Наманган ва Тошкент вилоятида қарийб 12 кг гиёҳвандлик моддаси мусодара қилинди

ДХХ томонидан ўтказилган тезкор тадбирларда Наманган ва Тошкент вилоятида умумий оғирлиги 11,7 килограмм гиёҳвандлик моддалари мусодара қилинди. Бир нечта шахс қўлга олиниб, уларга нисбатан жиноят ишлари қўзғатилди.

Наманган шаҳрида ўтказилган тезкор тадбирда бир фуқарога тегишли целлофан пакетдан 944 грамм «гашиш» гиёҳвандлик моддаси аниқланди. Терговда ушбу моддани у наркосавдогардан 9 900 АҚШ долларига сотиб олгани маълум бўлди. Кейинчалик мазкур шахс ҳам қўлга олинди.

Шунингдек, уларни гиёҳвандлик моддалари билан таъминлаб келган Андижон вилоятилик икки нафар шахснинг ёнидан 9 килограмм 801 грамм «гашиш» мусодара қилинди.

Яна бир ҳолатда эса Бекобод шаҳрида наркокурьерлар томонидан «закладка» усулида яшириб кетилган 977 грамм «гашиш»ни қабул қилиб олаётган маҳаллий фуқаро қўлга олинди.

Ҳар икки ҳолат юзасидан қонунбузарларга нисбатан жиноят ишлари қўзғатилган бўлиб, тергов ҳаракатлари давом этмоқда.

Telegram I Facebook I YouTube I Instagram

Тошкентда икки кўча уч кунга ёпилади

Тошкент шаҳрида Мустақиллик шоҳ кўчаси атрофидаги икки йўналишда транспорт ҳаракати вақтинча чекланади.

3 август куни соат 22:00 гача:
🔹 Оққўрғон кўчасининг Мустақиллик шоҳ кўчасидан Осиё кўчасигача бўлган қисми;
🔹 Паркент кўчасининг Мустақиллик шоҳ кўчасидан Паркент-2 кўчасигача бўлган қисми ёпилади.

Ҳайдовчиларга ҳаракат йўналишини олдиндан режалаштириш ва муқобил айланма йўллардан фойдаланиш тавсия этилмоқда.

Telegram I Facebook I YouTube I Instagram

Давлат раҳбарлари Қирғизистондаги сув-мотор спорти бўйича жаҳон чемпионати босқичини очиб бердилар

Ўзбекистон Президенти Шавкат Мирзиёев ва Қирғизистон Президенти Садир Жапаров Қирғизистонда ўтказилаётган сув-мотор спорти бўйича жаҳон чемпионати босқичининг тантанали очилиш маросимида иштирок этдилар.

Мусобақада дунёнинг турли мамлакатларидан келган спортчилар иштирок этмоқда.

Telegram I Facebook I YouTube I Instagram

Тошкентда ёлғиз кекса аёлга эътиборсизлик қилган масъуллар ишдан бўшатилди

Ижтимоий ҳимоя миллий агентлиги маълум қилишича, Тошкент шаҳри Мирзо Улуғбек туманида яшовчи 1940 йилда туғилган ёлғиз кекса аёл Ижтимоий қўллаб-қувватлаш марказига жойлаштирилган.

Telegram I Facebook I YouTube I Instagram

Икки ҳудудда ободонлаштириш бошқармаси масъуллари 1 000 тоннадан ортиқ асфальтни талон-торож қилганликда гумон қилинмоқда

Бош прокуратура ҳузуридаги Иқтисодий жиноятларга қарши курашиш департаментининг маълум қилишича, Шароф Рашидов ва Паркент туманлари Ободонлаштириш бошқармаларида асфальт маҳсулотларини талон-торож қилиш билан боғлиқ ҳолатлар аниқланган.

Telegram I Facebook I YouTube I Instagram

Бекмурод Абдуллаев иши нега ёпиқ кўрилмоқда? Суд расмий изоҳ берди

Тошкент шаҳар судлари матбуот котиби Турсунали Акбаров Бекмурод Абдуллаев ва бошқаларга оид жиноят иши давлат манфаатларига доир махфий материаллар мавжудлиги, иштирокчилар хавфсизлиги ва судьяларга нисбатан эҳтимолий ижтимоий босим хавфи туфайли ёпиқ тартибда кўрилаётганини маълум қилинди.

Telegram I Facebook I YouTube I Instagram

«Стипендия яшашга етмаяпти»: талабалар тўловини ошириш таклиф қилинди

30 июль куни Тошкент шаҳрида бўлиб ўтган фискал мулоқотда талабалар стипендиясини ошириш таклифи илгари сурилди. Фискал таҳлиллар институти масъулларининг таъкидлашича, амалдаги стипендия тизимида қатор муаммолар сақланиб қолмоқда.

Маълум қилинишича, Ўзбекистондаги 1,6 миллион нафар талабанинг атиги 118 минг нафари ёки 7,3 фоизи стипендия олади. Базавий стипендия миқдори эса минимал истеъмол харажатларидан паст бўлиб, талабаларнинг ижтимоий ҳолатини тўлиқ ҳисобга олмайди.

Telegram I Facebook I YouTube I Instagram

Италия Испания билан Шенген тартибини тўхтатиши мумкин

Италия бош вазири Жоржа Мелони Х ижтимоий тармоғида Марокашдан Сеута анклавига ноқонуний мигрантларнинг оммавий кириб келиши Европа чегаралари хавфсизлигига таҳдид солаётганини маълум қилди.

Telegram I Facebook I YouTube I Instagram

Собиқ энергетика вазири Жўрабек Мирзамаҳмудов қўлга олингани айтилмоқда

Vaqt.uz нинг вазиятдан хабардор бир неча манбаси хабар беришича, собиқ энергетика вазири Жўрабек Мирзамаҳмудов 29 июль куни ҳуқуқни муҳофаза қилувчи органлар томонидан яшаш манзилидан олиб кетилган.

Telegram I Facebook I YouTube I Instagram

АҚШ ва Исроил Хоманаийни изламоқда

The Times газетаси хабарига кўра, АҚШ ва Исроил разведка хизматлари Эрон олий раҳнамоси Мужтабо Хоманаийнинг қаердалигини аниқлашга уринмоқда.

Нашрнинг ёзишича, Хоманаий узоқ вақт давомида телефон ва компьютердан фойдаланмаган бўлиши мумкин. Айрим разведка манбалари унинг тақдири ҳақида турли тахминларни илгари сураётган бўлса, Эрон Ислом инқилоби қўриқчилари корпуси (ИИҚК) у тирик эканини таъкидламоқда.

Telegram I Facebook I YouTube I Instagram

Ўзбекистонда уй ҳайвонларини рўйхатдан ўтказиш бошланади

7 августдан Ўзбекистонда уй ҳайвонларини идентификация қилиш ва рўйхатдан ўтказиш тартиби кучга киради.

Ҳайвонларни белгиланган муддатларда рўйхатдан ўтказиш шарт:
• 🐄 Сигир, қўй, эчки ва туялар — туғилганидан кейин 14 кун ичида;

• 🐎 Отлар — 4 ойгача;

• 🐖 Чўчқалар — 30 кунгача;

• 🐕 Ит ва мушуклар — 3 ойгача.
Белгиланган талабларга риоя қилмаслик маъмурий жаримага сабаб бўлиши мумкин.

Telegram I Facebook I YouTube I Instagram

Шавкат Мирзиёев Қирғизистонга давлат ташрифини якунлаб, Тошкентга жўнаб кетди

Telegram I Facebook I YouTube I Instagram

Қосимов ОАВ учун эшикларни ёпдими?

Биз билган, очиқлик сиёсатини қўллаб-қувватлайдиган Сурхондарё вилояти ҳокими Улуғбек Қосимов бугун Денов туманида ОАВ вакиллари учун эшикларни ёпдими?

Бугун тонгда Сурхондарё вилояти ҳокимлиги матбуот котиби Муродбек Давлатов таҳририятимизга келиб тушган мурожаатлар юзасидан вилоят ҳокими қабулидан сўнг мурожаатчилар билан учрашув ўтказилиб, масалаларга ойдинлик киритилишини маълум қилган эди.

Бироқ Effect.uz ижодий жамоаси Термиз шаҳридан Денов туманига етиб келганида, учрашув ўтказилиши режалаштирилган жойда ОАВ вакиллари учун эшиклар ёпиқ эканига гувоҳ бўлди. Натижада журналистларга жараённи кузатиш имконияти берилмади.

Мазкур ҳолат юзасидан расмий изоҳ кутамиз ҳамда вазият ривожини кузатишда давом этамиз.

Telegram I Facebook I YouTube I Instagram

«Бунёдкор»га 5 млрд сўм молиявий ёрдам ажратилди

Ҳукумат қарорига асосан, «Бунёдкор» футбол клубига 5 млрд сўм миқдорида молиявий ёрдам ажратилди.

Клуб матбуот хизматининг маълум қилишича, маблағ Президентнинг 2026 йил 24 мартдаги ПҚ-107-сон қарори асосида берилган.

Жамоа ажратилган маблағ учун миннатдорлик билдириб, янги мавсум ўйинларига тайёргарликни давом эттираётганини маълум қилди.

Аввалроқ клубнинг молиявий аҳволи оғирлашгани, футболчи ва мураббийлар бир неча ойдан бери маош олмаётгани ҳақида хабарлар тарқалган эди.

Telegram I Facebook I YouTube I Instagram

Учкўприкда «Инсон» маркази ходими бахтсиз ҳодиса оқибатида ҳалок бўлгани айтилди

Фарғона вилояти Учкўприк туманида ободонлаштириш ишларига жалб қилинган «Инсон» ижтимоий хизматлар марказининг 34 ёшли ходими бахтсиз ҳодиса оқибатида ҳалок бўлгани хабар қилинди.

Дастлабки маълумотларга кўра, Тоҳиржон Жўраев тозалаш ишларини олиб бораётган вақтида майса ўриш қурилмасининг ўткир қисми чиқиб кетиб, оғир тан жароҳати етказган. Ҳодиса оқибатида ходим вафот этган.

Telegram I Facebook I YouTube I Instagram

Давлатнинг ноқонуний қарори сабаб зарар кўрилса, компенсация тўланади

Ўзбекистонда давлат органлари ёки уларнинг ходимларининг ноқонуний қарорлари, ҳаракатлари ёки ҳаракатсизлиги оқибатида зарар кўрган фуқароларга компенсация тўлашнинг янги тартиби тасдиқланди.

Унга кўра, суд зарар етказилганини аниқласа, фуқарога етказилган моддий ва маънавий зарар учун компенсация давлатнинг ҳудудий жамғармалари ҳисобидан тўланади.

Агар зарар етказилишига айбдор мансабдор шахс аниқланса, давлат тўланган маблағни ундан қайтариб ундириш ҳуқуқига эга бўлади.

Янги тартиб 2027 йил 28 январдан кучга киради.

Telegram I Facebook I YouTube I Instagram