Бухорода Афғонистондан Россияга олиб ўтилаётган 13 килограмм героин мусодара қилинди

Бухоро вилоятидаги “Олот” чегара-божхона постида йирик миқдордаги героин контрабандасининг олди олинди.

Афғонистондан Россияга йўл олган юк автомашинаси текширувдан ўтказилганда, 18,6 тонна ўрик қоқиси орасига маҳсулотга ўхшатиб яширилган гиёҳвандлик моддалари топилди.

Экспертиза хулосасига кўра, олиб қўйилган моддаларнинг умумий оғирлиги қарийб 13 килограмм бўлган героин экани аниқланган. Унинг қора бозордаги қиймати 1,5 миллион долларгача баҳоланмоқда.

Ҳолат юзасидан жиноят иши қўзғатилган, тергов ҳаракатлари олиб борилмоқда.

Telegram I Facebook I YouTube I Instagram

Мирзиёев «Чирчиқ» технопаркида полимер маҳсулотлар ишлаб чиқарувчи корхона фаолияти билан танишди

Президент Шавкат Мирзиёев «Чирчиқ» кимё-индустриал технопаркида жойлашган «NovoPlast TPE» корхонасида бўлиб, замонавий полимер маҳсулотлар ишлаб чиқариш жараёни билан танишди.

Қиймати 5,4 миллион доллар бўлган лойиҳа Россиянинг «VR Plast» компанияси билан ҳамкорликда амалга оширилган. Корхонада термопластик эластомер гранулалар, эшик ва ромлар учун зичлагичлар, саноат шланглари ҳамда қурилиш ва электротехника соҳалари учун турли полимер маҳсулотлар ишлаб чиқарилмоқда.

Маълум қилинишича, корхонада 58 та янги иш ўрни яратилган. Ўтган йили бу ерда 103 миллиард сўмлик маҳсулот ишлаб чиқарилиб, 5 миллион долларлик экспорт амалга оширилган.

Шунингдек, 2025 йилда 8,5 миллион долларлик импорт ўрнини босувчи маҳсулотлар ишлаб чиқарилган. Келгусида ишлаб чиқариш ҳажмини 177 миллиард сўмга, экспорт улушини эса 60 фоизга етказиш режалаштирилмоқда.

Telegram I Facebook I YouTube I Instagram

“Soliq Mobile” орқали 35 миллиард сўмлик кешбек талон-торож қилинди

Андижон вилоятида бир гуруҳ шахслар сохта электрон ҳисоб-фактуралар ва харид чеклари расмийлаштириш орқали “Soliq Mobile” иловасидан 35,1 миллиард сўм бюджет маблағини ноқонуний равишда кешбек сифатида ўзлаштиргани фош этилди.

Тергов маълумотларига кўра, гумонланувчилар 9 та МЧЖ орқали амалда мавжуд бўлмаган 1,1 триллион сўмлик савдо операцияларини расмийлаштирган. Натижада 100 мингдан ортиқ фуқаро номига кешбек ҳисобланган.

Шунингдек, вилоят солиқ бошқармаси масъуллари шубҳали операциялар юзасидан чора кўрмагани ва ҳуқуқни муҳофаза қилувчи органларга хабар бермагани маълум қилинди.

Ҳолат юзасидан жиноят иши қўзғатилиб, тергов ҳаракатлари олиб борилмоқда.

Telegram I Facebook I YouTube I Instagram

Яшнободда қизиқ ҳолат: Учрашув ўрнига тергов чақирувими?

Яшнобод туманида айрим биллинг тизимига оид муаммолар ҳал этилмай қолаётгани сабабли фуқаролар 22 май куни Ўзбекистон Республикаси Қурилиш ва уй-жой коммунал хўжалиги вазирлигига мурожаат қилди.

Фуқаролар вазир ўринбосари Озода Жўраева қабулxонасига кириб борган бўлиб, дастлаб барча мурожаатчилар эмас, фақат 5 нафар фуқарога киришга рухсат берилган. Жараёнда ОАВ вакиллари учун ҳам аввал айрим тушунмовчиликлар кузатилган, кейинчалик журналистлар қабул жараёнини кузатиш имконига эга бўлган.

Қабул давомида Озода Жўраева ушбу масала аввалдан маълум бўлмаганини билдириб, муаммони жойига чиқиб ўрганиш ва фуқаролар иштирокида ечим топиш зарурлигини таъкидлаган. Шу асосда 23 май кунига қўшимча учрашув белгиланган.

Бироқ кейинги жараёнлар фуқаролар ва журналистлар томонидан билдирилганидек, кутилган тарзда кечмаган. Белгиланган санада жойга чиқиш ўрнига, иштирокчиларга учрашув бошқа манзил — 226-мактабда бўлиши ҳақида хабар берилган. У ерга етиб борилганда эса фуқароларнинг кўплиги, масъулларнинг кечикиши ва аниқ ташкилий изоҳлар етишмагани қайд этилган.

Фуқаролар Озода Жўраеванинг келишини узоқ вақт кутган, бироқ кейинчалик матбуот хизмати вакиллари унинг хизмат сафари билан вилоятга кетганини маълум қилган.

Шу билан бирга, йиғилишда шаҳар ҳокими ўринбосари ҳам иштирок этмагани айтилмоқда. Орадан қисқа вақт ўтиб, ҳуқуқ-тартибот идоралари вакиллари томонидан “Виктория эксклюзив” раҳбари Ирина Викторовна терговга чақирилгани ҳақида маълумот берилган ва у олиб кетилган.

Ҳодисалар кетма-кетлиги иштирокчилар томонидан турли савол ва муҳокамаларга сабаб бўлган. Кейинчалик масъул ходимлар компания фаолияти билан боғлиқ масалаларни қайта кўриб чиққан.

Ҳозирча вазият юзасидан расмий идоралар томонидан қўшимча изоҳ берилмаган.

БАТАФСИЛ ВИДЕО

Telegram I Facebook I YouTube I Instagram

Каттақўрғонлик аҳоли ички йўллар, мактабдаги сувсизлик ва электр муаммосидан норози

Самарқанд вилояти Каттақўрғон тумани Жавлон маҳалласи Арабхона қишлоғи аҳолиси йиллар давомида ҳал этилмай келаётган ижтимоий ва инфратузилмавий муаммолардан норози. Бу ҳақда воқеа жойидан Effect.uz мухбири хабар бермоқда.

Аҳолининг сўзларига кўра, ички йўллар аянчли аҳволда, қишлоқ мактабида ичимлик суви йўқ, электр токи кучи (напряжение) эса жуда паст.

Мурожаатлар юзасидан келган туман ҳокимининг қурилиш ва коммунал хизматлар бўйича ўринбосари вазиятга шундай изоҳ берди:

«Бу муаммолардан хабардормиз. Фақатгина маблағ масаласи бўлганлиги учун ишларни босқичма-босқич, навбати билан бажариб келяпмиз. Имконият даражасида, максимал тарзда ҳамма муаммоларни кетма-кетликда ҳал этамиз».

Туман раҳбарияти камчиликларни тез орада бартараф этишга ваъда берди. Жараён ОАВ назоратида.

Telegram I Facebook I YouTube I Instagram

Ўзбекистонда 42 та йирик кимёвий лойиҳа амалга оширилади: Инвестиция ва янги брендлар

Мамлакатда геология ва кимё саноатидаги мавжуд хомашё базасини тўлиқ ишга солиш орқали қўшилган қийматни бир неча баробар ошириш режалаштирилмоқда.

Қорақалпоғистон, Сурхондарё, Қашқадарё ва Навоийдаги 550 млн тонна натрий ва калиy ҳамда 20 млн тонна бентонит захираларини қайта ишлаб, каустик сода ишлаб чиқариш орқали қийматни 3 баробарга ошириш имкони борлиги қайд этилди. Шунингдек, Жиззах ва Қорақалпоғистондаги серпентинит захираларидан юқори қийматли маҳсулотлар — магний оксиди, шунингдек, янада чуқур қайта ишлаш орқали никель, хром ва кобальт олиш имкониятлари мавжуд.

Шу йўналишда камида 200 млн долларлик лойиҳаларни бошлаш, фосфорит, галит, мирабилит ва серпентинит захираларини 2 баробарга ошириш бўйича 3 йиллик дастур ишлаб чиқиш топширилди.

Мамлакатда маиший кимё бозори 2 млрд долларга баҳоланмоқда. “Ангрен” эркин иқтисодий зонасидаги лойиҳа “Henkel” билан ҳамкорликда ривожлантирилиб, ишлаб чиқаришни кенгайтириш ва янги брендлар яратиш режалаштирилмоқда. Бу йўналишга давлат томонидан йирик инвестиция пакетлари ажратилади.

Шу билан бирга, минерал ўғитларга бўлган глобал талаб ўсиб бораётгани сабабли Қашқадарё ва Сирдарёда умумий қиймати 500 млн доллардан ортиқ бўлган янги лойиҳалар амалга оширилади. Умуман, 3 йил ичида 2,8 млрд долларлик 42 та лойиҳани ишга тушириш белгиланган.

Президент томонидан кимё соҳасида илм-фан ва ишлаб чиқариш интеграциясини кучайтириш, Тошкентда 60 гектар майдонда кимё саноати учун инновацион кластер ташкил этиш, шунингдек, хорижий ҳамкорликда янги инновация марказини барпо этиш вазифалари қўйилди.

Telegram I Facebook I YouTube I Instagram

Пайшанба шаҳарчасида янги канализация тармоғи қурилди, аммо марказий йўл вайрон бўлди

Самарқанд вилояти Каттақўрғон тумани Пайшанба шаҳарчаси аҳолиси янги ўтказилган канализация тизимидан сўнг марказий автомобил йўлининг аянчли аҳволга келиб қолганидан норози бўлмоқда.

Маълум қилинишича, ҳудудга "шаҳарча" мақоми берилганидан сўнг, коммунал хизматларни яхшилаш мақсадида 18 километрлик канализация тармоғи тортилган. Бироқ тармоқ асосий автомобил йўли остидан ўтказилгани сабабли, иш якунида жиддий сифатсизликка йўл қўйилган.

Айни пайтда асфальт устида чуқур ўпирилишлар ва хавфли ёриқлар пайдо бўлган бўлиб, улар ҳаракатланаётган транспорт воситалари ва йўловчилар учун катта хавф туғдирмоқда. Аҳоли масъуллардан ушбу камчиликларни тез орада бартараф этишни талаб қилмоқда.

Вазият юзасидан суриштирув давом этмоқда.

Telegram I Facebook I YouTube I Instagram

Самарқандда электромопед каналга тушиб кетди: 4 нафар бола ҳалок бўлди

Самарқанд вилоятининг Пахтачи туманида юз берган фожиали йўл-транспорт ҳодисаси оқибатида тўрт нафар вояга етмаган бола ҳаётдан кўз юмди.

Маълум қилинишича, 31 май куни туманнинг «Украч» маҳалласи ҳудудидан оқиб ўтувчи «Нарпай» каналига юк ташиш учун мўлжалланган электромопед тушиб кетган. Транспорт воситасида ҳайдовчи, унинг турмуш ўртоғи ҳамда олти нафар вояга етмаган бола бўлган.

Ҳодиса оқибатида 3, 6, 9 ва 10 ёшли тўрт нафар бола ҳалок бўлган. Қолган тўрт нафар фуқаро маҳаллий аҳоли томонидан қутқариб қолинган.

Дастлабки маълумотларга кўра, ҳалок бўлган болаларнинг икки нафари ҳайдовчининг фарзанди, яна икки нафари эса қўшнининг фарзандлари бўлган.

Айни пайтда прокуратура, ички ишлар ва фавқулодда вазиятлар хизмати ходимлари томонидан воқеа сабаблари ўрганилмоқда. Терговга қадар текширув ҳаракатлари олиб борилмоқда.

Telegram I Facebook I YouTube I Instagram

Термизда йўл четидаги 3 та банкомат ёниб кетди

Термиз шаҳрида жойлашган банк хизматлари офисига қарашли 3 та банкоматда ёнғин содир бўлди.

ФВБ маълумотига кўра, ҳодиса 2 июнь куни соат 04:14 да қайд этилган. Ёнғин-қутқарув экипажи воқеа жойига тез етиб бориб, ёнғинни 8 дақиқа ичида тўлиқ бартараф этган.

Ҳодиса оқибатида жабрланганлар йўқ. Ёнғиннинг келиб чиқиш сабаби ва етказилган моддий зарар миқдори аниқланмоқда.

Telegram I Facebook I YouTube I Instagram

Санэпидқўмита: Эбола вируси Ўзбекистон учун юқори хавф туғдирмаяпти

Санитария-эпидемиология қўмитаси маълум қилишича, Эбола вирусининг Ўзбекистон ҳудудига кириб келиши хавфи ҳозирча юқори эмас.

Қайд этилишича, жорий йилда Африка мамлакатларида касалликнинг 263 та ҳолати аниқланган бўлиб, асосий эпидемия ўчоғи Конго Демократик Республикаси ҳисобланади. Жаҳон соғлиқни сақлаш ташкилоти эса касалликнинг глобал пандемияга айланиш эҳтимолини паст деб баҳоламоқда.

Маълумотга кўра, мамлакатда эпидемиологик вазият барқарор бўлиб, давлат чегараларида келаётган фуқаролар устидан тиббий назорат олиб борилмоқда.

Мутахассислар аҳолига Эбола кенг тарқалган ҳудудларга сафар қилмаслик, шахсий гигиена қоидаларига риоя қилиш ва шубҳали аломатлар кузатилганда шифокорга мурожаат қилишни тавсия этди.

Telegram I Facebook I YouTube I Instagram

Тошкентда бугун ва эртага қисқа муддатли чанг-тўзонлар кузатилиши мумкин

Жаҳон метеорология ташкилотининг Чанг-қум бўронлари бўйича Пекин минтақавий маркази ҳамда Ўзгидромет маълумотларига кўра, 2–3 июнь кунлари Тошкент шаҳрида қисқа муддатли чанг-тўзон ҳодисалари кузатилиши эҳтимоли бор.

Мутахассисларнинг таъкидлашича, нам ҳаво массаларининг кириб келиши олдидан атмосферада беқарорлик юзага келиб, айрим ҳудудларда чанг кўтарилиши мумкин.

Прогнозларга кўра, бугун пойтахтда об-ҳаво ўзгарувчан бўлади. Куннинг иккинчи ярмида қисқа муддатли ёмғир ёғиши, айрим жойларда момақалдироқ кузатилиши кутилмоқда. Шунингдек, шамол тезлиги секундига 12–15 метргача кучайиши мумкин.

Telegram I Facebook I YouTube I Instagram

Самарқандда электромопед каналга қулади: 4 нафар бола ҳалок бўлди

31 май куни Самарқанд вилояти Пахтачи туманида юк ташиш учун мўлжалланган электромопед ҳайдовчиси бошқарувни йўқотиб, транспорт воситаси 8 нафар йўловчи билан бирга “Нарпай” каналига тушиб кетган.

Ҳодиса оқибатида 4 нафар фуқаро аҳоли томонидан қутқариб қолинган. Қолган 4 нафарнинг жасади қидирув-қутқарув ишлари давомида каналдан олиб чиқилган.

Дастлабки маълумотларга кўра, электромопедда ҳайдовчи, унинг турмуш ўртоғи ҳамда 6 нафар вояга етмаган бола бўлган.

Айни пайтда ҳодиса сабаблари ҳуқуқни муҳофаза қилувчи органлар томонидан ўрганилмоқда.

Telegram I Facebook I YouTube I Instagram

🌍 Бугун Экспомарказда экологик форум!

Жорий йилнинг 2 июнь санасида Самарқанд шахрида ўтказилаётган Экспомарказда экология ва иқлим ўзгаришига бағишланган йирик тадбир бўлиб ўтмоқда. Тонгдан буён бу ерда мутахассислар, халқаро ташкилотлар ва давлат вакиллари жам бўлиб, энг долзарб масалалар муҳокама қилинмоқда.

🌿 Асосий эътибор эса Оролбўйи ҳудуди ва иқлим ўзгаришининг оқибатларига қаратилди. Шунингдек, Амударё қуйи оқими ва Орол денгизи ҳавзасида экотизимни сақлаб қолиш бўйича муҳим сессия ўтказилди.

💧 Муҳокамалар марказида:
— табиий ресурсларни тиклаш
— “барқарорлик ороллари”ни яратиш
— биологик хавфсизликни таъминлаш

Айниқса, Картахена протоколи доирасидаги ташаббуслар ва Ўзбекистоннинг янги қадамлари алоҳида таъкидланди.

Расмий очилиш маросими эса экологик руҳда ўтди — қўшиқлар ва миллий рақслар орқали табиатни асраш ғояси тарғиб қилинди.

Telegram I Facebook I YouTube I Instagram

🔥 Термизда банкка тегишли 3 та банкоматда ёнғин содир бўлди

2 июнь куни соат 04:14 да Сурхондарё вилояти Термиз шаҳри “Дўстлик” МФЙ ҳудудида жойлашган Бизнесни ривожлантириш банкининг банк хизматлари офисида 3 та банкоматда ёнғин чиққани ҳақида хабар келиб тушди.

Фавқулодда вазиятлар вазирлиги маълумотига кўра, қутқарувчилар 04:19 да етиб бориб, ёнғинни 04:20 да қуршаб олган ва 04:28 да тўлиқ бартараф этган.

Ҳодиса оқибатида тан жароҳати олганлар йўқ. Ҳозирда ёнғин сабаблари ва моддий зарар миқдори аниқланмоқда.

Telegram I Facebook I YouTube I Instagram

💰 Сирдарё ва Жиззахда беморлардан 440 млн сўм асоссиз ундирилган

Рақобат қўмитаси ўрганишлари давомида Сирдарё ва Жиззах вилоятидаги тиббиёт муассасалари томонидан қарийб 350 минг нафар фуқародан жами 440 миллион сўмга яқин маблағ асоссиз равишда ундирилгани аниқланди.

Маълум бўлишича, Гулистон тиббиёт кластерида хизматлар нархи нотўғри ҳисобланиши оқибатида 100 мингга яқин истеъмолчидан қарийб 340 миллион сўм ортиқча ҳақ олинган.

Шунингдек, Республика ихтисослаштирилган она ва бола саломатлиги илмий-амалий тиббиёт марказининг Жиззах филиалида ҳам 40,5 мингга яқин мижоздан 100 миллион сўмдан ортиқ маблағ асоссиз ундирилган.

Мутасадди ташкилотларга маблағларни истеъмолчиларга қайтариш мажбурияти юклатилди.

Telegram I Facebook I YouTube I Instagram

Жиззахда фермерларнинг ҳақини кластердан олиб бериш вилоят прокурорининг қўлидан келадими?

Кластердан куйган фермерлар ҳақида бундан салкам икки ой олдин Effect.uz телеграм каналида «Жиззахда Фермерни ҳақини кластердан олиб бериш ҳеч кимнинг қўлидан келмайдими?» сарлавҳаси остида мақола ва YouTube каналида «кластердан куйганлар» деб номланган видеолар жойланиб унда Жиззахда фаолият кўрсатаётган «GROOP TEXTILE» кластери фермерлардан қабул қилиб олган пахта пулларини ҳанузгача тўлаб берилмаётгани танқид қилинган эди.

Ўша чиқишдан кейин Жиззах вилоят прокурори Бахтиёр Иброҳимов фуқаролар қабули ўтказаётганда мурожаатчи яъни кластердан ҳақдорлигини ололмаётган фермерлар ( "Зохид Достон", "Ғаллаорол чамани", "Тонгги сабо" ) билан эффект. Уз биргаликда прокурор қабулида бўлди.

Прокурор Бахтиёр Иброҳимов ушбу масала шахсан ўз назоратида эканлигини, фермерларга ҳақдорлигини тўлиқ ундириш бўйича ваколатидаги барча ишларни қилишлигини бундай адолатсизликларнинг бўлиши фермерларнинг қўлини ишдан совитишини афсус билан таъкидлаб кластернинг янги раҳбариман деб таништирган Озод Тилововга топшириқлар берди.

Ўшанда прокурорнинг бу гапларидан кейин фермерларнинг кўнгли анча жойига тушди. Янги раҳбар фермерларга тез орада пулларини ташлаб беришини айтди.

Ҳатто прокурорнинг ўзи баъзи бир солиқ ва бошқа ташкилотлар билан боғлиқ бўлиб турган муаммоларни ечилишида амалий ёрдам беришини айтди деди — Озод Тиловов. Биз ўшандан кейин кластер раҳбари билан ҳақдорлик тўланиши бўйича тез- тез гаплашиб турдик.

Толаларини сотиш учун биржага чиқарганини ва ҳайит арафасида толалар 2 млрд сўмга сотилганини бу пуллар фермерларга тўлаб берилиши керак бўлган барча ҳақдорликка етишини айтиб 1 июнда барча қарздорликни ёпишига ваъда берди.

Бугун 2 май 2026 йили мурожаатчи фермерлар айримларига тўлаб бериши керак бўлган пулнинг учдан бирини айримларига эса бир тийин пул бермаганини билдиришди. Пул бўлганча ваъдалар , гап сўзлар бошқача эди.

Шунда бир фермер танишимнинг бу кластерга раҳбар бўлиб ўтаётганда уларга қасам ичишга одамларни алдаш ва овора қилдиришга қасамёд қилдириб ишга оладими дейман деган аччиқ гапи ёдимга тушди.

Озод Тиловов Сиз ундай қасам ичмагансиз деган яхши гумонда қоламиз. Жиззах вилоят прокурори Бахтиёр Иброҳимов фермерларнинг ҳаққини олиб беришда ўз ваъдасида туришига ва назоратни бир дам ҳам сусайтирмаслигига ишонамиз.

Аъзам Хўжақулов

Telegram I Facebook I YouTube I Instagram

Шавкат Мирзиёев Санкт-Петербург халқаро иқтисодий форумида иштирок этади

Ўзбекистон Президенти Шавкат Мирзиёев Россия Президенти Владимир Путиннинг таклифига биноан 4–5 июнь кунлари амалий ташриф билан Санкт-Петербург шаҳрида бўлади.

Ташриф доирасида давлат раҳбари 29-Санкт-Петербург халқаро иқтисодий форумининг ялпи мажлисида иштирок этиб, нутқ сўзлайди.

Мазкур форум дунёнинг турли мамлакатларидан давлат арбоблари, йирик компаниялар раҳбарлари ва иқтисодий экспертларни жамлайдиган нуфузли халқаро майдон ҳисобланади. Унда глобал иқтисодиёт, инвестициялар ва халқаро ҳамкорлик масалалари муҳокама қилинади.

Telegram I Facebook I YouTube I Instagram