Олий таълимда 20 дан ортиқ янги йўналиш тасдиқланди

Эндиликда Ўзбекистон ОТМларида талаб юқори бўлган замонавий касблар бўйича янги таълим йўналишлари очилади.

Бакалавриат ва магистратура босқичлари учун 20 дан ортиқ янги таълим йўналиши тасдиқланди.

Бакалавриатда дрон технологиялари, мобил робототехника, яшил иқтисодиёт, қайта тикланувчи энергия манбалари ҳамда экотуризм каби замонавий йўналишларда мутахассислар тайёрланади.

Магистратура босқичида эса халқаро энергетик сиёсат, сув дипломатияси, барқарор молия, урбанистика, экология ҳуқуқи ва бошқа истиқболли мутахассисликлар йўлга қўйилади.

Telegram I Facebook I YouTube I Instagram

Ўзбекистонда минимал иш ҳақини 2,1 млн сўмгача ошириш таклиф қилинди

2030 йилгача Ўзбекистонда минимал иш ҳақини 2,1 миллион сўмга етказиш таклиф этилди.

Таклифга кўра, мамлакатда минимал иш ҳақи медиана иш ҳақининг 40 фоизига тенглаштирилиши лозим. Ҳозирги кунда минимал иш ҳақи ойига 1 миллион 271 минг сўмни ташкил этади.

Муаллифлар ҳисоб-китобига кўра, агар медиана иш ҳақи ҳозирги 5,3 миллион сўм даражасида сақланиб қолса, минимал иш ҳақи 2,1 миллион сўм бўлиши керак.

Бу амалдаги кўрсаткичдан қарийб 1,7 баробар юқори. Шунингдек, таҳлилда Ўзбекистондаги минимал иш ҳақи Қозоғистон, Беларусь ва Россиядаги мос кўрсаткичларга нисбатан анча паст экани қайд этилган.

Telegram I Facebook I YouTube I Instagram

Таиланддан қайтган 19 ёшли йўловчи 7 килодан ортиқ синтетик наркотик билан ушланди

19 ёшли йўловчи Таиланддан Ўзбекистонга қайтиш чоғида кофега қўшиладиган қуруқ сут пакетлари ичига яширилган 7 килодан ортиқ синтетик наркотик моддани олиб киришга урингани аниқланди.

Маълум қилинишича, ушланган шахс “мефедрон” синтетик наркотик моддасини мамлакат ҳудудига олиб кириши учун 1000 АҚШ доллари ваъда қилинган.

Қонунчиликка кўра, наркотик воситаларни уюшган гуруҳ таркибида, трансмиллий тарзда ёки интернет орқали қонунга хилоф равишда муомалага киритиш оғир жиноят ҳисобланади. Бу каби қилмишлар учун 15 йилдан 20 йилгача озодликдан маҳрум қилиш жазоси белгиланган.

Telegram I Facebook I YouTube I Instagram

Шомуродов ва Файзуллаев автомобил билан тақдирланди

Ўзбекистон миллий терма жамоаси аъзолари Элдор Шомуродов ҳамда Аббос Файзуллаевга автомобиллар тантанали равишда топширилди.

Маълум қилинишича, футболчиларга автомобиллар "Б.А. Ҳолдинг" томонидан совға қилинган. Тақдирлаш маросими тантанали руҳда ўтказилиб, унда ҳар икки футболчига калитлар расман топширилди.

Telegram I Facebook I YouTube I Instagram

2,5 мингдан ортиқ рецептли дори нархи арзонлашди

2026 йил 1 июлдан бошлаб Ўзбекистонда 2,5 минг номдаги рецептли дори воситаси учун янги чекланган нархлар жорий этилди. Айрим дориларнинг нархи 50 фоизгача пасайди.

Янги тартибга кўра:
антибиотиклар — 50% гача;
юрак-қон томир касалликлари учун дорилар — 37% гача;
асаб тизими касалликлари учун дорилар — 40% гача;
яллиғланишга қарши ва оғриқ қолдирувчи дорилар — 42% гача арзонлаштирилди.

Эндиликда дорихоналар мазкур дори воситаларини белгиланган референт нархдан юқори қийматда сота олмайди. Фуқаролар дори воситаларининг чекланган нархларини PharmUz иловаси ёки pharm.gov.uz сайти орқали текширишлари мумкин.

Telegram I Facebook I YouTube I Instagram

Андижонда 94 мингдан ортиқ шахс номидан ноқонуний «кешбек»

Андижон вилоятида сохта электрон ҳисоб-фактуралар орқали 38,3 млрд сўм бюджет маблағини ноқонуний ўзлаштирганликда гумонланаётган шахсларга нисбатан жиноят иши қўзғатилди.

Бош прокуратура ҳузуридаги Департаментнинг Андижон вилояти бошқармаси томонидан ўтказилган терговга қадар текширувда фуқаро Ё.Қ. ва бошқалар ўзаро тил бириктириб, 5 та МЧЖ номидан 2,2 трлн сўмлик маҳсулот етказиб берилгани ҳақида сохта электрон ҳисоб-фактуралар расмийлаштиргани аниқланган.

Тергов маълумотларига кўра, улар назорат-касса машиналари орқали савдо амалга оширилгандек кўриниш ҳосил қилиб, харид чекларини расмийлаштирган. Натижада 94 921 нафар фуқаро, жумладан ижтимоий ҳимоя реестрига киритилган шахслар номига «Soliq Mobile» иловаси орқали «кешбек» тўловлари амалга оширилиб, 38,3 млрд сўм бюджет маблағи ўзлаштирилган.

Мазкур ҳолат юзасидан жиноят иши қўзғатилган. Айни пайтда тергов ҳаракатлари давом этмоқда.

Telegram I Facebook I YouTube I Instagram

Қоракўлда собиқ МИБ давлат ижрочиси миллионлаб сўмни ўзлаштиргани учун қамалди

Фуқаролардан ундирилган маблағлар давлат ҳисоб рақамига эмас, шахсий манфаатлар учун сарфланган.

Жиноят ишлари бўйича Қоракўл туман суди Мажбурий ижро бюроси Қоракўл туман бўлимининг собиқ давлат ижрочисига нисбатан жиноят ишини кўриб чиқди.

Тергов ва суд материалларига кўра, у хизмат мавқеидан фойдаланиб, ижро ҳужжатлари бўйича фуқаролардан ундирилган маблағларни давлат депозит ҳисоб рақамига ўтказмасдан, ўзлаштириб келган. У маблағлар қабул қилингани ҳақида расмий далолатномалар тузган, аммо пулларни давлат ҳисоб рақамига киритмаган.

Ишда жами 76 та эпизод қайд этилган. Улар орасида 18,4 миллион сўмлик солиқ қарзи, 17 миллион ва 14 миллион сўмлик алимент тўловлари, шунингдек банк кредитлари ва бошқа тўловлар бўйича 11 миллион, 9,5 миллион, 9 миллион ҳамда бошқа турли миқдордаги маблағларни ўзлаштириш ҳолатлари аниқланган.

Жабрланувчилар орасида фуқаролар, фермер хўжаликлари, банклар, солиқ органлари ва коммунал ташкилотлар бор.

Суд ҳукми билан собиқ давлат ижрочиси айбдор деб топилиб, озодликдан маҳрум қилиш жазоси тайинланди. Шунингдек, у муайян муддат давлат органларида моддий жавобгарлик ва мансаб ваколати билан боғлиқ лавозимларда ишлаш ҳуқуқидан ҳам маҳрум этилди.

Telegram I Facebook I YouTube I Instagram

Энергетика тизимида коррупция учун судланган ходимлар ишдан бўшатилиши белгиланди

Энергетика вазирлигида ўтказилган йиғилишда коррупцияга қарши кураш бўйича муҳим қарор қабул қилинди.

Энергетика вазирлигида соҳадаги долзарб масалаларга бағишланган йиғилиш ўтказилди. Унда электр ва газ таъминоти барқарорлигини таъминлаш, ёзги юқори юклама даврида тизим ишончлилигини ошириш чоралари муҳокама қилинди.

Йиғилишда тармоқлар ва подстанцияларнинг узлуксиз ишлашини таъминлаш, авариявий узилишларнинг олдини олиш ҳамда тезкор бригадалар тайёрлигини кучайтириш бўйича масъулларга топшириқлар берилди.

Шунингдек, энергия самарадорлигини ошириш, ресурслардан тежамкор фойдаланиш ва қарздорликларни қисқартириш вазифалари белгиланди.

Энг муҳим қарорлардан бири сифатида, коррупция жинояти учун судланган барча ходимлар энергетика тизимидан ишдан бўшатилиши белгиланди.

Telegram I Facebook I YouTube I Instagram

Тошкентда 212 та автобус бекати янгиланади

Пойтахтда жамоат транспорти инфратузилмаси янада яхшиланади. 212 та автобус бекати замонавий кўринишга келтирилиши режалаштирилган.

Тошкент шаҳрида 212 та жамоат транспорти бекатини реконструкция қилиш режалаштирилди. Лойиҳани амалга ошириш учун 177 та ер участкаси шаҳар ҳокимлиги тасарруфига ўтказилади.

Янгиланадиган бекатларнинг энг кўпи Шайхонтоҳур туманига тўғри келади — 35 та. Шунингдек, Юнусобод туманида 26 та, Чилонзор туманида 24 та ҳамда Мирзо Улуғбек туманида 22 та бекат реконструкция қилинади.

Маълум қилинишича, лойиҳа ижроси шаҳар ҳокимининг транспорт ва йўл инфратузилмаси масалалари бўйича ўринбосари Абдураҳмон Бахтиев назоратида бўлади.

Telegram I Facebook I YouTube I Instagram

Энди 15 дан ортиқ ҳужжатнинг электрон шакли расман тан олинади

Шахсни тасдиқловчи ҳужжат, ҳайдовчилик гувоҳномаси, талабалик гувоҳномаси ва бошқа қатор ҳужжатларни электрон кўринишда тақдим этиш мумкин бўлади.

Ўзбекистонда 15 дан ортиқ турдаги ҳужжатларнинг электрон шакли расман тан олинади. Улар орасида шахсни тасдиқловчи ҳужжат, ҳайдовчилик гувоҳномаси, талабалик гувоҳномаси ҳамда бошқа муҳим ҳужжатлар мавжуд.

Мазкур янгилик давлат ва хусусий ташкилотларда хизматлардан фойдаланиш жараёнини соддалаштириш, қоғозбозликни камайтириш ҳамда фуқаролар учун янада қулайлик яратишга хизмат қилади.

Telegram I Facebook I YouTube I Instagram

Жаҳон чемпионатида нимчорак финал баҳслари тобора қизғин тус олмоқда.

Кеча Англия терма жамоаси Мексикани 3:2 ҳисобида мағлуб этиб, чорак финал йўлланмасини қўлга киритди.

Яна бир кутилмаган натижада Норвегия футболчилари турнир фаворитларидан бири бўлган Бразилияни 2:1 ҳисобида таслим этиб, мусобақанинг энг катта сенсацияларидан бирига муаллифлик қилди.

Бугун эса футбол мухлисларини яна икки марказий қарама-қаршилик кутмоқда.

Португалия Испанияга қарши майдонга тушса, Белгия АҚШ билан чорак финал йўлланмаси учун баҳс олиб боради.


Telegram I Facebook I YouTube I Instagram

“Ташаббусли бюджет”нинг 2026 йилги иккинчи мавсуми бошланади

15 июлдан фуқаролар ўз лойиҳаларини тақдим этиши мумкин. Ғолиблар эса Мустақиллик байрами арафасида эълон қилинади.

2026 йил 15 июлдан “Ташаббусли бюджет” жараёнининг иккинчи мавсуми старт олади.

Жараён қуйидаги босқичларда ўтказилади:
▪️ 15 июль – 3 август — лойиҳаларни киритиш;
▪️ 4 – 18 август — лойиҳаларни саралаш;
▪️ 19 – 21 август — тарғибот босқичи;
▪️ 22 – 31 август — овоз бериш босқичи;
▪️ 1 – 10 сентябрь — қўшимча ғолибларни эълон қилиш.

Анъанавий овоз бериш натижаларига кўра ғолиб деб топилган лойиҳалар 1 сентябрь — Ўзбекистон Республикаси Мустақиллигининг 35 йиллиги байрами куни эълон қилинади.

Telegram I Facebook I YouTube I Instagram

Ҳайдовчилар ЙПХ ходимларига ҳужжатларнинг асл нусхасини тақдим этиши шарт

Муҳокамаларга сабаб бўлган масала юзасидан расмий изоҳ берилди.

Ваколатли идора маълум қилишича, ҳайдовчилар йўл-патруль хизмати ходимлари талабига биноан транспорт воситаси ва ҳайдовчига тегишли ҳужжатларнинг асл нусхасини тақдим этиши шарт.

Расмий изоҳда таъкидланишича, қонунчиликда белгиланган ҳолатларда ҳужжатларнинг асл нусхаси тақдим этилиши талаб этилади ва мазкур тартиб амалда қолмоқда.

Telegram I Facebook I YouTube I Instagram

Корея...

Кўпчилик учун бу — орзулар мамлакати.
Юқори маош, замонавий ҳаёт ва оиласининг келажагини ўзгартириш умиди минглаб ўзбекистонлик ёшларни айнан шу давлат сари етаклайди.

Аммо Кореяга бориш йўли ҳамма ўйлагандек осон эмас...
Ойлар, баъзан йиллар давомида корейс тилини ўрганасиз.
Имтиҳонга тайёрланасиз.

Миллионлаб сўм сарфлайсиз.
Ва айнан шу пайтда айрим фирибгарлар сизнинг орзуингизни даромад манбаига айлантиради.

Биз ҳикоя қиладиган йигит ҳам шундай тузоққа тушди.
Унга «имтиҳондан ўтказиб қўямиз» деб ваъда беришди.
Бунинг эвазига эса катта миқдорда пул сўрашди.

Пулни топиш учун у отасининг "Gentra" автомобилини сотишга мажбур бўлди.

Машина сотилди. Пул берилди, аммо... на ваъда бажарилди, на пул қайтди. Бу фақат битта йигитнинг ҳикояси эмас. Бу — Корея орзусига ишонган минглаб ёшларнинг дарди.

Янги "Қараш" лойиҳамизнинг«Орзуйимдаги Корея» номли махсус видео лавҳада, тизим ортидаги аччиқ ҳақиқатлар очиқланган

👉 Тўлиқ видео

Telegram I Facebook I YouTube I Instagram

Энергетика вазирлигида тизимли муаммолар муҳокама қилинди

Кенгайтирилган йиғилишда электр таъминотидаги узилишлар, коррупция ва соҳани ислоҳ қилишга оид муҳим вазифалар белгиланди.

Энергетика вазирлигида Президент Администрацияси, Бош прокуратура ҳамда маҳаллий ҳокимликлар вакиллари иштирокида кенгайтирилган йиғилиш ўтказилди.

Йиғилишда Тошкент шаҳридаги авариявий электр узилишлари сабабларини ўрганиш учун махсус комиссия тузиш, ёзнинг юқори ҳарорати шароитида электр тармоқлари барқарорлигини таъминлаш ва колл-марказлар фаолиятини кучайтириш бўйича топшириқлар берилди.

Шунингдек, коррупция жиноятлари учун судланган барча ходимлар ишдан бўшатилиши, Сурхондарё ва Қашқадарё вилояти энергетика тизими раҳбарлари тўлиқ аттестациядан ўтказилиши маълум қилинди. Бундан ташқари, соҳада коррупциявий хавф-хатарларни таҳлил қилувчи махсус кенгаш ташкил этилади.

Telegram I Facebook I YouTube I Instagram

Ёқилғи қуйиш шохобчалари учун янги хавфсизлик талаблари жорий этилди

Ҳукумат қарори билан АЁҚШ ва газ тўлдириш иншоотларида хавфсизлик, экология ҳамда техник талаблар кучайтирилди.

Вазирлар Маҳкамасининг қарорига мувофиқ, автомобильларга ёқилғи қуйиш ва газ тўлдириш шохобчалари учун янги минимал хавфсизлик талаблари тасдиқланди. Улар ёнғин ва саноат хавфсизлиги, экологик меъёрлар ҳамда технологик жараёнларга оид қоидаларни қамраб олади.

Шунингдек, 2026 йил 1 сентябрдан 2030 йил 1 январгача хизмат муддати ўтган, ишлаб чиқарилган санаси номаълум ёки ортиқча босим остида ишлайдиган эски ускуналардан фойдаланиш босқичма-босқич чекланади.

Қарорга кўра, газ сотувчи шохобчаларда «U-Gas» дастурий-аппарат мажмуасини жорий этиш мажбурий ҳисобланади.

Telegram I Facebook I YouTube I Instagram

Тоғда қолиб кетган фуқарога ёрдам кўрсатилди

Бўстонлиқ туманидаги Катта Чимён тоғида сайр қилаётган фуқаронинг оёғи жароҳатланиб, мустақил ҳаракатлана олмай қолгани ҳақида “112” хизматига хабар келиб тушди.

Шундан сўнг, Тошкент вилояти Фавқулодда вазиятлар бошқармаси қутқарувчилари воқеа жойига зудлик билан етиб бориб, қидирув-қутқарув ишларини амалга оширди.

Қутқарувчилар томонидан фуқарога зарур амалий ёрдам кўрсатилиб, у хавфсиз ҳудудга олиб чиқилди.

Telegram I Facebook I YouTube I Instagram