34 килодан ортиқ наркотик модда мусодара қилинди

ДХХ ва ИИО ходимлари ҳамкорлигида ўтказилган тезкор тадбирда 34 кг 610 грамм оғир турдаги гиёҳвандлик воситалари контрабандасига чек қўйилди.

Тошкент шаҳридаги “Қўйлиқ” бозори яқинида тўхтаб турган “Laсetti” автомашинаси кўздан кечирилганда, унинг ичида 12 кг 960 грамм опий ва 21 кг 650 грамм гашиш аниқланиб, ашёвий далил сифатида расмийлаштириб олинди.

Ҳолат юзасидан жиноят иши қўзғатилиб, гумонланувчиларга нисбатан қамоқ эҳтиёт чораси қўлланди. Тергов ҳаракатлари давом этмоқда.

Telegram I Facebook I YouTube I Instagram

Қурилиш инспекцияси раҳбари 30 млн сўм билан ушланди

Андижон вилоятида тадбиркордан пул талаб қилган қурилиш соҳаси назорат инспекцияси масъул ходими тезкор тадбир давомида қўлга олинди.

Бош прокуратура ҳузуридаги Департамент ҳамда бошқа ҳуқуқни муҳофаза қилувчи органлар томонидан ўтказилган тезкор тадбирда Андижон вилояти ҳудудий қурилиш ва уй-жой коммунал хўжалиги соҳасида назорат қилиш инспекцияси шўъбаси бошлиғи Ш.Ж. ва бошқалар фош этилди.

Тергов маълумотларига кўра, улар “В.О.” МЧЖ раҳбарига савдо дўконида ичимлик сувидан аниқланган 679,2 миллион сўмлик зарарни танишлари орқали қайта ҳисоб-китоб қилдириб, зарар миқдорини камайтириб беришни ваъда қилган.

Эвазига талаб қилинган 30 миллион сўм пулни олган вақтида улар ашёвий далиллар билан ушланган.

Мазкур ҳолат юзасидан жиноят иши қўзғатилиб, тергов ҳаракатлари олиб борилмоқда.

Telegram I Facebook I YouTube I Instagram

Қарши шаҳар ҳокими ўринбосари жаримага тортилди

Қашқадарё вилояти Қарши шаҳар ҳокимининг биринчи ўринбосари томонидан ходимларни дам олиш кунлари ишга жалб қилиш ҳолати тасдиқланди.

Давлат меҳнат инспекцияси томонидан ўтказилган ўрганишлар давомида мажбурий меҳнатга йўл қўйилгани аниқланган. Шу муносабат билан мансабдор шахсга нисбатан Маъмурий жавобгарлик тўғрисидаги кодекснинг 51-моддаси асосида маъмурий жарима қўлланилди.

Шунингдек, унинг ходимларга нисбатан ҳақоратли муносабатда бўлгани ҳақидаги ҳолат ҳам ўрганилиб, хатти-ҳаракатларига баҳо бериш учун масала Одоб-ахлоқ комиссиясида кўриб чиқилиши юзасидан Қашқадарё вилояти ҳокимлигига тақдимнома киритилди.

Давлат меҳнат инспекцияси иш берувчиларни меҳнат қонунчилиги талабларига қатъий риоя этишга чақирди.

Telegram I Facebook I YouTube I Instagram

Кореяга кетиш орзуси чиппакка чиқдими? Деновлик фуқаро имтиҳонлардаги қонунбузарликлардан шикоят қилди

Жанубий Кореяда ишлаш ва таълим олиш ниятида имтиҳон топширган деновлик йигит айрим жараёнларда қонунбузарликлар бўлганини даъво қилмоқда. У масала юзасидан Effect.uz таҳририятига мурожаат қилди.

Мурожаатчининг айтишича, у Жанубий Кореяга ишлаш ва ўқиш мақсадида ташкил этилган имтиҳонларда иштирок этган. Бироқ унинг таъкидлашича, танлов жараёнларида айрим ноқонуний ҳолатлар ва адолатсизликларга йўл қўйилган.

Нурмаматов мазкур ҳолатлар сабаб Кореяга бориш имкониятидан маҳрум бўлганини билдириб, ваколатли органлардан масалага ҳуқуқий баҳо беришни сўради.

Қайд этилишича, меҳнат миграцияси соҳасидаги йирик фирибгарлик ҳолатлари юзасидан расмий маълумотлар эълон қилина бошлагач, турли ҳудудлардан ўз маблағидан зарар кўрган фуқароларнинг мурожаатлари ҳам кўпаймоқда.

Мавзуга оид барча тафсилотлар ва мурожаатчининг тўлиқ баёноти тез орада Effect.uz'нинг YouTube каналида эълон қилинади.

Effect.uz таҳририяти ушбу ҳолат юзасидан журналистик суриштирув ўтказиш мақсадида Вазирлар Маҳкамаси ҳузуридаги Миграция агентлигида бўлди.

Суриштирув давомида олинган маълумотлар, масъуллар изоҳлари ва мавзуга оид бошқа тафсилотлар тез кунларда Effect.uz'нинг ижтимоий тармоқлардаги саҳифалари ҳамда YouTube канали орқали эълон қилинади.

Telegram I Facebook I YouTube I Instagram

ССВ: Тиббиёт ходимлари учун имтиёзлар янгидан эмас, уларни қўллаш механизми тақдим этилди

Соғлиқни сақлаш вазирлиги ижтимоий тармоқларда тарқалган муҳокамаларга муносабат билдириб, Президент ҳузуридаги тақдимотда тиббиёт ходимлари учун янги имтиёзлар эмас, балки амалдаги имтиёзларни шаффоф тақдим этиш механизми муҳокама қилинганини маълум қилди.

Вазирликнинг таъкидлашича, тиббиёт ва фармацевтика ходимларини қўллаб-қувватлашга қаратилган ипотека ҳамда контракт тўловларининг бир қисмини қоплаб бериш каби имтиёзлар Президентнинг 2025 йил 9 ноябрдаги қарори билан аллақачон белгиланган.

Кечаги тақдимотда эса мазкур имтиёзларни инсон омилисиз, очиқ ва адолатли тарзда тақдим этиш учун электрон механизмлар ва ягона ахборотлаштирилган тизимни жорий этиш бўйича таклифлар тақдим қилинган.

Маълум қилинишича, янги механизм орқали аризаларни қабул қилиш, талабгорларни саралаш, маблағ ажратиш ва мониторинг қилиш жараёнлари рақамлаштирилади. Бу эса коррупциявий омилларни камайтириш ҳамда имтиёзларни ҳақиқий эгаларига етказишга хизмат қилади.

Шу муносабат билан вазирлик тақдимотда имтиёзларнинг ўзи эмас, балки уларни амалга оширишнинг шаффоф механизми муҳокама қилинганини таъкидлади.

Telegram I Facebook I YouTube I Instagram

Яккасарой туманидаги ЙТҲ бўйича суриштирув ишлари олиб борилмоқда

Тошкент шаҳрининг Яккасарой туманида содир бўлган йўл-транспорт ҳодисаси юзасидан масъул идоралар томонидан батафсил маълумот берилди.

Маълум қилинишича, ҳодиса бўйича тегишли тартибда суриштирув ишлари олиб борилмоқда ҳамда воқеа сабаблари ва барча ҳолатлар атрофлича ўрганилмоқда.

Ваколатли органлар ҳайдовчилар ва пиёдаларни йўл ҳаракати қоидаларига қатъий риоя қилишга чақирмоқда.

Telegram I Facebook I YouTube I Instagram

Андижонда икки мансабдор пора билан ушланди

Андижон вилоятида ўтказилган тезкор тадбирлар давомида икки алоҳида коррупциявий ҳолат фош этилди.

Маълум қилинишича, Андижон шаҳрида ичимлик сувидан ноқонуний фойдаланиш оқибатида давлатга етказилган қарийб 680 миллион сўмлик зарар миқдорини камайтириш ва маъмурий чораларни енгиллаштириб беришни ваъда қилган назорат инспекцияси шўъба бошлиғи 30 миллион сўм олаётган вақтида қўлга олинган.

Яна бир ҳолатда эса Асака туманидаги банк филиали бош менежери фуқарога 3 миллиард 650 миллион сўм кредит расмийлаштириб бериш эвазига 8 минг АҚШ доллари талаб қилган. У жами 7 800 доллар олганидан сўнг, маблағнинг бир қисмини қайтариш вақтида ушланган.

Ҳар икки ҳолат юзасидан жиноят ишлари қўзғатилиб, тергов ҳаракатлари олиб борилмоқда.

Telegram I Facebook I YouTube I Instagram

Аввал рухсат берган, кейин судга берган: Бухородаги газ шохобчаси ишида зиддиятли ҳолат

Бухоро шаҳридаги “Royal Gaz Servis” АГТҚШ бўйича апелляция судининг навбатдаги мажлиси бўлиб ўтди.

Суд жараёнида тадбиркор томони муҳим саволни ўртага ташлади: агар объектда хавфсизлик талаблари бўйича камчиликлар бўлган бўлса, нега аввал уларни бартараф этиш ҳақида кўрсатма берилмаган ва нега тўғридан-тўғри судга мурожаат қилинган?

Томонлар шунингдек, 2024 йилда объектга лицензия бериш жараёнида барча ваколатли идоралар ижобий хулоса бергани, кейинчалик эса айнан шу объект бўйича даъво киритилгани ҳақида баҳслашди.

Суд қўшимча давлат органлари вакилларининг иштирокини таъминлаш мақсадида ишни кейинги мажлисга қолдирди.

Навбатдаги суд мажлиси 15 июн куни бўлиб ўтади.

👉 Батафсил ўқиш

👉 Тўлиқ видео

Telegram I Facebook I YouTube I Instagram

“Навоий” чегара постида сумкадан бўғма илон чиқди

Ўзбекистонга кириб келаётган йўловчининг юклари орасидан халқаро муҳофаза остидаги бўғма илон топилди.

Маълум қилинишича, “Навоий” чегара божхона постида ўтказилган божхона назорати давомида йўловчи сумкасидан йўлбарссимон бўғма илон аниқланган.

Мутасаддиларнинг таъкидлашича, мазкур тур халқаро муҳофаза остида бўлиб, уни давлат чегараси орқали олиб ўтиш учун халқаро CITES рухсатномаси талаб этилади. Бироқ йўловчи тегишли ҳужжатларни тақдим эта олмаган.

Ҳозирда ҳолат юзасидан божхона органлари томонидан суриштирув ишлари олиб борилмоқда.

Жонивор белгиланган тартибда Тошкент ҳайвонот боғига топширилган бўлиб, унинг ҳолати қониқарли экани маълум қилинди.

Telegram I Facebook I YouTube I Instagram

Гулистон шаҳар ҳокимлиги ходими 50 минг доллар пора талаб қилганликда ушланди

Сирдарё вилоятида ер ажратиш масаласини ҳал қилиб беришни ваъда қилган ҳокимлик ходими пора олиш вақтида қўлга олинди.

Давлат хавфсизлик хизмати ва Сирдарё вилояти прокуратураси ҳамкорлигида ўтказилган тезкор тадбир давомида Гулистон шаҳар ҳокимлигининг масъул ходими коррупция билан боғлиқ ҳолатда ушланди.

Тергов маълумотларига кўра, у тадбиркорлик фаолиятини бошламоқчи бўлган фуқарога шаҳарнинг Ўзбекистон шоҳкўчасида жойлашган давлат захирасидаги 2 сотих ер майдонини озиқ-овқат дўкони ташкил этиш учун ажратиб беришни ваъда қилган.

Эвазига мансабдор шахс 50 минг АҚШ доллари талаб қилган. Шу маблағнинг бир қисми сифатида фуқаронинг Lacetti русумли автомашинаси 12 минг долларга баҳоланиб, ишончнома орқали расмийлаштириб олинган.

Тезкор тадбир чоғида ҳокимлик ходими талаб қилинган маблағнинг яна 8 минг АҚШ долларини олган вақтида ашёвий далиллар билан қўлга тушган.
Мазкур ҳолат юзасидан жиноят иши қўзғатилиб, гумонланувчига нисбатан қамоқ эҳтиёт чораси қўлланди. Айни пайтда тергов ҳаракатлари давом этмоқда.

Telegram I Facebook I YouTube I Instagram

Давлат маблағини “еганлар”га нисбатан жазо оғирлашади

Сенатда кўриб чиқилган қонунга кўра, давлат маблағларини ўзлаштириш ёки растрата қилиш орқали талон-торож қилиш билан боғлиқ жиноятлар учун жавобгарлик кучайтирилмоқда.

Ҳужжатга мувофиқ, Жиноят кодексининг 167 ва 168-моддаларида назарда тутилган қилмишлар мансаб ваколатини суиистеъмол қилган ҳолда содир этилган тақдирда, айбдорларга нисбатан 10 йилгача озодликдан маҳрум қилиш жазоси қўлланиши мумкин.

Қонун лойиҳаси давлат маблағларини талон-торож қилиш билан боғлиқ жиноятларни янада оғир тоифага ўтказиш ва коррупцияга қарши кураш самарадорлигини оширишга қаратилган.

Telegram I Facebook I YouTube I Instagram

“Миям ўчиб қолди”. Тошкентдаги "Кобальт" ҳайдовчиси таъқиб сабабини изоҳлай олмади

Йўл патрули талабига бўйсунмай, қурол билан тўхтатилган "Кобальт" ҳайдовчиси ўз ҳаракатларига изоҳ бера олмади.


Аввалроқ Тошкент шаҳрида "Кобальт" ҳайдовчиси йўл ҳаракати қоидаларини қўпол равишда бузиб, ИИО ходимларининг тўхташ ҳақидаги талабига бўйсунмагани ҳамда қурол қўлланиб тўхтатилгани ҳақида хабар берилганди.

Telegram I Facebook I YouTube I Instagram

Туркияда ўзбекистонлик аёл эри ва чақалоғи билан ЙТҲ қурбони бўлди

Истанбулда юз берган даҳшатли автоҳалокат оқибатида ўзбекистонлик аёл, унинг турк миллатига мансуб турмуш ўртоғи ва 2 ойлик чақалоғи ҳалок бўлди.

Туркиянинг Истанбул шаҳрида содир бўлган йўл-транспорт ҳодисаси оқибатида ўзбекистонлик Азиза Ҳатамова Гунден, унинг турмуш ўртоғи Содиқ Гунден ва 2 ойлик ўғли Тимур Хон Гунден вафот этди.

Telegram I Facebook I YouTube I Instagram

Сурхондарёда 3 йигит дарёда чўкиб кетди

Сурхондарё вилояти Жарқуғон туманида содир бўлган фожиа оқибатида 3 нафар йигит дарёда чўкиб кетди.

Маълум қилинишича, Намуна маҳалласида яшовчи 2008-йилда туғилган 6 нафар йигит чўмилиш учун Сурхон дарёси бўйига борган. Улардан бири сувга тушмаган, қолган беш нафари эса дарёга кирган.

Кучли оқим уч нафар йигитни оқизиб кетган. Атрофдаги фуқаролар зудлик билан ёрдамга ошиқиб, икки нафар йигитни қутқаришга муваффақ бўлган.

Telegram I Facebook I YouTube I Instagram

Ўзбекистонликлар рекорд даражада қарздор бўлди

Аҳолининг банклар олдидаги қарзи тарихдаги энг юқори кўрсаткичга етди. Сўнгги олти йилда кредитлар ҳажми беш баравардан кўпроқ ошган.

Марказий банк маълумотларига кўра, 2026-йил 1-май ҳолатига Ўзбекистон аҳолисининг банклар олдидаги қарздорлиги 230,8 триллион сўмни ташкил этди. Бу бир йил аввалгига нисбатан 21,2 фоизга кўп.

2020-йилда аҳоли кредитлари 43,8 триллион сўм бўлган бўлса, олти йил ичида бу кўрсаткич беш баравардан ортиқ ошган.

Telegram I Facebook I YouTube I Instagram