⚡️Сохта кадастр ҳужжатлари, 4,3 млрдлик кредит ва баҳсли суд қарорлари: Хоразмдаги можаро нега ҳалигача ечим топмаяпти?

450 минг долларлик мулк, 4,3 миллиард сўмлик кредит, сохта деб топилган кадастр ҳужжатлари ва бир неча йилдан буён давом этаётган суд жараёнлари. Хоразм вилоятидаги мазкур иш юзасидан фуқаро Дилдора Бекчанова навбатдаги мурожаат билан чиқиб, қатор ҳолатларга ҳуқуқий баҳо беришни талаб қилмоқда.

Хусусан:

— 4,3 миллиард сўмлик кредит ажратилиши жараёнини текширишни;
— банк масъуллари ҳаракатларига ҳуқуқий баҳо беришни;
— тергов жараёнида ҳуқуқий баҳо берилмаган ҳолатларни ўрганишни;
— 2022 йилда қабул қилинган суд қарорини қабул қилиш жараёнини таҳлил қилишни;
— сохта деб баҳоланган ҳужжатларни давлат реестрларидан чиқаришни;
— мазкур ҳужжатлар асосида амалга оширилаётган нотариал ва бошқа расмий ҳаракатларни тўхтатиш чораларини кўришни сўраган.

👉 https://effect.uz/n/161

Telegram I Facebook I YouTube I Instagram

Навоийда 2 минг нафар болакайнинг ранг-баранг кафт излари Халқаро болаларни ҳимоя қилиш кунининг бош тимсолига айланди

1 июнь — Халқаро болаларни ҳимоя қилиш куни муносабати билан Навоий вилоятида байрам тадбирлари кўтаринки руҳда ўтказилмоқда.

Алишер Навоий номидаги истироҳат боғида 2 мингдан ортиқ болажонлар ранг-баранг кафт изларини қолдириб, куннинг энг гўзал суратини яратишди. Бу ерда қизиқарли концертлар, интерактив ўйинлар ва томошалар ташкил этилди. Вилоят ҳокими Нормат Турсунов ҳам тадбирда қатнашиб, болалар билан самимий мулоқот қилди ва эзгу тилакларини билдирди.

Байрам шукуҳи шифохоналарда даволанаётган болажонларни ҳам четлаб ўтмади. Улар учун махсус дастурлар уюштирилиб, совғалар улашилди. Бу тадбирлар юртимизда ёш авлодга қаратилаётган юксак эътиборнинг амалий ифодаси бўлди.

Telegram I Facebook I YouTube I Instagram

Навоий шаҳридаги 9 қаватли уйда ёнғин содир бўлди

Навоий шаҳридаги кўп қаватли турар жой биносида ёнғин содир бўлди. Ҳодиса бугун, 2 июнь куни соат 04:19 да “112” тизими орқали Фавқулодда вазиятлар хизматига хабар қилинган.

Маълум қилинишича, ёнғин Навоий шаҳрининг “Кимёгар” маҳалласида жойлашган Алишер Навоий кўчасидаги 9 қаватли турар жой биносининг том қисмида юзага келган.

Воқеа жойига 7 та ёнғин-қутқарув бўлинмаси ҳамда 2 та автонарвон жалб этилган. Қутқарувчилар соат 04:23 да етиб бориб, ёнғинни соат 04:35 да ўраб олган ва соат 05:35 да тўлиқ бартараф этган.

Дастлабки маълумотларга кўра, бинодаги 9-қаватда жойлашган 8 та хонадоннинг том қисми, шифт ва ички қисми жами 300 квадрат метр майдонда ёнган.

Қайд этилишича, ҳодиса оқибатида ҳалок бўлганлар ва жабрланганлар йўқ. Айни пайтда ёнғиннинг келиб чиқиш сабаблари аниқланмоқда.

Telegram I Facebook I YouTube I Instagram

Қўқонда 2 килограммдан ортиқ гашиш ва минглаб кучли таъсир қилувчи дорилар мусодара қилинди

Фарғона вилоятида контрабанда йўли билан олиб кирилган гиёҳвандлик воситалари ва кучли таъсир қилувчи дори воситалари мусодара қилинди. Бу ҳақда Давлат хавфсизлик хизмати маълум қилди.

Қайд этилишича, ДХХнинг Фарғона вилояти бўйича бошқармаси ходимлари томонидан Ички ишлар ва Божхона органлари билан ҳамкорликда ўтказилган тезкор тадбир давомида Қўқон шаҳрида ҳаракатланаётган “Damas” автомашинаси тўхтатилган.

Кўздан кечириш жараёнида автомашина салонидан 2 килограмм 40 грамм “гашиш” гиёҳвандлик моддаси ҳамда 5600 дона “Regapen” номли кучли таъсир қилувчи дори воситаси аниқланиб, процессуал тартибда мусодара қилинган.

Терговга қадар текширувларда аниқланишича, 1995 йилда туғилган Фарғона туманида яшовчи фуқаро мазкур гиёҳвандлик воситаларини Қирғизистондаги жиноий шеригидан қабул қилиб олган ва уларни Қўқон шаҳрида сотишни режалаштирган.

Ҳозирда ушбу шахсга нисбатан жиноят иши қўзғатилган. Суднинг қарори билан унга нисбатан қамоқ эҳтиёт чораси қўлланилган.

Telegram I Facebook I YouTube I Instagram