Ўзбекистонлик келин никоҳдан сўнг 100 минг долларлик тиллалар билан ғойиб бўлди

Маълум бўлишича, 28 ёшли ўзбекистонлик аёл Туркия фуқаросига турмушга чиққан. Бироқ у никоҳ кечасидан сўнг ғойиб бўлган

Эрининг оиласи аёл билан бирга тахминан 100 минг долларлик тилла тақинчоқлар ҳам йўқолганини билдирган.

Оиланинг айтишича, тўй маросимига 200 минг долларга яқин маблағ сарфланган.

Telegram I Facebook I YouTube I Instagram

Профилактика инспекторларига янги ваколатлар берилади

Президент қарорига кўра, профилактика инспекторлари:
🔹 маҳалла кўчаларида йўл ҳаракати қоидаларининг 4 турдаги бузилиши бўйича чора кўради
🔹 биринчи марта содир этилган 17 турдаги ҳуқуқбузарлик учун огоҳлантириш беради
🔹 9 турдаги маъмурий ҳуқуқбузарлик бўйича ишларни кўриб, жазо қўллайди.

Инспекторлар фаолияти аҳолининг ишончи, ҳуқуқбузарликлар сони ва уларнинг такрорланиши асосида баҳоланади.

Фуқаролар профилактика инспекторига нисбатан «ишончсизлик ташаббуси» билдириши мумкин.

2026 йил 1 ноябрдан патруль-пост ва қўриқлаш хизматларига ҳам йўл ҳаракати хавфсизлиги бўйича айрим ваколатлар берилади.

Telegram I Facebook I YouTube I Instagram

Тошкентда 3-синф ўқувчиси металл буюм ютишга мажбурлангани айтилмоқда

Тошкент шаҳри Яшнобод туманидаги 151-мактабда 3-синф ўқувчисига юқори синф ўқувчилари томонидан номаълум металл буюм оғзига солиб юборилгани айтилмоқда.

Маълум бўлишича, воқеа 2 сентябрь куни бола ҳожатхонага чиққан вақтда содир бўлган. Бола қўрққани сабабли ҳолат ҳақида дарҳол хабар бермаган.

5 сентябрь куни унинг соғлиғи кескин ёмонлашиб, кучли оғриқлар билан шифохонага олиб борилган. Рентген текширувида боланинг ички аъзоларида металл буюм борлиги аниқланган.

Оиланинг маълум қилишича, бола оғир аҳволда шошилинч операция қилинган. Тахминан 3 соат давом этган жарроҳлик амалиётида ичакнинг шикастланган қисми олиб ташланган. Ҳозирда у реанимация бўлимида даволанмоқда.

Тошкент шаҳар мактабгача ва мактаб таълими бошқармаси боланинг аҳволи қониқарли эканини маълум қилди.

Ҳолат юзасидан ҳуқуқни муҳофаза қилувчи органлар томонидан терговга қадар текширув олиб борилмоқда. Текширув натижалари бўйича қўшимча маълумот берилиши айтилган.

Telegram I Facebook I YouTube I Instagram

Кўзи ожиз Улуғбекнинг хонадони аукциондан олиб қолинадими?

Effect.uz кўтарган масала ортидан масъуллар ҳаракатга ўтди!
Кўзи ожиз, 1-гуруҳ ногирони Солиев Улуғбек Валижоновичнинг хонадони нега аукционга чиқарилгани ҳақида аввалроқ Effect.uz веб-сайтида танқидий мақола эълон қилган эдик.

Мақоладан сўнг Улуғбек ака бизга мурожаат қилиб, Фарғона вилояти Ижтимоий кўмак бошқармаси юристи ҳолатни ўрганаётганини маълум қилди.

Аммо бугунги воқеа масалага янада жиддий тус берди. 7 сентябрь. Соат 20:30.
Иш вақти якунланган бўлишига қарамай, Фарғона вилояти ҳокимлиги биносидаги фуқаролар қабули хонасида вилоят ҳокимининг ёшлар сиёсати бўйича ўринбосари Шерзод Полвонов бизни қабул қилди.

У масаланинг моҳиятини тинглаб, 8 сентябрь куни вақт ажратиб, ҳолатни жойига чиқиб ўрганишини, Улуғбек аканинг ўзи билан суҳбатлашишини ва қонун доирасида ечим излашини билдирди.

Шерзод Полвоновнинг таъкидлашича Ҳар бир фуқаронинг мурожаати жойига чиқиб ўрганилади ва ижобий ечим йўллари топилади. Ногирон фуқаролар Ўзбекистон Республикаси ҳимоясида. Бу менинг нафақат давлат раҳбари томонидан зиммамга юклатилган вазифам, балки инсоний бурчим ҳам.

Энди жамоатчилик кутаётган энг муҳим савол
Улуғбек аканинг хонадони нима бўлади?
Агар ўрганиш жараёнида хонадоннинг аукционга чиқарилишида қонун бузилиши ёки Улуғбек аканинг ҳуқуқлари бузилгани аниқланса, уни аукциондан олиб қолиш ва қонуний эгасига расмийлаштириш имкони борми? Бу саволларга масъул идоралар аниқ ҳуқуқий баҳо бериша керак.

Биз ҳозирча уй қайтарилди демаяпмиз. Биз масалани жойига чиқиб ўрганилади, деган ваъдани қайд этяпмиз. Эртага эса гап эмас амалий натижа муҳим. Effect.uz бу масалани назоратда ушлаб жараёни ёритиб боради. Чунки бу ерда гап шунчаки кўчмас мулк ҳақида эмас.

Гап кўзи ожиз, 1-гуруҳ ногирони бўлган инсоннинг ягона бошпанаси, унинг қонуний ҳуқуқи ва инсон қадри ҳақида.
Улуғбек аканинг уйи сақлаб қолинадими?
Жавобни эртага ўрганиш ишлари кўрсатади. Биз эса натижа қандай бўлишидан қатъи назар, уни жамоатчиликка етказамиз.

EFFECT.UZ воқеалар ривожини ёритишда давом этади

Telegram I Facebook I YouTube I Instagram

Ўқитувчиларга 1 млн 20 минг сўмгача мукофот пули берилиши мумкин

1 октябрь — Ўқитувчи ва мураббийлар куни муносабати билан педагог ва раҳбар ходимларга бериладиган мукофот миқдори оширилди.

Президентнинг ПФ-51-сон фармонига кўра, мукофот меҳнатга ҳақ тўлашнинг энг кам миқдорининг 75 фоизигача бўлиши мумкин.

Ҳозир бу миқдор 1 млн 360 минг сўмни ташкил этгани учун, мукофот 1 млн 20 минг сўмгача етиши мумкин.

Мукофот миқдори ўқитувчининг ойлик маошидан эмас, меҳнатга ҳақ тўлашнинг энг кам миқдоридан келиб чиқиб ҳисобланади.

Telegram I Facebook I YouTube I Instagram

Самарқанд вилояти аҳолиси диққатига!

Муаммоингиз бор, аммо мурожаатингизга ечим топилмаяптими?
Адолатсизлик ёки қонунбузарликка дуч келдингизми?

EFFECT.UZ ахборот агентлигига мурожаат қилинг. Журналистларимиз мурожаатингизни ўрганиб, зарур ҳолларда журналистик суриштирув олиб боради.

Агар сизда ҳам жамоатчилик эътиборини талаб қиладиган муаммо ёки мурожаат бўлса, қуйида кўрсатилган телефон рақамлари орқали биз билан боғланишингиз мумкин.
Мурожаатингиз биз учун муҳим!

📩 МУРОЖААТ УЧУН:

📞 +998 90 910 77 32
📞 +998 50 767 83 04
📞 +998 97 966 32 32

Telegram I Facebook I YouTube I Instagram

Ўзбекистон PISA рейтингида 32 поғона юқорилади

Ўзбекистон дунё бўйлаб 91 та таълим тизими иштирок этган Иқтисодий ҳамкорлик ва тараққиёт ташкилоти (OECD) томонидан ўтказиладиган PISA 2025 халқаро тадқиқотида иккинчи бор иштирок этди.

Тадқиқот натижаларига кўра, Ўзбекистон ўқувчилари табиий фанлар бўйича 438 балл тўплаб, 91 та давлат ва таълим тизими орасида 48-ўринни эгаллади.
Таққослаш учун, PISA 2022 тадқиқотида Ўзбекистон табиий фанлар бўйича 355 балл билан 80-ўринда қайд этилган. Шу тариқа, 2025 йилда натижа 83 баллга ошган, мамлакат рейтингида эса 32 поғона юқорилаш кузатилган.

PISA 2025 тадқиқоти учун OECD томонидан республика бўйлаб тасодифий ва репрезентатив танлов асосида 233 та мактаб танлаб олинган. Унда 15 ёшли 8 652 нафар ўқувчи иштирок этган.
2022 йилги илк иштирокда эса Ўзбекистоннинг 202 та мактабидан 7 293 нафар ўқувчи қамраб олинган.

PISA тадқиқотида ўқувчиларнинг математика, табиий фанлар, ўқиш ва рақамли саводхонлик соҳаларидаги билим ва кўникмалари баҳоланади. PISA 2025 тадқиқотида табиий-илмий саводхонлик устувор йўналиш сифатида белгиланган.
Маълумот учун, PISA халқаро тадқиқоти 2000 йилдан буён ҳар уч йилда бир марта ўтказиб келинади.

Telegram I Facebook I YouTube I Instagram

Эрта никоҳ ҳақида хабар бериш шарт, яширганлар жаримага тортилиши мумкин

Ўзбекистонда эрта никоҳ ёки 16 ёшгача бўлган ҳомиладорлик ҳолатлари ҳақида тегишли идораларга хабар бермаганлик учун жарима жорий этиш таклиф қилинмоқда.

Тегишли қонун лойиҳаси 19 сентябрга қадар жамоатчилик муҳокамасига қўйилган.

Лойиҳага кўра, маҳалла, ФҲДЁ, таълим ва тиббиёт муассасалари, шунингдек, диний ташкилотлар вакиллари бундай ҳолатлардан хабардор бўлган тақдирда, бу ҳақда ички ишлар органлари ҳамда «Инсон» ижтимоий хизматлар марказларига хабар бериши керак бўлади.

Хабар бермаган фуқаролар ва хизматчиларга 3–5 БҲМ, мансабдор шахсларга эса 5–10 БҲМ миқдорида жарима солиш таклиф этилмоқда.

Қоида бир йил давомида такроран бузилса, жарима миқдори яна оширилиши мумкин.

📌 Қонун лойиҳаси ҳозирча таклиф мақомида бўлиб, жамоатчилик муҳокамасидан сўнг унга ўзгартишлар киритилиши мумкин.

Telegram I Facebook I YouTube I Instagram