Экология ходими 10 минг доллар пора билан ушланди

Фарғона вилояти Бувайда туманида ўтказилган тезкор тадбир давомида Экология бўлими мансабдор ходимининг қонунга хилоф ҳаракатлари фош этилди.

Терговга қадар текширув материалларига кўра, у туманнинг Араб маҳалласи ҳудудидаги 4 гектар майдонда ёввойи дарахтларнинг кесилиши ва ернинг қумдан тозаланишига бир йил давомида чора кўрмаслик эвазига фуқародан 10 минг АҚШ доллари миқдорида пора талаб қилган.

Вилоят Ички ишлар бошқармаси ва бошқа ҳуқуқни муҳофаза қилувчи органлар ҳамкорлигида ўтказилган тезкор тадбирда воситачилик қилган шахс ҳамда порани олган Экология бўлими ходими ашёвий далиллар билан ушланди.

Шунингдек, воситачи бошқарувидаги автомобил кўздан кечирилганда гиёҳвандлик воситасига ўхшаш моддалар аниқланиб, далилий ашё сифатида расмийлаштирилди.

Мазкур ҳолат юзасидан Жиноят кодексининг 168 ва 211-моддалари асосида жиноят иши қўзғатилиб, дастлабки тергов ҳаракатлари олиб борилмоқда.

Telegram I Facebook I YouTube I Instagram

Жанубий Корея мухлислари бош мураббийни ҳақоратлар билан кутиб олди

Жаҳон чемпионатидаги муваффақиятсиз иштирокдан сўнг Жанубий Корея миллий жамоаси бош мураббийи Хонг Мёнг Бо мамлакатга қайтгач, аэропортда норози мухлислар томонидан ҳақоратлар билан қарши олинди.

Мухлислар жамоанинг натижалари ва ўйинидан қаттиқ норози эканини шу тарзда намоён қилди.

Telegram I Facebook I YouTube I Instagram

Хитой интернет тезлиги бўйича янги жаҳон рекордини ўрнатди

206,5 км масофада маълумотлар 51,3 Тбит/с тезликда узатилди.

Хитой олимлари hollow-core fiber (ичи бўш оптик тола) технологияси ёрдамида интернет тезлиги бўйича янги жаҳон рекордини ўрнатди.
Синов давомида 206,5 километр масофага маълумотлар 51,3 Тбит/с тезликда узатилди.

Мазкур технологияда сигнал анъанавий шиша тола эмас, балки ҳаво канали орқали ҳаракатланади. Бу эса кечикишларни камайтириб, маълумот алмашинувини сезиларли даражада тезлаштиради.

Таққослаш учун, бундай тезлик бир сонияда 6400 та Full HD видео, 1,5 миллионта фотосурат ёки 50 ГБ ҳажмли 120 тадан ортиқ компьютер ўйинини юклаб олиш имконини беради.

Мутахассислар фикрича, ушбу технология келажакда сунъий интеллект, булутли ҳисоблаш ва катта ҳажмдаги маълумотлар инфратузилмасини ривожлантиришда муҳим аҳамият касб этади.

Telegram I Facebook I YouTube I Instagram

Ёшлар – соҳамиз ва мамлакат тараққиётининг таянчи!

30 июнь – Ёшлар куни муносабати билан Қурилиш ва уй-жой коммунал хўжалиги соҳасида назорат қилиш инспекцияси раҳбари тизимда фаолият юритаётган ёш ходимлар билан очиқ мулоқот ўтказди.

Учрашувда ёш кадрларнинг янги ғоялари, ташаббуслари тингланди ва уларни қизиқтирган саволларга тўғридан-тўғри жавоб берилди. Соҳа ривожида ёшларнинг шижоати алоҳида эътироф этилди.

Telegram I Facebook I YouTube I Instagram

1 июлдан ўзбекистонда нималар ўзгаради?

1 июлдан мамлакатда иш ҳақи, пенсия ва нафақалар оширилади, UzQR тизими мажбурий бўлади, коммунал қарздорлар учун янги чекловлар жорий этилади. Шунингдек, тиббиёт, давлат хизмати ва уй-жой бошқарувига оид қатор янги тартиблар кучга киради.

1 июлдан Ўзбекистонда бир қатор муҳим қонунчилик янгиликлари амалга киради.
Энг аввало, пенсия, нафақа, стипендия ҳамда ижтимоий тўловлар 7 фоизга оширилади. Ёшга доир энг кам пенсия 983 минг сўм, ногиронлик пенсиясининг энг кам миқдори эса 1 млн 83 минг сўм этиб белгиланади.

Савдо ва хизмат кўрсатиш соҳасидаги юридик шахслар электрон тўловларни ягона UzQR-коди орқали қабул қилиши мажбурий бўлади.

Кичик бизнес учун гаровсиз микрокредитлар лимити 100 млн сўмдан 200 млн сўмгача оширилади. Шунингдек, 5 млрд сўмгача бўлган кредит ва лизинглар бўйича фоиз харажатларининг бир қисми қоплаб берилади.

Тиббий хизматлар сифати устидан назорат кучайтирилиб, лицензиялаш ваколати махсус марказга ўтказилади. Барча тиббиёт муассасаларида сифат назорати бўлими ташкил этилиши шарт бўлади.

Тошкент шаҳридаги кўп қаватли уйларни бошқариш, йиғилишлар ўтказиш ва ҳисоботларни юритиш «Mening uyim» ахборот тизими орқали амалга оширилади.

Шунингдек, уй-жойнинг мажбурий тўловлари ўз вақтида амалга оширилмаган тақдирда, қарз бартараф этилгунга қадар электр энергияси учун тўлов қилиш имконияти чекланади.

Бундан ташқари, Францияга туристик виза расмийлаштиришда янги навбат тизими жорий этилади, «маҳалла еттилиги» аъзоларини рағбатлантириш тартиби кенгаяди ҳамда давлат хизматига ёшларни қабул қилиш тартиби соддалаштирилади.

Telegram I Facebook I YouTube I Instagram

Элдор Шомуродовнинг голи Жаҳон чемпионати гуруҳ босқичининг энг чиройли голи деб топилди

ФИФА мухлислар ўртасидаги овоз бериш якунларига кўра, Элдор Шомуродовнинг Конго ДР дарвозасига урган голи 2026 йилги Жаҳон чемпионати гуруҳ босқичининг энг яхши голи сифатида эътироф этилди.

ФИФА томонидан ташкил этилган мухлислар овоз бериш натижаларига кўра, Ўзбекистон миллий терма жамоаси сардори Элдор Шомуродовнинг Конго ДРга қарши баҳсда урган голи Жаҳон чемпионати гуруҳ босқичининг энг чиройли голи деб топилди.

Эътиборли жиҳати, Шомуродовнинг голи овоз беришда жаҳон футболи юлдузлари — Лионел Месси, Килиан Мбаппе ва Винисиус Жуниор муаллифлигидаги голларни ҳам ортда қолдирди.

Telegram I Facebook I YouTube I Instagram