Автомобиль ваъда қилинди, пул тўланди. Аммо машина берилмади

“INSTANT LEASING GROUP” билан боғлиқ тергов иши автолизинг соҳасидаги эски муаммони яна кун тартибига олиб чиқмоқда.
Энг қизиғи — бу биринчи ҳолат эмас. Аввал ҳам одамлар автомобиль олиш умидида маблағ тўлаган, кейин эса машинасиз ва муаммо билан қолган.

Савол оддий: нега бир хил схема қайта-қайта такрорланяпти?
Компаниялар номи ўзгаради. Шартномалар ўзгаради. Аммо сценарий деярли бир хил: пул тўланади — ваъда берилади — мажбурият бажарилмайди.

Энди гап фақат битта компания ҳақида эмас. Гап — одамларнинг пули ва ишончи қандай ҳимоя қилинаётганида.

Telegram I Facebook I YouTube I Instagram

Effect.uz эффекти: Ногиронлиги бўлган тадбиркорларнинг овози эшитилди — ноқонуний жарима бекор қилинди!

Аввалроқ таҳририятимизга Яшнобод тумани, «Дўстобод» МФЙ ҳудудида яшовчи, оилавий 1-гуруҳ кўзи ожиз ногиронлиги бўлган фуқаро М.Мадярованинг фарзандлари мурожаат қилган эди.

Мурожаатда давлат томонидан ажратилган имтиёзли кредит маблағлари ҳисобидан очилган озиқ-овқат дўкони кимларгадир «ортиқчалик» қилаётгани, уни кадастр ҳужжатларидан ўтказишга тўсқинлик қилиниб, объектни бузиш ҳамда фуқарога БҲМнинг 100 баробари миқдорида йирик жарима солингани баён қилинган эди.

Effect.uz суриштируви ва масала кенг жамоатчиликка олиб чиқилганидан сўнг, мутасаддилар ва суд органлари томонидан ҳолат синчковлик билан қайта ўрганиб чиқилди.

Натижа нима бўлди?

Жиноят ишлари бўйича Яшнобод туман суди томонидан Қурилиш ва уй-жой коммунал хўжалиги соҳасида назорат қилиш инспекциясининг 2026 йил 30 июндаги QTSH2635001908774-сонли қарори бекор қилинди.

Мазкур ноқонуний қарор асосида Мажбурий ижро бюроси (МИБ) органларига юборилган 43 263 000 сўмлик жарима ундируви ҳам бутунлай бекор бўлди.

Ҳозирги пайтда М.Мадярова ва унинг оиласи ўз дўконида савдо фаолиятини бевосита давом эттирмоқда.

Яшнобод тумани ҳокимлиги ногиронлиги бўлган оилани қўллаб-қувватлаган ҳолда, уларга «E-auksion» платформаси орқали бошқа қулай жойни ютиб олишда кўмаклашиш ҳамда янги савдо нуқтаси учун тижорат банкидан имтиёзли кредит ажратишда бевосита ёрдам кўрсатадиган бўлди.

Жамиятда қонун устуворлиги, адолат ва кўмакка муҳтож фуқаролар ҳуқуқларининг тикланиши — бош мақсадимиздир.

Effect.uz воқеалар ривожини ва ҳокимлик ваъдалари ижросини кузатишда давом этади.

👉 ТЎЛИҚ ВИДЕО

Telegram I Facebook I YouTube I Instagram

Тадбиркор ва блогер, «Санжик» номи билан танилган Санжар Каримовнинг навбатдаги суд жараёни бўлиб ўтди

Суд мажлисида Санжар Каримов ва жабрланувчи мақомидаги Феруза Раҳматуллаеванинг ўзаро суҳбати акс этган аудио ёзув тақдим этилди

Унда аввал яширилган сирлар ошкор бўлди

Батафсил Effect.uzнинг расмий саҳифаларида кузатиб боринг

Telegram I Facebook I YouTube I Instagram

Тошкентда 83-автобус йўналиши вақтинча қисқартирилади

Тошкент шаҳридаги Оққўрғон кўчасида таъмирлаш ишлари олиб борилаётгани сабабли йўлнинг бир қисми вақтинча ёпилди.

Шу муносабат билан 83-сонли автобус йўналиши ҳаракати вақтинча «Оққўрғон кўчаси» бекатигача қисқартирилади.

Йўловчиларга ҳаракат йўналишидаги вақтинчалик ўзгаришларни инобатга олиш тавсия этилмоқда.

Telegram I Facebook I YouTube I Instagram

"Qo'yliq avenue": 48 кунда 38 хонадон эгаларига топширилди

Effect.uz’га қилинган мурожаатдан сўнг Тошкент шаҳар ҳокими масалани шахсий назоратига олди. Зудлик билан ишчи гуруҳ тузилиб, қурилиш жараёнлари назоратга олинди.

Орадан 48 кун ўтиб, лойиҳанинг биринчи подъездидаги 38 та хонадон эгаларига топширилди.

Айни пайтда хонадонларда дастлабки таъмирлаш ишларини амалга ошириш имконияти яратилган.

Қурилиш жараёнини кузатиб келаётган хонадон эгаларининг айтишича, Сергели тумани ҳокими ҳам объектга ҳар куни келиб, ишларни шахсан назорат қилиб борган.

Қурувчи компания маълумотига кўра, 1 ноябрга қадар яна 4 та подъезд — жами қарийб 200 та хонадонни ўз эгаларига топшириш режалаштирилган.

Telegram I Facebook I YouTube I Instagram

Seulda Oʻzbekiston bayrogʻi porladi: Lotte Tower ikki davlat doʻstligi ramziga aylandi

555 metr balandlikda Oʻzbekiston va Janubiy Koreya bayroqlari ranglari uygʻunlashdi.

Oʻzbekiston Prezidenti Shavkat Mirziyoyevning Janubiy Koreyaga davlat tashrifi munosabati bilan shaharning qator nufuzli joylarida Oʻzbekiston davlat ramzlari aks ettirilmoqda.

13-sentyabr kuni esa bu jarayon Seulning eng mashhur inshootlaridan biri — Lotte World Towerda oʻzining yorqin ifodasini topdi.

Kechqurun 555 metr balandlikdagi osmonoʻpar bino fasadida Oʻzbekiston va Janubiy Koreya davlat bayroqlari ranglari uygʻunlashib, Seul tunlarini yoritdi.

123 qavatli Lotte World Tower Janubiy Koreyaning eng baland binosi boʻlib, mamlakatning zamonaviy meʼmorchiligi va iqtisodiy taraqqiyoti ramzlaridan biri hisoblanadi.

Mashhur osmonoʻpar inshootda ikki davlat bayroqlari ranglarining birgalikda namoyon boʻlishi Oʻzbekiston va Janubiy Koreya oʻrtasidagi doʻstlik va yaqin hamkorlikning ramziy ifodasi boʻldi.

Harbiy xizmatga chaqiriluvchilar giyohvand moddalar boʻyicha tekshiriladi

Oʻzbekistonda muddatli va kontrakt asosida harbiy xizmatga kiruvchi fuqarolar giyohvand moddalarni isteʼmol qilgan-qilmaganligi boʻyicha tekshiruvdan oʻtkaziladi.

Avval ekspress-test orqali tekshiriladi. Natija ijobiy chiqsa, qon namunasi qayta tekshiriladi. Ijobiy natija qayd etilgan yoki biologik namuna topshirishdan bosh tortgan fuqarolar harbiy-tibbiy koʻrikka qoʻyilmaydi.

Tekshiruv davomida olingan maʼlumotlar va natijalar maxfiy saqlanadi.

Telegram I Facebook I YouTube I Instagram