Қашқадарёда сохта прокурор ушланди

Ўзини прокуратура ходими сифатида таништириб, фуқарони ишга киритиб қўйишни ваъда қилган шахс пора олаётганда қўлга тушди.

Қашқадарё вилоятида ўзини прокуратура ходими деб таништирган захирадаги кичик сержант фирибгарликда гумонланиб ушланди

Telegram I Facebook I YouTube I Instagram

Талабалар учун “перевод” тартиби ўзгарди

Эндиликда хорижий ва нодавлат ОТМлардан давлат олийгоҳларига ўқишни кўчириш янги тартиб асосида амалга оширилади.

Ҳукуматнинг 11-июндаги 299-сон қарори билан хорижий ва нодавлат олий таълим муассасаларидан давлат ОТМларига ўқишни кўчириш бўйича янги тартиб тасдиқланди.

Telegram I Facebook I YouTube I Instagram

Ароқчи: “Эрон урушдан ғолиб чиқди”

Эрон Ташқи ишлар вазири Аббос Ароқчи мамлакат урушдан стратегик ғолиб сифатида чиққанини маълум қилди.

Эрон Ташқи ишлар вазири Аббос Ароқчи ИРИБ телеканалига берган интервюсида Эрон оғир урушдан ғолиб сифатида чиққанини таъкидлади.

Telegram I Facebook I YouTube I Instagram

Кешбэк нега кечикяпти?

Сўнгги пайтларда “Солиқ” мобил иловасида кешбэк маблағларининг кечикиши бўйича мурожаатлар кўпаймоқда. Солиқ қўмитаси бу ҳолатнинг асосий сабабларини маълум қилди.

Кешбэк тўловларининг кечикишига асосан харид амалга оширилган корхона томонидан солиқ ҳисоботларининг ўз вақтида тақдим этилмаслиги сабаб бўлмоқда. Солиқ қўмитаси маълумотига кўра, истеъмолчи чекни расмийлаштирган бўлса ҳам, тадбиркорнинг ҳисоботлари билан боғлиқ муаммолар туфайли маблағ ўз вақтида тушмаслиги мумкин.

Шунингдек, корхонанинг солиқ қарздорлиги мавжуд бўлган ҳолатларда ҳам кешбэк маблағларини ўтказиш муддати кечикиши эҳтимоли бор.
Мазкур ҳолат жамоатчилик ўртасида муҳокамаларга сабаб бўлмоқда. Чунки кешбэк тизими фуқароларни чек талаб қилиш ва яширин иқтисодиётга қарши курашишга рағбатлантириш мақсадида жорий этилган. Бироқ харидор ўз мажбуриятини бажарган бўлса-да, тадбиркорнинг хатоси сабаб маблағини кутиб қолиши саволлар уйғотмоқда.

Солиқ қўмитаси мутахассислари кешбэк маблағи ҳисобланмаган ёки кечикаётган ҳолатларда фуқароларга 1198 қисқа рақами орқали мурожаат қилишни тавсия этди. Мурожаатдан сўнг масъул ходимлар чек ҳолатини ўрганиб, кечикиш сабабларини аниқлашлари мумкин.

Эслатиб ўтамиз, аввалроқ апрель ойи учун тўланиши лозим бўлган 102,5 миллиард сўмлик ижтимоий кешбэк тўловлари вақтинча тўхтатилгани ҳақида хабар берилган эди. Шунингдек, “Солиқ” мобил иловасида кўплаб фойдаланувчиларга оммавий тарзда “шубҳали фойдаланувчи” мақоми берилгани ҳам кенг муҳокамаларга сабаб бўлган.

Кузатувчилар фикрича, кешбэк тизимига бўлган ишончни сақлаб қолиш учун фуқаролар маблағларининг ўз вақтида тўланиши, кечикиш ҳолатларида эса аниқ муддатлар ва кафолатли механизмлар ҳақида очиқ маълумот берилиши муҳим аҳамиятга эга.

Telegram I Facebook I YouTube I Instagram

Хитой: Денгизларда “жосус тошбақалар” ва сенсорли балиқлар орқали кузатув олиб борилмоқда

Хитой Давлат хавфсизлик вазирлиги хорижий разведка тузилмалари мамлакат атрофидаги сув ҳудудларида махсус сенсорлар ўрнатилган денгиз ҳайвонлари орқали маълумот тўплаётганини маълум қилди.

Хитой Давлат хавфсизлик вазирлигига кўра, мамлакат атрофидаги денгизларда кўзга кўринмас “махфий уруш” давом этмоқда. Расмийлар хорижий ташкилотлар замонавий кузатув воситалари ёрдамида сувости муҳити ҳақидаги маълумотларни йиғиб, денгиз ҳудудларининг батафсил хариталарини шакллантираётганини билдирган.

Вазирлик маълумотида айрим йирик денгиз ҳайвонлари, жумладан “жосус тошбақалар” ва “жосус балиқлар” деб аталган жонзотларда махсус сенсорлар аниқлангани қайд этилган. Ушбу қурилмалар сув ҳарорати, шўрланиш даражаси ва океан оқимлари ҳақидаги маълумотларни реал вақт режимида йиғиб, сунъий йўлдошлар орқали узатиш имкониятига эга экани айтилмоқда.

Бироқ Хитой томони мазкур ҳайвонлар қаерда аниқлангани, шунингдек, сенсорлар қайси давлат ёки ташкилот томонидан ўрнатилганига доир аниқ маълумотларни ошкор қилмаган.

Шу билан бирга, хавфсизлик идоралари хорижий денгиз тадқиқот марказларига тегишли бўлиши мумкин бўлган сузувчи буйлар ҳам аниқланганини маълум қилди. Расмийларга кўра, мазкур қурилмалар метеорологик сенсорлар билан жиҳозланган бўлиб, сувости кемалари ҳаракатини кузатиш имкониятига эга.

Баёнотда тўлқин энергияси ва қуёш нурлари ҳисобига ишлайдиган автоном қурилмалар ҳақида ҳам сўз юритилган. Хитой томони бундай технологиялар орқали ҳарбий аҳамиятга эга денгиз маълумотлари ҳамда кемалар ҳаракати ҳақида ахборот тўпланаётганини таъкидлаган.

Telegram I Facebook I YouTube I Instagram

Корея имтиҳонлари: Миграция агентлиги атрофидаги миллион долларлик шубҳалар

Жанубий Кореяга шартнома асосида ишга кетиш истагидаги ўзбекистонликлар ўртасида норозилик кучаймоқда. Бунга Кореяда ишчи кучига талаб сезиларли даражада пасайган бўлса-да, Миграция агентлиги томонидан тинимсиз пул йиғиш ва янги имтиҳонлар ташкил этилаётгани сабаб бўлмоқда.

Мурожаатчининг таъкидлашича, 2023–2024 йилларда имтиҳондан ўтган 5 000 дан 7 000 нафаргача фуқаро ҳали ҳам СПАС (SPAS) базасида навбат кутиб турибди. У «Базада одам етарли бўлса, қолаверса, ишчилар жуда кам танланаётган бўлса, Ташқи меҳнат миграцияси агентлиги нега яна қайта имтиҳонлар ташкил этаверади?» дея ҳақли савол қўймоқда.

Маълумотларга кўра, 2024 йилнинг ўзида E-9 визаси учун 41 787 нафар фуқаро 28 доллардан (жами 1,17 млн доллардан зиёд) тўлов қилиб, рўйхатдан ўтган. 2023–2024 йиллардаги умумий йиғим эса 2 026 724 долларни ташкил этган. Энг катта баҳслар эса ушбу маблағларнинг қанча қисми Ўзбекистон томонида қолиши билан боғлиқ.

Агентлик расмийлари Корея ҳисобига тушган пулнинг атиги 2 фоизи қайтишини айтса-да, номзодлар ички манбаларга таяниб, амалда агентликка ҳар бир тўловдан қарийб 10 фоиз маблағ қайтариб берилишини даъво қилмоқда.

Бу ҳолат фуқароларда агентликнинг асл мақсади иш билан таъминлаш эмас, балки шунчаки пул йиғиш тизими деган шубҳаларни кучайтирмоқда.

Интервьюнинг тўлиқ ҳолатини эртанги дастурларимизда кузатишингиз мумкин. Эслатиб ўтамиз, ушбу ҳолат юзасидан Вазирлар Маҳкамаси ҳузуридаги Миграция агентлигига ҳам бориб, журналистик суриштирув ўтказилди. Ушбу жараёнларни тўлиқ ҳолатда тез кунларда кўришингиз мумкин.

Telegram I Facebook I YouTube I Instagram

30 йиллик автомобиллар учун йиллик тўлов жорий этилиши мумкин

2027 йилдан 30 йил ва ундан ортиқ муддат фойдаланилган автомобиллар эгалари экологик компенсация тўлаши мумкин.

Ўзбекистонда эскирган транспорт воситаларини утилизация қилишнинг янги тизимини жорий этиш режалаштирилмоқда.

Лойиҳага кўра, тизим 2026 йилдан енгил автомобилларни, 2027 йилдан автобус ва юк автомобилларини, 2030 йилдан эса барча турдаги транспорт воситаларини қамраб олади.

Шунингдек, 2027 йилдан 30 йил ва ундан ортиқ муддат фойдаланилган автомобиллар эгалари учун йилига 12,36 миллион сўм миқдорида экологик компенсация тўловини жорий этиш таклиф қилинмоқда.

Эски автомобилларни утилизацияга топширган фуқароларга эса пул маблағи, электрон ваучер ёки бошқа кўринишдаги компенсациялар тақдим этилиши мумкин.

Telegram I Facebook I YouTube I Instagram

Тошкентда “закладчик”
31 дона ўрам билан қўлга тушди

Пойтахтда 31 дона ўрамдаги гиёҳвандлик воситаларини тарқатмоқчи бўлган шахс Қўриқлаш хизмати ходимларининг ҳушёрлиги ва тезкор ҳаракатлари натижасида ушланди.

Ҳозирда ҳолат юзасидан тегишли тартибда суриштирув ишлари олиб борилмоқда.

Telegram I Facebook I YouTube I Instagram

Электр ҳисоб тизими янгиланмоқда

АСКУЭ тизимига мос келмайдиган ҳисоблагичлар ўрнига аҳолига замонавий қурилмалар бепул ўрнатилмоқда.

“Ҳудудий электр тармоқлари” АЖга кўра, хонадонлардаги эски ҳисоблагичлар босқичма-босқич АСКУЭ тизими талабларига жавоб берувчи янги қурилмаларга алмаштирилмоқда.

Мутасаддилар эски ҳисоблагичлар тўлов ва ҳисоб-китобларда хатоликлар келтириб чиқариши мумкинлигини таъкидлаб, фуқароларни ўз вақтида янгилашга чақирмоқда.

Telegram I Facebook I YouTube I Instagram

Наманганда ноқонуний криптоактивлар билан шуғулланган шахс ушланди

Наманган вилоятида кўп миқдордаги криптоактивлар билан ноқонуний операциялар олиб борган фуқаро аниқланиб, қўлга олинди.

Ҳуқуқни муҳофаза қилувчи органлар томонидан ўтказилган тадбир давомида мазкур шахснинг криптоактивлар билан қонун талабларига зид равишда шуғуллангани маълум бўлган. Ҳозирда ҳолат юзасидан тегишли суриштирув ишлари олиб борилмоқда.

Telegram I Facebook I YouTube I Instagram

Тезлик Damas ҳайдовчисига қимматга тушди

Асфальт қилинмаган йўлда ҳаракатланган Damas ҳайдовчиси тезликни ошириб, бошқарувни йўқотиши оқибатида йўл-транспорт ҳодисасига учради.

Дастлабки маълумотларга кўра, ҳодиса тезликни меъёрдан ошириш ва йўл шароитини инобатга олмаслик оқибатида содир бўлган. Автомобилга жиддий шикаст етган. Ҳодиса янада оғир оқибатлар билан якунланиши мумкин эди.

Telegram I Facebook I YouTube I Instagram

Ҳокимлар ва раҳбарлар Халқ қабулхоналарида мунтазам қабул ўтказади

Президент топшириғига кўра, ҳудуд раҳбарларининг шахсий қабуллари учун доимий жадвал тасдиқланди.

Президент Халқ қабулхонаси маълум қилишича, давлат раҳбари топшириғи асосида Қорақалпоғистон Республикаси раҳбарияти, вилоят ва Тошкент шаҳар ҳокимлари ҳамда уларнинг ўринбосарлари ҳудудий Халқ қабулхоналарида мунтазам равишда фуқароларни қабул қилади.

Тасдиқланган жадвалга кўра, қабуллар ҳафтанинг маълум кунлари ва белгиланган вақтларда ўтказилади. Объектив сабабларга кўра қабул ўтказилмай қолган тақдирда, у бошқа кунда навбатдан ташқари ташкил этилиши ва бу ҳақда олдиндан хабар берилиши белгиланган.

Telegram I Facebook I YouTube I Instagram

Корея имтиҳонлари: Миграция агентлиги атрофидаги миллион долларлик шубҳалар

Жанубий Кореяга ишлаш учун ҳужжат топширган фуқароларнинг мурожаатлари асосида тайёрланган мазкур лавҳада СПАС базасида навбат кутаётган номзодлар, имтиҳон жараёнлари ва йиғилаётган маблағлар билан боғлиқ масалаларга эътибор қаратилди.

Ушбу ҳолат юзасидан тайёрланган батафсил лавҳа YouTube саҳифамизда эълон қилинди.

👉 Тўлиқ видео

Telegram I Facebook I YouTube I Instagram