Зилзиладан кейинги фожиа

Японияда зилзиладан зарар кўрган савдо марказига қайтган икки ходим ҳалок бўлди.

Япониянинг Кумамото ҳудудидаги савдо марказида юз берган портлаш оқибатида икки ходим вафот этди.

Маълум бўлишича, улар раҳбар топшириғи билан пулларни хавфсиз жойга олиб қўйиш учун зилзиладан кейин бинога қайта кирган.
Компания раҳбарияти кўрсатма нотўғри бўлганини тан олиб, марҳумларнинг яқинларидан узр сўради.

Telegram I Facebook I YouTube I Instagram

Фарғонада 12,9 млрд сўмлик субсидия сохта маълумотлар асосида ажратилган

Фарғонада иссиқлик энергияси ҳажми ҳужжатларда қарийб 2,5 баравар ошириб кўрсатилган. Натижада бюджетдан 12,9 млрд сўм ортиқча субсидия ажратилган.

Бош прокуратура ҳузуридаги Департаментнинг Фарғона шаҳар бўлими томонидан ўтказилган текширувда «Иссиқлик таъминоти» МЧЖ мансабдор шахсларининг ҳаракатлари фош этилди.

Аниқланишича, 2024–2025 йиллар ҳамда 2026 йил январь–май ойларида аҳолига амалда 85,7 минг Гкал иссиқлик энергияси етказиб берилган. Бироқ масъуллар тақдим этган ҳужжатларда бу кўрсаткич 212,3 минг Гкал деб кўрсатилган.

Шу тариқа, бюджетдан 12,9 млрд сўм ортиқча субсидия ажратилишига эришилган ва давлат манфаатларига жуда кўп миқдорда моддий зарар етказилган.

Ҳолат юзасидан Жиноят кодексининг тегишли моддалари билан жиноят иши қўзғатилиб, тергов ҳаракатлари олиб борилмоқда.

Telegram I Facebook I YouTube I Instagram

⚡️Хоразмда суд қароридан ҳам кучлироқ қарор(одам)лар бор…

Давлат берган ҳуқуқ, Кадастр рад этган ариза ва суд эшигигача етиб келган баҳс…

«Ижро ҳужжатидаги талаблар амалда ижро этилди.«

Бу бир жумла Хивадаги бир ишга нуқта қўйиши керак эди. Мажбурий ижро бюроси айнан шундай қарор қабул қилди. Аммо бир неча ой ўтиб, ушбу иш бўйича фуқаро Лочин Ибрагимов Effect.uz таҳририятига мурожаат қилди.

Унинг айтишича, суд қарори ижро этилган деб ҳисобланган бўлсада, у ҳали ҳам ўз ҳуқуқига эриша олмаган.

Хўш... Унда ижро этилган ҳаракат нимадан иборат?
Суд қарорини ким бажаради?

Ўзбекистон Республикаси Конституциясига кўра, суд ҳокимияти мустақил ҳисобланади. Судлар чиқарган ва қонуний кучга кирган қарорлар эса барча давлат органлари, мансабдор шахслар, ташкилотлар ҳамда фуқаролар учун мажбурийдир. Бу қоида қонунларда аниқ белгилаб қўйилган.

Аммо Effect.uz ўрганган Хоразмдаги иш ушбу қоида амалда қандай ишлаши ҳақида жиддий саволларни ўртага чиқармоқда. Бу суриштирув ер ҳақида эмас, бу қонуний кучга кирган суд қарорининг ҳақиқий ижроси нимани англатиши ҳақида.
Ҳаммаси 2001 йилда бошланган…

👉 https://effect.uz/n/206

Суд қарорини муҳокама қилиш мумкин.

Суд қарори устидан шикоят қилиш мумкин.

Суд қарорини юқори инстанцияда бекор қилиш ҳам мумкин.

Аммо қонуний кучга кирган суд қарорини бажармаслик ёки унинг ижроси ҳақида турлича талқинлар пайдо бўлиши жамоатчиликда табиий саволларни туғдиради.

Хўш...

Суд қароридан ҳам кучлироқ қарор борми?

 

Effect.uz ушбу материални тайёрлаш жараёнида 80 саҳифадан ортиқ суд ҳужжатлари, давлат органларининг расмий жавоблари, архив маълумотлари ҳамда мурожаатчи тақдим этган материалларни ўрганди. Материалда келтирилган барча фактлар мавжуд ҳужжатларга асосланади. Айни пайтда таҳририят мазкур масала юзасидан барча масъул давлат органларининг расмий муносабатини ҳам кутади.

Солиқ қўмитаси июнь ойи учун 112,8 млрд сўмлик кешбэкни тасдиқлади

5,5 млндан ортиқ истеъмолчига кешбэк тўловлари тасдиқланди.

Солиқ қўмитаси июнь ойида харидлар учун 112,8 млрд сўм кешбэкни тасдиқлади.

Қолган тўловлар тадбиркорлар солиқ ҳисоботларидаги хатоларни тузатиб, қарздорликни бартараф этганидан сўнг автоматик тасдиқланади.

Амалдаги тартибга кўра, харидорлар харид суммасининг 1 фоизи, ойига энг кўпи билан 247,2 минг сўм кешбэк олиши мумкин.

Қўмита фуқароларни «Солиқ» иловасида фақат ҳақиқий чекларни рўйхатдан ўтказишга чақирди.

Telegram I Facebook I YouTube I Instagram

“Андижон сув таъминоти” АЖ Жалақудуқ тумани филиали бошлиғи ушланди

Андижонда канализация тармоғи ўрнатиш учун техник шарт олиб беришни ваъда қилиб, 8 500 АҚШ доллари талаб қилинган ҳолат аниқланди.

Бош прокуратура ҳузуридаги Департаментнинг Андижон вилояти бошқармаси ва бошқа ҳуқуқни муҳофаза қилувчи органлар ҳамкорлигида ўтказилган тезкор тадбирда “Андижон сув таъминоти” АЖ Жалақудуқ тумани филиали бошлиғи К.Т.га нисбатан жиноят иши қўзғатилди.

Маълум қилинишича, К.Т. фуқаро Б.А.нинг Жалақудуқ туманидаги “Туялас” МФЙ ҳудудида жойлашган хонадонига канализация тармоғи ўрнатиш учун техник шарт олиб беришни ваъда қилган. Унинг топшириғига кўра, 8 500 АҚШ долларини фуқаро М.Ш. олган вақтида ашёвий далиллар билан ушланган.

Ҳолат юзасидан Жиноят кодексининг 168-моддаси (фирибгарлик) ҳамда 28, 211-моддалари (пора бериш) билан жиноят иши қўзғатилган. Ҳозирда тергов ҳаракатлари олиб борилмоқда.

Telegram I Facebook I YouTube I Instagram

11 тоифадаги фуқаролар транспортда имтиёзли ҳаракатланади

11 тоифадаги фуқаролар авиа, темир йўл ва шаҳарлараро автобусларда бепул ёки 50 фоиз чегирма асосида ҳаракатланиши мумкин бўлади.

Янги тартибга кўра:

▪️ Қоғоз талонлар бекор қилинади — чипта учун ID-карта ёки биометрик паспорт етарли бўлади.

▪️ Имтиёз ҳуқуқи «Ягона миллий ижтимоий ҳимоя» тизими орқали автоматик текширилади.

▪️ 2027 йил 1 январдан имтиёзли чипталарни «Baraka» ижтимоий картаси мобил иловаси орқали онлайн харид қилиш имконияти яратилади.

Telegram I Facebook I YouTube I Instagram

Прокурор Наманганнинг собиқ ҳокимига 15 йил қамоқ сўради

Жиноят ишлари бўйича Фарғона вилояти Ўзбекистон тумани судида давлат айбловчиси Наманган шаҳрининг собиқ ҳокими Анвар Отахўжаевни 15 йилга озодликдан маҳрум қилишни сўради. Собиқ ҳоким бир неча коррупциявий жиноятларда айбланмоқда. Менимча, прокурорнинг талаби қондирилса керак.

Telegram I Facebook I YouTube I Instagram

Олмазордаги қурилиш фожиаси бўйича жиноят иши қўзғатилди

Тошкент шаҳри Олмазор туманидаги Беруний кўчасида содир бўлган ер ўпирилиши ва дарахт қулаши билан боғлиқ ҳодиса юзасидан жиноят иши қўзғатилган.

Telegram I Facebook I YouTube I Instagram

Қашқадарёда аёлни калтаклаган эркакка нисбатан жиноят иши қўзғатилди

Қашқадарё вилоятида собиқ турмуш ўртоғи томонидан калтакланган аёл ҳолати юзасидан жиноят иши қўзғатилди. Бу ҳақда вилоят Ички ишлар органлари томонидан маълум қилинди.

Маълумотларга кўра, 2 август куни жабрланган аёл К. Хушиева “102” қисқа рақамига қўнғироқ қилиб, турмуш ўртоғи В.Г. маст ҳолатда уни уриб, тан жароҳати етказганини билдирган ҳамда унга нисбатан қонуний чора кўришни сўраган.

Telegram I Facebook I YouTube I Instagram

Газсиз ҳудудларда электр учун имтиёзли тариф жорий этилади

Энергетика вазири Шерзод Хўжаевнинг маълум қилишича, табиий газ таъминоти мавжуд бўлмаган ҳудудларда электр энергияси учун алоҳида имтиёзли тариф жорий этилади.

Яъни газ ўрнига электр энергиясидан фойдаланувчи аҳоли электр учун нисбатан арзонроқ тариф асосида тўлов қилади.

Telegram I Facebook I YouTube I Instagram

Ҳазораспдаги кўп йиллик ер можароси: Effect.uz суриштируви натижа берди

📌 Кадастр раҳбари камера олдида марҳум Ибодуллаев Насуруллога давлат томонидан 1300 кв.м ер участкаси расмийлаштирилганини тасдиқлади.

📌 Солиқ органи меросхўр 2018 йилдан буён айнан шу майдон учун солиқ тўлаб келганини маълум қилди.

📌 Маҳалла раиси эса мазкур хонадон 1970 йилдан бери хўжалик китобида ҳам 1300 кв.м ер майдони билан қайд этиб келинаётганини билдирди.

Шунингдек, кадастр масъуллари ноқонуний қурилиш бартараф этилиши, баҳсли ер марҳумнинг меросхўрига қизил чизиқ асосида қайта расмийлаштирилиши учун 10 кун муддат сўради.

🎥 Бу иш ортида қандай ҳақиқатлар яширинган? Масъул идоралар нима деди?

👉 Тўлиқ журналистик суриштирувни YouTube'да томоша қилинг: https://youtu.be/xSkOAk5QCtk

Ногиронлиги бўлган шахсларга кириш ва сертификат имтиҳонларида қўшимча вақт берилади

2027/2028 ўқув йилидан ногиронлиги бўлган шахслар учун кириш ва сертификат имтиҳонларида қўшимча вақт ажратилади.

Шунингдек, имтиҳонларда Брайл алифбоси, сурдотаржимон, ассистент ва бошқа зарур шароитлар таъминланади.

2026 йил 1 октябрдан болаларнинг эҳтиёжларини комплекс баҳолашнинг янги механизми Хоразм ва Навоий вилоятларида тажриба тариқасида жорий этилади.

2027 йилдан болалар матнни ўқиш қурилмалари, овоз синтезаторлари, Брайл дисплейлари ва бошқа ассистив воситалар билан ваучер асосида таъминланади.

Айни пайтда Ўзбекистонда ногиронлиги бўлган 168 мингдан ортиқ бола бор. Уларнинг 133,8 минг нафари таълим ва ижтимоий хизматлар билан қамраб олинган.

Telegram I Facebook I YouTube I Instagram

Андижонда сув таъминоти раҳбари, Қашқадарёда эса лаборант пора билан ушланди

Андижон ва Қашқадарё вилоятларида пора билан боғлиқ жиноятларга чек қўйилди.

Андижон вилоятида сув таъминоти корхонаси филиали раҳбари оқова сув тармоғи ҳамда канализация насоси ўрнатишга рухсат олиб бериш эвазига 8,5 минг доллар талаб қилгани аниқланган. У келишилган пулни олаётган вақтида ушланган.

Қашқадарё вилоятида эса ОИВ диагностика лабораторияси лаборанти экспертиза хулосасини ижобий ҳал қилиб бериш эвазига 3 минг доллар олган вақтида қўлга олинган.

Тезкор тадбир давомида ушбу маблағнинг 2,5 минг долларини олган суд-тиббий экспертиза бўлими бошлиғи ҳам ушланган.

Ҳар икки ҳолат юзасидан жиноят ишлари қўзғатилиб, тергов ҳаракатлари олиб борилмоқда.

Telegram I Facebook I YouTube I Instagram

Янгийўлда вояга етмаганларга ноқонуний диний таълим берилгани аниқланди

Янгийўлда ўқув маркази раҳбари ўз хонадонида вояга етмаганларга диний таълим бериб келгани аниқланган.

Маълум қилинишича, машғулотлар давомида болаларга «Муаллими Соний»дан дарс берилган. Ҳолат юзасидан тегишли чоралар кўрилган.

Telegram I Facebook I YouTube I Instagram

Тошкентнинг 10 та туман ҳокимига нисбатан хизмат текшируви ўтказилади

Коррупцияга қарши курашиш агентлиги тақдимномасига асосан пойтахтнинг 10 та тумани ҳокимларига нисбатан хизмат текшируви ўтказилиши белгиланди.

Текширув Бектемир, Миробод, Мирзо Улуғбек, Олмазор, Сергели, Учтепа, Чилонзор, Шайхонтоҳур, Юнусобод ва Яшнобод туманлари ҳокимларига нисбатан ўтказилади.

Тегишли фармойиш Тошкент шаҳар ҳокими Шавкат Умурзоқов томонидан 3 август куни имзоланган.

Ҳозирча хизмат текширувига сабаб бўлган ҳолатлар ҳақида қўшимча маълумот берилмаган.

Telegram I Facebook I YouTube I Instagram

Тошкент шаҳар ҳокимлигида янги тайинлов

Саидазимхон Бориевич Тўлаганов Тошкент шаҳар ҳокимлигининг Мурожаатлар билан ишлаш бўлими бошлиғи лавозимига тайинланди.

Тўлаганов мазкур тайинловга қадар Тошкент шаҳар ҳокимлиги ҳузуридаги «Янги Ўзбекистон кўчаси» ишбилармонлик марказини қуриш ва эксплуатация қилиш дирекциясида маънавий-маърифий ва ташкилий масалалар бўйича директор ёрдамчиси сифатида фаолият юритган.

📌 Маълумот учун: янги лавозимда у фуқаролар ва юридик шахсларнинг мурожаатлари билан ишлаш жараёнларини ташкил этиш учун масъул бўлади.

Telegram I Facebook I YouTube I Instagram

Хорижда яширинган икки қидирувдаги шахс қайтарилди

Польша ва Туркияда яширинган икки ўзбекистонлик ушланди.

Интерпол ҳамкорлигида халқаро қидирувда бўлган икки нафар Ўзбекистон фуқароси ватанга қайтарилди.

Улардан бири диний экстремистик ташкилотда иштирок этиш, иккинчиси фирибгарликда айбланмоқда

Telegram I Facebook I YouTube I Instagram