АҚШ ва Эрон ўртасида кескинлик кучайди

АҚШ ҳарбийлари Эроннинг Харк ороли томон йўл олган “Lexie” нефть танкерига Hellfire ракетаcи билан зарба берилганини маълум қилди. CENTCOM маълумотига кўра, Ботсвана байроғи остида ҳаракатланган танкер 24 соат давомида берилган огоҳлантиришларга амал қилмаган.

Бунга жавобан Эрон минтақадаги АҚШ ҳарбий объектлари, жумладан авиабаза, ҳарбий кема ва АҚШ Ҳарбий-денгиз кучлари Бешинчи флоти қароргоҳи томон ракета ҳамда дронлар учирди.

CENTCOM маълумотига кўра, Қувайт томон икки, Баҳрайн томон эса учта ракета учирилган. Уларнинг барчаси ҳавода йўқ қилинган ёки парчаланиб кетган.

Telegram I Facebook I YouTube I Instagram

Кореяга ишга юборишни ваъда қилган фирибгарлар фош этилди

Бош прокуратура ҳузуридаги Департамент ва Миграция агентлиги комплаенс хизмати ҳамкорлигида Кореяга ишга жўнатиш билан боғлиқ қатор фирибгарлик ҳолатлари аниқланди.

Текширувлар давомида Қашқадарё, Сурхондарё, Навоий, Фарғона ва Наманган вилоятларидаги бир қатор шахслар фуқароларнинг ишончига кириб, уларни Кореяга ишга жўнатишни ваъда қилган ҳолда ўн минглаб долларларни фирибгарлик йўли билан ўзлаштиргани маълум бўлди.

Энг йирик ҳолат Косон туманида қайд этилди. Унда МЧЖ раҳбари 48 нафар фуқародан Кореяга ишга жойлаштириш баҳонасида 28,8 минг АҚШ долларини олган.

Аниқланган ҳолатлар бўйича айрим маблағлар жабрланувчиларга қайтарилган. Барча ҳолатлар юзасидан жиноят ишлари қўзғатилиб, тергов ҳаракатлари олиб борилмоқда.

Telegram I Facebook I YouTube I Instagram

Ҳиндистонга сафар қилувчилар учун янги талаб жорий этилди

Эндиликда Ҳиндистонга халқаро рейслар орқали келаётган барча йўловчилар соғлиғи ҳолати ва сафар маршрути ҳақидаги маълумотларни ўз ичига олган махсус декларацияни тўлдириши шарт бўлади.

Мазкур тартиб Эбола вируси билан боғлиқ эпидемиологик вазият туфайли жорий этилган бўлиб, мамлакат ҳукумати инфекция тарқалишининг олдини олиш чораларини кучайтирмоқда.

Расмийлар йўловчилардан сафардан олдин белгиланган талаблар билан танишиб чиқишни ва барча маълумотларни тўғри тақдим этишни сўрамоқда.

Telegram I Facebook I YouTube I Instagram

“Tracker” юкхонасидан қарийб 9 кг гашиш топилди

ДХХ ва бошқа ҳуқуқни муҳофаза қилувчи органлар ҳамкорлигида ўтказилган тезкор тадбирда Тошкент–Фарғона йўналишида ҳаракатланаётган Tracker автомобили тўхтатилди.Текширув давомида ҳайдовчининг ёнидан 1,72 грамм гиёҳванд модда, автомобил юкхонасидан эса 8 кг 913 грамм гашиш аниқланди

Дастлабки маълумотларга кўра, гиёҳванд восита қўшни давлатдан контрабанда йўли билан олиб кирилган бўлиб, гумонланувчи уни Фарғонага олиб кетаётган бўлган.Ҳолат юзасидан жиноят иши қўзғатилиб, тергов ҳаракатлари олиб борилмоқда.

Telegram I Facebook I YouTube I Instagram

Ўзбекистонда исломий молиялаштириш 8 баробар ошди

2026 йилнинг биринчи чорагида Ўзбекистонда микромолия ташкилотлари томонидан кўрсатилган исломий молиялаштириш хизматлари ҳажми 11,2 миллиард сўмга етди. Бу ҳақда Марказий банк маълум қилди. Қайд этилишича, ушбу кўрсаткич ўтган йилнинг мос даврига нисбатан қарийб 8 баробар ошган.

Хизматларнинг асосий қисмини 7,7 миллиард сўмлик “Муробаха” шартномалари ташкил этган. Шунингдек, “Музораба” хизматлари ҳажми 2,1 миллиард сўмни, “Исломий ижара” эса 1,4 миллиард сўмни ташкил қилган. Ҳудудлар кесимида энг юқори кўрсаткич Тошкент шаҳрида қайд этилган. Пойтахтда 10,6 миллиард сўмлик исломий молиялаштириш хизматлари кўрсатилган.

Telegram I Facebook I YouTube I Instagram

Сурхондарёдаги фожиа: “Damas” ва “Nexia” пойгаси икки ёшнинг умрига зомин бўлди

Сурхондарё вилоятининг Узун туманида ҳайдовчилик гувоҳномасига эга бўлмаган ёшлар иштирокидаги тезлик беллашуви аянчли оқибат билан тугади. Йўл-транспорт ҳодисаси натижасида икки нафар йигит ҳалок бўлди, бир неча киши жароҳатланди.

Маълумотларга кўра, 28 май куни соат 23:50 атрофида Узун туманининг «Чақар» маҳалласи ҳудудидан ўтувчи D-169 автомобиль йўлининг 132-километрида 17 ёшли ўсмир Damas автомашинасини бошқариб кетган. У билан бирга тўрт нафар синфдоши ҳам бўлган.

Аниқланишича, ҳайдовчилик гувоҳномасига эга бўлмаган ўсмир 20 ёшли таниши бошқараётган Nexia автомашинаси билан тезлик бўйича ўзаро беллашган. Натижада оғир йўл-транспорт ҳодисаси содир бўлган.

Фожиа оқибатида Damas ҳайдовчиси ва Nexia автомашинасидаги йўловчилардан бири воқеа жойида вафот этган. Шунингдек, Damasда бўлган тўрт нафар ёш ва Nexia ҳайдовчиси турли даражадаги тан жароҳатлари билан шифохонага ётқизилган.

Telegram I Facebook I YouTube I Instagram

Ҳожиларимиз юртга қайтмоқда

2 июнь куни ҳаж зиёратини адо этган юртдошларимизнинг биринчи гуруҳи Жидда — Тошкент йўналиши бўйича Ўзбекистонга қайтиб келди.

19 июнга қадар зиёратчилар Жидда шаҳридан мамлакатимизнинг 10 та шаҳрига — Тошкент, Наманган, Фарғона, Қарши, Термиз, Самарқанд, Бухоро, Навоий, Урганч ва Нукусга босқичма-босқич олиб келинади.

Telegram I Facebook I YouTube I Instagram

Eco Expo 2026'нинг иккинчи куни қандай ўтди?

Самарқанд шаҳрида давом этаётган Eco Expo Central Asia 2026 халқаро кўргазмасининг иккинчи куни ҳам экология ва барқарор ривожланиш масалаларига бағишланган муҳим тадбирларга бой бўлди.

Кун давомида Иқтисодий ҳамкорлик ташкилотининг атроф-муҳит бўйича олтинчи вазирлар учрашуви, Марказий Осиё давлатлари, Озарбайжон ва Мўғулистон вакиллари иштирокидаги давра суҳбати, ННТлар форуми ҳамда бир қатор халқаро сайд-ивентлар ташкил этилди.

Шунингдек, минтақавий экологик ҳамкорликни мустаҳкамлашга қаратилган Самарқанд баёноти имзоланди.

Юқори даражадаги сессияларда яшил инвестициялар ва инновациялар, барқарор совитиш технологияларини ривожлантириш, ҳаво сифати ҳамда қум-чанг бўронларига қарши курашиш масалалари муҳокама қилинди.

Telegram I Facebook I YouTube I Instagram

Тошкентда ўқитувчи икки кишини ўлдиришда гумонланмоқда

Тошкент шаҳрида икки кишининг ўлими билан боғлиқ жиноят иши юзасидан тергов ҳаракатлари олиб борилмоқда. Ҳуқуқни муҳофаза қилувчи органлар маълумотига кўра, қотилликда гумонланаётган шахс процессуал тартибда ушланган.

Дастлабки маълумотларга кўра, воқеа 21 май куни содир бўлган. Ҳодиса оқибатида 2004 йилда туғилган қиз ҳамда 1975 йилда туғилган Хитой фуқароси ҳаётдан кўз юмган.

Мазкур жиноятни содир этганликда 1998 йилда туғилган шахс гумон қилинмоқда. Унинг ўқитувчи экани маълум қилинган.

Бош прокуратура маълумотига кўра, ҳозирда ҳолат юзасидан тергов ҳаракатлари давом эттирилмоқда. Ҳодисанинг барча тафсилотлари ва сабаблари тергов давомида аниқланиши кутилмоқда.

Telegram I Facebook I YouTube I Instagram

Адвокат можаросига ойдинлик киритилдими?

Аввалроқ Effect.uz томонидан адвокат фаолиятига босим ўтказилаётгани ва дахлсизлиги бузилаётгани ҳақидаги мурожаат юзасидан видео материал эълон қилинган эди.

Мазкур лавҳа ижтимоий тармоқларда кенг муҳокамаларга сабаб бўлди. Шундан сўнг, 31 май куни ўзини адвокатнинг укаси сифатида таништирган шахс вазиятга муносабат билдириб, «Танганинг икки томони бўлади», деган фикрни илгари сурган.

Бунга жавобан журналист Даврон Холбоев ҳолатга бир томонлама баҳо берилмаслиги лозимлигини таъкидлаб, воқеага аниқлик киритиш мақсадида Чирчиқ шаҳрига борилишини ҳамда барча иштирокчиларга саволлар берилишини маълум қилган.

1 июнь куни Effect.uz ходимлари ҳолатни жойида ўрганиш мақсадида Чирчиқ шаҳрига етиб борди.

Журналистлар дастлаб мурожаатчи яшайдиган хонадонга бориб, уй эгаларини бир неча бор чақирган. Бироқ хонадондан ҳеч ким чиқмаган.

Шундан сўнг ўзини маҳалла раиси сифатида таништирган шахс журналистлар билан мулоқот қилиб, мурожаатчининг онасига қўнғироқ қилган. Суҳбат давомида хонадон эгаси журналистлар билан учрашишни истамаётганини билдирган.

Кун якунида Effect.uz жамоаси ҳолат бўйича расмий муносабат олиш мақсадида Тошкент вилояти ИИББга мурожаат қилди. У ерда тегишли соҳа вакилларидан мазкур мурожаат юзасидан изоҳлар олинди.

Тошкент вилояти ИИББ Ахборот хизмати раҳбари Бобур Тўлагановнинг маълум қилишича, ҳолат юзасидан ваколатли прокуратура органлари томонидан суриштирув ҳаракатлари олиб борилмоқда. Шунингдек, у адвокат фаолиятига дахл бўлмаганлигини билдирган.

Effect.uz мазкур ҳолат ривожини кузатишда давом этади.

👉 Тўлиқ видео

Telegram I Facebook I YouTube I Instagram

Ўзбекистон терма жамоасининг жаҳон чемпионати ўйинлари учун мактабларда фан-зоналар ташкил этилади

Ўзбекистон миллий терма жамоасининг жаҳон чемпионатидаги иштирокини биргаликда кузатиш мақсадида мамлакат бўйлаб 208 та туман ва шаҳардаги мактабларда махсус “Мухлислар майдони” ташкил этилади.

Мазкур фан-зоналарда футбол ихлосмандлари терма жамоамизнинг мундиал доирасидаги учрашувларини катта экранлар орқали жонли эфирда томоша қилиш имкониятига эга бўлади.

Ташаббус спорт мухлислари учун қулай шароит яратиш, футбол муҳитини янада кучайтириш ҳамда юртдошларимизни миллий жамоани қўллаб-қувватлаш атрофида бирлаштиришга хизмат қилади.

Telegram I Facebook I YouTube I Instagram

Шифохонадаги можаронинг янги тавсилотлари: Ҳужжатлар соҳталаштирилганми?

1-сонли Перинатал марказда даволанган бемор Нигина билан боғлиқ ҳолат жамоатчилик эътиборида қолмоқда.

Беморнинг таъкидлашича, унга дастлаб ҳаёт учун хавфли бўлган сепсис ташхиси қўйилган. Бироқ кейинчалик тақдим этилган янги тиббий ҳужжатларда ушбу ташхис бутунлай олиб ташланиб, унинг ўрнига бошқа касаллик қайд этилган.

Яна бир эътиборли жиҳат — бемор шифохонадан чиқарилганидан бир кун ўтиб аҳволи ёмонлашиб, қайта тез тиббий ёрдам орқали шифохонага мурожаат қилишига тўғри келган.

Ҳужжатлардаги тафовутлар, ташхисларнинг ўзгариши ва беморнинг даъволари юзасидан кўплаб саволлар туғилмоқда. Айни пайтда ҳолат бўйича прокуратура томонидан терговга қадар текширув ҳаракатлари олиб борилмоқда.

❗️Шифокорлар ва масъул шахслар ҳаракатларига якуний ҳуқуқий баҳо фақат тергов ва суд органлари томонидан берилади.

👉 БАТАФСИЛ – ВИДЕОДА

Яна бир ер фирибгарлиги фош этилди: 1,5 гектар ер учун 750 минг доллар талаб қилинган

Тошкент вилоятида тезкор тадбир давомида бир шахс давлат захирасида бўлган 1,5 гектар ер майдонини мансабдор танишлари орқали расмийлаштириб беришни ваъда қилиб, эвазига 750 минг АҚШ доллари талаб қилган вақтида қўлга олинди.

Тергов маълумотларига кўра, у келишилган маблағнинг дастлабки қисми сифатида 20 минг долларни олган пайтда ашёвий далиллар билан ушланган.

Ҳозирда мазкур ҳолат юзасидан жиноят иши қўзғатилган бўлиб, тергов ҳаракатлари олиб борилмоқда.

Telegram I Facebook I YouTube I Instagram