan tashkil etilayotgan ushbu tadbir jamoatchilik, davlat idoralari, OAV va xususiy tadbirkorlarni atrof-muhit sofligini ta'minlash yo‘lida bir joyga jamlashni maqsad qilgan.

👉 Batafsil

Telegram I Facebook I YouTube I Instagram