Тошкентнинг 10 та туман ҳокимига нисбатан хизмат текшируви ўтказилади

Коррупцияга қарши курашиш агентлиги тақдимномасига асосан пойтахтнинг 10 та тумани ҳокимларига нисбатан хизмат текшируви ўтказилиши белгиланди.

Текширув Бектемир, Миробод, Мирзо Улуғбек, Олмазор, Сергели, Учтепа, Чилонзор, Шайхонтоҳур, Юнусобод ва Яшнобод туманлари ҳокимларига нисбатан ўтказилади.

Тегишли фармойиш Тошкент шаҳар ҳокими Шавкат Умурзоқов томонидан 3 август куни имзоланган.

Ҳозирча хизмат текширувига сабаб бўлган ҳолатлар ҳақида қўшимча маълумот берилмаган.

Telegram I Facebook I YouTube I Instagram

Тошкент шаҳар ҳокимлигида янги тайинлов

Саидазимхон Бориевич Тўлаганов Тошкент шаҳар ҳокимлигининг Мурожаатлар билан ишлаш бўлими бошлиғи лавозимига тайинланди.

Тўлаганов мазкур тайинловга қадар Тошкент шаҳар ҳокимлиги ҳузуридаги «Янги Ўзбекистон кўчаси» ишбилармонлик марказини қуриш ва эксплуатация қилиш дирекциясида маънавий-маърифий ва ташкилий масалалар бўйича директор ёрдамчиси сифатида фаолият юритган.

📌 Маълумот учун: янги лавозимда у фуқаролар ва юридик шахсларнинг мурожаатлари билан ишлаш жараёнларини ташкил этиш учун масъул бўлади.

Telegram I Facebook I YouTube I Instagram

Хорижда яширинган икки қидирувдаги шахс қайтарилди

Польша ва Туркияда яширинган икки ўзбекистонлик ушланди.

Интерпол ҳамкорлигида халқаро қидирувда бўлган икки нафар Ўзбекистон фуқароси ватанга қайтарилди.

Улардан бири диний экстремистик ташкилотда иштирок этиш, иккинчиси фирибгарликда айбланмоқда

Telegram I Facebook I YouTube I Instagram

Президент Администрациясининг мақоми қонун билан белгиланмоқда

Администрациясининг ҳуқуқий мақоми, ваколатлари ва фаолият тартибини белгилайдиган Конституциявий қонун лойиҳаси Қонунчилик палатасида биринчи ўқишда маъқулланди.

Қонун лойиҳаси Президент Администрациясининг ҳуқуқий мақомини Конституция талабларига мувофиқ тартибга солишни назарда тутади.

Қонунчилик палатаси депутатлари Президент Администрациясининг ҳуқуқий мақоми, вазифалари ва ваколатларини белгилашга қаратилган Конституциявий қонун лойиҳасини биринчи ўқишда қабул қилди.

Маълум қилинишича, янги таҳрирдаги Конституциянинг 109-моддасига мувофиқ, Президент ўз ваколатларини самарали амалга оширишини ташкилий ва таҳлилий жиҳатдан таъминлаш мақсадида Президент Администрациясини тузади. Шу билан бирга, унинг ҳуқуқий мақоми, вазифалари ва ваколатлари қонун билан белгиланиши назарда тутилган.

Қонун лойиҳасига кўра, Президент Администрациясининг фаолият юритиш тартиби, ташкилий тузилмаси ҳамда давлат органлари билан ўзаро ҳамкорлиги ҳуқуқий жиҳатдан мустаҳкамланади.

Шунингдек, Администрацияни шакллантириш, унинг Раҳбарини лавозимга тайинлаш ва озод этиш тартиби Президент ваколати сифатида қонун даражасида белгиланмоқда.

Лойиҳада Президент Администрациясининг давлат органларидаги комплаенс ва коррупцияга қарши ички назорат тузилмалари билан ҳамкорлиги, шунингдек, унинг мансабдор шахслари ва ходимлари фаолиятининг ҳуқуқий кафолатлари ҳам назарда тутилган.

Таъкидланишича, ҳужжатни ишлаб чиқишда АҚШ, Финляндия, Чехия, Словакия, Руминия, Латвия, Тайвань, Қозоғистон ва Туркманистон тажрибаси ўрганилган.

Лойиҳа муаллифлари ушбу Конституциявий қонун қабул қилиниши давлат органлари ўртасидаги ҳамкорликни мустаҳкамлаш ва давлат бошқаруви самарадорлигини оширишга хизмат қилишини қайд этмоқда.

Тошкент ҳокими маслаҳатчиси тайинланди

Фатхулла Нигманов Тошкент шаҳар ҳокимининг маслаҳатчиси — ахборот-таҳлилий гуруҳ раҳбари этиб тайинланди.

У аввал Тошкент шаҳар ҳудудий сайлов комиссияси раиси ўринбосари лавозимида ишлаган.

Шунингдек, у Юнусобод ва Бектемир туманлари ҳокимликларида турли лавозимларда фаолият юритган.

Telegram I Facebook I YouTube I Instagram

Қирғизистонда ҳарбийлар ўртасида чемпионат бошланади

Ўзбекистон ҳарбийлари ҳам халқаро мусобақада иштирок этади.

5 август куни Қирғизистонда МДҲ давлатлари дўстона армиялари ҳарбий хизматчилари ўртасида XVII отиш бўйича чемпионат старт олади.

Мусобақада Ўзбекистон, Беларусь, Қозоғистон, Қирғизистон ва Россия ҳарбийлари қатнашади.

Иштирокчилар АК-3 автомати ва ПМ-3 пистолетидан отиш бўйича шахсий ҳамда жамоавий баҳсларда куч синашади. Мусобақада аёл ҳарбийлар ҳам иштирок этади.

Telegram I Facebook I YouTube I Instagram

Россияда дрон ҳужуми оқибатида 7 киши ҳалок бўлди

Россиянинг Краснодар ўлкасидаги пляжга дрон қулаши оқибатида 7 киши, жумладан 3 нафар бола ҳалок бўлди.

Ҳодисада яна 40 киши жароҳатланган, 17 нафар жабрланувчи шифохонага ётқизилган.

Россия расмийлари ҳодисада Украинани айблаган, аммо Украина томони бу бўйича изоҳ бермаган. Дроннинг аниқ мақсади ҳозирча маълум эмас.

Telegram I Facebook I YouTube I Instagram

Фарғонада аҳоли эътирозига сабаб бўлган ноқонуний қурилиш бузилди

Фарғона шаҳрида қарийб 5 йил давомида аҳолига ноқулайлик туғдириб келган қурилишга чек қўйилди.

Шодиёна кўчасидаги мажмуа маҳалла аҳолисининг эътирозларига қарамай қуриб келинган. Ҳудудда ноқонуний қурилишни бартараф этиш бўйича бузиш ишлари амалга оширилди.

Маълум қилинишича, мазкур ҳудудда аҳоли учун қулай шароит яратиш ва болалар майдончаларини барпо этиш ташаббуси доирасида ишлар олиб борилган.

Telegram I Facebook I YouTube I Instagram

Тошкентда машинани «подзнак» қилиб қолдирганлар учун харажат ошиши мумкин

Пойтахтда қоидабузарлик сабаб эвакуация қилинган автомобилларни жарима майдончасида сақлаш ва ташиш хизматлари учун энг юқори тарифлар белгиланмоқда.

Қарорга кўра:
Сақлаш: ҳар бир сутка учун БҲМнинг 20 фоизи;
Эвакуация ва ташиш: ҳар бир километр учун БҲМнинг 20 фоизи.

Шу билан бирга, автомобилни жарима майдончасига эвакуация қилиш бўйича умумий тўлов БҲМнинг 4 бараваридан ошмаслиги керак.
Ягона тарифларни жорий этиш орқали хизматлар нархини шаффофлаштириш ва фуқаролардан асоссиз тўловлар ундирилишининг олдини олиш мақсад қилинган.

Telegram I Facebook I YouTube I Instagram

Тошкентда 4,7 млрд сўмлик бюджет маблағлари сохта «кешбек» орқали талон-торож қилинган

Тошкент шаҳрида фуқароларга сохта харид чекларини сотиш орқали бюджет маблағларини «кешбек» сифатида ўзлаштириш ҳолатлари аниқланди.

Дастлабки ҳолатда «G.M.» МЧЖ масъуллари гўёки 76,2 млрд сўмлик маҳсулот харид қилингани ҳақида сохта маълумотлар расмийлаштириб, 2 475 нафар ижтимоий ҳимоя реестридаги шахсларга сохта чекларни 70–150 минг сўмдан сотган. Натижада «Soliq Mobile» орқали 7,5 млрд сўм кешбек ҳисобланиб, шундан 4,1 млрд сўми тўлаб берилган.

Яна бир ҳолатда «E.G.» ва «I.F.» МЧЖ масъуллари 1 812 нафар шахсга сохта чекларни 100–150 минг сўмдан сотган. Ушбу схема орқали 1 млрд сўм кешбек ҳисобланиб, 640,8 млн сўми тўлаб берилган.

Ҳар икки ҳолат бўйича жиноят ишлари қўзғатилиб, тергов ҳаракатлари олиб борилмоқда.

Telegram I Facebook I YouTube I Instagram

Қашқадарёда икки ходим 3 минг доллар эвазига ОИВ хулосасини ўзгартирмоқчи бўлди

Қашқадарё вилоятида ОИВ бўйича экспертиза хулосасини ижобий ҳал қилиб бериш эвазига 3 минг доллар талаб қилингани аниқланди.
Маълум қилинишича, гумон қилинувчилардан бири ОИТСга қарши курашиш марказининг туманлардан биридаги ОИВ диагностика лабораторияси лаборанти, иккинчиси эса Республика суд-тиббий экспертиза илмий-амалий марказининг туман бўлими бошлиғи бўлган.
Ҳолат юзасидан тегишли тартибда тергов ҳаракатлари олиб борилмоқда.

Telegram I Facebook I YouTube I Instagram

Тошкентда таблетка тарқатишда гумонланган 3 нафар шахс ушланди

Тошкент шаҳрида таблетка тарқатишда гумонланган жиноий гуруҳнинг 3 нафар аъзоси қўлга олинди.

Ҳолат юзасидан терговга қадар текширув ва зарур процессуал ҳаракатлар олиб борилмоқда.

Telegram I Facebook I YouTube I Instagram

Туркиядаги масжидда жасад топилди

Туркиянинг Эрзурум шаҳридаги “Селимие” масжидида эркак кишининг жасади топилди.

Ҳабер Глобал хабарига кўра, воқеа шом намози вақтида юз берган. Масжидга келган ходим жасадни кўриб, зудлик билан ҳуқуқ-тартибот идоралари ва тез ёрдам хизматига хабар берган.

Telegram I Facebook I YouTube I Instagram

Икки вилоятда яна порахўр мансабдорлар ушланди

Давлат хавфсизлик хизмати, Бош прокуратура ҳузуридаги Департамент ҳамда ички ишлар органлари ҳамкорлигида Андижон ва Қашқадарё вилоятларида коррупцияга оид ҳолатлар фош этилди. Бу ҳақда ДХХ ахборот хизмати маълум қилди.

Telegram I Facebook I YouTube I Instagram

Давлат хизматчилари учун ягона иш ҳақи тизими жорий этилади

Янги тизим 54 минг нафар давлат фуқаролик хизматчисини қамраб олади. Иш ҳақи ходимнинг малакаси, масъулияти ва аниқ натижаларига боғланади.

Президент Шавкат Мирзиёев давлат фуқаролик хизматчиларининг меҳнатига ҳақ тўлаш тизимини такомиллаштириш бўйича таклифлар билан танишди.

Янги тизим доирасида давлат хизматчилари учун ягона, очиқ ва натижага асосланган иш ҳақи тизими жорий этилиши режалаштирилмоқда.

Амалда иш ҳақининг асосий қисми турли устама ва рағбатлантирувчи тўловлар ҳисобига шаклланмоқда. Бу эса бир хил лавозимда ишлайдиган ходимлар маошида сезиларли фарқлар юзага келишига сабаб бўлмоқда.

Янги тартибга кўра:

▪️ 54 минг нафар давлат хизматчиси ягона тизим билан қамраб олинади;
▪️ давлат органлари миллий, республика, ҳудудий, туман ва шаҳар даражаларига ажратилади;
▪️ ходимлар вазифаларига қараб маъмурий-бошқарув, асосий ва қўллаб-қувватлаш гуруҳларига бўлинади;
▪️ 11 та разряд ва 6 та поғонадан иборат янги иш ҳақи сеткаси жорий этилади;
▪️ ўндан ортиқ устама ва мукофотлар ўрнига учта асосий рағбатлантириш тўлови белгиланади.

Ходимларнинг KPI кўрсаткичлари малакаси, функционал вазифаларни бажариши, ижро ва меҳнат интизоми ҳамда ташаббускорлиги асосида баҳоланади.

Муҳим ва мураккаб вазифаларни бажарган, инновацион ёндашувларни жорий этган ҳамда юқори натижаларга эришган ходимларга ҳисобот даври якуни бўйича бонус тўлаш ҳам назарда тутилмоқда.

Шунингдек, бонуслар замонавий ахборот технологиялари, жумладан, сунъий интеллектни ўзлаштириш, янги билим ва кўникмаларни эгаллаш ҳамда малака ошириш каби аниқ мезонлар асосида берилади.

Telegram I Facebook I YouTube I Instagram

Фарғонада аҳоли эътирозига сабаб бўлган ноқонуний қурилиш бузилди

Фарғона шаҳрида қарийб 5 йил давомида аҳолига ноқулайлик туғдириб келган қурилишга чек қўйилди.

Шодиёна кўчасидаги мажмуа маҳалла аҳолисининг эътирозларига қарамай қуриб келинган. Ҳудудда ноқонуний қурилишни бартараф этиш бўйича бузиш ишлари амалга оширилди.

Telegram I Facebook I YouTube I Instagram

Сирдарёда шилқимлик қурбони бўлган қизга солинган жарима бекор қилинди

Сирдарё вилояти судининг апелляция инстанцияси 18 ёшли қизга нисбатан майда безорилик бўйича тайинланган жаримани бекор қилди. Бу ҳақда вилоят судлари матбуот хизмати хабар берди.

Telegram I Facebook I YouTube I Instagram

Нижегород вилоятидаги рейд: Ўзбекистон Бош консулхонаси ҳолатни назоратга олди

Россиянинг Нижегород вилоятида ҳуқуқни муҳофаза қилувчи органлар рейди акс этган видеолавҳалар ижтимоий тармоқларда тарқалди. Ўзбекистоннинг Қозон шаҳридаги Бош консулхонаси ҳолат юзасидан расмий чоралар кўрмоқда.

Ижтимоий тармоқларда Нижегород вилоятида ўтказилган рейд давомида бир нечта Ўзбекистон фуқаролари, жумладан, бир аёл иштирокидаги ҳолатлар акс этган видеолар тарқалди.
Ўзбекистон Республикасининг Қозон шаҳридаги Бош консулхонаси мазкур ҳолатни тезкорлик билан назоратга олди.

Айни пайтда Россиянинг тегишли давлат органлари билан алоқа ўрнатилиб, воқеанинг барча тафсилотларига ойдинлик киритиш ҳамда Ўзбекистон фуқароларининг ҳуқуқ ва қонуний манфаатларини таъминлаш мақсадида расмий ахборот сўралган.

Шунингдек, видеолавҳада ўзини Ўзбекистон фуқароси сифатида таништирган М.С.нинг ҳуқуқ ва қонуний манфаатларини ҳимоя қилиш ҳамда унга зарур консуллик-ҳуқуқий ёрдам кўрсатиш бўйича амалий ишлар олиб борилмоқда.

Бош консулхона вазиятни назоратда ушлаб турибди.

Telegram I Facebook I YouTube I Instagram

6 ёшли қизалоқ ҳалок бўлган иш якунланди

Андижон вилояти Хўжаобод туманида 21 нафар боғча тарбияланувчисини Tracker автомобилида олиб кетаётганда йўл-транспорт ҳодисасига сабаб бўлган аёлга нисбатан суд ҳукми чиқарилди.

Telegram I Facebook I YouTube I Instagram

Самарқандда акасини милтиқ билан отиб ўлдирган эркак 10 йилга қамалди

Самарқанд вилояти Нарпай туманида ўз акасини ов милтиғи билан отиб ўлдирган эркак 10 йилга озодликдан маҳрум қилинди.

Суд ҳужжатларига кўра, ҳодиса 2026 йил 12 февраль куни содир бўлган. Балиқчилик билан шуғулланиб келган ака-ука ҳовузлари ўртасидан оқиб ўтган зовур сувини тақсимлаш масаласида жанжаллашган.

Telegram I Facebook I YouTube I Instagram

«Ит ҳам бундай уйда яшамайди, қачонгача "мусор" бўлиб яшайсиз?» — Шаҳрисабз ҳокимининг рейди жамоатчилик танқидига сабаб бўлди

Шаҳрисабз тумани ҳокими Самад Ҳасановнинг маҳаллалардан бирида «тозалик рейди» ўтказаётгани акс этган видео ижтимоий тармоқларда кенг муҳокамага сабаб бўлди.

Видеода ҳоким ва мутасаддилар айрим фуқароларнинг хонадонларига кириб, яшаш шароитини кўздан кечираётгани ва танбеҳ бераётгани акс этган. Лавҳалардан бирида мутасадди «ит ҳам бундай уйда яшамайди» деган мазмундаги иборани ишлатган.

Ҳолат жамоатчиликда фуқароларнинг шаъни, қадр-қиммати ва шахсий ҳаёти дахлсизлигига оид саволларни юзага келтирди.

Конституциянинг 31-моддасига кўра, ҳар ким уй-жой дахлсизлиги ҳуқуқига эга. Ҳеч ким уй-жойга унда яшовчи шахснинг хоҳишига қарши кира олмайди, қонунда назарда тутилган ҳоллар бундан мустасно.

Албатта, тозалик ва ободонлаштириш муҳим. Аммо бу фуқароларнинг шаъни ва қадр-қимматини камситиш ёки уларни омма олдида уялтириш ҳисобига амалга оширилмаслиги керак.

Шунингдек, давлат вакилларининг фуқаролар хонадонларига кириб, уларнинг яшаш тарзини муҳокама қилиши қанчалик тўғри экани ҳақида ҳам саволлар туғилмоқда.

Шаҳрисабз тумани ҳокимлиги эса расмий муносабатида хонадонга киришдан олдин уй эгасидан рухсат сўралганини, видеони ҳокимлик матбуот хизмати олмагани ва тарқатмаганини маълум қилди.

Бироқ, ушбу изоҳ фуқароларнинг шаъни, қадр-қиммати ва шахсий ҳаёти билан боғлиқ ҳуқуқий саволларни тўлиқ бартараф этмайди. Ҳолатга ҳуқуқий баҳо берилиши зарур.

Telegram I Facebook I YouTube I Instagram