Қашқадарёда ҲОWО 9 та машинани уриб кетди

3-июл куни соат 14:30 атрофида Қашқадарё вилояти Шаҳрисабз туманида ҲОWО русумли юк автомобилининг тормоз тизимидаги носозлик оқибатида йўл-транспорт ҳодисаси содир бўлди.

Дастлабки маълумотларга кўра, юк машинаси ўзи билан бир йўналишда ҳаракатланаётган 9 та автомобил билан тўқнашган. Зарба оқибатида Нехиа-1 автомобили ҳайдовчиси йўл четидаги пиёдани уриб юборган.

Пиёдага воқеа жойида биринчи тиббий ёрдам кўрсатилди. Ҳолат юзасидан Қашқадарё вилояти ИИБ ЖХХ ЙҲХБ томонидан суриштирув ишлари олиб борилмоқда.

Telegram I Facebook I YouTube I Instagram

Президент Янги Сергели кўчасидаги ўзгаришлар билан танишди

Президент Шавкат Мирзиёев Тошкент шаҳридаги Янги Сергели кўчасида амалга оширилган бунёдкорлик ва ободонлаштириш ишлари билан танишди.

Лойиҳа доирасида ҳудуд инфратузилмасини яхшилаш, аҳоли учун қулай ва замонавий муҳит яратишга қаратилган ишлар амалга оширилган.

Telegram I Facebook I YouTube I Instagram

ЖССТ ҳантавирус эпидемияси тугаганини эълон қилди

Жаҳон соғлиқни сақлаш ташкилоти (ЖССТ) MV Hondius круиз кемасида қайд этилган ҳантавирус эпидемияси расман якунланганини маълум қилди.

Ташкилот маълумотига кўра, вирус юқтирганлар билан мулоқотда бўлган сўнгги йўловчи ҳам карантинни муваффақиятли якунлаб, манфий тест натижасини олган. Шунингдек, 25 майдан буён янги касалланиш ҳолатлари қайд этилмаган.

Эпидемия 1 апрель куни бошланган бўлиб, касаллик давомида 13 киши вирусни юқтирган, 3 нафар бемор вафот этган. 10 май куни кема портга етиб келгач, йўловчилар ва экипаж аъзолари эвакуация қилиниб, ўз мамлакатларига қайтарилган.

Telegram I Facebook I YouTube I Instagram

Ўзбекистон ташқи қарзи 82,2 млрд долларга етди

2026 йил бошидан ташқи қарз ҳажми кескин ошди.

Марказий банк маълумотларига кўра, 2026 йил 1 апрель ҳолатида Ўзбекистоннинг жами ташқи қарзи 82,2 млрд долларни ташкил этган. Бу ўтган йилнинг шу даврига нисбатан қарийб 14 млрд долларга кўпайган.

Ташқи қарзнинг 40,5 млрд доллари давлат ташқи қарзига, 41,7 млрд доллари эса корпоратив ташқи қарзга тўғри келади.

Telegram I Facebook I YouTube I Instagram

Президент Сергели туманидаги «Ўзгариш» маҳалласига ташриф буюрди

Президентни кўрган болалар катта қувонч билан кутиб олишди. Улар "Ассалому алайкум!" дея Президент томон югуриб боришди.

Самимий саломлашув ва болаларнинг беғубор меҳри учрашувнинг энг таъсирли лаҳзаларидан бирига айланди.

Telegram I Facebook I YouTube I Instagram

Президент Сергелидаги замонавий тиббиёт марказини кўздан кечирди

Тошкент шаҳрининг Сергели туманида барпо этилган замонавий тиббиёт маркази Президент Шавкат Мирзиёевга таништирилди.

Марказ қурилиши учун 30 миллион доллар инвестиция йўналтирилган бўлиб, у замонавий тиббий ускуналар билан жиҳозланган. Муассасада диагностика, даволаш ва юқори технологияли тиббий хизматларни бир жойнинг ўзида кўрсатиш имконияти яратилган.

Янги марказ тўлиқ қувват билан ишга тушгач, йилига 150 минг нафардан ортиқ аҳолига сифатли тиббий хизмат кўрсатиши режалаштирилган.

Ташриф давомида давлат раҳбари марказ фаолияти, яратилган шарт-шароитлар ҳамда аҳолига кўрсатиладиган тиббий хизматлар сифати билан танишди.

Telegram I Facebook I YouTube I Instagram

Президент Сергелидаги “Ўзгариш” маҳалласи ҳаёти билан танишди

Президент Шавкат Мирзиёев Тошкент шаҳрининг Сергели туманида жойлашган “Ўзгариш” маҳалласига ташриф буюриб, маҳалла ҳаёти, ижтимоий муҳит ва аҳоли фаровонлигини таъминлаш бўйича амалга оширилаётган ишлар билан танишди.

Ташриф давомида маҳаллада яратилган шарт-шароитлар, аҳоли бандлиги, ободонлаштириш ишлари ҳамда ижтимоий инфратузилма объектлари фаолияти кўздан кечирилди.

Telegram I Facebook I YouTube I Instagram

Сергели аҳолиси кутилганидан 55 минг нафарга кўп чиқди — Президент янги вазифаларни белгилади

Сергели туманида ўтказилган аҳоли хатловининг дастлабки натижалари ҳақиқий демографик ҳолатни очиб берди. Шу асосда инфратузилма, инвестиция ва тадбиркорликни ривожлантириш бўйича қатор янги топшириқлар берилди.

Президент матбуот котиби Шерзод Асадов маълум қилишича, Сергели туманида ўтказилган аҳоли хатловининг дастлабки натижаларига кўра, илгари 181 минг нафар деб ҳисобланган аҳоли сони амалда қарийб 236 минг нафарни ташкил этган. Яқин йилларда эса туман аҳолиси 300 минг нафардан ошиши кутилмоқда.

Шу муносабат билан мутасаддиларга уй-жой, боғча, мактаб, поликлиника ва янги иш ўринлари сонини аҳоли ўсишига мос равишда кўпайтириш бўйича аниқ режалар ишлаб чиқиш топширилди.

Маълум қилинишича, жорий йилда Сергелини ривожлантириш учун давлат бюджети ҳисобидан 173 миллиард сўм, банклар орқали эса 2,2 триллион сўм маблағ ажратилган. Ушбу ресурслардан самарали фойдаланиб, иқтисодий қўшилган қийматни 2–3 баробар ошириш вазифаси қўйилди.

Йиғилишда инвестиция лойиҳаларига ҳам алоҳида эътибор қаратилди. Жорий йилнинг дастлабки беш ойида Сергелига 236 миллион доллар инвестиция киритилган. Йил якунига қадар яна 60 та лойиҳани бошлаш орқали қўшимча 750 миллион доллар инвестиция жалб этиш режалаштирилган.

Шунингдек, ер усти метро йўналиши остида савдо ва сервис объектларини ташкил этиш тажрибасини кенгайтириш таклиф қилинди. Сергелида метро линиясининг яна 8,5 километр қисмида шундай лойиҳалар амалга оширилса, 137 та савдо ва сервис объекти, 1–1,5 мингта янги иш ўрни яратилиши ҳамда туман бюджетига йилига 20–25 миллиард сўм қўшимча тушум келиши кутилмоқда.

Президент ер участкаларини қурилиш учун барча рухсат ҳужжатлари билан тайёр ҳолда аукционга чиқариш амалиётини давлат объектлари ва саноат зоналарига ҳам жорий этиш муҳимлигини таъкидлади. Қайд этилишича, Сергелидаги Янги Бунёдобод маҳалласида ана шундай тартибда аукционга қўйилган 70 сотих ернинг бошланғич нархи 14 миллиард сўм бўлган бўлса, савдоларда 40 миллиард сўмга сотилган ва тадбиркор қурилишни шу куниёқ бошлаган.

Telegram I Facebook I YouTube I Instagram

Сергелига қўшилган маҳаллаларда инфратузилма муаммолари 10 кунда бартараф этилади

Сергели туманига олти йил аввал қўшилган 13 та маҳаллада электр, канализация ва бошқа инфратузилма муаммоларини бартараф этиш бўйича аниқ муддатлар белгиланди.

Тошкент вилояти ҳудудидан олти йил аввал Сергели туманига қўшилган 13 та маҳаллада 14,5 минг хонадон ва 50 мингдан ортиқ аҳоли яшайди. Қайд этилишича, ушбу ҳудудлар аҳолиси ҳалигача шаҳар инфратузилмасини тўлиқ ҳис қилмаган.

Маҳаллаларда ёритиш тизими учун 629 та темир-бетон устун ўрнатилиб, кабеллар тортилган бўлса-да, тизим ҳануз ишга тушмагани танқид қилинди. Масъулларга ушбу муаммони ўн кун ичида ҳал қилиш топширилди. Шунингдек, йил якунига қадар барча маҳаллаларни канализация тармоғига тўлиқ улаш вазифаси қўйилди.

Сергели туманида аҳоли ва тадбиркорлар сони ортиши натижасида электр энергиясига бўлган йиллик талаб сўнгги беш йилда 40 фоизга ошган. Айрим маҳаллаларда электр кучланиши меъёрдан 1,5–2 баробар паст экани қайд этилди.

Муаммони бартараф этиш мақсадида “Шаҳаролди”, “Ўзгариш” ва “Қумариқ” нимстанцияларини ишга тушириш учун 107 миллиард сўм ажратилган. Масъулларга мазкур объектларни белгиланган муддатларда фойдаланишга топшириб, аҳолини кафолатли электр таъминоти билан таъминлаш вазифаси юклатилди.

Шунингдек, пойтахтнинг Бектемир, Мирзо Улуғбек, Сергели, Яшнобод ва Янгиҳаёт туманларига қўшилган 46 та маҳаллада электр, сув, канализация ҳамда йўл инфратузилмаси бўйича ечилмаган муаммо қолмаслиги кераклиги таъкидланди.

Telegram I Facebook I YouTube I Instagram

Кореяга ишга кетиш: Миграция агентлигида нималар дейилди?

Жанубий Кореяга ишлаш учун ҳужжат топширган айрим фуқароларнинг мурожаатлари ижтимоий тармоқларда кенг муҳокама қилиниб, СПАС (SPAS) базасида узоқ вақтдан бери навбат кутаётган номзодлар, янги имтиҳонлар билан боғлиқ саволлар жамоатчилик эътиборини тортмоқда.

Мазкур ҳолат юзасидан аниқлик киритиш мақсадида Effect.uz ижодий жамоаси Вазирлар Маҳкамаси ҳузуридаги Миграция агентлигига борди ва масъул ходимлар билан суҳбатлашди.

Агентлик ходимларининг маълум қилишича, СПАС базасидаги номзодларнинг ишга танланиши Жанубий Корея томонидаги иш берувчилар қарорига боғлиқ бўлиб, мазкур масаланинг ечими ҳам кореялик ҳамкорлар билан ҳал этилиши айтиб ўтилди.

Шунингдек, агентликда 2026 йилдан бошлаб корейс тили бўйича имтиҳонлар янада замонавий тарзда ташкил этилгани, хусусан, имтиҳон жараёнлари махсус планшетлар орқали ўтказилгани маълум қилинди.

Effect.uz ушбу вазиятни кузатишда давом этади.

👉 Тўлиқ видео

Telegram I Facebook I YouTube I Instagram

Сергелидаги бадбўй ҳид муаммоси ҳал этилади, янги тозалаш иншооти қурилади

Сергели ва Янгиҳаёт туманларида аҳолини узоқ йиллардан бери қийнаб келаётган бадбўй ҳид муаммосини бартараф этиш учун оқова сув иншооти модернизация қилинади. Шунингдек, транспорт ва йўл инфратузилмасини яхшилаш бўйича ҳам йирик лойиҳалар амалга оширилади.

Сергели ва Янгиҳаёт туманлари аҳолисини қийнаб келаётган сув тозалаш иншооти атрофидаги бадбўй ҳид муаммосини ҳал этиш бўйича мутасаддиларга 1 сентябрга қадар оқова сув қабул қилиш иншоотига замонавий фильтрлаш ускуналарини ўрнатиш топширилди.

Шунингдек, келаси йилдан Бирлашган Араб Амирликлари ҳамкорлари иштирокида Қуйи Чирчиқ туманида қуввати 300 минг куб метр бўлган замонавий сув тозалаш иншооти қурилиши бошланади. Бу Сергелидаги мавжуд иншоотга тушаётган юкламани сезиларли даражада камайтиради.

Жорий йил Сергели туманидаги асосий 23 километр йўлда ҳаракат хавфсизлиги қайта кўриб чиқилмоқда. Лойиҳа доирасида 455 та «ақлли» светофор ўрнатилади, 150 та автобус бекати янгиланади ҳамда 10 минг ўринли автотураргоҳ барпо этилади.

Келаси йил Янги Сергели кўчасида автобуслар учун 5,5 километрли BRT йўлаги қурилиб, у Шота Руставели кўчаси билан боғланади.

Йиғилишда, шунингдек, Сергели, Бектемир ва Янгиҳаёт туманларини пойтахтнинг бошқа ҳудудлари билан боғлайдиган Тошкент ҳалқа йўлидаги янги кўприк қурилишини жадаллаштириш зарурлиги ҳам таъкидланди.

Telegram I Facebook I YouTube I Instagram

Тошкентда ҳар бир туманда 15–20 та замонавий ҳожатхона қурилади

Йил бошидан буён Тошкентга қарийб 3 миллион хорижлик сайёҳ келган. Сайёҳлар учун қулай муҳит яратиш мақсадида пойтахтда рақамли хариталар жорий этиш, замонавий ҳожатхоналар қуриш ва тозалик инфратузилмасини кучайтириш бўйича янги топшириқлар берилди.

Йил бошидан буён Тошкент шаҳрига қарийб 3 миллион нафар хорижлик сайёҳ ташриф буюрган. Улар учун шаҳарда қулай ва замонавий туристик муҳит яратиш масалалари муҳокама қилинди.

Қайд этилишича, сайёҳларнинг аксарияти тарихий обидалар, истироҳат боғлари, бозорлар, кафе-ресторанлар ҳамда туристик маҳаллаларга пиёда боришни афзал кўради. Шу муносабат билан автобус бекатлари, вокзал, аэропорт ва метро станцияларида шаҳар йўналишларини кўрсатувчи, телефонга бепул ва осон юклаб олинадиган рақамли хариталарни жорий этиш топширилди.

Йиғилишда Тошкентнинг тозалиги ва ободончилиги ҳам танқидий таҳлил қилинди. Кўчалар, хиёбонлар ва парклардаги тозалик муҳити аҳоли ҳамда сайёҳлар талабига тўлиқ жавоб бериши зарурлиги таъкидланди.

Шунингдек, маҳалла раислари, нуронийлар ва фаолларга аҳоли билан биргаликда ободонлаштириш, дарахт экиш ва уларни парвариш қилиш ишларига бош-қош бўлиш, ёшларга «Тозалик остонадан бошланади» деган қадриятни сингдириш вазифаси қўйилди.

Йиғилишда пойтахтда жамоат ҳожатхоналари етишмаслиги ҳам кўтарилди. Бир ой ичида махсус дастур ишлаб чиқилиб, жорий йилнинг ўзида ҳар бир туманда 15–20 тадан замонавий ҳожатхона қуриш учун ер майдонларини аукционга чиқариш топширилди. Шунингдек, шаҳар бўйлаб чиқинди қутилари сони ҳам кескин оширилади.

Telegram I Facebook I YouTube I Instagram

Сергелида 29 та маҳалла «яшил» тоифага ўтди

Тошкентда маҳаллаларда хавфсиз муҳит яратиш бўйича амалга оширилаётган янги ёндашувлар ўз самарасини бермоқда. Сергели тумани жиноятчиликни камайтириш бўйича пойтахтдаги энг яхши натижалардан бирини қайд этди.

Йиғилишда маҳаллаларда хавфсиз муҳитни таъминлаш бўйича Тошкент тажрибаси муҳокама қилинди. Қайд этилишича, пойтахт туманларига республика раҳбарларининг бириктирилиши жамоат хавфсизлигини таъминлашда ижобий натижа бермоқда.

Йилнинг ўтган олти ойи давомида олдини олиш мумкин бўлган жиноятлар сони камайди. 230 та маҳаллада умуман жиноят содир этилмаган бўлса, яна 332 та маҳаллада жиноятчилик кескин қисқарган.

Шунингдек, криминоген вазияти оғир деб баҳоланган маҳаллалар сони 60 тадан 23 тагача қисқаргани қайд этилди. Бу пойтахтда жамоат хавфсизлигини таъминлаш бўйича жорий этилган янги ёндашувлар самара бераётганини кўрсатади.

Сергели туманида ҳам ижобий натижаларга эришилди. Илгари криминоген вазияти оғир деб баҳоланган 29 та маҳалла «яшил» тоифага ўтди, 17 та маҳаллада эса жиноят содир этилмади. Бу кўрсаткичлар Сергелига Тошкент туманлари орасида энг яхши натижалардан бирини таъминлади.

Йиғилишда давлат раҳбари «Ўзгариш» маҳалласидаги профилактика ишлари тажрибасини оммалаштириш, тумандаги қолган 46 та маҳаллани ҳам «яшил» тоифага ўтказиш, яширин иқтисодиётни қисқартириш ҳамда ёшлар билан ишлашда янги ёндашувларни жорий этиш бўйича мутасаддиларга топшириқлар берди.

Шунингдек, йиғилишда ҳокимлар ва масъул раҳбарларнинг ахбороти эшитилди.

Telegram I Facebook I YouTube I Instagram

Банкнинг катта эксперти 10 минг доллар пора билан ушланди

Тошкент шаҳрида фаолият юритувчи акциядорлик тижорат банкларидан бирининг катта эксперти МЧЖ раҳбаридан 10 минг АҚШ долларини тамагирлик йўли билан олган вақтида қўлга олинди.

Давлат хавфсизлик хизмати Тошкент шаҳар бўйича бошқармаси ва Бош прокуратура ҳузуридаги Департамент ходимлари ҳамкорлигида ўтказилган тезкор тадбирда пойтахтдаги нуфузли акциядорлик тижорат банкларидан бирининг катта эксперти ашёвий далиллар билан ушланди.

Тергов маълумотларига кўра, у хизмат кўрсатиш соҳасида фаолият юритувчи МЧЖ раҳбаридан 10 минг АҚШ долларини тамагирлик йўли билан олган.

Аниқланишича, банк ходими танишлари орқали Самарқанд вилоятидаги банклардан бири орқали мазкур МЧЖга 1 миллиард 250 миллион сўм миқдорида кредит ажратиб беришни ваъда қилган.

Мазкур ҳолат юзасидан жиноят иши қўзғатилган. Ҳозирда тергов ҳаракатлари давом этмоқда.

Ҳуқуқни муҳофаза қилувчи органлар қонундан устун ҳеч ким йўқлигини таъкидлаб, коррупция ҳолатларига дуч келган фуқароларни ДХХнинг 1520 қисқа рақами орқали мурожаат қилишга чақирди.

Telegram I Facebook I YouTube I Instagram

Шаҳрисабзда HOWO юк машинаси 9 та автомобил билан тўқнашди

Қашқадарё вилоятининг Шаҳрисабз туманида тормоз тизимида носозлик юзага келган HOWO русумли юк автомобили 9 та транспорт воситаси билан тўқнашди. Ҳодиса оқибатида бир пиёда жабрланди.

Қашқадарё вилояти ИИБ Жамоат хавфсизлиги хизмати Йўл ҳаракати хавфсизлиги бошқармаси маълумотига кўра, ҳодиса 3 июль куни соат 14:30 атрофида Шаҳрисабз тумани ҳудудидан ўтувчи 70V010 автомобиль йўлининг 22-километрида содир бўлган.

Дастлабки маълумотларга кўра, HOWO русумли юк автомобилининг тормоз тизимида носозлик юзага келган. Оқибатда юк автомобили ўзи билан бир йўналишда ҳаракатланаётган жами 9 та транспорт воситаси — иккита Lacetti, Tracker-2, Nexia-1, Nexia-3, Matiz, Damas ва Spark автомобиллари билан тўқнашган.

Тўқнашув оқибатида Nexia-1 автомобили ҳайдовчиси йўл четида бўлган пиёдани уриб юборган. Жабрланган пиёдага воқеа жойида биринчи тиббий ёрдам кўрсатилган.

Айни пайтда ҳодиса юзасидан ҳуқуқни муҳофаза қилувчи органлар томонидан суриштирув ишлари олиб борилмоқда.

Telegram I Facebook I YouTube I Instagram

Ўзбекистонда Балиқчиликни ривожлантириш маркази ташкил этилади

Президентнинг янги фармони билан балиқчилик тармоғини қўллаб-қувватлашга қаратилган қатор чоралар белгиланди. Улар орасида махсус марказ ташкил этиш, субсидия ва имтиёзли кредитлар ажратиш, шунингдек, «e-baliq» электрон платформасини ишга тушириш назарда тутилган.

Президентнинг «Балиқчилик тармоғини ривожлантиришга оид қўшимча чора-тадбирлар тўғрисида»ги ПФ–122-сонли фармони қабул қилинди.

Ҳужжатга мувофиқ, Сув хўжалиги вазирлиги ҳузурида давлат муассасаси шаклида Балиқчиликни ривожлантириш маркази ҳамда унинг ҳудудий бўлинмалари ташкил этилади.

Фармонга кўра, сунъий сув ҳавзаларида фаолият юритаётган балиқчилик хўжаликлари кафолатланган сув билан таъминланади. Шунингдек, 2027 йил 1 январдан бошлаб республикадаги сув омборлари, коллектор-дренаж тармоқлари ва табиий сув ҳавзалари балиқчилик хўжаликларини ташкил этиш учун очиқ электрон онлайн-аукцион орқали ижарага берилади.

2027 йил 1 майга қадар сув ресурсларидан фойдаланиш, балиқ етиштириш ҳажми, озуқа сарфи ҳамда технологиялар тўғрисидаги маълумотларни ягона тизимда юритувчи «e-baliq» электрон платформаси жорий этилади.

Шунингдек, 2026 йил 1 августдан 2030 йил 1 августгача балиқчилик хўжаликларини давлат томонидан қўллаб-қувватлаш мақсадида субсидиялар ажратилади ва имтиёзли кредитлар тақдим этилади.

Бундан ташқари, балиқчилик соҳасида фаолият юритувчилар ҳамда аҳоли учун маҳаллий ва хорижий мутахассислар иштирокида қисқа муддатли ўқув курслари ташкил этилади.

Telegram I Facebook I YouTube I Instagram

Қашқадарё вилоятидаги асфальтнинг қалинлиги барчани ҳайратга солди

Telegram I Facebook I YouTube I Instagram

Ўзбекистонда ягона UzQR ишга тушди: оддий мижоз учун нима ўзгаради?

Ўзбекистонда ягона UzQR тўлов тизими жорий этилди. Янги тизим, аввало, тадбиркорлар учун яратилган бўлиб, харидорлар учун тўлов жараёни деярли ўзгармайди.

Оддий фойдаланувчилар нималарни билиши керак?

— Payme, Click, Uzum ва бошқа тўлов иловалари аввалгидек ишлашда давом этади.

— Тўлов қилиш тартиби ҳам ўзгармайди. Иловангиз орқали QR-кодни сканер қилиб, аввалгидек тўловни амалга ошираверасиз.

— Харидордан қўшимча комиссия ундирилмайди. UzQR бўйича комиссияни сотувчи томон тўлайди.

— Энди дўконларда битта UzQR коди бўлиши кифоя. Уни турли банклар ва тўлов иловалари орқали сканер қилиш мумкин.

— Терминал орқали ёки нақд пулда тўлаш имконияти ҳам сақланиб қолади.

Шу тариқа, UzQR тизими оддий харидор учун катта ўзгариш олиб келмайди. Янги тизим асосан дўконлар ва бошқа тадбиркорлар учун ягона QR-код орқали тўловларни қабул қилишни соддалаштиришга хизмат қилади.

Telegram I Facebook I YouTube I Instagram