"Вақтинча иш қиламан деб ўйламанглар", "ғўддайган бойвачча пайдо бўлса, бирортангни кечирмайман"

Давлат раҳбари тадбиркорлар фаолиятига тўсқинлик қиладиган, уларга босим ўтказадиган шахсларга нисбатан муросасиз муносабатда бўлиш кераклигини таъкидлади.

Шу муносабат билан Ички ишлар вазирига Тошкент шаҳрида жиноятчиликни жиловлаш ва тадбиркорлик учун хавфсиз муҳитни таъминлаш бўйича ишларни кучайтириш вазифаси топширилди.

Telegram I Facebook I YouTube I Instagram

Тошкентнинг айрим ҳудудларида совуқ сув вақтинча ўчирилади

Тошкент шаҳрининг Юнусобод туманида совуқ сув таъминоти бўйича режали ишлар олиб борилиши муносабати билан айрим ҳудудларда сув таъминоти вақтинча тўхтатилади.

14 сентябрь соат 09:00 дан 15 сентябрь соат 09:00 гача қуйидаги манзилларда сув бўлмайди:

— Янги-шаҳар кўчаси;
— Чинобод кўчаси;
— Чинобод кўчасидаги тергов изолятори;
— «Манзара» турар-жой мажмуаси;
— «High Town Сити» турар-жой мажмуаси ва савдо-кўнгилочар маркази.

Telegram I Facebook I YouTube I Instagram

Мурожаатлар билан ишлашдаги камчиликлар 151 нафар ходимнинг ишдан олинишига сабаб бўлди

2026 йилнинг январь–август ойларида Президент Халқ қабулхоналари томонидан мурожаатлар билан ишлашда камчиликларга йўл қўйган давлат органлари ва ташкилотларига нисбатан чора кўриш бўйича 5 486 та ҳужжат киритилган.

Кўрилган чоралар натижасида:

🔹 151 нафар ходим лавозимидан озод этилди;
🔹 833 нафар ходимга ҳайфсан берилди;
🔹 150 нафар ходим маъмурий жавобгарликка тортилди;
🔹 1 335 нафар ходим расман огоҳлантирилди;
🔹 8 нафар ходимнинг лавозими пасайтирилди.

Telegram I Facebook I YouTube I Instagram

"Декабрда ғалвирни сувдан кўтарамиз

Яна бир марта огоҳлантирмоқчиман. Қайси раҳбар маҳаллага тушмаса, ҳақиқий ҳолатни ўз кўзи билан кўрмаса, еттиликка ўзи бош бўлмаса иш юрмайди", – Президент.

Telegram I Facebook I YouTube I Instagram

Талабаларга ижара пули учун ҳар ой 440 минг сўмгача тўлаб берилади

Ётоқхона билан қамраб олинмаган ва ўз уйи ёки ота-онасига тегишли бўлмаган хонадонда ижара асосида яшайдиган давлат ОТМлари талабаларига ижара тўловининг бир қисми қоплаб берилади.

💰 Тошкент шаҳрида — 440 минг сўм
💰 Бошқа ҳудудларда — 220 минг сўм

Бир уйда икки ёки ундан ортиқ талаба яшаса, уларнинг барчаси ижара шартномасида қайд этилган бўлиши керак.

Telegram I Facebook I YouTube I Instagram

Тергов ва суд ишларига аралашганлик учун жавобгарлик кучайтирилди

Президент томонидан имзоланган Қонунга кўра, терговчи, прокурор ёки судьяга ишнинг холис кўрилишига тўсқинлик қилиш мақсадида қонунга хилоф таъсир ўтказиш учун жавобгарлик белгиланди.

🔹 Оддий ҳолатда — 3 йилгача ахлоқ тузатиш ишлари, 1–3 йил озодликни чеклаш ёки 3 йилгача озодликдан маҳрум қилиш;
🔹 Агар ҳаракат мансабдор шахс томонидан содир этилса — 3–5 йил озодликни чеклаш ёки 3–5 йилгача озодликдан маҳрум қилиш жазоси қўлланади.

Telegram I Facebook I YouTube I Instagram

Алифбода ягона тизим: янги ўзгариш кутилмоқда

Ўзбекистонда икки хил алифбодан фойдаланишга чек қўйилиб, ягона алифбога ўтиш таклиф қилинмоқда.

Ҳукумат департаменти раҳбари Нодир Жанузоқовнинг маълум қилишича, тегишли қонун кучга кирса, мамлакатда ягона алифбо амал қилади.

Бу ўзгариш амалдаги икки хил алифбо тизимига барҳам беришни назарда тутади.

Telegram I Facebook I YouTube I Instagram

Президент Сеулда хотира ёдгорлигига гулчамбар қўйди

Ўзбекистон Президенти Шавкат Мирзиёев ва рафиқаси Корея Республикаси пойтахти Сеул шаҳридаги Миллий мемориал мажмуасига ташриф буюриб, хотира учун гулчамбар қўйдилар.

Маросимда Корея халқи хотирасига ҳурмат бажо келтирилди.

Telegram I Facebook I YouTube I Instagram

100 мингга яқин ўзбекистонлик Россияни тарк этди

Сўнгги 10 кун ичида 100 мингга яқин Ўзбекистон фуқароси Россиядан қайтгани ҳақида хабарлар тарқалди.

Иқтисодчилар бу ҳолатни Россияда иш ҳақининг пасайиши, иқтисодий вазиятнинг беқарорлиги, хавфсизликка таҳдидларнинг ортиши ҳамда мигрантларга нисбатан муносабатнинг ёмонлашиши билан изоҳламоқда.

Айни пайтда ушбу маълумотнинг расмий манбалар томонидан тасдиқлангани ҳақида аниқ маълумот келтирилмаган.

Telegram I Facebook I YouTube I Instagram

Индонезияда йўловчи пароми чўкиб кетди: 130 киши бедарак

Индонезияда 243 киши бўлган йўловчи пароми Ява денгизида ноқулай об-ҳаво шароитида чўкиб кетди.

Маълумотларга кўра, фожиа оқибатида 6 киши ҳалок бўлган, 107 киши қутқарилган. Яна тахминан 130 нафар йўловчининг тақдири ҳозирча номаълум.

Қидирув-қутқарув ишлари давом этмоқда.

Telegram I Facebook I YouTube I Instagram

Президентимиз Сеулда расмий кутиб олинди

Сеулдаги «Chong Va De» саройида Ўзбекистон Республикаси Президенти Шавкат Мирзиёевни расмий кутиб олиш маросими бўлиб ўтди.

Telegram I Facebook I YouTube I Instagram

Касбидаги 82,4 млн сўмлик жарима юзасидан янги савол туғилди

Аввалроқ Effect.uz Касби туманидаги Деҳқон бозорига хизмат кўрсатувчи автотураргоҳ фаолияти билан шуғулланувчи тадбиркорнинг 82,4 миллион сўмлик жаримага эътирози юзасидан материал эълон қилган эди.

Мурожаатчининг айтишича, 2025 йил 25 сентябрда қўлланган 82,4 миллион сўмлик жарима суд томонидан бекор қилинган. Бироқ 2026 йил 31 март куни унга яна худди шу миқдорда жарима қўлланган.

Материалимиздан сўнг Қашқадарё вилояти Кадастр бошқармаси расмий муносабат билдирди. Унда ҳолат мутасаддилар томонидан жойига чиқиб ўрганилгани ва тадбиркорга автотураргоҳ учун 400 квадрат метр ер майдони ажратилгани хариталар орқали кўрсатиб берилгани маълум қилинган.

Бироқ бу муносабатдан кейин яна бир савол туғилади: агар аввал қўлланган 82,4 миллион сўмлик жарима суд томонидан бекор қилинган бўлса, 2026 йил 31 март куни айни миқдордаги жарима қайта қўлланишига нима сабаб бўлган?

Effect.uz мурожаатчи билан яна боғланди. Унинг таъкидлашича, айнан ушбу савол юзасидан мурожаат қилганида қониқарли ва аниқ жавоб ололмаган.

Effect.uz мутасадди ташкилотларнинг мазкур савол юзасидан қўшимча расмий изоҳини эълон қилишга тайёр.

Telegram I Facebook I YouTube I Instagram

Қаршида университет томи ёнди

Бугун, 14 сентябрь куни соат 14:53 да Қарши шаҳрида жойлашган Қарши давлат техника университетининг бош биноси том қисмида ёнғин содир бўлган.

Ҳодиса жойига Қашқадарё вилояти ФВБ қутқарув бўлинмалари зудлик билан етиб борган.

Маълум қилинишича, ёнғин соат 15:57 да тўлиқ бартараф этилган. Ҳозирча тан жароҳати олганлар ҳақида маълумот келиб тушмаган.

Ҳодисанинг келиб чиқиш сабаблари ва етказилган зарар миқдори бўйича маълумотлар аниқланмоқда.

Telegram I Facebook I YouTube I Instagram

700 минг доллар қаерга кетди?

Хоразмлик адвокат Достон Болтаев Президент Шавкат Мирзиёевга мурожаат йўллади.

Унда бир тадбиркор бошқа тадбиркорга тегишли бир нечта мол-мулкни алдов йўли билан банк гаровига қўйиб, кредит расмийлаштиргани айтилди. Шунингдек, мазкур ҳолат оқибатида 700 минг АҚШ долларига тенг маблағ талон-торож қилингани ҳақида маълумот берилди.

Қайд этилишича, мол-мулкларини ишониб топширган тадбиркор мазкур воқеа ортидан мулкларидан айрилган. Натижада у 200 нафардан ортиқ ходим билан меҳнат шартномаларини бекор қилишга мажбур бўлган ва корхона банкротлик ҳолатига келиб қолган.

Адвокат мурожаатида ушбу ҳолатга ҳуқуқий баҳо берилиб, қонуний чоралар кўрилишини сўрамоқда.

Telegram I Facebook I YouTube I Instagram

Фирибгарлик кўпаймоқда: рақамлар бежизга ўсмаяпти

Ўзбекистонда фирибгарлик жиноятлари бўйича рақамлар жиддий сигнал бермоқда.

Расмий статистикага кўра, 2021 йилда 24 554 та, 2022 йилда 20 591 та, 2023 йилда 18 492 та фирибгарлик жинояти қайд этилган.

2024 йилга келиб эса бу кўрсаткич 29 252 тага етган.

Яъни бир йил ичида фирибгарлик ҳолатлари қарийб 51 фоизга ўсган.

Энг муҳими, бу рақамларнинг барчасини бирор бир соҳага боғлаб бўлмайди. Аммо тенденциянинг ўзиёқ жиддий ўйланишга мажбур қилади.

Рақамлар ёлғон гапирмайди. Муаммони яшириш эса уни ҳал қилмайди.

Telegram I Facebook I YouTube I Instagram

Ўзбекистон ва Жанубий Корея ўртасида муҳим ҳужжатлар алмашилди

Сеулда Ўзбекистон Республикаси Президенти Шавкат Мирзиёев ва Жанубий Корея раҳбари иштирокида икки томонлама ҳужжатларни алмашиш маросими бўлиб ўтди.

Томонлар ўртасидаги ҳамкорликни янада ривожлантиришга қаратилган келишувлар икки мамлакат муносабатларини янги босқичга олиб чиқиши кутилмоқда.

Telegram I Facebook I YouTube I Instagram

Автомобиль ваъда қилинди, пул тўланди. Аммо машина берилмади

“INSTANT LEASING GROUP” билан боғлиқ тергов иши автолизинг соҳасидаги эски муаммони яна кун тартибига олиб чиқмоқда.
Энг қизиғи — бу биринчи ҳолат эмас. Аввал ҳам одамлар автомобиль олиш умидида маблағ тўлаган, кейин эса машинасиз ва муаммо билан қолган.

Савол оддий: нега бир хил схема қайта-қайта такрорланяпти?
Компаниялар номи ўзгаради. Шартномалар ўзгаради. Аммо сценарий деярли бир хил: пул тўланади — ваъда берилади — мажбурият бажарилмайди.

Энди гап фақат битта компания ҳақида эмас. Гап — одамларнинг пули ва ишончи қандай ҳимоя қилинаётганида.

Telegram I Facebook I YouTube I Instagram