Йил якунигача 1 800 та янги автобус олиб келинади

Президент Шавкат Мирзиёев йил якунига қадар 1 800 та замонавий автобус харидини молиялаштириш бўйича топшириқ берди. Бу ҳақда транспорт вазири Илҳом Маҳкамов маълум қилди.

Унинг айтишича, 2026 йил охиригача тадбиркорларга автобус сотиб олиш учун алоҳида банк кредитлари ажратилади. Мазкур чоралар жамоат транспорти тизимини янада ривожлантириш ва аҳолига қулайлик яратишга қаратилган.

Шунингдек, Миллий банк жорий йилнинг ўзида 1 000 та автобус хариди учун 100 миллион доллар миқдорида кредит ажратишни режалаштирмоқда. Харид қилинадиган транспорт воситаларининг 600 таси газ двигателли, 400 таси эса замонавий электробуслардан иборат бўлади.

Telegram I Facebook I YouTube I Instagram

Фарғона вилоятининг Данғара туманида темир йўлга чиққан маст фуқаро ҳаракатланаётган поездни тўхтатмоқчи бўлди

Ҳодиса вақтида фуқаро темир йўлга чиқиб, ҳаракатланиб кетаётган поезд йўлини тўсишга уринган.

Telegram I Facebook I YouTube I Instagram

Наманганда сел сой устидаги кўприкни олиб кетди

Тарқалган видеоларда кучли сел оқими оқибатида кўприк вайрон бўлганини кўриш мумкин.

Айтилишича, ҳодиса содир бўлган ҳудудда ҳайдовчи ва йўловчиларни огоҳлантирувчи хавфсизлик белгилари ёки чеклов чоралари ўрнатилмаган.

Telegram I Facebook I YouTube I Instagram

Ўзбекистонда UFC бўйича гаров ўйинлари билан боғлиқ аянчли ҳолат муҳокамаларга сабаб бўлмоқда

Ижтимоий тармоқларда тарқалган маълумотларга кўра, икки нафар ёш йигит Ҳамзат Чимаев ғалабасига катта миқдорда пул тиккан. Айтилишича, улар гаров учун кредит олган, автомашиналарини сотган ва айрим мол-мулкларини гаровга қўйган. Жанг натижасидан кейин эса оғир қарздорликка дуч келгани айтилмоқда.

Ҳозирча мазкур ҳолат юзасидан расмий идоралар томонидан тўлиқ маълумот берилмаган.

Мутахассислар қимор ва гаров ўйинлари инсонни оғир молиявий ҳамда руҳий муаммоларга олиб келиши мумкинлигини таъкидламоқда.

Telegram I Facebook I YouTube I Instagram

Энди ўрта махсус маълумотли боғча ходимлари учун олий таълим олиш имконияти яратилади

Президент фармонига кўра, 2026/2027 ўқув йилидан бошлаб бир қатор янги тартиблар жорий этилади.

➖ Мактабгача таълим ташкилотларида ишлаётган ўрта махсус маълумотли педагоглар учун дуал таълим тизими йўлга қўйилади. Унга кўра, ходимлар ҳафтасининг бир куни олийгоҳда таҳсил олиб, беш куни амалиётни боғчада давом эттиради.

➖ Дастур Мактабгача ва мактаб таълими вазирлиги ҳамда Олий таълим, фан ва инновациялар вазирлиги ҳамкорлигида давлат ва нодавлат боғчалар ходимлари учун ташкил этилади.

➖ Таълим тўлов-шартнома асосида амалга оширилади ва талабаларнинг амалиётини методик таъминлаш ҳамда баҳолаш механизмлари жорий қилинади.

➖ Шунингдек, янги ташкил этиладиган давлат боғчаларига биринчи навбатда олий маълумотли тарбиячилар ишга қабул қилинади.

➖ Тарбиячиларни ишга қабул қилиш танлов асосида амалга оширилади.

Telegram I Facebook I YouTube I Instagram

Ўзбекистон миллий терма жамоаси мураббийлар штабига италиялик мутахассис Aldo Esposito қўшилди

Uzbekistan Football Association маълумотига кўра, у футболчиларнинг тикланиш ва реабилитация жараёнларига масъул бўлади.

Эспозито фаолияти давомида Juventus FC ҳамда Italy national football teamда ишлаган. Шунингдек, у Жаҳон ва Европа чемпионатлари ҳамда Чемпионлар лигасида қатнашган жамоалар билан фаолият олиб борган.

Айни пайтда терма жамоа Тошкентда йиғинини ўтказмоқда ва тайёргарликдан сўнг Жаҳон чемпионати баҳсларига йўл олади.

Telegram I Facebook I YouTube I Instagram

Наманганда 11-синф ўқувчиси фожиали ҳолат қурбони бўлди

Бош прокуратура матбуот котиби Ҳаёт Шамсуддинов маълум қилишича, жорий йил 6 май куни Наманган вилояти Косонсой туманида йигит ва у билан унаштирилган қиз ўртасида рашк сабаб жанжал келиб чиққан.

Тергов маълумотларига кўра, йигит қизга пичоқ билан тан жароҳати етказган ва воқеа жойидан кетган. Қиз эса оғир аҳволда шифохонага олиб борилган, аммо шифокорлар унинг ҳаётини сақлаб қола олмаган.

Ҳолат юзасидан жиноят иши қўзғатилиб, гумонланувчи процессуал тартибда ушланган.

Telegram I Facebook I YouTube I Instagram

Ўзбекистон ўсмирлар терма жамоаси U-17 Жаҳон чемпионатига йўл олди

10 май куни Саудия Арабистонида ўтаётган AFC U-17 Asian Cup мусобақасининг D гуруҳи 2-турида Uzbekistan national under-17 football team Ҳиндистонни 3:0 ҳисобида мағлуб этди.

Аввалроқ Австралия ҳам Ҳиндистон устидан 4:0 ҳисобида ғалаба қозонганди. Шу тариқа Ўзбекистон ва Австралия чорак финалга чиқишни муддатидан олдин таъминлади.

Натижада ҳар икки жамоа Қатарда бўлиб ўтадиган FIFA U-17 World Cup йўлланмасини ҳам қўлга киритди.

Telegram I Facebook I YouTube I Instagram

Наманган вилоятининг Косонсой туманида 11-синф ўқувчиси бўлган қиз пичоқланиши оқибатида вафот этгани ҳақида хабарлар тарқалмоқда.

Дастлабки маълумотларга кўра, битирув кечаси учун тиктирилган кўйлак сабаб унаштирилган йигити билан ўртасида келишмовчилик келиб чиққан. Оқибатда қизга пичоқ билан тан жароҳати етказилгани айтилмоқда.

Ҳолат юзасидан ҳуқуқни муҳофаза қилувчи органлар томонидан текширув ишлари олиб борилмоқда..

Telegram I Facebook I YouTube I Instagram

Бухорода 40 нафар боғча боласини олиб кетаётган автобус ҳайдовчиси маст ҳолатда экани аниқланди.

Ромитан туманида ЙҲХБ ходимлари томонидан ўтказилган текширувда ҳайдовчининг спиртли ичимлик таъсирида экани маълум бўлган. Шундан сўнг автобус ҳаракати зудлик билан тўхтатилиб, болаларнинг хавфсизлиги таъминланган.

Ҳайдовчига нисбатан одам ташиш қоидаларини бузиш, ИИО ходимларининг қонуний талабини бажармаслик ва бошқа қоидабузарликлар бўйича маъмурий чора кўрилган..

Telegram I Facebook I YouTube I Instagram

Тошкентда кучли ёмғирдан кейин дарёда қолиб кетган балиқчи қутқарилди.

11-майга ўтар кечаси Янгихayot тумани ҳудудидан оқиб ўтувчи Чирчиқ дарёсига балиқ овлаш учун борган фуқаро сув сатҳи кескин кўтарилиши оқибатида дарёдаги оролчада қолиб кетган.

Воқеа жойига зудлик билан етиб борган Тошкент шаҳар ФВБ қутқарувчилари фуқарони хавфсиз ҳудудга олиб чиқиб, унинг ҳаётини сақлаб қолган.

Telegram I Facebook I YouTube I Instagram

Камида 5 йиллик меҳнат стажига эга хотин-қизлар учун тавсиянома бериш бошланди

Мутахассислиги бўйича камида 5 йил иш стажига эга, аммо олий маълумоти бўлмаган хотин-қизларга давлат олий таълим муассасаларига алоҳида қабул параметрлари асосида ўқишга кириш учун тавсиянома бериш жараёни старт олди.

Имтиёздан фойдаланиш учун Оила ва хотин-қизлар қўмитаси томонидан берилган тавсиянома талаб этилади.

Тавсиянома олиш тартиби ва талаблар ҳақида батафсил маълумотни видеоролик орқали билиб олиш мумкин.

Telegram I Facebook I YouTube I Instagram

Навоийда амма куёвини ўлдириш учун қотил ёллади

Навоий вилоятининг Зарафшон шаҳрида 54 ёшли аёл куёвини ўлдириш мақсадида икки нафар шахс билан келишгани маълум қилинди.

Айтилишича, ёш оиладаги тортишувлар келиннинг аммасининг ғазабига сабаб бўлган. Дастлаб у куёвини “ақлини киритиб қўйиш”ни режалаштирган, кейинчалик эса уни ўлдиришга қарор қилиб, бу иш учун 40 миллион сўм эвазига икки кишини ёллаган.

Навоий вилояти Ички ишлар бошқармаси ходимлари томонидан ўтказилган тезкор тадбир давомида суиқасд саҳнаси ташкил этилган ва видеотасма аёлга юборилган. Аёл эса видеони қабул қилиб, келишилган пулнинг 2,3 миллион сўмини ёлланган шахслар картасига ўтказган.

Шундан сўнг у тезкор тадбир давомида қўлга олинган. Ҳозирда мазкур ҳолат юзасидан жиноят иши қўзғатилиб, дастлабки тергов ҳаракатлари олиб борилмоқда.

Telegram I Facebook I YouTube I Instagram

“Мутлақо қабул қилиб бўлмайди”: Трамп Эрон таклифини рад этди

АҚШ Президенти Дональд Трамп Эроннинг янги тинчлик таклифларини кескин рад этиб, уни Truth Social’да “мутлақо қабул қилиб бўлмайди” деб баёнот берди.

Маълумотларга кўра, Эрон АҚШга бир неча саҳифали режани Покистон орқали юборган. ёзишича, таклифда ядровий дастур бўйича музокаралар, Ҳормуз бўғозини босқичма-босқич очиш ва уран захираларининг бир қисмини учинчи давлатга бериш назарда тутилган.

Эвазига санкцияларни юмшатиш ва денгиз блокадасини бекор қилиш сўралган. Бироқ Эрон ядровий объектларни тўлиқ демонтaж қилишдан бош тортган.

Эроннинг “Tasnim” агентлиги эса Трампнинг баёноти Теҳрон учун аҳамиятсиз эканини билдириб, Эрон музокараларда фақат миллий манфаатлардан келиб чиқишини таъкидлаган..

Telegram I Facebook I YouTube I Instagram