Абдуқодир Ҳусанов «Манчестер Сити» билан шартномасини узайтиради

Маълумотларга кўра, «Манчестер Сити» Абдуқодир Ҳусанов билан амалдаги шартномасини яна икки йилга узайтиришга қарор қилган. Ҳозирги битим 2029 йилгача амал қилади, янги келишув эса 2031 йилгача мўлжалланган.

22 ёшли ҳимоячи ўтган мавсумда 37 та учрашувда майдонга тушиб, жамоанинг Англия Кубоги ва Лига Кубогидаги муваффақиятларига ҳисса қўшган. Расмий эълон яқин кунларда берилиши кутилмоқда.

Telegram I Facebook I YouTube I Instagram

Сергелидаги кўчанинг бир қисми 3 суткага ёпилади

23 июль соат 00:00 дан 26 июль соат 00:00 гача Суғдиёна кўчасининг Янги Сергели ва Жалойир кўчалари орасидаги қисми транспорт ҳаракати учун қисман ёпилади.

Чеклов Mangal Fest тадбирини ўтказиш муносабати билан жорий этилмоқда. Ҳайдовчиларга ҳаракат йўналишини олдиндан режалаштириш ва айланма йўллардан фойдаланиш тавсия этилди.

Telegram I Facebook I YouTube I Instagram

Мирзачўлдаги уч қиз фожиаси: хавф олдиндан маълум эди

Жиззах вилояти Мирзачўл туманида уч нафар вояга етмаган қиз сунъий сув ҳовузида ҳалок бўлди. Фожиадан 43 кун аввал Сув хўжалиги вазирлиги бундай иншоотларда хавфсизлик чораларини кучайтириш бўйича ҳудудларни огоҳлантирган.

Бу сунъий сув ҳовузлари билан боғлиқ биринчи фожиа эмас. Аввалроқ Фарғона ва Андижон вилоятларида ҳам шундай ҳовузларга тушиб кетган фуқаролар ҳалок бўлган.

Бундай ҳовузлар томчилатиб суғориш тизимлари учун қурилади. Геомембрана ва полимер плёнка билан қоплангани сабабли уларнинг нам деворлари жуда силлиқ бўлади. Шунинг учун ҳовузлар панжара билан ўралиши, огоҳлантирувчи белгилар ва чиқиш мосламалари ўрнатилиши керак.

Вазирлик маълумотига кўра, мамлакатда 13 мингдан ортиқ сунъий сув сақлаш ва тиндириш ҳовузи мавжуд.

Мирзачўлдаги фожиа содир бўлган ҳовуз эса расман фойдаланишга топширилмаган ва унинг атрофи панжара билан ўралмаган

Telegram I Facebook I YouTube I Instagram

Абдуқодир Ҳусанов «Манчестер Сити» билан шартномасини 2031 йилгача узайтиради

Ўзбекистон миллий терма жамоаси ҳимоячиси Абдуқодир Ҳусанов «Манчестер Сити» билан шартномасини 2031 йилгача узайтиришга келишди. Бу ҳақда The Athletic хабар берди.

Клубнинг яна бир футболчиси Жереми Доку ҳам шартномасини шу муддатга узайтиради. Футболчилар «Манчестер Сити» таклиф қилган шартларни қабул қилган

Ҳусанов 2025 йил январь ойида Франциянинг «Ланс» клубидан «Манчестер Сити»га ўтган. У ўтган мавсумда Премьер-лигада жамоа сафида 21 та ўйинда майдонга тушган.

Telegram I Facebook I YouTube I Instagram

Келинини ўз жонига қасд қилиш даражасига етказган қайнона 5 йилга қамалди

Қашқадарё вилоятининг Чироқчи туманида 47 ёшли аёл келинига нисбатан мунтазам ҳақорат қилиш, калтаклаш, уйдан ҳайдаш ва яқинлари билан мулоқот қилишга тўсқинлик қилишда айбдор деб топилди.

Суд ҳужжатларига кўра, узоқ давом этган руҳий ва жисмоний тазйиқларга чидай олмаган келин хўжалик биносида ўз жонига қасд қилган.

Суд қайнонани ўзига қарам шахсни ўз жонига қасд қилиш даражасига етказиш жиноятида айбдор деб топиб, унга 5 йил озодликдан маҳрум қилиш жазосини тайинлади.

Telegram I Facebook I YouTube I Instagram

Эпштейнга қизлар топиб берганликда гумонланган агент Францияда ўлик ҳолда топилди

Францияда америкалик педофил Жеффри Эпштейнга қизлар топиб беришда гумонланган 69 ёшли модель агенти Даниэль Сиад ўлик ҳолда топилди.

Унинг жасади 20 июль куни Коломб коммунасидаги уйидан топилган. Ўлим сабаби ҳозирча маълум эмас, тергов бошланган.

Сиад АҚШ Адлия вазирлиги томонидан эълон қилинган Эпштейн иши материалларида 2 090 марта тилга олинган. У Эпштейнни жабрланувчилар билан таништирган воситачи бўлган бўлиши мумкин.

Сиад қизларни Эпштейн ҳузурига олиб келганини тан олган, аммо буни модель агентлигидаги касбий фаолияти доирасида амалга оширганини айтган. Унга нисбатан беш нафар аёл зўрлаш ва бошқа жинсий зўравонликларда айблов қўйган. Сиад эса барча айбловларни рад этган.

Франция терговчилари уни сўроқ қилишга улгурмаган.
Бу Эпштейн иши билан боғлиқ иккинчи француз модель агентининг суд жараёни якунланмасидан олдин вафот этиши. 2022 йилда Эпштейнга қизлар топиб беришда айбланган Жан-Люк Брюнель ҳам қамоқхонада ўлик ҳолда топилган.

Эпштейн қурбонлари орасида Ўзбекистондан модель агентлиги орқали юборилган икки нафар қиз ҳам бўлган.

Telegram I Facebook I YouTube I Instagram

Азизбек Тоштемиров Интерполнинг очиқ рўйхатидан чиқарилди

Миграция агентлигининг Жанубий Кореядаги собиқ ваколатхонаси раҳбари Азизбек Тоштемиров ҳақидаги маълумотлар Интерполнинг омма учун очиқ қидирув рўйхатида кўринмай қолди.

Бироқ унинг халқаро қидирувдан расман чиқарилгани ҳақида ҳозирча расмий ахборот берилмаган. Маълумотлар фақат очиқ рўйхатдан олиб ташланган бўлиб, Интерполнинг ички базаларида сақланаётган бўлиши мумкин.

Эслатиб ўтамиз, Тоштемиров 2025-йил май ойида фирибгарликда айбланиб, халқаро қидирувга берилганди. Шундан сўнг у ўзига қўйилган айбловларни рад этиб, Миграция агентлигининг амалдаги ва собиқ раҳбарларига нисбатан коррупция, товламачилик ва бошқа қонунбузарликлар юзасидан жиддий иддаоларни илгари сурган.

Тоштемировнинг баёнотлари юзасидан Миграция агентлигига юборилган сўровларга эса ҳозиргача расмий жавоб берилмаган.

Telegram I Facebook I YouTube I Instagram

Беларусдаги элчи инвестицияларга бефарқлиги учун ишдан олинди

Ўзбекистоннинг Беларусдаги элчиси Раҳматулла Назаров инвестиция ва ташқи савдо масалаларига етарлича эътибор бермагани учун лавозимидан озод этилди.
Бу ҳақда 21-июл куни Президент Шавкат Мирзиёев раислигида ўтказилган видеоселектор йиғилишида маълум қилинди.

Йиғилишда сўнгги йилларда юқори даражадаги 52 та ташриф доирасида 213 миллиард долларлик 1 617 та инвестиция лойиҳаси бўйича келишувларга эришилгани, бироқ уларнинг ижросини назорат қилишда сусткашликлар кузатилаётгани қайд этилди.


Президент хориждаги дипломатик ваколатхоналар фаолиятида ҳам камчиликлар борлигини таъкидлади. Франсия, Австрия, Испания, Италия, Уммон, Индонезия, Малайзия ва Сингапурдаги элчиларнинг фаолияти ҳам танқид қилинди.

Президент Администрацияси раҳбари Саида Мирзиёевага дипломатик ваколатхоналарнинг иқтисодий дипломатия, инвестиция ва экспорт йўналишидаги фаолиятини таҳлил қилиш ҳамда вазифасини бажара олмаётган кадрларни алмаштириш бўйича таклифлар киритиш топширилди.

Telegram I Facebook I YouTube I Instagram

Тошкент–Самарқанд йўли 2,5 соатга қисқаради

Президент иштирокида Тошкент–Самарқанд йўналишидаги янги пулли автомагистраль қурилишига тамал тоши қўйилди.

Янги йўл фойдаланишга топширилгач, Тошкентдан Самарқандга етиб бориш вақти 5 соатдан 2,5 соатгача қисқаради.

Лойиҳа доирасида йилига 15–20 миллион тонна қўшимча транзит юк ташиш, 400–600 миллион доллар даромад олиш ва камида 50 мингта янги иш ўрни яратиш кутилмоқда.

Telegram I Facebook I YouTube I Instagram

Лукашенко: кўп пул топмоқчи бўлган ўзбеклар Россияга борсин!

Беларус президенти Александр Лукашенко кўпроқ даромад топишни истаган ўзбекистонликларга Россияда ишлашни тавсия қилди.

Унинг айтишича, Россияда нефт саноати ва бошқа соҳаларда юқори маошли иш ўринлари мавжуд.

Беларусга эса ўзбекистонликлар асосан қишлоқ хўжалигида ишлаш учун боради. Бу ерда иш ҳақи меҳнат унумдорлигига қараб белгиланади.

Лукашенконинг баёноти Андижондан Беларусга ишлаш учун борган айрим ўзбекистонликлар маош камлигидан норози бўлгани ҳақидаги хабарлар ортидан янгради.

Telegram I Facebook I YouTube I Instagram

Ягона QR-код орқали тўловларда фискал чек бериш мажбурий бўлади

Янги тартибга кўра, банкда шакллантирилган ягона QR-код орқали амалга оширилган тўловлар ҳақидаги маълумот операторга юборилади ва назорат-касса техникаси орқали чек расмийлаштирилади.

Бу орқали тўловларни тўлиқ ҳисобга олиш ва яширин тушумларнинг олдини олиш мақсад қилинган.

Яъни мижоз QR-код орқали тўлов қилганида, тизим автоматик равишда фискал чек шакллантириши керак.

Telegram I Facebook I YouTube I Instagram

Қайнонасининг тазйиқларига чидамаган келин ўз жонига қасд қилди

Қашқадарё вилояти Чироқчи туманида қайнонасининг йиллар давомидаги жисмоний ва руҳий тазйиқларига дуч келган келин ўз жонига қасд қилган.

Бу ҳақда Олий суд матбуот котиби Азиз Обидов маълум қилди.

Суд ҳужжатларига кўра, 47 ёшли қайнона 2022 йилдан 2025 йил октябрь ойига қадар келинини мунтазам ҳақорат қилган, урган, уйидан ҳайдаган ва унга руҳий босим ўтказган.

Шунингдек, келинининг ота-онаси билан учрашиши ва телефондан фойдаланишига тўсқинлик қилган. Айрим ҳолатларда уни сочидан тортиб кўчага судраган ва тан жароҳатлари етказган.

2025 йил 2 октябрь куни келин давомли жисмоний ва руҳий босимлар оқибатида яшаш уйидаги молхонада ўз жонига қасд қилган.

Суд қайнонасини Жиноят кодексининг 103-моддаси 2-қисми «а» банди билан айбдор деб топиб, унга 5 йиллик озодликдан маҳрум қилиш жазосини тайинлаган.

Telegram I Facebook I YouTube I Instagram

МИБ: Миграция агентлигига нисбатан ижро ҳаракатлари тўхтатилмаган

Мажбурий ижро бюроси ижтимоий тармоқларда тарқалган хабарларга муносабат билдириб, Миграция агентлигига нисбатан ижро ҳаракатлари тўхтатилмаганини маълум қилди.

Қайд этилишича, собиқ Ташқи меҳнат миграцияси агентлигига оид 126 та ижро ҳужжати бўйича 13,6 миллиард сўм қарздорлик ва 28 нафар ходимни ишга тиклаш масаласи мавжуд.

Бироқ янги Миграция агентлиги зиммасига мажбурият юклаш ҳақидаги суд қарори бекор қилинган.

Ҳозирда МИБ ижро тартибига аниқлик киритиш мақсадида суддан расмий тушунтириш кутмоқда. Кейинги ижро ҳаракатлари суд кўрсатмаси асосида давом эттирилади.

Telegram I Facebook I YouTube I Instagram

Беҳзод Мусаев қабули ҳам мурожаатчини қониқтирмади

Кореяга ишга кетиш билан боғлиқ мурожаат юзасидан фуқаро Миграция агентлиги директори Беҳзод Мусайевнинг шахсий қабулига чақирилди.

Мурожаатчининг таъкидлашича, учрашув давомида айрим масалалар муҳокама қилинган бўлса-да, уни қизиқтирган асосий саволларга етарлича жавоб берилмаган.

Шу боис у қабул натижаларидан қониқмаганини билдирди.

ТЎЛИҚ ВИДЕО 👈🏻

Telegram I Facebook I YouTube I Instagram

Довонда кучли жала ва йирик дўл ёғмоқда

Довон ҳудудида кучли жала ва йирик дўл ёғиши кузатилмоқда.

Ноқулай об-ҳаво туфайли кўплаб ҳайдовчилар автомашиналарини дўлдан ҳимоя қилиш мақсадида пана жойларга тўхтамоқда. Бу эса йўлларда ҳаракатнинг секинлашишига сабаб бўлиши мумкин.

Ҳайдовчиларга тезликни меъёрдан оширмаслик, хавфсиз масофани сақлаш ва эҳтиёткорлик билан ҳаракатланиш тавсия этилади.

Telegram I Facebook I YouTube I Instagram