“Ниқобли одам” Францияда ҳам умрбод қамоқ жазосига ҳукм қилинди

Германияда уч нафар болани ўлдиргани учун аввалдан умрбод қамоқ жазосини ўтаётган 55 ёшли Мартин Н. Францияда ҳам яна бир бола қотиллиги учун айбдор деб топилди.

Франция суди уни 2004 йилда 10 ёшли Жонатанни ўғирлаб кетиш ва ўлдиришда айбдор деб топиб, умрбод қамоқ жазосини тайинлади.

Тергов давомида ДНК ёки бошқа тўғридан-тўғри далиллар топилмаган бўлса-да, гувоҳларнинг кўрсатмалари ва билвосита далиллар судни унинг айбдорлигига ишонтирган.

Telegram I Facebook I YouTube I Instagram

Солиқ қўмитаси ижтимоий кешбек тўловларини вақтинча тўхтатди

Ўзбекистон Солиқ қўмитаси апрель ойи учун ҳисобланган 102,5 миллиард сўмлик ижтимоий кешбек тўловларини вақтинча тўхтатди.

Маълум қилинишича, бунга Андижон вилоятида Солиқ мобил иловаси орқали сохта чеклардан фойдаланиб амалга оширилган ноқонуний схема сабаб бўлган. Дастлабки ҳисоб-китобларга кўра, ушбу усул орқали қарийб 35,1 миллиард сўм кешбек маблағи қонунга хилоф равишда олинган.

Ҳозирда мазкур ҳолат юзасидан 649 та корхона ҳамда «шубҳали харидорлар» рўйхатига киритилган 204,1 минг нафар фуқаро текширилмоқда. Улар учун апрель ойига тегишли кешбек тўловлари тергов ҳаракатлари якунлангунга қадар музлатилган.

Айни вақтда ҳолат юзасидан суриштирув ишлари давом этмоқда.

Telegram I Facebook I YouTube I Instagram

Ўзбекистонда 5 ойда 61 та жиноий тўда фаолиятига чек қўйилди

2026 йилнинг январь–май ойларида уюшган жиноятчиликка қарши курашиш доирасида 4325 та жиноий ҳолат аниқланди.

Ҳуқуқни муҳофаза қилувчи органлар томонидан жами 195 та жиноий гуруҳ фош этилган бўлиб, улардан 61 тасининг ноқонуний фаолияти тўлиқ тўхтатилди.

Telegram I Facebook I YouTube I Instagram

Россия Ташқи ишлар вазирлиги расмий вакили Мария Захарова Ўзбекистон миллий терма жамоасининг Жаҳон чемпионатига йўлланма олганини олқишлади.

У @SputnikUzbekistan мухбирининг саволига жавоб берар экан, Россия томони Ўзбекистон футболчиларининг тарихий ютуғидан чин дилдан хурсанд эканини таъкидлади.

Telegram I Facebook I YouTube I Instagram

Қурилишга рухсат олиш харажатлари 2 бараваргача қисқартирилади

Президентнинг янги фармонига кўра, қурилиш соҳасида давлат хизматлари соддалаштирилади ва тадбиркорларнинг харажатлари камайтирилади.

2026-йил 1-сентябрдан бошлаб барча ҳудудларда архитектура ва шаҳарсозлик бўйича хизматлар ягона тизимга бирлаштирилади. 1-июлдан эса муҳандислик-коммуникация тармоқларига уланиш “1 та ариза – 1 та тўлов” тамойили асосида амалга оширилади.

Шунингдек, бинонинг мустаҳкамлиги ва ёнғин хавфсизлигига таъсир қилмайдиган айрим лойиҳа ўзгаришларини қайта келишиш талаби бекор қилинади. Давлат хизматлари жараёнида аниқланган камчиликларни бартараф этиш учун қўшимча 5 иш куни берилади.

Telegram I Facebook I YouTube I Instagram

Президент қўшма рақамли экотизим яратишни таклиф қилди

Президент Шавкат Мирзиёев Ўзбекистон ва Россия ўртасида ҳамкорликни янада чуқурлаштириш мақсадида қўшма рақамли экотизимни шакллантириш ташаббусини илгари сурди.

Унинг таъкидлашича, дастлабки босқичда рақамли савдо ва шаҳар хизматлари соҳасидаги қоидаларни уйғунлаштириш, қўшма платформаларда миллий брендларни илгари суриш, бандлик бўйича ягона рақамли профил ҳамда сунъий интеллектга асосланган маҳсулотларни ривожлантириш мумкин.

Давлат раҳбари рақамлаштириш жараёнида инсон омили устувор аҳамиятга эга эканини қайд этиб, Ўзбекистоннинг ёшлар салоҳияти мамлакат тараққиётининг асосий драйверларидан бири эканини таъкидлади. Шу боис, ёшларни замонавий билим ва илғор кўникмалар билан таъминлаш учун қулай шароитлар яратиш муҳимлигига урғу берилди.
Telegram I Facebook I YouTube I Instagram

2018 йилдан кейин қурилган ноқонуний уйларга кадастр берилмайди

Давлат кадастрлари палатаси раиси Моҳир Валиевнинг маълум қилишича, 2018 йил 1 майдан кейин ўзбошимчалик билан қурилган турар жойлар қонунийлаштирилмайди ва улар учун кадастр ҳужжатлари расмийлаштирилмайди.

Унинг таъкидлашича, аввалги йилларда ноқонуний қурилган уйларни қонунийлаштириш учун бир неча бор имконият берилган. Энди бу амалиётни давом эттириш ерларнинг тартибсиз ўзлаштирилишига олиб келиши мумкин.

Telegram I Facebook I YouTube I Instagram

Энди чеклов йўқ: шахсий эҳтиёж учун исталганча автомобиль импорт қилиш мумкин

Ўзбекистонда шахсий эҳтиёж учун автомобиль олиб киришда амал қилиб келган "бир йилда битта" чеклов бекор қилинди.

Президентнинг 4 июнь куни имзоланган 104-сонли фармони билан техник регламентга тегишли ўзгартишлар киритилди. Энди жисмоний ва юридик шахслар календарь йили давомида ўз эҳтиёжи учун мамлакатга олиб кирган транспорт воситалари сонидан қатъи назар, уларга мувофиқлик сертификати расмийлаштириши мумкин.

Мазкур тартиб 2026 йил 5 июндан кучга кирди. Янги қарор автомобиль импорти соҳасидаги чекловларни юмшатиш ва фуқаролар учун янада қулай шарт-шароитлар яратишга хизмат қилиши кутилмоқда.

Telegram I Facebook I YouTube I Instagram

Ўзбекистоннинг икки кони жаҳоннинг олтин гигантлари қаторида

Ўзбекистон яна бир нуфузли халқаро рейтингда юқори ўринларни эгаллади. Дунёдаги энг йирик олтин ишлаб чиқарувчи конлар рўйхатида Навоий вилоятидаги Мурунтов кони 53 тоннадан ортиқ олтин ишлаб чиқариб, АҚШнинг Nevada Gold Mines мажмуасидан кейин 2-ўринни қайд этди.

Шунингдек, Олмалиқ кон-металлургия мажмуаси ҳам 23 тоннадан зиёд олтин ишлаб чиқариш кўрсаткичи билан жаҳон рейтингида 6-ўриндан жой олди.

Мутахассислар таъкидлашича, икки йирик коннинг халқаро рейтингдан ўрин олиши Ўзбекистоннинг глобал олтин бозоридаги ўрни тобора мустаҳкамланаётганини кўрсатади.

Telegram I Facebook I YouTube I Instagram

Ўзбекистон – Нидерландияга қарши ўйнайди

Ўзбекистон миллий терма жамоаси 8 июнь куни Жаҳон чемпионати олдидан сўнгги ўртоқлик учрашувини Европа футболининг кучли жамоаларидан бири — Нидерландияга қарши ўтказади.

Мазкур баҳс АҚШнинг Нью-Йорк шаҳрида жойлашган «Икан» (Icahn Stadium) стадионида бўлиб ўтади. Олимпия стандартлари асосида қурилган ушбу спорт иншооти 5 минг нафар мухлисни сиғдира олади.

Учрашув 8 июнь куни соат 23:45 да старт олади ва «Zo‘r TV» телеканали орқали жонли эфирда намойиш этилади.

Telegram I Facebook I YouTube I Instagram

Туркиялик йигит бир кунда миллиардерга айланди... аммо пулидан фойдалана олмаяпти

Туркияда яшовчи йигитнинг банк картасига кутилмаганда 21,8 миллиард доллар келиб тушди. Бу маблағ туфайли у шартли равишда Forbes’нинг энг бой инсонлари рейтингида 116-ўринга чиқиши мумкин эди.

Қизиғи шундаки, йигит пул қаердан келганини ўзи ҳам билмайди. Ҳозирда банк маблағ манбасини аниқлаш учун текширув олиб бормоқда ва шу сабабли унинг ҳисоб рақамлари бир неча ойдан буён блокланган.

Ҳазил тариқасида у сунъий интеллектдан бу қадар пулга нималар қилиш мумкинлигини сўраган. Нейротармоқ эса жавобан: «1000 та стадион ёки 300 минг аҳоли яшайдиган янги мамлакат қуриш мумкин», деб жавоб берган.

Telegram I Facebook I YouTube I Instagram

Ургутдаги "Майиз бозори" машмашаси: камера қаршисида узр, ортидан эса туҳмат!

Ургутдаги "Майиз бозори" олдидаги ер низоси ортидан Мингтепа МФЙ раиси ва тадбиркорлар ўртасидаги можаро ижтимоий тармоқларда катта машмашага айланди.

Кадастр тадбиркорларнинг айбини аниқлаб, жаримага тортган ва улар пулни тўлаган. Аммо вазият сунъий равишда "маҳаллий аҳоли ва келгиндилар уруши"га айлантирилиб, тармоқларда ўзаро сўкинишлар бошланди. Вазият тинчимаслиги учун журналистлар аралашиб, томонларни яраштирди. Раис отасининг танбеҳидан сўнг хатосини тушуниб, эҳсон ошида тадбиркорлардан қайта-қайта узр сўради ва муаммо ҳал бўлди.

Бироқ видео эфирга кетгач, раис яна фикридан қайтди. У ОАВга "нега тадбиркорларни ер тишлатиб кўрсатмадинглар?" деб даъво қилди, укаси эса тармоқларда ОАВни ёлғончиликда айблаб, хайп кўтаришга тушди.

ОАВ огоҳлантиради: Журналистлар маҳаллий "разборкалар" қуроли эмас. "Жабрдийда" образини яратиб, туҳмат қилаётган МФЙ раисининг укаси буни тўхтатмаса, ОАВ ўз шаънини ҳимоя қилиш учун судга мурожаат қилади.

👉Мақолани ўқиш

👉Тўлиқ видео

Telegram I Facebook I YouTube I Instagram

Қашқадарёда ноқонуний ёғ ишлаб чиқариш цехи фош этилди

Қарши шаҳрида ўтказилган тезкор тадбир давомида хонадон шароитида истеъмолга яроқсиз ёғ ишлаб чиқариш билан шуғулланиб келган шахс аниқланди.

Текширувда 13 тонна зиғир, 667 кг чигит, 569 кг кунжара, 104 кг тайёр ёғ ҳамда ишлаб чиқаришда фойдаланилган жиҳоз ва бошқа маҳсулотлар ашёвий далил сифатида олинди.

Ҳолат юзасидан жиноят иши қўзғатилиб, тергов ҳаракатлари олиб борилмоқда.

Telegram I Facebook I YouTube I Instagram

Наманганда 376 марта қоида бузган «Ласетти» аниқланди

Наманган вилоятида йўл ҳаракати қоидаларини 376 марта бузган ва 330 миллион сўмдан ортиқ жаримаси тўпланган «Ласетти» автомобили топилди.

Мажбурий ижро бюроси маълумотига кўра, қидирувда бўлган транспорт воситаси тезкор тадбирлар давомида аниқланган. Автомобиль аввал йўл-транспорт ҳодисасига учрагани ва ҳозирда яроқсиз ҳолатга келгани маълум бўлган.

Жарималар узоқ вақт давомида тўланмагани сабабли унга нисбатан ижро ҳаракатлари олиб борилмоқда ҳамда автомобилни аукцион орқали сотиш режалаштирилган.

Telegram I Facebook I YouTube I Instagram