Президент Халқ қабулхонасининг расмий ахборот саҳифалари иш бошлади

Фуқаролар билан очиқ ва тезкор мулоқотни таъминлаш мақсадида Президент Халқ қабулхонасининг Телеграм мессенжеридаги расмий канали ҳамда Facebook ва Instagram ижтимоий тармоқларидаги саҳифалари фаолияти йўлга қўйилди.

Мазкур платформалар орқали:
🔹 Президент Халқ қабулхонаси ва ҳудудлардаги Халқ қабулхоналари фаолиятига оид янгиликлар;
🔹 фуқаролар мурожаатлари билан ишлаш жараёнларига доир муҳим ахборот ва маълумотлар;
🔹 аҳолига фойдали тавсия ҳамда тушунтиришлар мунтазам ёритиб борилади.

Telegram I Facebook I YouTube I Instagram

Шайҳонтоҳурдаги суд сув сабаб қолдирилдими?

Бугун, 13 май куни Жиноят ишлари бўйича Шайҳонтоҳур тумани судида судья Сирожиддин Хасанов раислигида фирибгарлик ва товламачиликка оид жиноят иши бўйича навбатдаги суд жараёни бўлиб ўтди.

Бироқ суд биносида сув-коммунал хўжалиги билан боғлиқ муаммолар юзага келгани сабабли муҳокама тўлиқ давом эттирилмади.

Суд жараёни келаси душанба куни соат 09:00 га қолдирилди.

Telegram I Facebook I YouTube I Instagram

Юнусободда ўзини электр тармоғи ходими деб таништирган шахс ушланди

Бош прокуратура ҳузуридаги Департаментнинг Тошкент шаҳри Юнусобод тумани бўлими ҳамда бошқа ҳуқуқни муҳофаза қилувчи органлар томонидан ўтказилган тезкор тадбирда фуқаро Д.Й. қўлга олинди.

Маълум бўлишича, у ўзини электр тармоқлари корхонаси ходими сифатида таништириб, фуқаро хонадонида электр тармоғига ноқонуний уланиш ҳолати бўйича далолатнома тузмаслик ва ҳисоблагични “таъмирлаб бериш” эвазига 9,4 миллион сўм талаб қилган.

Гумонланувчи пулни олаётган вақтида ашёвий далиллар билан ушланган.

Ҳолат юзасидан Жиноят кодексининг 168-моддаси — фирибгарлик билан жиноят иши қўзғатилиб, тергов ҳаракатлари олиб борилмоқда.

Telegram I Facebook I YouTube I Instagram

Бош прокуратура номи билан пул талаб қилган шахслар ушланди

2026 йил 12 май куни фуқаро А.А. Бош прокурор номига мурожаат қилиб, ўзини гўёки Бош прокуратура ходими сифатида таништирган “Жасур” исмли шахс укасининг қидирувини бекор қилиш учун 5 минг доллар сўраётганини маълум қилди.

Шундан сўнг Бош прокуратура Комплаенс хизмати ва Шахсий хавфсизлик бошқармаси томонидан тезкор тадбир ўтказилди. Унда фуқаро Ж.Н. прокуратура тизимида ишлашини айтиб, айбланувчига нисбатан қўлланган қамоқ эҳтиёт чорасини ўзгартириш ва қидирувни бекор қилиш эвазига А.А.дан шериги А.Х. билан бирга 5 минг доллар олган вақтида қўлга олинди.

Ҳолат юзасидан Яшнобод тумани бўлими томонидан Ж.Н. ва бошқаларга нисбатан фирибгарлик ҳамда пора беришга далолат қилиш моддалари билан жиноят иши қўзғатилган.

Telegram I Facebook I YouTube I Instagram

Фермерларга енгиллик: озуқа омбори ва силос учун 20 сотих ер ажратилади

Ўзбекистонда чорвачилик соҳасини ривожлантириш ва яйловлардан самарали фойдаланиш мақсадида Қишлоқ хўжалиги вазирлиги ҳузурида Чорвачилик ва яйлов хўжалигини ривожлантириш агентлиги ташкил этилди.

Янги агентлик олдига қорамоллар сонини 16,5 миллионга, қўй ва эчкилар сонини 30 миллионга, паррандалар сонини эса 141 миллионга етказиш вазифаси қўйилди.

Шунингдек: — гўшт ва сутни қайта ишлаш даражасини 50 фоизга, — наслдор қорамоллар улушини 90 фоизга, — озуқабоп экин майдонларини эса 1,5 бараварга ошириш режалаштирилган.

Озиқ-овқат базасини мустаҳкамлаш ва наслчиликни яхшилаш мақсадида Қорақалпоғистон ҳамда ҳар бир вилоятдан биттадан туман чорвачиликка ихтисослаштирилади. Ушбу ҳудудларда пахта ва ғалла майдонларининг 50 фоизида озуқабоп экинлар экишга рухсат берилади ҳамда бу ишлар учун 10 фоизли имтиёзли кредитлар ажратилади.

Эндиликда барча фермер хўжаликларига ижара ерларининг 20 сотих қисмида ортиқча бюрократиясиз енгил конструкцияли бинолар, озуқа омборлари ва силос ўралари қуришга рухсат берилади.

Йил якунига қадар камида 10 гектар ери мавжуд 28 минг 746 та фермер хўжалигида 2 миллион бош қорамол боқишни ташкил этиш режалаштирилган.

Telegram I Facebook I YouTube I Instagram

Ўзбекистонда сафарбарлик соҳасини тартибга солувчи ягона қонун ишлаб чиқилмоқда

Олий Мажлисда “Сафарбарлик тайёргарлиги ва сафарбарлик тўғрисида”ги қонун лойиҳаси биринчи ўқишда кўриб чиқилиб, депутатлар томонидан маъқулланди.

Қонун лойиҳасида сафарбарлик тайёргарлиги ва сафарбарликнинг асосий мақсадлари, тамойиллари ҳамда устувор йўналишлари белгилаб қўйилмоқда. Шунингдек, давлат органлари, ташкилотлар ва фуқаролар йиғиниларнинг бу борадаги ваколат ва мажбуриятлари аниқ ифодаланган.

Лойиҳада “сафарбарлик тайёргарлиги” ва “сафарбарлик” тушунчалари илк бор комплекс ҳуқуқий асосда очиб берилмоқда. Унда умумий ёки қисман сафарбарлик эълон қилиш тартиби, давлат идоралари ҳамда иқтисодиёт тармоқларини уруш даври шароитига ўтказиш механизмлари ҳам назарда тутилган.

Ҳужжатга кўра, фавқулодда шароитларда озиқ-овқат, ёқилғи, транспорт, алоқа ва тиббий хизмат каби муҳим тизимларнинг узлуксиз ишлаши таъминланади.

Шу билан бирга, сафарбарликка жалб этилган фуқаролар учун иш ўрнини сақлаб қолиш, кредит тўловларини кечиктириш ва етказилган зарарни қоплаш каби ижтимоий кафолатлар мустаҳкамланмоқда.

Депутатлар таъкидлашича, мазкур қонун мамлакат мудофаа салоҳиятини кучайтириш, Қуролли Кучларнинг шайлигини ошириш ҳамда давлат суверенитети ва ҳудудий яхлитлигини таъминлашда муҳим аҳамиятга эга бўлади.

Telegram I Facebook I YouTube I Instagram

Ходимлар бир неча ойдирки ҳақларини кутмоқда

Сергели туманидаги “Тараққиёт” ўқув марказида фаолият юритган бир гуруҳ ходимлар бир неча ойдан буён ойлик маошларини ололмаётганини билдирмоқда.

Улар масалани бир неча бор кўтарган бўлса-да, марказ вакиллари томонидан аниқ ва расмий изоҳ берилмаяпти.

Ҳолат жамоатчилик орасида саволларни кучайтирмоқда. Меҳнат қилган инсон ўз ҳақини қачон олади — айни пайтдаги асосий савол шу.

Telegram I Facebook I YouTube I Instagram

Тилидан "бол"томаётган ҳоким ўринбосари

Куни кеча саҳифамиз орқали Қарши шаҳридаги «Батош» МФЙ ҳоким ёрдамчиси Шавкат Анваровнинг мурожаати юзасидан қисқача маълумот берилган эди.

Шундан сўнг таҳририятга мурожаатчи томонидан навбатдаги аудио ва видеоёзувлар келиб тушди. Таъкидланишича, ушбу материалларда Қарши шаҳар ҳокимининг 1 ўринбосари билан мулоқоти ҳамда уларга нисбатан ишлатган кескин «иборали» сўзлари акс этган.

Жумладан, бизга тақдим этган видеода «Кўчама-кўча юриб, хонадонбай юриб ўласанми?» мазмунидаги гаплар акс этган

Шу билан бирга, шаҳар ҳокими раҳбарлигида 11 май куни соат 07:30 да Zoom платформаси орқали йиғилиш ўтказилиши режалаштирилган.

Мурожаатчи ушбу ҳолат юзасидан юқори турувчи ташкилотлар томонидан тегишли чора кўрилишини сўраб қолган.

Effect.uz мазкур ҳолат юзасидан вазият ривожини кузатишда ҳамда масала тафсилотларини ўрганишда давом этади.

Telegram I Facebook I YouTube I Instagram

Тошкент метросида хавфсизлик кучайтирилади ва янги линия қурилиши режалаштирилмоқда

“Шаҳристон” метро бекати платформаларида синов тариқасида ойнали ҳимоя тўсиқларини ўрнатиш таклиф қилинди. Халқаро тажрибага кўра, бундай тўсиқлар бахтсиз ҳодисаларни 80–90 фоизгача камайтиришга ёрдам беради.

Шу билан бирга, ҳимоя тўсиқлари орқали қўшимча реклама майдонлари яратилиб, метро даромадларини ошириш имконияти ҳам кўриб чиқилмоқда.

Тақдимотда янги метро линиялари қурилиши масаласи ҳам муҳокама қилинди. Жумладан, “Мингўрик — Чилонзор буюм бозори” йўналиши бўйича лойиҳа ҳужжатларини ишлаб чиқиш режалаштирилган.

Лойиҳа икки босқичда амалга оширилиши мумкин: — биринчи босқичда “Мингўрик — Жанубий вокзал”; — иккинчи босқичда “Жанубий вокзал — Чилонзор буюм бозори” йўналишлари қурилиши ўрганилади.

Telegram I Facebook I YouTube I Instagram

Фарғонада товламачиликда гумонланган аёл қўлга олинди

Товламачилик йўли билан 300 миллион сўмни қўлга киритган аёл ҳуқуқни муҳофаза қилувчи органлар томонидан ушланган.

Маълум қилинишича, гумонланувчилар кейинчалик ўша жабрланувчидан яна 1000 АҚШ доллари ҳамда телефон аппаратини олишга уринган вақтида фош этилган.

Ҳозирда ҳолат юзасидан тегишли тартибда тергов-суриштирув ишлари олиб борилмоқда.

Telegram I Facebook I YouTube I Instagram

Тошкентда президент ва унинг оиласи ҳақида ҳақоратли изоҳ ёзган эркак жазоланди

Тошкент шаҳрида 61 ёшли фуқаро ижтимоий тармоқда Ўзбекистон президенти ва унинг оила аъзолари ҳақида ҳақоратомуз изоҳ қолдиргани учун суд қилинди.

Суд материалларига кўра, эркак Instagramʼдаги видеолар остида обрўсизлантирувчи ва ёлғон мазмундаги фикрлар ёзган. Натижада унга тегишли миқдорда жарима жазоси тайинланган.

Судда эркак айбига иқрор бўлиб, изоҳларни маст ҳолатда ёзиб юборганини ва қилмишидан пушаймон эканини билдирган.

Telegram I Facebook I YouTube I Instagram

Солиқ тизимида янги тайинловлар: 35 нафар раҳбар лавозимига киришди

​Республика бўйлаб солиқ инспекцияларига янги раҳбарлар тайинланди. Ҳудудлар кесимида рўйхат билан танишинг:

​🔹 Андижон вилояти
​Бўстон тумани: Шамсутдинов Алибек Рашид ўғли
​Марҳамат тумани: Эркабоев Фазлиддин Шаробидинович
​Пахтаобод тумани: Маматов Камолиддин Рахимжонович

​🔹 Жиззах вилояти
​Фориш тумани: Исламов Жасурбек Нематович
​Янгиобод тумани: Мустафакулов Кобилжон Набижанович

​🔹 Қашқадарё вилояти
​Қарши шаҳри: Хомидов Аъзам Ташканович
​Кўкдала тумани: Собиров Шоҳбоз Соибқирон ўғли
​Муборак тумани: Ниёзова Сугдиёна Мехмоновна
​Шаҳрисабз тумани: Садуллаев Искандар Асадович

​🔹 Қорақалпоғистон Республикаси
​Кегейли тумани: Рисназаров Руслан Мамбетбайевич
​Нукус шаҳри: Сеитов Айдос Искендерович
​Чимбой тумани: Артиков Султан Жарилкаганович

​🔹 Навоий вилояти
​Ғозғон шаҳри: Умарова Захро Фурқат қизи
​Қизилтепа тумани: Пирматов Умиджон Каримович

​🔹 Наманган вилояти
​Чортоқ тумани: Турғунов Сардор Махмудович

​🔹 Самарқанд вилояти
​Жомбой тумани: Ғафуров Фируз Курбонбойевич
​Каттақўрғон тумани: Отамуродов Муродали Юсупович

​🔹 Сирдарё вилояти
​Ширин шаҳри: Абдукаюмова Мунира Сафаровна

​🔹 Сурхондарё вилояти
​Ангор тумани: Худойқулов Илхом Юлдашович
​Термиз тумани: Шотураева Мафтуна Элтураевна
​Узун тумани: Хушвактов Абдурахмон Шукурович
​Шўрчи тумани: Назаров Акмалиддин Салохиддинович

​🔹 Тошкент вилояти
​Оҳангарон тумани: Муминов Анвар Умирзоқ ўғли
​Қибрай тумани: Бобоев Ровшан Одилович
​Янгийўл шаҳри: Шамшиев Шерзод Султанович

​🔹 Фарғона вилояти
​Бағдод тумани: Махсудов Ахроржон Баходирович
​Бешариқ тумани: Фозилов Улуғбек Эгамбердийевич
​Қува тумани: Бекмирзаев Куёшбек Холматович
​Қўқон шаҳри: Хамракулов Акмалжон Алиевич
​Олтиариқ тумани: Тожиусмонов Бехзод Фурқат ўғли
​Сўх тумани: Мамажонов Рашиджон Мамажонович
​Фарғона тумани: Султонов Ихтиёржон Муроджонович
​Фарғона шаҳри: Полвонов Назаржон Джуманазарович

​🔹 Хоразм вилояти
​Боғот тумани: Ахмедов Санжарбек Сабирович
​Гурлан тумани: Рўзимов Сарвар Ахмаджонович

​
Telegram I Facebook I YouTube I Instagram