Энг яхши ҳоким ёрдамчиларига 50 фоизгача устама берилади

Намунали ҳоким ёрдамчиларига қўшимча устама берилиб, улар Хитой, Япония ва Туркияда малака ошириш имкониятига эга бўлади.

Ўзбекистонда энг яхши ҳоким ёрдамчиларига алоҳида малака даражаси берилиб, 50 фоизгача устама тўланади.

Икки ой ичида хорижий мутахассислар жалб этилган махсус ўқув маркази ташкил қилиниб, ҳоким ёрдамчилари «лойиҳабай» ишлашга ўқитилади.

Йил якунида ҳар бир тумандан энг яхши икки нафар ҳоким ёрдамчиси сараланиб, Хитой, Япония ва Туркияга малака оширишга юборилади. Маҳалла банкирлари учун ҳам шундай ўқув ва стажировкалар ташкил этилади.

Бош прокуратурага эса уларнинг мустақил қарор қабул қилишига тўсқинлик қилаётган омилларни бартараф этишга кўмаклашиш вазифаси юклатилди.

Telegram I Facebook I YouTube I Instagram

Камбағалликни қисқартиришда масъулиятсизлик танқид қилинди

Йиғилишда жойларда натижа бўлмаётганининг асосий сабаблари таҳлил қилинди.

«Маҳалла еттилиги» учун масъул раҳбарлар қуйи тизимдаги ходимларга қабул қилинган қарорларни қандай ижро этиш бўйича аниқ кўрсатмалар бермаётгани танқид қилинди.

Айрим раҳбарлар яратилган имкониятлардан тўғри фойдаланиш ва «еттилик» фаолиятига холис баҳо беришни билмаётгани қайд этилди.

Шунингдек, туман ва маҳаллаларда камбағаллик ҳамда ишсизликка масъул ходимларда масъулиятни ўз зиммасига олишдан ҳадик борлиги танқид қилинди.

Президент сўнгги уч йилда маҳаллалардаги тадбиркорлик лойиҳаларига 314 триллион сўм ресурс ажратилганини, аммо кредитларнинг камбағалликни қисқартиришга таъсири барча туманларда бирдек сезилмаётганини таъкидлади.

Telegram I Facebook I YouTube I Instagram

Камбағалликдан холи ҳудудлар сони ошмоқда

Президент Шавкат Мирзиёев раислигида камбағалликни қисқартириш ва аҳоли даромадини ошириш масалалари муҳокамасига бағишланган йиғилиш бошланди.

Йил бошида мамлакатда камбағаллик даражаси 5,8 фоиз бўлиб, эҳтиёжманд аҳоли сони 2,2 миллион нафарни ташкил этган. Ҳозир бу кўрсаткич 1,5 миллион нафарга тушган.

Ишни самарали ташкил этган 49 та туман ва 3 429 та маҳалла ишсизлик ва камбағалликдан холи ҳудудга айланмоқда.
Бироқ 159 та туман ва шаҳар ҳамда 5 536 та маҳаллада натижалар ҳали етарли эмаслиги танқид қилинди.

Президент барча ҳудудларга бир хил ваколат, ресурс ва имконият берилганини таъкидлаб, улардан самарали фойдаланиш зарурлигини қайд этди.

Telegram I Facebook I YouTube I Instagram

«Ногиронлик — $300» — актёр Шаҳноза Мирзиёевага мурожаат қилди

Сергели туманида яшовчи актёр Мусулмон Юнусовнинг айтишича, ногиронлиги бўлган қизи учун ҳужжат расмийлаштириш жараёнида ҳамшира ундан $300 пул сўраган.

Telegram I Facebook I YouTube I Instagram

Ижтимоий тармоқларда тарқалган хабарларга кўра, Глинка кўчасида юқори босимли қувур ёрилгани айтилмоқда

“Veolia Energy Tashkent” масъулияти чекланган жамияти хорижий корхонаси маълум қилишича, ҳодиса жойига компаниянинг авария-тиклаш бригадаси ва мутахассислари зудлик билан етиб борган.

Telegram I Facebook I YouTube I Instagram

Бугун Тошкент шаҳри Яккасарой туманидаги Глинка кўчасида содир бўлган ҳодиса ҳақида хабар берилган эди

Telegram I Facebook I YouTube I Instagram

«Синглимнинг ишхонаси портлаб кетди, деб ўйладим» — Глинка кўчасидаги ҳодиса гувоҳлари

Ҳодиса оқибатида бир киши жароҳатланган, бир нечта автомобиль эса шикастланган.

Мазкур ҳолат юзасидан аҳолидан воқеа бўйича фикрлари ўрганилди.

Telegram I Facebook I YouTube I Instagram

Ишлайдиган оналарга фарзанди 1 ёшга тўлгунга қадар Ижтимоий суғурта жамғармасидан нафақа тўланади.

Эҳтиёжманд, меҳнатга лаёқатсиз оилалар учун «пассив даромад» келтирадиган ижтимоий пакетга жорий йилда 300 миллиард сўм ажратилган.

Telegram I Facebook I YouTube I Instagram

🚨 Глинка кўчасидаги ҳодиса бўйича қўшимча маълумотлар

Бир неча марта Тошкент шаҳри Яшнобод туманидаги Глинка кўчасида юз берган ҳодиса ҳақида хабар берган эдик.

Воқеа жойига Тошкент шаҳар Фавқулодда вазиятлар бош бошқармаси ахборот хизмати вакили, майор Зуҳриддин Қурбонов ҳам етиб келиб, оммавий ахборот воситалари вакилларига ҳодиса юзасидан маълумот берди.

«Veolia Energy Tashkent» масъулияти чекланган жамияти хорижий корхонаси маълумотига кўра, айни пайтда ҳеч қандай сизиб чиқиш ҳолати аниқланмаган.

❗️Ҳодисанинг айнан нима сабабдан юз бергани ҳозирча маълум эмас. Воқеа сабаблари тегишли мутахассислар томонидан ўрганилмоқда ва текширув натижаларига кўра кейинчалик маълум қилинади.

Telegram I Facebook I YouTube I Instagram

"Навоийда тиббиёт ходимларининг кечиктирилган устамалари 20 сентябргача тўлаб берилади" — вилоят Соғлиқни сақлаш бошқармаси

Аввалроқ таҳририятимиз томонидан ««Оборотда пул йўқ»: Навоийда тиббиёт ходимларининг чораклик устамалари нега кечиктирилмоқда?» сарлавҳаси остида хабар эълон қилинган эди. Мазкур ҳолат юзасидан Навоий вилояти Соғлиқни сақлаш бошқармаси ишчи гуруҳи томонидан Навоий шаҳар тиббиёт бирлашмасида ўрганиш ишлари олиб борилиб, расмий муносабат билдирилди.

Ўрганиш натижаларига кўра, биринчи чорак учун белгиланган устама маблағлари тиббиёт ходимларига тўлиқ тўлаб берилган. Иккинчи чоракдаги кечикишга эса май–август ойларида бирлашманинг 1 418 нафар ходимидан 718 нафари (50,6 фоизи) режа асосида меҳнат таътилига чиққани сабаб бўлган. Маблағлар йил давомида 12 ойга тенг бўлингани боис, ёз ойларида таътил тўловларига бўлган эҳтиёж ортиб, вақтинчалик молиявий танқислик юзага келган.

Шунингдек, текширув давомида устама балларини сунъий равишда камайтириш ҳолати ўз тасдиғини топмагани маълум қилинган. Тўловлар Адлия вазирлиги томонидан 3416-сон билан рўйхатдан ўтказилган Низом талаблари асосида амалга оширилмоқда.

Бошқарма томонидан маълум қилинишича, ҳозирда мавжуд муаммони бартараф этиш чоралари кўрилмоқда ва иккинчи чорак учун ҳисобланган устама маблағлари тиббиёт ходимларига 2026 йил 20 сентябрга қадар тўлиқ тўлаб берилади.

Effect.uz воқеалар ривожини ва ваъда қилинган тўловлар ўз вақтида амалга оширилишини кузатиб боради.

Telegram I Facebook I YouTube I Instagram

Миграция агентлигига дипломатия ва халқаро тажрибага эга раҳбар тайинланди

Миграция агентлигига Ўзбекистоннинг Япониядаги собиқ фавқулодда ва мухтор элчиси Мухсинхўжа Абдураҳмонов раҳбар этиб тайинланди.

1974 йилда Фарғона вилоятида туғилган Абдураҳмонов Тошкент давлат иқтисодиёт университети, АҚШдаги Калифорния университети ҳамда Япониянинг Отару коммерция ва Хоккайдо университетларида таҳсил олган.

У меҳнат фаолияти давомида хусусий сектор, инвестиция, ташқи савдо ва дипломатия соҳаларида ишлаган. Жумладан, Coca-Cola компаниясида менежер, Фарғона вилояти ҳокими ўринбосари, Ташқи ишлар вазирлигида бошқарма бошлиғи ва 2021 йилдан Ўзбекистоннинг Япониядаги элчиси лавозимларида фаолият юритган.

Янги раҳбар япон, инглиз, рус, тожик ва араб тилларини билади. Энди у хорижда меҳнат қилаётган ҳамда ишлаш учун чет элга чиқишни режалаштираётган минглаб ўзбекистонликлар манфаатларига дахлдор муҳим соҳани бошқаради.

Telegram I Facebook I YouTube I Instagram

Жорий йилнинг 4 сентабр куни EFFECT.UZ жамоаси Андижон шаҳридаги Андижон туманлараро фуқаролик туман биносига етиб борди

Telegram I Facebook I YouTube I Instagram

Андижон вилояти ИИБ га янги раҳбар тайинланди

Андижон вилояти Ички ишлар бош бошқармасига Абдумажид Шермухамедов янги раҳбар этиб тайинланди.
Маълум бўлишича, Абдумажид Шермухамедов ушбу тайинловга қадар Хоразм вилояти Ички ишлар бошқармаси бошлиғи лавозимида фаолият юритган.

У янги лавозимда Андижон вилоятида жамоат хавфсизлигини таъминлаш, жиноятчиликнинг олдини олиш ҳамда ички ишлар тизими фаолиятини мувофиқлаштиришга масъул бўлади.

Telegram I Facebook I YouTube I Instagram

Фарғонада кўп қаватли уй ертўласида акула боқилаётгани аниқланди

Фарғона вилояти ҳудудий Қурилиш ва уй-жой коммунал хўжалиги соҳасида назорат қилиш инспекцияси Фарғона шаҳридаги «Мурувват» МФЙ, Фарғона кўчаси, 78-уйда мониторинг ўтказди.

Telegram I Facebook I YouTube I Instagram

Глинка кўчасида содир бўлган авария сабаблари айтилди

Тошкент шаҳри ҳокимлиги Глинка кўчасида содир бўлган ҳодисанинг дастлабки сабабларини маълум қилди.

Дастлабки маълумотларга кўра, диаметри 219 миллиметр бўлган ерости газ қувуридан сизиб чиққан газ иссиқлик тармоғи камерасида тўпланиб, авария ҳолатини келтириб чиқарган.

Текширув жараёнида газ қувурининг тахминан 375 квадрат сантиметр майдонида бир нечта нуқтадан газ сизиб чиқаётгани аниқланган.

Айни пайтда мутахассислар ҳодисанинг барча сабаб ва тафсилотларини ўрганмоқда. Текширув якунлангач, йўл қопламасини тиклаш ишлари давом эттирилиб, кўча транспорт ҳаракати учун очилиши кутилмоқда.

Мазкур ҳолат юзасидан жиноят иши қўзғатилган ва тергов ҳаракатлари олиб борилмоқда. Тергов якунларига кўра, масъул шахсларнинг хатти-ҳаракатларига ҳуқуқий баҳо берилади.

Ҳокимлик маълум қилишича, вазият доимий назоратга олинган.

Telegram I Facebook I YouTube I Instagram

Тиббиётда кадрлар тайёрлаш тизими ўзгаради

Президент Шавкат Мирзиёев тиббиёт ва фармацевтика соҳасида кадрлар тайёрлаш тизимини такомиллаштириш бўйича таклифлар билан танишди.

2027/2028 ўқув йилидан «Даволаш иши» ўрнига 6 йиллик «Умумий тиббиёт» дастурини жорий этиш таклиф қилинмоқда.

Шунингдек, тиббиёт ва фармацевтика ходимларининг ягона электрон реестри яратилади. 2027 йилдан рўйхатдан ўтиш ихтиёрий, 2030 йилдан мажбурий бўлиши режалаштирилмоқда.

Мутахассисларнинг билим ва кўникмалари мустақил баҳоланади. Узлуксиз касбий таълим тизими ҳам жорий этилиб, ходимлар ҳар йили белгиланган миқдорда кредит тўплайди.

Президент ўзгаришлар тиббий хизмат сифати ва беморлар хавфсизлигини оширишга хизмат қилиши кераклигини таъкидлади.

Telegram I Facebook I YouTube I Instagram