Зилзила қурбонлари сони 235 нафарга етди

Венесуэлада сўнгги 126 йилдаги энг кучли зилзила оқибатида ҳалок бўлганлар сони 235 нафарга етди.

Жароҳатланганлар сони эса 4 300 нафарни ташкил этмоқда.
АҚШ табиий офатдан жабр кўрганларга ёрдам сифатида 150 миллион доллар ажратди.

Шунингдек, қутқарув ва тиклаш ишларини енгиллаштириш мақсадида 23 октябрга қадар айрим молиявий операцияларга нисбатан қўлланилган санкциялар вақтинча бекор қилинди.

Telegram I Facebook I YouTube I Instagram

Ўзбекистонда ярим йилда 2,3 тоннадан ортиқ гиёҳвандлик воситалари мусодара қилинди

Жорий йилнинг биринчи ярим йиллигида мамлакатда гиёҳвандлик воситалари ва кучли таъсир қилувчи дори воситаларининг ноқонуний айланмасига қарши курашиш бўйича кенг кўламли тадбирлар амалга оширилди.

Давлат хавфсизлик хизмати ҳамда бошқа ҳуқуқни муҳофаза қилувчи органлар ҳамкорлигида ўтказилган тезкор тадбирлар натижасида ноқонуний муомаладан жами 2 тонна 304 килограмм гиёҳвандлик воситалари мусодара қилинди.

Хусусан, 29,3 килограмм героин, 78,9 килограмм синтетик наркотиклар, 312,8 килограмм опий, 1 тонна 567,4 килограмм гашиш ва 231,1 килограмм марихуана олинган. Шунингдек, 300 минг донадан ортиқ кучли таъсир қилувчи дори воситалари ҳам мусодара қилинган.

Мутасадди идоралар томонидан гиёҳвандлик моддаларининг ноқонуний айланмасига қарши кураш чоралари изчил давом эттирилмоқда.

Telegram I Facebook I YouTube I Instagram

Азиз журналистлар, муҳаррирлар, мухбирлар, операторлар, фотомухбирлар ва медиа соҳаси фидойилари!

Сизларни 27 июнь — Матбуот ва оммавий ахборот воситалари ходимлари куни билан чин қалбдан табриклаймиз!

Жамиятда очиқлик ва шаффофликни таъминлаш, долзарб воқеаларни тезкор ва холис ёритиш, ҳақиқатни халққа етказишдек шарафли вазифани сидқидилдан бажараётган барча касб эгаларига юксак эҳтиром билдирамиз.

Сизларнинг меҳнатингиз туфайли жамият ахборот билан таъминланади, муҳим масалалар кенг муҳокама қилинади ва жамоатчилик фикри шаклланади.

EFFECT.UZ жамоаси номидан барчангизга мустаҳкам соғлиқ, юксак ижодий парвоз, касбий муваффақиятлар, оилавий бахт ва фаровонлик тилаймиз.
Қаламингиз ўткир, сўзингиз таъсирчан, ижодингиз бардавом бўлсин!

Ҳурмат билан, EFFECT.UZ жамоаси.

Telegram I Facebook I YouTube I Instagram

Франция визаси учун навбатга ёзилиш тартиби ўзгарди

Францияга қисқа муддатли туристик виза олиш учун навбатга ёзилиш тартиби ўзгармоқда. Энди ариза топширувчилар қабул санасини мустақил танлай олмайди.

Янги тартибга кўра, виза маркази қабул санасини мавжуд бўш вақтларга қараб автоматик равишда белгилайди. Мазкур ўзгариш фақат 90 кунгача бўлган туристик визаларга тааллуқли бўлиб, бошқа тоифадаги визалар учун амалдаги тартиб сақланиб қолади.

Янги тизим ариза қабул қилиш жараёнини соддалаштиришга қаратилган бўлса-да, сафарни режалаштираётган фуқаролар учун санани эркин танлаш имкониятини чеклайди.

Telegram I Facebook I YouTube I Instagram

7 ёшгача бўлган болалар учун махсус ўриндиқ мажбурий бўлиши мумкин

Ўзбекистонда болаларни автомобилда ташиш қоидаларини кучайтириш режалаштирилмоқда. Янги қарор лойиҳасига кўра, 7 ёшгача бўлган болаларни ташувчи транспорт воситаларида махсус болалар ўриндиғи бўлиши мажбурий этиб белгиланиши таклиф қилинган.

Шунингдек, автомобилдаги ўриндиқлар сонидан ортиқ болаларни ташиш учун жавобгарлик жорий этилиши кўзда тутилмоқда. Лойиҳага мувофиқ, 7 ёшдан 16 ёшгача бўлган болалар эса хавфсизлик камарини таққан ҳолда ҳаракатланиши шарт бўлади.

Ташаббус йўл-транспорт ҳодисаларида болалар хавфсизлигини таъминлаш ва оғир оқибатларнинг олдини олишга қаратилган.

Telegram I Facebook I YouTube I Instagram

Сурхондарё вилояти солиқ бошқармасига янги раҳбар тайинланди

Акмал Валиев Сурхондарё вилояти солиқ бошқармаси бошлиғи лавозимига тайинланди.

Тайинловга қадар у 2024 йилдан Самарқанд вилояти солиқ бошқармаси бошлиғи ўринбосари сифатида фаолият юритиб келаётган эди.

Telegram I Facebook I YouTube I Instagram

Ўзбекистонда аҳоли кредитлари 233 триллион сўмга яқинлашди

Ўзбекистонда жисмоний шахсларга ажратилган кредитлар ҳажми 232,9 триллион сўмга етди.

Марказий банк маълумотларига кўра, 2026 йил 1 июнь ҳолатида мамлакат банк тизимидаги жами кредитлар қолдиғи 636 триллион сўмни ташкил этган. Шундан 403,1 триллион сўми юридик шахсларга, 232,9 триллион сўми эса аҳолига ажратилган кредитлар ҳиссасига тўғри келади.

Шу даврда банк тизимидаги жами депозитлар ҳажми 460,6 триллион сўмга етган. Унинг 282,1 триллион сўми юридик шахслар, 178,5 триллион сўми эса жисмоний шахслар маблағларидан иборат.

Ҳудудлар кесимида кредитлар ҳажми бўйича Тошкент шаҳри 292,3 триллион сўм билан етакчилик қилмоқда. Бу республикадаги жами кредитларнинг қарийб 46 фоизига тенг. Депозитлар бўйича ҳам пойтахт биринчи ўринда бўлиб, унинг улушига 351,6 триллион сўм ёки мамлакатдаги жами депозитларнинг 76 фоиздан ортиғи тўғри келади.

Telegram I Facebook I YouTube I Instagram

Ички ишлар вазири Азиз Тошпўлатов сайёр қабул ўтказади

28 июнь куни Ўзбекистон Республикаси Ички ишлар вазири, генерал-лейтенант Азиз Ташпулатов аҳоли мурожаатларини ўрганиш мақсадида навбатдаги сайёр қабулни ўтказади.

Қабул ИИВ ҳузуридаги «ЖАР» спорт-соғломлаштириш мажмуасида соат 10:00 да бошланади. Манзил: Тошкент шаҳри, Шайхонтоҳур тумани, Беруний кўчаси, 3-уй.

Маълум қилинишича, Тошкент шаҳри ва Тошкент вилояти аҳолиси қабулда соат 10:00 дан 16:00 гача иштирок этиши мумкин. Қорақалпоғистон Республикаси ҳамда вилоятлар аҳолиси учун эса қабул онлайн тарзда, соат 16:00 дан 20:00 гача видеоконференцалоқа орқали ташкил этилади.

Ҳудудлардаги фуқаролар Қорақалпоғистон Республикаси ИИВ ва вилоятлар ИИБлари биноларидаги махсус студиялар орқали мурожаат қилиш имкониятига эга бўлади.

Telegram I Facebook I YouTube I Instagram

Яширин иқтисодиёт хавфлари сунъий интеллект орқали аниқланади

Ўзбекистонда яширин иқтисодиёт хавфи ва эҳтимолий бюджет йўқотишларини аниқлашга хизмат қилувчи «Яширин иқтисодиёт харитаси» платформаси босқичма-босқич тўлиқ ишга туширилади.

Президентга тақдим этилган лойиҳага кўра, платформа иқтисодиётнинг 22 та асосий тармоғи ва 85 та соҳаси бўйича таҳлиллар ўтказади. Тизим барча ҳудудлар ҳамда туман-шаҳарлар кесимида хавфларни сунъий интеллект ёрдамида баҳолайди.

Маълум қилинишича, платформа лицензиясиз фаолият юритиш, яширин айланмалар, иш ўринлари ва иш ҳақини яшириш, фойдани сунъий равишда камайтириш каби ҳолатларни автоматик тарзда аниқлаш имкониятига эга бўлади. Шунингдек, тизим реал вақт режимида маълумотларни қайта ишлаб, эҳтимолий бюджет йўқотишларини баҳолайди.

Telegram I Facebook I YouTube I Instagram

Чақалоқ тез ёрдам машинасида дунёга келди

26 июнь куни Бухоро шаҳрида 22 ёшли ҳомиладор аёлни туғруқхонага олиб кетаётган тез ёрдам бригадаси йўлда кутилмаган ҳолатга дуч келди.

Тирбандлик вақтида аёлда туғруқ жараёни бошлангач, шифокор ва фельдшер чақалоқни тез ёрдам автомашинасининг ўзида муваффақиятли қабул қилди.

Шундан сўнг она ва янги туғилган чақалоқ шифохонага соғ-саломат етказилди.
Маълум қилинишича, уларнинг аҳволи қониқарли бўлиб, ҳаётига ҳеч қандай хавф йўқ.

Telegram I Facebook I YouTube I Instagram

30 июнь куни «Ёшлар куни» галаконцерти бўлиб ўтади

30 июнь — Ёшлар куни муносабати билан Тошкент шаҳрида катта галаконцерт ташкил этилади.

Ёшлар ишлари агентлиги маълум қилишича, тадбир соат 19:00 да Тошкент шаҳридаги Олимпия шаҳарчасида бошланади. Концертда иштирок этиш мутлақо бепул бўлиб, бунинг учун олдиндан рўйхатдан ўтиш талаб этилади.

Шунингдек, иштирокчилар учун белгиланган манзиллардан бепул автобус қатновлари ҳам йўлга қўйилиши режалаштирилган.

Тадбир ёшлар учун байрамона муҳит ва маданий дастурларга бой тарзда ўтказилиши кутилмоқда.

Telegram I Facebook I YouTube I Instagram

Ўзбекистонда 16 ёшгача бўлганлар учун ижтимоий тармоқлар чекланиши мумкин

Ўзбекистонда 16 ёшгача бўлган болаларнинг ижтимоий тармоқлардан фойдаланишини чеклашни назарда тутувчи қонун лойиҳаси ишлаб чиқилмоқда.

Мактабгача ва мактаб таълими вазири Эъзозхон Каримованинг маълум қилишича, ҳужжат депутатлар ва сенаторлар билан муҳокама қилингач, жамоатчилик муҳокамасига тақдим этилади.

Вазирнинг таъкидлашича, болаларни телефон ва гаджетлардан тўлиқ узиб қўйиш амалда мумкин эмас. Шу боис асосий эътибор уларда рақамли технологиялардан тўғри ва хавфсиз фойдаланиш маданиятини шакллантиришга қаратилади.

Telegram I Facebook I YouTube I Instagram

147 оила ҳалигача уйсиз: энди барча эътибор апелляция судида

2021 йилда 147 нафар фуқаро «System Metal Stroy» орқали уй-жой сотиб олиш учун маблағ тўлаган. Шартномага кўра, хонадонлар 2022 йил охирида топширилиши керак эди.

Бироқ орадан қарийб 5 йил ўтганига қарамай, кўпчилик ҳали ҳам ўз уйига эга эмас.

2024 йил ноябрь ойида ҳолат юзасидан жиноят иши қўзғатилиб, айбланувчиларга бир нечта модда, жумладан, фирибгарлик бўйича ҳам айблов қўйилди. Суд жараёнида эса фирибгарлик айблови бекор қилиниб, айбланувчи 6 йилга озодликдан маҳрум этилди.

Ушбу қарордан норози бўлган жабрланувчилар Тошкент шаҳар жиноят судига апелляция шикояти киритган. Энди иш тақдири апелляция инстанциясида ҳал бўлади.

Telegram I Facebook I YouTube I Instagram

Афғонистонда содир бўлган зилзила Ўзбекистонда 5 баллгача сезилди

Ўзбекистон Республикаси ҳудудида сезилиш кучи:

Сурхандарё вилоятида 4-5 балл, 261 км.
Фарғона вилоятида 4 балл, 417 км.
Жиззах вилоятида 4 балл, 417 км.
Самарқанд вилоятида 4 балл, 421 км.
Сирдарё вилоятида 4 балл, 424 км.
Қашқадарё вилоятида 4 балл, 446 км.
Андижон вилоятида 3-4 балл, 477 км.
Наманган вилоятида 3-4 балл, 479 км.
Тошкент вилоятида 3-4 балл, 495 км.
Тошкент шаҳрида 2-3 балл, 499 км.
Навоий вилоятида 2 балл, 554 км.
Бухоро вилоятида 2 балл, 597 км.

Telegram I Facebook I YouTube I Instagram

1 сентябрдан йўл ҳаракати қоидаларини бузганлик учун жарималар ошади

Президент фармонига кўра, 2026 йил 1 сентябрдан БҲМ 412 минг сўмдан 440 минг сўмга оширилади. Шу муносабат билан жарималар ҳам кўпаяди.

Энг кўп учрайдиган жарималар:
• Камар тақмаслик — 220 420 сўм
• Ҳужжатсиз ҳайдаш — 440 840 сўм
• ОСАГОсиз ҳайдаш — 881 680 сўм
• Қизил чироқдан ўтиш — 1 322 520 сўм
• Рулда телефон ишлатиш — 1 322 520 сўм

🚦 Тезликни ошириш:
• +20 км/соатгача — 440 840 сўм
• 20–40 км/соат — 2 204 200 сўм
• +40 км/соатдан юқори — 3 967 560 сўм

⚠️ Оғир қоидабузарликлар:
• Қарама-қарши йўлакка чиқиш — 4 408 400 сўм
• Маст ҳолда ҳайдаш — 11 021 000 сўм ёки 3 йилгача ҳуқуқдан маҳрум қилиш.

1 сентябрдан йўлда янада эҳтиёткор бўлинг!

Telegram I Facebook I YouTube I Instagram

Одил судлов академияси магистратурасига ўқишга қабул қилиш тартиби белгиланди.

Ҳукумат қарорига кўра, академия магистратурасига қабул кундузги ва кечки таълим шаклларида, тўлов-контракт асосида амалга оширилади.

Ҳар икки таълим шаклида ўқиш муддати 1 йил этиб белгиланган. Кечки таълимда машғулотлар одатда ҳафтасига 5 кун ўтказилиб, ҳафталик ўқув юкламаси 20 академик соатни ташкил этади.

Магистратурага юриспруденция ҳамда турдош таълим йўналишлари бўйича бакалавр даражасига эга номзодлар танлов асосида қабул қилинади.
Танлов, қоида тариқасида, август ойида ўтказилади.

Ҳужжатлар ҳар йили 1–30 июль кунлари Ягона интерактив давлат хизматлари портали орқали топширилади.

Telegram I Facebook I YouTube I Instagram

Гулистон ҳокимлиги ходими 50 минг доллар пора билан ушланди

50 минг доллар пора талаб қилган ҳокимлик ходими навбатдаги пулни олаётганида ушланди.Давлат хавфсизлик хизмати ходимлари Сирдарё вилояти прокуратураси билан ҳамкорликда ўтказган тезкор тадбир давомида коррупцион ҳолатга чек қўйди.

Аниқланишича, Гулистон шаҳар ҳокимлигининг масъул ходими тадбиркорлик фаолиятини бошламоқчи бўлган фуқаронинг ишончига кириб, шаҳарнинг Ўзбекистон шоҳ кўчасида жойлашган давлат захирасидаги 2 сотих ер майдонини озиқ-овқат дўкони қуриш учун мансабдор танишлари орқали ажратиб беришни ваъда қилган.

Бунинг эвазига у фуқародан 50 минг АҚШ доллари талаб қилган. Шунингдек, ушбу маблағнинг бир қисми сифатида фуқаронинг "Lacetti" автомашинасини 12 минг АҚШ долларига баҳолаб, ишончнома орқали ўз тасарруфига олган.

Тезкор тадбир давомида ҳокимлик ходими талаб қилинган пулнинг навбатдаги қисми — 8 минг АҚШ долларини олаётган вақтида ашёвий далиллар билан ушланди.

Мазкур ҳолат юзасидан унга нисбатан жиноят иши қўзғатилиб, қамоқ эҳтиёт чораси қўлланилди. Ҳозирда тергов ҳаракатлари давом этмоқда.

Telegram I Facebook I YouTube I Instagram

❗️Сув хўжалигидаги коррупция давлатга 70 млрд сўмдан ортиқ зарар етказган

2024–2025 йиллар ва жорий йилнинг ўтган даврида сув хўжалиги тизимида 243 та коррупциявий жиноят аниқланиб, уларни 301 нафар ходим содир этган. Оқибатда давлат ва жамият манфаатларига 70 миллиард сўмдан ортиқ зарар етказилган.

Сенат раиси Танзила Норбоева иштирокида ўтган йиғилишда бюджет маблағларини талон-торож қилиш, субсидиялардан ноқонуний фойдаланиш, сув фонди ерларидаги қонунбузарликлар ва рақамлаштиришдаги камчиликлар кескин танқид қилинди.

Якунда соҳадаги коррупциявий хавфларни бартараф этиш бўйича 10 кун ичида махсус «йўл харитаси» ишлаб чиқиш вазифаси қўйилди.

Telegram I Facebook I YouTube I Instagram