Pepsi ўзбек футболчилари билан судлашмоқда
 
Pepsi Uzbekistan билан Ўзбекистон терма жамоаси футболчилари Ўткир Юсупов, Ҳусайн Норчаев ва Диёр Холматов ўртасида келишмовчилик юзага келди.
 
Маълум қилинишича, компания 2026 йил бошида уч футболчи билан шартнома тузиб, уларга дастлабки тўловни амалга оширган. Футболчилар эса реклама роликларида иштирок этган.
 
Бироқ Жаҳон чемпионати яқинлашгач, компания шартнома бўйича ҳамкорликни давом эттиришдан воз кечгани ва футболчилардан аввал тўланган маблағни қайтаришни талаб қилгани айтилмоқда.
 
Эътиборлиси, Pepsi Uzbekistan Жаҳон чемпионати арафасида футболга бағишланган реклама кампаниясини ўтказиб, ўзини футбол мухлисларига яқин компания сифатида намоён қилган эди.
 
Энди эса компаниянинг ўзбек футболчилари билан судлашaётгани жамоатчиликда саволлар уйғотмоқда. EFFECT.UZ бу масалани ўрганишда давом этади.

Telegram I Facebook I YouTube I Instagram

Тадбиркорлар учун муҳим енгиллик: асоссиз камомад ҳисобланмайди
 
Президентнинг ПФ-175-сонли фармонига мувофиқ, ижарага олинган ёки текин фойдаланилаётган кўчмас мулк объектларида фаолият юритаётган тадбиркорлар учун янги тартиб жорий этилмоқда.
 
Унга кўра, солиқ органларида ҳисобга қўйилмаган ижара шартномаси асосида фаолият юритилаётган объектлардаги товарлар инвентаризация ўтказилмасдан туриб камомад деб топилмайди.
 
Шунингдек, янги тартибни амалиётга жорий этиш учун қонунчиликка тегишли ўзгартириш ва қўшимчалар киритилади.
 
Бу ўзгариш тадбиркорлар учун текширувлар жараёнидаги ортиқча маъмурий тўсиқ ва бюрократик юкни камайтиришга қаратилган.

Telegram I Facebook I YouTube I Instagram

Тошкентда автобус ва метро йўлкираси 2 500 сўмга оширилиши таклиф қилинмоқда

Тошкентда жамоат транспорти йўлкирасини амалдаги 1 700 сўмдан 2 500 сўмга ошириш таклифи муҳокама қилинмоқда.

Маълумотларга кўра, мазкур тариф 2023 йил кузидан буён ўзгармаган. Шу вақт ичида юридик шахслар учун электр энергияси 22,2 фоизга, метан гази 33,3 фоизга, заправкалардаги газ нархи эса 52,7 фоизга ошган.

Айни пайтда пойтахтда автобуслар сони 1 900 тага етган, кунлик йўловчи оқими эса 2,5 миллионга яқин. Йўлкирадан тушаётган маблағ транспорт тизими харажатларини тўлиқ қопламаётгани, тариф ва таннарх ўртасидаги фарқ эса давлат субсидияси ҳисобидан қопланаётгани айтилмоқда. Таклиф маъқулланса, йўлкира 800 сўмга қимматлайди.

Telegram I Facebook I YouTube I Instagram

«Ўғлим ўлган куни дарахтимиз қуриди, соатим тўхтаб қолди...»

2000 йилдаги Сариосиё воқеаларида Ватан ҳимояси йўлида ҳалок бўлган кичик сержант Улуғбек Барноевнинг отаси Абдулло бобо ўғлининг сўнгги кунини оғриқ билан эслайди.

Унинг айтишича, ўғли ҳалок бўлган 4 август куни хонадон ҳовлисидаги 15 йиллик ўрик дарахти тўсатдан сарғайиб, баргларини тўка бошлаган. Ўғли отасига совға қилган ҳарбий соат эса айнан шу куни тўхтаб қолган.

Ота-она ўша пайтда олис тоғларда Ватан учун кечаётган жангдан бехабар эди. Аммо ота қалби ниманидир сезган — юраги безовта бўлиб, ўғлини кутаётган эди.

«Қароргоҳ» подкастининг навбатдаги сонида Улуғбек Барноевнинг қаҳрамонлик қисмати, Сариосиёдаги қонли воқеалар ва фарзандидан айрилган отанинг йиллар давомида юрагида сақлаб келаётган хотиралари ҳақида сўз боради. Баҳодирлар тарихи унутилмайди.

👉 https://youtu.be/6OHCsq5wSwY

Тошкентда тадбиркорлар учун гаровсиз кредит лимити 200 миллион сўмгача оширилади

Бу ҳақда Президент Шавкат Мирзиёевнинг Олмазор туманига ташрифида маълум қилинди.
 
Маълум қилинишича, маҳаллаларда кичик бизнес ва хизматлар соҳасини ривожлантириш учун янги имкониятлар кенгайтирилмоқда. Жумладан, кўп қаватли уйларнинг биринчи қаватларини савдо ва сервис объектларига мослаштириш имконияти кенгайтирилади. Тошкентда бизнес бошламоқчи бўлган тадбиркорлар учун гаровсиз кредит лимити 100 миллион сўмдан 200 миллион сўмгача оширилади.

Олмазор туманида ушбу имкониятлардан фойдаланиб, йил якунигача 300 нафар янги тадбиркорни қўллаб-қувватлаш ва 1 мингта иш ўрни яратиш режалаштирилган. Тажриба пойтахтнинг бошқа туманларига ҳам кенгайтирилиб, 20 минг нафар аҳолини даромадли иш билан таъминлаш вазифаси қўйилган.

Мискин ва Иброҳим ота маҳаллаларидаги 305 гектарлик саноат зонасида 504 та тадбиркорлик объекти мавжуд. Ҳудуднинг салоҳиятидан тўлиқ фойдаланиш орқали иш ўринларини 35 мингдан 100 мингтагача, экспорт ҳажмини эса 600 миллион долларга етказиш имконияти борлиги қайд этилди.

Бунинг учун тадбиркорларга саноат ипотекаси, кредит ва лизинг каби молиявий имкониятлар тақдим этилиб, юқори қўшилган қиймат яратадиган янги лойиҳаларни ишга тушириш белгиланди.

Telegram I Facebook I YouTube I Instagram

Хоразмда МИБдан «спектакль»: ҳоким бузилади деган қурилишда бир нафар уста ишлаяпти

Урганчдаги «ANVA GOLD COMPANY» МЧЖга тегишли кўп қаватли турар жой объекти бўйича суд қарорлари қонуний кучга кирган бўлса-да, бино ҳанузгача бузилмаган. Effect.uz мазкур масалани 2025 йилдан буён мунтазам ёритиб келмоқда.
 
Effect.uz мухбири Муҳаммадали Қазоқов ҳолатни Хоразм вилояти ҳокими Жўрабек Раҳимовга етказганидан сўнг, ҳокимлик объектдаги қурилиш ишлари 7 сентябрга қадар тўхтатилиши ва шу куни ижро ҳаракатлари амалга оширилишини маълум қилган эди.
 
Яъни, суд қарорига асосан биноларни бузиш ва ер майдонини дастлабки ҳолатига келтириш бўйича 7 сентябрь куни амалий ижро ҳаракатлари бошланиши кутилганди.
 
Аммо 11 сентябрь ҳолатига кўра, бино ҳамон бузилмаган. Объектда эса бузиш ишларини амалга ошираётган бор-йўғи бир нафар уста кўринмоқда.
 
Шу ўринда савол туғилади: қонуний кучга кирган суд қарорини ижро этиш учун битта уста етарлими? Ёки бу жамоатчиликка «ижро бошланди» деган тасаввур уйғотиш учун қилинаётган навбатдаги чалғитувчи ҳаракатми? Effect.uz мазкур суд қарорининг амалда қандай ижро этилишини кузатишда давом этади.

Telegram I Facebook I YouTube I Instagram

⚡️«Мана шундай микрофони бор (журналист) лар олдимга кирмасин» — Хоразм прокурори яна ОАВга “қайноқ” муносабатини кўрсатди
 
Хоразм вилояти прокурори Муроджон Аҳмедов Effect.uz мухбири Муҳаммадали Қазоқовга нисбатан жамоат жойида билдирган муносабати билан яна баҳсларга сабаб бўлди.

Прокурор журналистнинг қўлидаги микрофонни назарда тутиб, «мана шундай микрофони борлар қабулга кирмасин», деган мазмунда фикр билдириб, уни камситишга уринган. Эътиборлиси, бу прокурорнинг Effect.uz ва унинг журналистларига муносабати билан боғлиқ биринчи баҳсли ҳолат эмас.

Аввалроқ Муроджон Аҳмедов Effect.uz раҳбари Акмал Эшонхонов билан ҳам тортишган. Ўшанда прокурор Эшонхоновга «оғайни» дея мурожаат қилган ва унга фуқаронинг мурожаати юзасидан «адвокатимисиз?» мазмунида савол берган.

Эшонхонов эса прокурорга қонунлар ҳамма учун бир хил ишлаши кераклигини таъкидлаб, тортишувдан кўра, қонуний кучга кирган суд қарорининг ижросини таъминлаш муҳимлигини билдирган.

Президент Шавкат Мирзиёев бир неча бор ОАВ вакилларининг қонуний, холис ва адолатли фаолиятини қўллаб-қувватлаб, журналистларнинг эркин ишлаши учун шароит яратиш давлат сиёсатининг муҳим йўналишларидан бири эканини таъкидлаган.

Хусусан, давлат раҳбари 2023 йил февраль ойида Қашқадарё вилояти фаоллари билан учрашувда мамлакатда очиқлик ва ошкоралик сиёсати ортга қайтмаслигини билдирган.

Шу нуқтаи назардан, Хоразм вилояти прокурорининг журналистларга нисбатан «микрофони борлар қабулга кирмасин» деган мазмундаги муносабати жамоатчиликда савол уйғотиши табиий.
 

«Ҳамма айтади [ОАВларни] ёпиб қўй, деб. Йўқ, ёпмайман. Яна олдингидай прокурор, СНБ (МХХ) текширувчи бўлаверсинми? Биз ниятимизга етдикми? Биримиз икки бўлдими? Шунинг учун эркинлик нафаси, оммавий ахборот воситаларини дўст билишимиз керак», — деган эди Президент.

Президент билан суҳбатлашган ёш "ЙПХ ходими"

Кеча Олмазор туманидаги мактабгача таълим ташкилотларидан бирида Президент Шавкат Мирзиёев жажжи болажонлар билан учрашди.

Самимий мулоқот ва қизиқарли суҳбат жараёни видеода.

Telegram I Facebook I YouTube I Instagram

20 йиллик хизмат натижаси: Дилноза Ражабова Президент топшириғи билан полковник бўлди
 
Ички ишлар вазирлиги тизимида қарийб 20 йилдан буён хизмат қилиб келаётган Жамоат хавфсизлиги департаменти Йўл ҳаракати хавфсизлиги хизмати Ахборот хизмати етакчи мутахассиси Дилноза Ражабовага «полковник» махсус унвони берилди.
 
У хизмат фаолияти давомида йўл ҳаракати хавфсизлигини тарғиб қилиш, аҳолига йўл қоидаларини тушунтириш ва ёшларда хавфсиз ҳаракатланиш кўникмаларини шакллантиришга алоҳида эътибор қаратиб келган.
 
Ражабова раҳбарлигида ўқувчи ёшлардан иборат йўл ҳаракати хавфсизлиги тарғиботчилари гуруҳи 2024 йилда Қирғизистонда, 2025 йилда Тожикистонда ўтказилган халқаро танловларда II ўринни, 2026 йил август ойида Қозоғистонда ўтказилган «Ёш йўл ҳаракати инспекторлари» халқаро мусобақасида эса 1-ўринни эгаллаган.
 
Шунингдек, Тошкент шаҳри Олмазор туманидаги 441-сонли мактабгача таълим ташкилотида болаларга йўл ҳаракати қоидаларини амалий ва қизиқарли шаклда ўргатишга қаратилган машғулотлар йўлга қўйилган.
 
Дилноза Реджабованинг кўп йиллик самарали хизмати ва эришган натижалари инобатга олиниб, Президент топшириғига биноан Ички ишлар вазирининг буйруғи билан у рағбатлантирилди ва унга «полковник» махсус унвони берилди. Унвон Ички ишлар вазири бошчилигида ўтказилган тадбирда тантанали равишда топширилди.

Telegram I Facebook I YouTube I Instagram

Ўзбекистонда алиментни ойлик даромадга қараб ҳисоблаш тартиби бекор қилиниш арафасида

Ўзбекистонда алимент миқдорини белгилаш тартибини ўзгартириш таклиф этилмоқда. Бу ҳақда Сенатнинг 19-ялпи мажлисида Бош вазир ўринбосари — Оила ва хотин-қизлар қўмитаси раиси Дилноза Каттахонова маълум қилди.

Таклифга кўра, алимент миқдори ота-онанинг расмий маошидан эмас, боланинг ёши ва эҳтиёжидан келиб чиқиб белгиланиши мумкин.

Бунга сабаб сифатида айрим шахсларнинг алимент миқдорини камайтириш мақсадида ҳақиқий даромадини яшириши ёки кам маошли ишга расмийлашиши ҳолатлари қайд этилди.

Шунингдек, ҳар бир ёш тоифаси учун боланинг минимал истеъмол саватини белгилаш таклиф қилинмоқда.

Алимент ундириш билан боғлиқ айрим жараёнларни хориж тажрибаси асосида босқичма-босқич хусусий секторга ўтказиш таклифи ҳам билдирилди. Ҳозирча мазкур таклифлар қонунчиликка киритиш учун муҳокама қилинмоқда.

Telegram I Facebook I YouTube I Instagram

«Ишдан кейин ҳам уйма-уй юриб, қарз ундирамиз»: Хивада банк ходимасидан шикоят
 
Хива шаҳридаги «Бизнесни ривожлантириш банки» филиали ходимаси раҳбарлар томонидан иш вақтидан ташқари фуқароларнинг кредит қарздорлигини ундириш учун уйма-уй юришга мажбурланаётганини айтган видео тарқалди.
 
Ходиманинг сўзларига кўра, бу вазифа унинг иш вақтидан кейин ҳам давом этади. Табиий савол туғилади: ходиманинг ишдан кейин фарзандлари олдига, ўз вақтида уйига қайтиш ҳуқуқи-чи?
 
Агар ходимнинг мурожаатидаги ҳолатлар тасдиқланса, иш берувчи томонидан ходимларни иш вақтидан ташқари бундай вазифаларга мажбурлаш масаласига ҳам ҳуқуқий баҳо берилиши керак.
 
Маълум бўлишича, филиал масъуллари ва айрим ходимлар фаолияти юзасидан бошқа ходималар томонидан ҳам шикоятлар борлиги айтилмоқда.
 
Effect.uz ушбу мурожаатни Марказий банк раисига етказилиши ва ҳолатга ҳуқуқий баҳо берилишини сўрайди.

Telegram I Facebook I YouTube I Instagram

Ғузорда экология ходими ноқонуний қум-шағал қазувчилар ҳужумига учради

11 сентябрь куни Қашқадарё вилояти Экология ва иқлим ўзгариши бош бошқармасининг Ғузор тумани бўлими бошлиғи Баҳром Тошпўлатов ҳушсиз ҳолатда вилоят шошилинч тез тиббий ёрдам марказига олиб келинган.

Дастлабки маълумотларга кўра, у Қовчин МФЙ ҳудудидан оқиб ўтувчи Қашқадарё дарёсида ноқонуний қум-шағал қазиб олиш ҳолатларини аниқлаш бўйича рейд вақтида ҳуқуқбузарлар ҳужумига учраган.

Маълум бўлишича, 7 сентябрга ўтар кечаси ҳам шу ҳудудда экополит­сия инспекторлари томонидан экологик назорат рейди ўтказилган. Унда дарёнинг муҳофаза этиладиган ҳудудида ноқонуний қум-шағал қазиб олинаётгани аниқланган.

Инспекторлар қонунбузарликни тўхтатиб, техникани жарима майдонига олиб кетаётган вақтда бир гуруҳ шахслар уларга қаршилик кўрсатган. Улар йўлни тўсиб, инспекторлардан бирига тан жароҳати етказгани ҳамда жарима майдонига олиб кетилаётган техникани олиб қочгани айтилмоқда. Ҳозирда Баҳром Тошпўлатовга шифохонада зарур тиббий ёрдам кўрсатилмоқда.

Мазкур ҳолатлар юзасидан Ғузор тумани прокуратураси ва ИИБнинг тезкор-тергов гуруҳи томонидан терговга қадар текширув олиб борилмоқда.

Telegram I Facebook I YouTube I Instagram

Ўзбекистонда 18 ёшга тўлмаганларнинг никоҳ қуришига рухсат берилиши мумкин. Фақат...
 
Янги қонун лойиҳасига кўра, никоҳ ёшига етмаган шахсларга никоҳдан ўтишга фақат икки: ҳомиладорлик ёки фарзанд туғилиши ҳолатларида рухсат бериш таклиф этилмоқда.

Бунда туман ёки шаҳар ҳокими никоҳ ёшини кўпи билан бир йилга камайтириши мумкин бўлади. Бу ҳақда Оила ва хотин-қизлар қўмитаси раиси Дилноза Каттахонова Сенат мажлисида маълум қилди.

Шунингдек, эрта никоҳни тарғиб қилганлик учун БҲМнинг 10 баравари миқдорида жарима жорий этиш таклиф қилинмоқда.

Telegram I Facebook I YouTube I Instagram

Тошкентда 26 минг долларга баҳоланган 1 килодан ортиқ гашиш мусодара қилинди

Тошкентда катта миқдордаги гиёҳвандлик воситасини сотишга уринган икки нафар шахс ушланди.

Тезкор тадбирда Сурхондарё вилояти Денов шаҳрида яшовчи, 1988 йилда туғилган, муқаддам гиёҳвандлик воситалари савдоси учун судланган шахс Яккасарой туманидаги меҳмонхонада 1 кг 185 грамм гашишни 26 минг АҚШ долларига сотмоқчи бўлган вақтда қўлга олинган. У келишилган пулнинг 21 минг долларини олган пайтда ушланган.

Шунингдек, гиёҳвандлик воситасини Сурхондарёдан пойтахтга олиб келган «Кобальт» автомобили ҳайдовчиси — 1987 йилда туғилган, Денов шаҳрида яшовчи ва муқаддам ўғрилик учун судланган шахс ҳам меҳмонхона ёнида қўлга олинган.

Маълум бўлишича, наркотик модда қўшни давлатдан олиб келинган.

Тезкор тадбир ДХХ, божхона ва ички ишлар органлари ходимлари ҳамкорлигида ўтказилиб, натижада катта миқдордаги гиёҳвандлик воситаси мусодара қилинган.

Telegram I Facebook I YouTube I Instagram

Пиёдалар ўтиш жойидаги хавфли ҳаракат ҳайдовчини судга олиб борди

Самарқандда йўл безорилиги содир этган ҳайдовчи аниқланди
Пиёдалар ўтиш жойида бир гуруҳ фуқароларга йўл бермай, уларнинг ҳаётини хавф остига қўйган ҳайдовчи топилди.

Ҳолат юзасидан ҳайдовчига нисбатан қонуний чора кўрилди. Тўпланган ҳужжатлар белгиланган тартибда Самарқанд шаҳар судига юборилди.

Йўлдаги бир сониялик беэътиборлик инсон ҳаётига хавф солиши мумкин. Ҳайдовчилардан йўл ҳаракати қоидаларига қатъий риоя қилиш сўралади.

Telegram I Facebook I YouTube I Instagram