4 ойдан бери маош олмаётган «Машъал» клуби ходимлари видеомурожаат қилди

«Машъал» футбол клуби ишчи-ходимлари ижтимоий тармоқларда тарқалган видеомурожаат орқали 4 ойдан бери иш ҳақи олмаётганини билдирди.

Уларнинг айтишича, узоқ вақтдан буён маош тўланмагани сабабли кўплаб ходимлар оиласини таъминлашда жиддий қийинчиликларга дуч келмоқда. Шу боис улар масъул ташкилотлардан муаммога эътибор қаратиш ва иш ҳақи бўйича масалани тезроқ ҳал этишни сўраган.

Ҳозирча мазкур мурожаат юзасидан клуб ёки ваколатли идоралар расмий изоҳ бермаган.

Telegram I Facebook I YouTube I Instagram

«Қамчиқ» довонида хандаққа тушиб кетган юк автомобили қутқариб олинди

21 июль куни соат 04:30 атрофида А-373 автомобиль йўлининг «Қамчиқ» довонидан ўтган қисмида «Тошкент–Водий» йўналишида ҳаракатланаётган «ISUZU» русумли юк автомобили ҳайдовчиси бошқарувни йўқотиши оқибатида транспорт воситаси йўлнинг хандақ қисмига тушиб кетган.

Хабарга асосан, Фавқулодда вазиятлар вазирлигининг «Қамчиқ» махсус қутқарув бошқармаси қутқарувчилари ҳодиса жойига етиб бориб, махсус техникалар ёрдамида юк автомобилини хавфсиз ҳудудга олиб чиққан.

Ҳодиса оқибатида жабрланганлар йўқ.

Telegram I Facebook I YouTube I Instagram

«Ўзбекнефтгаз»нинг собиқ раҳбари Баҳодиржон Сидиқов иши судга оширилди

«Ўзбекнефтгаз» АЖнинг собиқ бошқарув раиси Баҳодиржон Сидиқовга нисбатан қўзғатилган жиноят иши судга оширилди.

Тергов маълумотларига кўра, у Жиноят кодексининг 167-моддаси (ўзлаштириш ёки растрата йўли билан талон-торож қилиш), 205-моддаси (ҳокимият ёки мансаб ваколатини суиистеъмол қилиш) ҳамда 209-моддаси (мансаб сохтакорлиги)нинг бир қатор қисм ва бандлари бўйича айбланмоқда.

Мазкур иш доирасида Сидиқов билан бирга «Enter Engineering Pte. Ltd» бош директори Улуғбек Усмонов, «Eriell Management» МЧЖ директори Нодиржон Бобоев, «Ўзбекнефтгаз» АЖ бошқарув раисининг собиқ ўринбосари Бахтияр Анарқулов ва бошқа шахслардан иборат жами 9 нафар судланмоқда.

Telegram I Facebook I YouTube I Instagram

Мурунтов конидаги ЙТҲда ҳалок бўлганлар сони икки нафарга етди

Навоий кон-металлургия комбинати Матбуот хизмати Мурунтов конида содир бўлган йўл-транспорт ҳодисаси юзасидан расмий муносабат билдирди.

Маълум қилинишича, 21 июль куни соат 05:30 атрофида кон ҳудудида автoағдаргич ва хизмат автомобили иштирокида йўл-транспорт ҳодисаси содир бўлган. Оқибатда икки нафар ишчи-ходим вафот этган.

Ҳозирда ҳодиса юзасидан терговга қадар текширув ҳамда махсус ўрганиш ишлари олиб борилмоқда.

Telegram I Facebook I YouTube I Instagram

«Турдимовдан бошқа бирорта ҳоким ваъдасини бажармади» — Президент

Президент Шавкат Мирзиёев йиғилишда вилоят ҳокимлари фаолияти ҳақида тўхталиб, ҳокимлар берган ваъдаларнинг бажарилишига танқидий муносабат билдирди.
Давлат раҳбари сўзларига кўра, «Турдимовдан бошқа бирорта ҳоким ваъдасини бажармади».

Президент масъул раҳбарларни зиммасига олган мажбуриятларни ўз вақтида ва тўлиқ бажаришга чақириб, ҳудудларни ижтимоий-иқтисодий ривожлантиришда шахсий масъулият муҳимлигини таъкидлади.

Telegram I Facebook I YouTube I Instagram

Ўзбекистонда “Маданий лойиҳалар миллий оператори” давлат муассасаси ташкил этилади

Президент қарорига мувофиқ, Маданият ва санъатни ривожлантириш жамғармаси ҳузурида «Маданий лойиҳалар миллий оператори» давлат муассасаси ташкил этилади.

Муассаса халқаро ва республика даражасидаги маданий тадбирларни ташкил этиш ва ўтказиш билан шуғулланади. Шунингдек, унга маданий тадбирлар учун олиб кириладиган техника ва жиҳозларни 2030 йилгача божхона божидан озод қилиш имтиёзи берилади.

Янги тузилма, шунингдек, «Шарқ тароналари» халқаро мусиқа фестивалини ҳар икки йилда бир марта юқори савияда ўтказишни таъминлаш учун ҳам масъул бўлади.

Telegram I Facebook I YouTube I Instagram

Самарқандда ЙПХ автомобили пиёдани уриб юборди, 75 ёшли фуқаро вафот этди

21 июль куни Самарқанд шаҳрининг «Шаббод» кўчасида ЙПX ходими хизматга бириктирилган Tracker русумли автомобилда ҳаракатланаётган вақтда, йўлнинг белгиланмаган жойидан кесиб ўтаётган 75 ёшли пиёда С.А.ни уриб юборган.

Оқибатда пиёда олган оғир тан жароҳатлари сабабли воқеа жойида вафот этган.

Ҳозирда ушбу ҳолат юзасидан Самарқанд шаҳар прокуратураси томонидан терговга қадар текширув ҳаракатлари олиб борилмоқда.

Telegram I Facebook I YouTube I Instagram

Президент Тошкент – Самарқанд янги автомобиль йўли қурилишига тамал тоши қўйди

Президент Шавкат Мирзиёев Ўрта Чирчиқ туманида Тошкент – Самарқанд йўналишидаги янги автомобиль йўли қурилишига тамал тоши қўйиш маросимида иштирок этди.

Давлат раҳбари сўнгги йилларда Ўзбекистон иқтисодиёти ҳажми уч баробарга ошгани, 2030 йилга қадар эса уни 240 миллиард долларга етказиш мақсад қилинганини таъкидлади.

Шунингдек, Президент «Хитой – Қирғизистон – Ўзбекистон» ҳамда Трансафғон темир йўллари ишга тушгач, Ўзбекистон Тинч океанидан Европагача бўлган энг қисқа қуруқлик транспорт йўлагининг муҳим бўғинига айланишини қайд этди.

Унинг сўзларига кўра, Покистон портлари орқали Ҳинд океани ҳамда қарийб 2 миллиард аҳоли яшайдиган Жанубий Осиё бозорларига чиқиш имконияти кенгаяди.

Telegram I Facebook I YouTube I Instagram

Президент: Тошкент – Самарқанд янги автомагистрали тарихий лойиҳа бўлади

Президент Шавкат Мирзиёев сўнгги ўн йилда 78 триллион сўм ҳисобидан мамлакат бўйлаб 128 минг километр автомобиль йўлида қурилиш ва таъмирлаш ишлари амалга оширилганини таъкидлади.

Давлат раҳбарига кўра, бугун транспорт соҳасида мутлақо янги давр бошланмоқда. Шу муносабат билан Тошкент – Самарқанд йўналишида қуриладиган замонавий автомагистрал улкан тарихий қадам сифатида баҳоланди.

Қиймати қарийб 2,2 миллиард доллар бўлган олти полосали автомагистралнинг умумий узунлиги 282 километрни ташкил этади. Лойиҳа доирасида 92 та кўприк, 28 та йўл ўтказгич ва 60 та туннель туридаги ўтиш жойи барпо этилади.

Янги автомагистралнинг текис ҳудудларида транспорт воситалари соатига 150 километр тезликда ҳаракатланиши учун шароит яратилади.

Telegram I Facebook I YouTube I Instagram

Қува тумани ҳокимига ҳайфсан берилди

Фарғона вилояти Қува тумани ҳокими Х. Умаровнинг фермерлар билан йиғилишдаги хатти-ҳаракати ижтимоий тармоқларда кенг муҳокама қилинди.

Коррупцияга қарши курашиш агентлиги тақдимномаси асосида хизмат текшируви ўтказилди ва натижада ҳокимга “ҳайфсан” интизомий жазоси қўлланилди.

Telegram I Facebook I YouTube I Instagram

Президент Шавкат Мирзиёев Тошкент – Самарқанд йўналишидаги пуллик муқобил автомобиль йўли қурилишини бошлаб берди

Telegram I Facebook I YouTube I Instagram

Чорвоқда 13 киши қўлга олинди

Тошкент вилояти Бўстонлиқ туманида Чорвоқ сув омбори ҳудудидаги пляжларни куч ишлатиб назорат қилишга уринган икки жиноий гуруҳ аниқланиб, 13 нафар шахс қўлга олинди.

Маълум бўлишича, гуруҳлар ўртасида ҳудудни ноқонуний эгаллаш ва таъсир доирасини кенгайтириш бўйича можаро юзага келган.

Ҳолат юзасидан жиноят ишлари қўзғатилган. Тергов давомида гуруҳ аъзоларидан бири интернет орқали экстремистик материаллар тарқатгани ҳам аниқланган.

Telegram I Facebook I YouTube I Instagram

Солиқ инспектори 1000 доллар пора билан ушланди

Кармана тумани солиқ инспекцияси бош инспектори якка тартибдаги тадбиркорнинг солиқ қарздорлигини камайтириш ва молиявий жарима қўлламаслик эвазига 1000 доллар пора олаётган вақтида ушланди.

Ҳолат юзасидан жиноят иши қўзғатилиб, тергов ҳаракатлари олиб борилмоқда.

Telegram I Facebook I YouTube I Instagram

Тадбиркордан 360 минг доллар талаб қилган шахс ушланди

Давлат хавфсизлик хизмати, Ички ишлар органлари ҳамда Иқтисодий жиноятларга қарши курашиш департаменти ходимлари ҳамкорлигида ўтказилган тезкор тадбирда 1977 йилда туғилган, муқаддам фирибгарлик жинояти учун судланган шахс пойтахтлик тадбиркордан 30 минг АҚШ долларини олган вақтида ушланди.

Тергов маълумотларига кўра, гумонланувчи тадбиркорнинг Чилонзор туманидаги 37 сотих ер майдонида нодавлат умумтаълим ва мактабгача таълим муассасалари қуриш режасидан хабардор бўлган.

У аҳоли ва турли ташкилотлар орқали қурилиш ишларига тўсқинлик қилишини айтиб, гўёки қурилишни ўзи амалга ошираётгандек кўрсатиш ҳамда фуқароларни «тинчлантириш» эвазига тадбиркордан жами 360 минг АҚШ доллари талаб қилган.

Ҳозирда мазкур ҳолат юзасидан жиноят иши қўзғатилган. Тергов ҳаракатлари давом этмоқда.

Telegram I Facebook I YouTube I Instagram

Юқори Бўзсув каналида чўмилишга борган фуқаро чўкиб кетди

Тошкент шаҳрининг Юнусобод тумани ҳудудидан оқиб ўтувчи Юқори Бўзсув каналида бир киши чўкиб кетди. Фожиа 21 июль куни содир бўлган.

Фавқулодда вазиятлар бош бошқармаси маълум қилишича, соат 14:07 да фуқаро чўмилиш мақсадида сувга тушган ва эҳтиётсизлик оқибатида чўкиб кетган

Воқеа жойига қутқарувчилар ва ғаввослар жалб этилган. Қидирув ишлари қарийб 4 соат давом этган.

Натижада фуқаронинг жасади соат 18:35 да чўккан жойидан тахминан 100 метр узоқликдан топилиб, тегишли хизматларга топширилган.

Telegram I Facebook I YouTube I Instagram

Тошкент вилоятида автобус йўл ҳақи оширилди: нақд тўлов қимматроқ бўлади

Тошкент вилоятида шаҳар жамоат транспорти учун янги тарифлар тасдиқланди. Тегишли қарор Халқ депутатлари Тошкент вилояти Кенгаши томонидан қабул қилинган ва E-qaror порталида эълон қилинди.

Янги тартибга кўра, бир марталик йўл ҳақи тўлов усулига қараб белгиланади:

нақд тўловда — 2 600 сўм;
транспорт ёки банк картаси орқали — 2 000 сўм.

Шунингдек, нақдсиз тўлов қилувчи йўловчилар учун бир соат ичида бепул алмашиб ўтиш тизими жорий этилади.

Унга кўра:
биринчи сафар — 2 000 сўм;
иккинчи сафар — 1 000 сўм;
учинчи ва ундан кейинги сафарлар — бепул.

Бундан ташқари, бир кундан бир йилгача бўлган муддатга мўлжалланган абонемент тарифлари ҳам тасдиқланди.

Telegram I Facebook I YouTube I Instagram

Навоийда олтин қазувчилар жиноятига чек қўйилди

"Хавфсиз ва соғлом юрт" тезкор-профилактик ойлиги доирасида Навоий вилояти Навбаҳор туманидаги Сармишсой тоғ тизмасида ноқонуний равишда олтин қазиб келган 8 та жиноий гуруҳ фаолиятига чек қўйилди.

Ҳуқуқни муҳофаза қилувчи органлар томонидан мазкур ҳолатлар юзасидан тегишли процессуал чоралар кўрилмоқда.

Telegram I Facebook I YouTube I Instagram

«Қирғизистоннинг бир қарич ери ҳам бошқа давлатга берилмайди» — Жапаров

Қирғизистон Президенти Садир Жапаров мамлакат ҳудудидаги ерлар сотилмаслигини ва давлат ҳудудининг бир қаричи ҳам бошқа давлатга берилмаслигини билдирди.

Бу ҳақда у 21 июль куни Facebook’даги саҳифасида маълум қилди.

Президентнинг айтишича, чегара масалалари ҳал этилганидан сўнг Қирғизистон ҳудуди 15 минг 572 гектарга кенгайиб, 20 миллион 9 минг 572 гектарни ташкил этган.

Жапаров инвестиция учун ажратилаётган ерлар заводлар, ишлаб чиқариш корхоналари, логистика марказлари, энергетика ва туризм объектларини барпо этишга мўлжалланганини айтди.

Бироқ айрим ижарачилар 49 йиллик шартнома асосида олган ерларида қурилиш ишларини бошламаган. Баъзи ҳолларда эса майдонлар бошқа шахсларга ўтказилган ёки белгиланган мақсаддан ташқари ишлатилган.

Президент инвесторлар мажбуриятини бажармаса, шартномалар бекор қилиниб, ерлар давлат ихтиёрига қайтарилиши мумкинлигини таъкидлади.

«Биз ерларимизни сотмаймиз. Аммо инвестицияларсиз мамлакат ривожини таъминлаш қийин», — деди Жапаров.

Telegram I Facebook I YouTube I Instagram

Нурафшондаги Ижтимоий ҳимоя мажмуаси Президентга таништирилди

Президентга Нурафшон шаҳрида барпо этилган Ижтимоий ҳимоя мажмуасининг фаолияти ва аҳолига кўрсатаётган хизматлари тақдим этилди.

Telegram I Facebook I YouTube I Instagram

Солиқ қоидабузарликлари ҳақида хабар берганларга 20,2 млрд сўм мукофот тўланди

2026 йил январь–июнь ойларида «Soliq» мобил иловасидаги «Soliq hamkor» тизими орқали солиқ қонунчилиги бузилиши юзасидан 63 714 та мурожаат келиб тушди.

Мурожаатлар асосида 41 687 та сайёр солиқ текшируви ўтказилиб, уларнинг 99,5 фоизида қоидабузарликлар тасдиқланган.

Натижада солиқ қоидабузарликлари ҳақида хабар берган фуқароларга 31 174 та ҳолат бўйича ундирилган жарима маблағининг 20 фоизи ҳисобидан жами 20,2 млрд сўм мукофот пули тўлаб берилди.

Келиб тушган мурожаатларнинг асосий қисми — 51 974 таси харид чеки берилмагани, 2 149 таси пластик карта орқали тўловни қабул қилмаслик, 135 таси эса карта орқали тўловда товар нархини сунъий ошириш ҳолатларига оид бўлган.

Шунингдек, 19 040 та мурожаат такрорий бўлгани ёки мурожаат қилинган тадбиркорлик субъектида текширув давом этаётгани сабабли кўриб чиқилмаган.

Telegram I Facebook I YouTube I Instagram

Президент «Cyber University»да янги лойиҳалар қурилишига старт берди

Президент Шавкат Мирзиёев «Cyber University»га ташриф буюриб, университет ҳудудида амалга ошириладиган бир қатор янги лойиҳалар қурилишига расман старт берди.

Ташриф давомида давлат раҳбари замонавий таълим муҳити, рақамли технологиялар ва инновацион инфратузилмани ривожлантиришга қаратилган лойиҳалар билан танишди ҳамда уларнинг қурилиш ишларини бошлаб берди.

Telegram I Facebook I YouTube I Instagram