Нидерландияда ҳайвонларсиз дунёдаги илк «ферма» очилди

Нидерландияда лаборатория шароитида гўшт етиштиришга ихтисослашган дунёдаги илк «ферма» иш бошлади. Унда гўшт тирик ҳайвонлардан эмас, балки сигир ҳужайраларини биореакторларда кўпайтириш орқали олинади.

Мутахассислар таъкидлашича, бундай усулда етиштирилган гўштнинг таъми ва тузилиши анъанавий гўштдан деярли фарқ қилмайди. Шунингдек, маҳсулот таркибидаги оқсил, ёғ ва углевод миқдорини исталган меъёрда созлаш имконияти мавжуд.

Лойиҳанинг муҳим жиҳатларидан бири — ишлаб чиқариш жараёнида ҳайвонларни сўйиш талаб этилмайди. Ишлаб чиқариш харажатлари ҳам анъанавий чорвачиликка нисбатан арзонроқ бўлиши кутилмоқда.

Айни пайтда ферма синов режимида фаолият юритмоқда. Уни 2028 йилда тўлиқ қувватда ишга тушириш режалаштирилган.

Telegram I Facebook I YouTube I Instagram

Экология учун бир кун автомобилсиз

“Автомобилсиз кун” акциясига Ихтисослаштирилган таълим муассасалари агентлиги директори Севара Шокирова ҳам қўшилди.

Президент фармонига мувофиқ, 1 майдан бошлаб ҳар ойнинг 10 ва 25 саналарида республика бўйлаб “Автомобилсиз кун” акцияси ўтказиб келинмоқда.

Севара Шокирова бугун ишга метро орқали етиб келди. Унинг таъкидлашича, экологик маданиятни шакллантириш, атроф-муҳитни асраш ва соғлом турмуш тарзини тарғиб қилиш ҳар бир фуқаронинг муҳим вазифасидир.

Агентлик ходимлари ҳам ташаббусни қўллаб-қувватлаб, жамоат транспортидан фойдаланиш орқали ҳаво тозалигини сақлашга ўз ҳиссаларини қўшдилар.

Telegram I Facebook I YouTube I Instagram

Агентликда йирик коррупцион схема фош этилди

Ўсимликлар карантини ва ҳимояси агентлиги тизимида коррупция ҳолатлари фош этилди. Тергов материалларига кўра, айрим мансабдорлар ва воситачилар импорт рухсатномалари ҳамда хорижий корхоналарни реестрга киритиш билан боғлиқ хизматлар учун ноқонуний маблағлар олган.

Бош прокуратура ҳузуридаги Департамент томонидан ўтказилган тезкор тадбирда фуқаро Г.У. агентликда ишловчи танишлари орқали Туркиянинг «Y.T.» компаниясини хорижий экспортёрлар реестрига киритиб бериш эвазига 1 минг АҚШ долларини олган вақтида ашёвий далиллар билан ушланди.

Терговга қадар текширув давомида фуқаро Г.У. агентликнинг бош мутахассиси М.Г. билан тил бириктириб, «S.S.» МЧЖга Россиядан ёғоч ва Туркманистондан помидор маҳсулотларини импорт қилиш учун карантин рухсатномасини расмийлаштириб бериш эвазига 2,9 миллион сўмни фирибгарлик йўли билан олгани аниқланган.

Шунингдек, Г.У.нинг икки банк картаси орқали фуқаролардан Р2Р тарзида 10,9 миллиард сўм маблағ келиб тушгани маълум бўлди. Ушбу маблағларнинг 1,6 миллиард сўми расмий тўловларга йўналтирилган, 6,1 миллиард сўми нақдлаштирилиб агентликнинг масъул ходимларига берилгани, қолган 3,1 миллиард сўми эса шахсий эҳтиёжлар учун сарфлангани қайд этилган.

Таҳлиллар давомида агентлик ва унинг қуйи ташкилотлари ғазна ҳисоб рақамларига тушган 91,7 миллиард сўм маблағнинг 14,9 миллиард сўми 759 нафар шахснинг пластик карталари орқали тўлангани аниқланган. Улардан 174 нафари агентлик ходимлари, 34 нафари эса уларнинг яқин қариндошлари экани маълум қилинди.

Ҳозирда мазкур ҳолатлар юзасидан тергов ҳаракатлари олиб борилмоқда.

Telegram I Facebook I YouTube I Instagram

ЖЧ–2026 рекорд даражада қимматлашди

Жаҳон чемпионати старт олиш арафасида мухлислар жиддий харажатларга дуч келмоқда. Чипта ва меҳмонхона нархлари аввалги мундиалга нисбатан кескин ошган.

Жаҳон чемпионати–2026 мухлислар учун анча қимматга тушмоқда. Мусобақа чипталарининг ўртача нархи 636 долларга етган бўлиб, бу 2022 йилги мундиалга нисбатан қарийб уч баравар юқори ҳисобланади.

Telegram I Facebook I YouTube I Instagram

⚡️Тошкентда ноқонуний қурилиш ҳақида гапирган маҳалла раиси таҳдидга учради. Зебо Якубовага ҳатто жиноий иш ҳам очилди

Тошкент шаҳри Мирзо Улуғбек туманидаги Мирзакалон Исмоилий маҳалласи раиси Зебо Якубова ўзига ва маҳалла фаолларига нисбатан босим ўтказилаётганини маълум қилди.

Унинг айтишича, можаро «EKOTEXPROEKT ENGINEERING» МЧЖ томонидан қурилган объект билан боғлиқ. Маҳалла раисининг таъкидлашича, лойиҳа ҳужжатлари ва ҳоким қарорларида савдо ҳамда маиший хизмат кўрсатиш биноси назарда тутилган бўлсада, амалда кўп қаватли меҳмонхона ва икки қаватли кафетерий қурилган.

Мурожаатда қайд этилишича, маҳалла фаолларининг шикоятларидан сўнг ўтказилган текширувлар давомида қурилиш билан боғлиқ қатор ҳуқуқий камчиликлар аниқланган. Шунингдек, Тошкент туманлараро маъмурий судининг 2023 ва 2024 йиллардаги қарорлари билан қурилишга оид рухсатнома ҳамда кадастр ҳужжатлари ҳақиқий эмас деб топилиб, объектни бузиш белгиланган.

Бироқ, маҳалла раисининг таъкидлашича, суд қарорлари ҳануз ижро этилмаган. У айрим мансабдор шахслар қурилиш эгаларини қўллаб-қувватлаётганини ҳам даъво қилмоқда.

Якубованинг сўзларига кўра, маҳалла фаолларига шикоятларидан воз кечиш бўйича турли таклифлар билдирилган. Улар бунга рози бўлмагач, ўзига нисбатан жиноят иши қўзғатилганини маълум қилди. Мазкур иш бўйича 9 июнь куни Жиноят ишлари бўйича Шайхонтоҳур туман судида суд мажлиси бўлиб ўтди.

Маҳалла аҳолисининг айтишича, Зебо Якубова раислик фаолияти давомида фуқароларнинг муаммоларини ҳал этишда фаол бўлган. Шу сабабли кўплаб фуқаролар унинг яна маҳалла раиси сифатида фаолият юритишини истамоқда.

Мурожаат муаллифи ўзи ва маҳалла фаолларига нисбатан босимлар юзасидан ваколатли органлардан холис текширув ўтказиш ва қонуний чоралар кўришни сўрамоқда. Мазкур ҳолат юзасидан масъул ташкилотларнинг расмий муносабати кутилмоқда.

👉 Тўлиқ видео

Қашқадарёда 3 ёшли қизалоқ боғча транспортида унутилиб қолдирилиб вафот этди

Қашқадарё вилоятининг Қамаши туманида 3 ёшли қизалоқнинг оилавий нодавлат боғча транспортида унутилиб қолиши оқибатида вафот этиши билан боғлиқ аянчли ҳодиса юз берди.

Мактабгача ва мактаб таълими вазирлиги маълумотига кўра, воқеа жорий йилнинг 4 июнь куни Қамаши туманидаги «Зафар» маҳалласида жойлашган оилавий нодавлат мактабгача таълим ташкилотида содир бўлган. Дастлабки маълумотларга кўра, бола боғчага олиб келинган транспорт воситасида қолдириб кетилган ва ходимларнинг эътиборсизлиги оқибатида ҳаётдан кўз юмган.

Ҳолат юзасидан жиноят иши қўзғатилди. Тергов доирасида 2026 йил 5 июнь куни автотранспорт ҳайдовчиси гумонланувчи сифатида процессуал тартибда ушланган.
Шунингдек, мазкур боғча билан тузилган шартномалар бекор қилинган. Айни пайтда иш бўйича тергов ҳаракатлари давом этмоқда.

Telegram I Facebook I YouTube I Instagram

Навоийда “Ташаббуслар марафони”: 100 мингга яқин ёшлар бир сафда!

Юртдошларимизни қамраб олган йирик лойиҳа — “Ёшлар ойлиги” доирасидаги “Ташаббуслар марафони” Навоий вилоятида ўзгача шукуҳ ва юқори энергия билан ўтди.

Мазкур улкан тадбир вилоятнинг 100 мингга яқин шижоатли ва интилувчан ёшларини бир мақсад атрофида бирлаштира олди.

Ушбу кўтаринки руҳ ва унутилмас лаҳзалар муҳрланган видеороликни ўтказиб юборманг, ҳозироқ томоша қилинг!

Telegram I Facebook I YouTube I Instagram

Жиззахда аттракцион синиб, 4 киши жароҳатланди

Жиззах шаҳридаги «Ўрда» боғида содир бўлган ҳодисада аттракцион иш жараёнида носозликка учраб, тўрт нафар фуқаро жароҳат олди.

Саноат хавфсизлиги қўмитаси маълумотига кўра, воқеа «Башня падения» номли аттракционда юз берган. Аттракцион одамлар фойдаланаётган вақтда синиб кетгани оқибатида 4 киши турли тан жароҳатлари билан шифохонага ётқизилган. Ҳодиса натижасида ҳалок бўлганлар қайд этилмаган.

Маълум қилинишича, 16 ўриндиқли мазкур аттракцион 2019 йилда ишлаб чиқарилган бўлиб, охирги марта 2025 йил 5 ноябрь куни техник кўрикдан ўтказилган.

Айни пайтда ҳодиса сабабларини аниқлаш мақсадида терговга қадар дастлабки ўрганиш ишлари олиб борилмоқда.

Telegram I Facebook I YouTube I Instagram

АҚШда Ўзбекистон терма жамоаси текширувдан ўтказилди

Нью-Йоркда Ўзбекистон терма жамоаси иштирокидаги ўйин олдидан ўтказилган хавфсизлик текшируви ижтимоий тармоқларда муҳокамаларга сабаб бўлди. Ҳолат юзасидан Ташқи ишлар вазирлиги расмий изоҳ берди.

АҚШнинг Нью-Йорк шаҳрида Ўзбекистон ва Нидерландия терма жамоалари ўртасидаги ўртоқлик учрашуви олдидан футболчилар ва мураббийлар хавфсизлик текширувидан ўтказилди.

Telegram I Facebook I YouTube I Instagram

Гонконг ТВси: Ўзбекистонда кечаси ҳам бемалол юриш мумкин

Тошкентдаги хавфсизлик даражаси ҳатто хорижлик сайёҳларни ҳам ҳайратда қолдирмоқда. Гонконгнинг йирик телеканали Ўзбекистонни сайёҳлар учун энг хавфсиз йўналишлардан бири сифатида эътироф этди.

Гонконгнинг TVB телеканали Ўзбекистон ҳақида тайёрлаган репортажида мамлакат хавфсизлигига юқори баҳо берди.

Telegram I Facebook I YouTube I Instagram

Андижонда 4 нафар тиббиёт ходими бахтсиз ҳодиса оқибатида вафот этди

Андижон вилоятининг Марҳамат туманида содир бўлган бахтсиз ҳодиса оқибатида туман тиббиёт бирлашмасининг 4 нафар техник ходими ҳалок бўлди.

Расмий маълумотларга кўра, воқеа 10 июнь куни Марҳамат туман тиббиёт бирлашмасига қарашли Марказий поликлиника ҳудудида хизмат вазифаларини бажариш жараёнида юз берган. Ҳодиса оқибатида техник ходимлар И. Нишонов, М. Матхолиқов, Қ. Мамажонов ва Л. Қосимов ҳаётдан кўз юмган.

Дастлабки маълумотларга кўра, бахтсиз ҳодиса эҳтиётсизлик сабаб содир бўлган. Мазкур ҳолат юзасидан жиноят иши қўзғатилиб, тергов-суриштирув ишлари олиб борилмоқда.

Айни пайтда ҳуқуқни муҳофаза қилувчи органлар томонидан ҳодисанинг аниқ сабаблари ҳамда унга олиб келган омиллар қонунчиликда белгиланган тартибда ўрганилмоқда.

Telegram I Facebook I YouTube I Instagram

Германия ўзбекистонликлар учун виза тартибини енгиллаштириши мумкин

Германия ўзбекистонлик мутахассислар учун виза олиш жараёнидаги муаммоларни тан олди. Энди мазкур масала бўйича ўзгаришлар бўлиши мумкин.

Франкфурт шаҳрида бўлиб ўтган учрашувда Германия вакиллари ўзбекистонлик малакали кадрлар учун виза расмийлаштириш жараёни узоқ вақт талаб қилаётганини тан олди.

Telegram I Facebook I YouTube I Instagram

Тошкент ва Навоийда 120 минг долларлик қалбаки валюта савдоси фош этилди

Тошкент вилояти ва Навоий вилоятида қалбаки АҚШ долларларини сотиш билан боғлиқ ҳолатларга чек қўйилди. Ҳуқуқни муҳофаза қилувчи органлар томонидан ўтказилган тезкор тадбирларда бир нечта шахслар қўлга олинди.

Бош прокуратура ҳузуридаги Департаментнинг Ангрен шаҳри бўлими ҳамда бошқа ҳуқуқни муҳофаза қилувчи органлар ходимлари ҳамкорлигида ўтказилган тадбирда фуқаролар М.Ю., М.А. ва З.А. фуқаро А.Д.га 100 долларлик купюралардаги қалбаки 80 минг АҚШ долларини 40 минг долларга сотган вақтида ашёвий далиллар билан ушланди. Маълум қилинишича, М.Ю. муқаддам судланган шахс ҳисобланади.

Шунингдек, Навоий вилоятида ўтказилган тезкор тадбирда фуқаро И.Қ. фуқаро Р.Б.га 100 долларлик купюралардаги қалбаки 40 минг АҚШ долларини 28 минг долларга сотишга келишиб, унинг 10 минг долларлик қисмини сотган вақтида қўлга олинган.

Мазкур ҳолатлар юзасидан жиноят ишлари қўзғатилиб, тергов ҳаракатлари олиб борилмоқда.

Telegram I Facebook I YouTube I Instagram

Жаҳон чемпионати – 2026 мукофот жамғармаси рекорд даражага етди

2026 йилда АҚШ, Канада ва Мексика мезбонлик қиладиган футбол бўйича Жаҳон чемпионати тарихдаги энг йирик мукофот жамғармаларидан бирига эга бўлади. FIFA томонидан тасдиқланган тақсимотга кўра, турнир ғолиби 50 миллион доллар мукофот пулига эга чиқади.

🏆 Мукофот пуллари тақсимоти:
💰 1/16 финал иштирокчилари (17–32-ўринлар) — 11 млн доллар
💰 1/8 финал иштирокчилари (9–16-ўринлар) — 15 млн доллар
💰 Чорак финал иштирокчилари (5–8-ўринлар) — 19 млн доллар
🏅 4-ўрин — 27 млн доллар
🥉 3-ўрин — 29 млн доллар
🥈 Финалчи — 33 млн доллар
🥇 Жаҳон чемпиони — 50 млн доллар.

Шунингдек, мусобақага йўлланма олган ҳар бир терма жамоага тайёргарлик харажатлари учун қўшимча 1,5 миллион доллар ажратилади. Бу эса ҳар бир иштирокчи камида 10,5 миллион доллар маблағ олишини англатади.

48 та жамоа иштирок этадиган Жаҳон чемпионати – 2026 нафақат спорт нуқтаи назаридан, балки молиявий кўлами жиҳатидан ҳам футбол тарихидаги энг йирик турнирлардан бири бўлиши кутилмоқда.

Telegram I Facebook I YouTube I Instagram