Сардор Умурзаков Стратегик ривожланиш ва ислоҳотлар агентлиги директори этиб тайинланди

Сардор Уктамович Умурзаков Ўзбекистон Республикаси Президенти ҳузуридаги Стратегик ривожланиш ва ислоҳотлар агентлиги директори лавозимига тайинланди.

Шу муносабат билан у Ўзбекистон Республикаси Президентининг стратегик ривожланиш бўйича маслаҳатчиси лавозимидан озод этилди.

Шунингдек, Президентнинг стратегик ривожланиш бўйича маслаҳатчиси лавозими тугатилди.

Telegram I Facebook I YouTube I Instagram

«Эффект.уз» жамоаси Тошкент вилояти Тошкент туманида!

Айни дамда «Эффект.уз» жамоаси Тошкент вилояти Тошкент туманида бўлиб турибди. Ташриф доирасида туман ҳокимининг қабул жараёни, бир кунлик иш фаолияти ҳамда ҳудудда амалга оширилаётган ислоҳотлар ва бунёдкорлик ишлари билан яқиндан танишамиз.

Шунингдек, «Эффект.уз»нинг янги медиа лойиҳаси доирасида тумандаги ўзгаришлар, долзарб масалалар ва ривожланиш жараёнларини сизларга тезкор ва холис ёритиб борамиз.

Бизни кузатишда давом этинг!

Telegram I Facebook I YouTube I Instagram

Дилнозахон Каттахонова Бош вазир ўринбосари этиб тайинланди

Ўзбекистон Республикаси Президентининг тегишли фармони билан Дилнозахон Собир қизи Каттахонова Ўзбекистон Республикаси Бош вазирининг ўринбосари – Оила ва хотин-қизлар қўмитаси раиси лавозимига тайинланди.

Тайинлов муносабати билан у Ўзбекистон Республикаси Ёшлар ишлари агентлиги директорининг биринчи ўринбосари лавозимидан озод этилди.

Шунингдек, Президентнинг бошқа фармонига мувофиқ, Зулайхо Баҳриддиновна Махкамова бошқа ишга ўтиши муносабати билан Ўзбекистон Республикаси Бош вазирининг ўринбосари – Оила ва хотин-қизлар қўмитаси раиси лавозимидан озод этилди.

Telegram I Facebook I YouTube I Instagram

Кўп қаватли уйлар ёнида ноқонуний қурилиш қилганларга 5 йилгача қамоқ жазоси қўлланиши мумкин

Энди кўп қаватли уйлар атрофида ўзбошимчалик билан қўшимча қурилма қуриш ёки умумий фойдаланишдаги ҳудудни эгаллаб олиш оғир ҳуқуқий оқибатларга олиб келиши мумкин. Янги тартибга кўра, бундай ҳолатлар учун йирик жарималар ва ҳатто озодликдан маҳрум этиш жазоси белгиланди.

Ўзбекистонда кўп қаватли уйлар ёнида ўзбошимчалик билан қўшимча қурилмалар қуриш учун маъмурий ва жиноий жавобгарлик жорий этилди.

Янги тартибга мувофиқ, фуқаролар бундай ҳуқуқбузарлик учун 400 БҲМ (164,8 млн сўм), мансабдор шахслар эса 450 БҲМ (185,4 млн сўм) миқдорида жаримага тортилиши мумкин.

Агар қоидабузарлик такроран содир этилса, айбдор шахс 3 йилдан 5 йилгача озодликдан маҳрум этилиши мумкин.

Шунингдек, умумий фойдаланишдаги ҳудудларни ўзбошимчалик билан эгаллаб олиш ҳолатлари учун ҳам жиноий жавобгарлик белгиланди.

Telegram I Facebook I YouTube I Instagram

Хоманаийнинг жасади ниҳоят кўмилди

Эроннинг ҳалок бўлган олий раҳбари Али Хоманаий Машҳад шаҳридаги Имом Ризо мақбараси ҳудудига дафн этилди.

У айнан шу мақбарада икки йил аввал вертолёт ҳалокатида вафот этган Эрон президенти Иброҳим Раисий билан видолашув маросими ўтказилган эди.

Расмий маълумотларга кўра, дафн маросими вақтида Хоманаий билан видолашишни истаганлар сони кутилганидан кўп бўлгани сабабли маросим йўналишига ўзгартириш киритилди.

Натижада мотам карвони мақбарагача етиб бормаган ва жасад вертолёт орқали олиб келинган.

Мақбара ҳудудида Хоманаий ҳамда у билан бирга ҳалок бўлган оила аъзолари учун юз минглаб зиёратчилар иштирокида жаноза намози ўқилди.

Шундан сўнг тор доирада расмий дафн маросими бўлиб ўтди. Маросимга оммавий ахборот воситалари вакиллари киритилмади.

Али Хоманаий билан видолашув маросимлари 3-июл куни Теҳронда бошланган. Кейинги кунларда мотам тадбирлари Теҳрон, Қум, Нажаф ва Карбало шаҳарларида давом этди. Маросимларда камида 100 та давлатдан юқори мартабали делегациялар иштирок этгани маълум қилинди.

Telegram I Facebook I YouTube I Instagram

Ҳасан Салихов Президентнинг маданият бўйича вакили этиб тайинланди

Ўзбекистон Республикаси Президентининг тегишли фармонига мувофиқ, Ҳасан Равшанович Салихов Ўзбекистон Республикаси Президентининг маданият бўйича вакили лавозимига тайинланди.

Тайинловга қадар у Креатив индустрия парки директори лавозимида фаолият юритган.

Шунингдек, Ғиёсиддин Қутбиддинович Режабов бошқа ишга ўтиши муносабати билан Ўзбекистон Республикаси Президентининг маданият бўйича вакили лавозимидан озод этилди.

Telegram I Facebook I YouTube I Instagram

Москвада илк бор гуманоид роботларнинг рамзий тўйи ўтказилди

Москвада илк бор гуманоид роботлар ўртасида рамзий никоҳ маросими ўтказилди. РИА Новости хабарига кўра, тадбир 9-июл куни Пушкин номидаги кутубхонада бўлиб ўтган.

Никоҳдан офис ходими ва блогер робот Роберт ҳамда балерина робот Матилда ўтган. Улар аввалроқ Петербург халқаро иқтисодий форумида жамоатчиликка таништирилган эди.

Маросим давомида роботлар бир-бирига садоқат қасамёдини қилиб, "Догматик" номли робот-ит олиб чиққан никоҳ узукларини алмашган. Якунда бошловчи уларни рамзий равишда эр-хотин деб эълон қилган.

Роботларни ишлаб чиққан ИТ-Империал компанияси вакилларининг айтишича, тадбирдан кўзланган мақсад робототехника соҳасидаги замонавий технологияларни оммалаштириш ва уларнинг инсон ҳаётидаги амалий имкониятларини намойиш этишдан иборат.

Telegram I Facebook I YouTube I Instagram

Кўп квартирали уйлар олдида ноқонуний қурилиш қилганларга 5 йилгача қамоқ жазоси белгиланиши мумкин

Янги қонунга кўра, рухсациз қўшимча қурилиш учун фуқаролар ва мансабдор шахсларга йирик миқдорда жарима белгиланмоқда. Қоидабузарлик такрорланса, жиноий жавобгарлик қўлланилади.


Сенатор Турсуновнинг маълум қилишича, янги қонунга мувофиқ, кўп квартирали уйлар олдида рухсациз қўшимча қурилиш қилганлик учун жавобгарлик кучайтирилмоқда.

Унга кўра, фуқароларга БҲМнинг 400 баравари — 164,8 млн сўм, мансабдор шахсларга эса БҲМнинг 450 баравари — 185,4 млн сўм миқдорида жарима қўлланилади.

Агар ушбу қоидабузарлик маъмурий жазо қўлланилганидан кейин такрор содир этилса, айбдор шахс 3 йилдан 5 йилгача озодликдан маҳрум этилиши мумкин.

Telegram I Facebook I YouTube I Instagram

Ашропов муҳим вазифаларни белгилади

Ички ишлар вазири ўринбосари, полковник Рамазон Ашропов томонидан “Хавфсиз ва соғлом юрт” кенг қамровли тезкор-профилактик ойлигини Сурхондарё вилоятида самарали ташкил этиш юзасидан зарур чора-тадбирлар белгиланди.

Telegram I Facebook I YouTube I Instagram

Лукашенко ўзбекистонликларни Беларусга ишлаш ва яшашга таклиф қилди

Беларус Президенти Александр Лукашенко мамлакатда ишчи кучи тақчиллиги кузатилаётганини маълум қилиб, ўзбекистонлик оилаларни Беларусга кўчиб келиб, ишлаш ва яшашга таклиф қилди.
Унинг таъкидлашича, Ўзбекистонда сув ва ер ресурслари чекланган бўлса, Беларусда бу борада имкониятлар кенг. Шу билан бирга, айрим ҳудудларда меҳнат ресурсларига эҳтиёж юқори.
"Биз ўзбек оилалари Беларусга келиб, шу ерда яшаши, ишлаши, зарур бўлса тиббий хизматдан фойдаланиши, фарзандлари таълим олишини истардик. Бу ерлар бўшаб қолмаслиги биз учун жуда муҳим", — деди Лукашенко.

Шунингдек, у Беларус ва Ўзбекистон мавжуд имкониятлардан янада фаолроқ фойдаланиши лозимлигини қайд этди.
"Келинг, биргаликда ишлайлик. Беларуслар ўзбекларга яхши муносабатда бўлади. Худди ўзбекистонликлар бизга қандай муносабатда бўлса, биз ҳам шундай муносабатдамиз. Президентларнинг сиёсий иродаси ва қўллаб-қувватлаши бор. Тез ҳаракат қилиш керак, акс ҳолда бу имкониятдан бошқалар фойдаланади", — деди у.
Лукашенко Беларус–Ўзбекистон ҳамкорлигида аёлларнинг ҳам муҳим ўрни борлигини қайд этди. Унинг сўзларига кўра, икки мамлакат ўртасида йўлга қўйилган аёллар бизнес-форуми фаолияти бундан кейин ҳам қўллаб-қувватланади.

Telegram I Facebook I YouTube I Instagram

Бухорода ўлдирилган ҳиндистонлик талаба иши бўйича Ҳиндистонда ҳам жиноят иши очилди

Бухорода ҳалок бўлган 22 ёшли ҳиндистонлик талаба иши энди нафақат Ўзбекистонда, балки Ҳиндистонда ҳам тергов қилинади.

Бухорода курсдоши томонидан ўлдирилган 22 ёшли ҳиндистонлик талаба иши юзасидан Ҳиндистоннинг Керала штатида ҳам жиноят иши қўзғатилди. Бу ҳақда Редифф нашри хабар берди.

Маълум қилинишича, иш марҳуманинг ота-онаси аризаси асосида рўйхатга олинган. Керала полицияси Ўзбекистондаги тергов натижаларини Ҳиндистоннинг Тошкентдаги элчихонаси орқали кузатишини билдирган. Агар гумонланувчи Ўзбекистонда жавобгарликка тортилса, Ҳиндистондаги иш ёпилиши мумкин.

Марҳуманинг оиласи эса Керала ҳудудида ҳам тўлиқ тергов ўтказилиши ҳамда асосий гумонланувчини Ҳиндистонга экстрадиция қилишни талаб қилмоқда.

Дастлабки маълумотларга кўра, қизнинг ўлимида унинг курсдоши гумон қилинмоқда. Тергов версиясига кўра, жанжал вақтида йигит унинг бошига ноутбук билан зарба берган.

Бироқ марҳуманинг яқинлари жасадда кўплаб жароҳатлар бўлганини айтиб, қиз ўлимидан олдин зўравонликка учраган бўлиши мумкинлигини тахмин қилмоқда. Ҳозирча Ўзбекистон ҳуқуқни муҳофаза қилувчи органлари ушбу ҳолат юзасидан расмий баёнот бермаган.

Telegram I Facebook I YouTube I Instagram

Суд тизимида янги тайинловлар

Ўзбекистон Республикаси Судьялар олий кенгашининг 2026 йил 10 июлдаги қарори билан қатор судьялар раҳбарлик ва судьялик лавозимларига тайинланди.

Жумладан:
Музаффаржон Сиддиков — Қува туман суди раиси;

Авазбек Раҳимов — Фарғона шаҳар суди тергов судьяси;

Одилжон Исмоилов — Фарғона вилояти суди судьяси;

Дилдора Анварова — Миробод туман суди тергов судьяси;

Қобилжон Холбаев — Шайхонтоҳур туман суди тергов судьяси;

Анвар Ёриев — Юқоричирчиқ туманлараро суди раиси;

Бекзод Тўраев — Тошкент туманлараро иқтисодий суди раиси ўринбосари;

Аброр Саидов — Жалақудуқ туман суди раиси.

Тайинловлар Судьялар олий кенгашининг 2026 йил 10 июлдаги қарори асосида амалга оширилди.

Telegram I Facebook I YouTube I Instagram

MICE тадбирлари учун тўланган ҚҚСнинг 50 фоизи қайтарилади

Энди Ўзбекистонда ишбилармонлик туризми (MICE) тадбирларини ташкил этган тадбиркорлар тўланган ҚҚСнинг ярмини қайтариб олиш имкониятига эга бўлади.

Ўзбекистонда MICE (ишбилармонлик) туризми тадбирларини ташкил этувчи тадбиркорларга амалда тўланган қўшилган қиймат солиғининг (ҚҚС) 50 фоизи қайтарилади.

Бунинг учун тадбир якунланганидан сўнг 3 ой ичида Миллий туризм ягона платформаси орқали Туризм қўмитасига ариза топшириш лозим.

Қўмита тақдим этилган ҳужжатларни 5 иш куни ичида кўриб чиқади. Агар кейинчалик қайтариладиган маблағ миқдорига аниқлик киритилса, ортиқча тўланган сумма давлат бюджетига қайтарилади.

Telegram I Facebook I YouTube I Instagram

Тошкент халқаро молия маркази Конституциявий қонун билан мустаҳкамланди

Президент Шавкат Мирзиёев “Тошкент халқаро молия маркази тўғрисида”ги Конституциявий қонунни имзолади.

Унга кўра, марказ Англия ҳуқуқи асосида фаолият юритадиган, алоҳида ҳуқуқий мақомга эга ҳудуд бўлади. Шунингдек, у махсус тартибга солиш тизими, мустақил тижорат суди ва халқаро стандартларга мос ҳуқуқий муҳит билан таъминланади.

Янги механизм халқаро инвесторлар, банклар, инвестиция фондлари ва молия компаниялари учун шаффоф ва ишончли шарт-шароит яратиб, Ўзбекистоннинг глобал капитал бозоридаги рақобатбардошлигини кучайтириши кутилмоқда.

Президент Администрацияси раҳбари Саида Мирзиёева ушбу қонунни “жаҳон бозорининг энг қимматли активи — ишончга инвестиция” дея баҳолади. Унинг таъкидлашича, мазкур қадам Тошкентни жаҳон молия тизимининг муҳим бўғинига айлантиришга хизмат қилади.

Қайд этилишича, бу жорий йилнинг энг муҳим иқтисодий воқеаларидан бири бўлиб, сўнгги ўн йил давомида амалга оширилган иқтисодий ислоҳотларнинг мантиқий давоми ҳисобланади.

Telegram I Facebook I YouTube I Instagram

Саида Мирзиёева: «Ҳар бир хотин-қиз давлат эътибори ва ҳимоясини ҳис қилиши шарт»

Президент Администрацияси раҳбари Саида Мирзиёеванинг таъкидлашича, ҳар бир хотин-қиз Президентнинг эътибори ва ғамхўрлиги, давлатнинг ҳимояси ва кўмагини ўз ҳаётида ҳис қилиши лозим.
«Бу шунчаки вазифа эмас, бу — Президентимизнинг қатъий талаби», — деди у.

Telegram I Facebook I YouTube I Instagram

Жанубий Корея ва АҚШга ноқонуний юборишни ваъда қилганлар ушланди

Тошкент шаҳрида икки нафар шахс фуқарони Жанубий Кореяга ишга жўнатиш ва кейинчалик унга доимий яшаш учун ҳужжатлар расмийлаштириб беришни ваъда қилиб, 25 минг АҚШ долларини олаётган вақтда ушланди.

Шунингдек, Наманган вилоятида яшовчи шахс фуқарони «Ўзбекистон – Туркия – Испания – Мексика – АҚШ» йўналиши орқали ноқонуний тарзда олиб ўтишни ваъда қилиб, бунинг эвазига 20 минг АҚШ долларини олаётган пайтда қўлга олинди.

Ҳар икки ҳолат юзасидан жиноят иши қўзғатилган бўлиб, айни вақтда тергов ҳаракатлари олиб борилмоқда.

Telegram I Facebook I YouTube I Instagram

Аввалроқ Effect.uz томонидан Сурхондарё вилояти Денов туманида истиқомат қилувчи Менгнор Қоржовова ва унинг ногиронлиги бўлган фарзандлари яшаб келаётган оғир ижтимоий аҳвол ҳақидаги видеолавҳа эълон қилинган эди.

Мазкур видеолавҳадан сўнг Денов тумани ҳокимлиги ҳолат юзасидан расмий муносабат билдириб, оилага кўрсатилаётган ижтимоий ёрдамлар ҳамда уй-жойни таъмирлаш масаласи бўйича маълумот берди.

Ҳокимлик маълумотига кўра, оиланинг барча аъзолари амалдаги қонунчилик асосида пенсия ва ижтимоий тўловлар билан таъминланган.

Шунингдек, фуқарога моддий ёрдам тайинлангани ва Қурбон ҳайити муносабати билан озиқ-овқат маҳсулотлари етказиб берилгани маълум қилинган.

Уй-жойни таъмирлаш учун ёрдам олиш бўйича мурожаат эса кaдастр ҳужжатлари мавжуд эмаслиги сабабли ахборот тизими томонидан автоматик равишда рад этилгани қайд этилди.

Effect.uz мазкур масала юзасидан вазият ривожини кузатишда давом этади

Telegram I Facebook I YouTube I Instagram

Тошкентда Tracker 6 ёшли болани уриб кетди, бола воқеа жойида вафот этди

1 июль куни Тошкент шаҳри Мирзо Улуғбек туманидаги Чўлдарахт кўчасида Tracker русумли автомобиль иштирокида йўл-транспорт ҳодисаси содир бўлди.

Дастлабки маълумотларга кўра, ҳайдовчи йўлга чиқиб қолган 6 ёшли болани уриб юборган. Оқибатда бола олган тан жароҳатлари туфайли воқеа жойида вафот этган.

Мазкур ҳолат юзасидан жиноят иши қўзғатилган. Айни пайтда ҳуқуқни муҳофаза қилувчи органлар томонидан тергов ҳаракатлари давом эттирилмоқда.

Telegram I Facebook I YouTube I Instagram

Хитойда тошқиндан кейин 900 га яқин кобра қочиб кетди

Хитойдаги кучли тошқин оқибатида тўғон бузилиб, сув босган илончилик фермасидан қарийб 900 та илон қочиб кетди. Улар орасида инсон ҳаёти учун хавфли бўлган кобралар ҳам бор.

Ҳодиса содир бўлган Дэнвей қишлоғида фавқулодда ҳолат эълон қилинган. Мутасаддилар аҳолини эҳтиёт чораларига қатъий амал қилишга чақирмоқда.

Telegram I Facebook I YouTube I Instagram