АҚШнинг Денвер аэропортида фожеали ҳодиса юз берди: учиш-қўниш йўлагига чиқиб кетган эркакни самолёт уриб юборди

Маълум қилинишича, шахси ҳозирча аниқланмаган эркак аэропорт ҳудудидаги тўсиқдан ошиб ўтиб, орадан икки дақиқа ўтгач учиш-қўниш йўлагига чиққан.

Шу вақтда ҳаракатланаётган Airbus A321 русумли йўловчи самолёти уни уриб юборган. Оғир жароҳат олган эркак воқеа жойида ҳалок бўлган.

Ҳодиса юзасидан текширув ишлари олиб борилмоқда.

Telegram I Facebook I YouTube I Instagram

Ўзбекистонда солиқ тушумлари кескин ошди

2026 йилнинг биринчи чорагида Ўзбекистонда жами солиқ тушумлари 63,6 трлн сўмни ташкил қилди. Бу ўтган йилнинг мос даврига нисбатан 24 фоизга кўпдир.

Энг катта тушум фойда солиғи ҳиссасига тўғри келиб, ушбу кўрсаткич 20,4 трлн сўмга етган. Йиллик ўсиш 43 фоизни ташкил этган.

ҚҚС бўйича тушумлар 12,5 трлн сўмга етди ва 27 фоизга ошди. Жисмоний шахслар даромад солиғи эса 10,7 трлн сўмни ташкил қилиб, 15 фоизлик ўсиш қайд этилди.

Шунингдек, ер солиғи 2,8 трлн сўмга, мол-мулк солиғи 2,3 трлн сўмга етган. Айланмадан олинадиган солиқ ҳажми 0,6 трлн сўмни ташкил этган.

Сув ресурсларидан фойдаланиш солиғи бўйича тушумлар эса 82 фоизга ошиб, 0,4 трлн сўмга етган.

Қурилиш, ишлаб чиқариш ва хизмат кўрсатиш соҳаларида фаолият юритаётган корхоналар ҳам бюджетга катта миқдорда солиқ тўлагани маълум қилинди.

Telegram I Facebook I YouTube I Instagram

Президент Шавкат Мирзиёев иштирокида Москва шаҳрида Ғалабанинг 81 йиллигига бағишланган тантанали тадбирлар бўлиб ўтди

Тадбирларда Иккинчи жаҳон уруши қатнашчилари хотирасига ҳурмат кўрсатилиб, ғалабага ҳисса қўшган халқлар жасорати эътироф этилди.

Telegram I Facebook I YouTube I Instagram

Қозоғистонда аёлни машина босиб, сўнг устидан юриб кетди

9 май куни Қозоғистоннинг Кокшетау шаҳридаги турар жой бинолари ҳовлисига кириш қисмида йўл-транспорт ҳодисаси содир бўлди.

Автомобиль бир аёлни уриб юборган, сўнг унинг устидан босиб ўтган. Ҳодиса кузатув камерасига ёзиб олинган.

Ушбу ҳолат юзасидан жиноий иш қўзғатилган. Ҳозирда тергов доирасида ЙТҲнинг келиб чиқиш сабабларини аниқлаш бўйича зарур суриштирув ишлари олиб борилмоқда.

Telegram I Facebook I YouTube I Instagram

Йил якунигача 1 800 та янги автобус олиб келинади

Президент Шавкат Мирзиёев йил якунига қадар 1 800 та замонавий автобус харидини молиялаштириш бўйича топшириқ берди. Бу ҳақда транспорт вазири Илҳом Маҳкамов маълум қилди.

Унинг айтишича, 2026 йил охиригача тадбиркорларга автобус сотиб олиш учун алоҳида банк кредитлари ажратилади. Мазкур чоралар жамоат транспорти тизимини янада ривожлантириш ва аҳолига қулайлик яратишга қаратилган.

Шунингдек, Миллий банк жорий йилнинг ўзида 1 000 та автобус хариди учун 100 миллион доллар миқдорида кредит ажратишни режалаштирмоқда. Харид қилинадиган транспорт воситаларининг 600 таси газ двигателли, 400 таси эса замонавий электробуслардан иборат бўлади.

Telegram I Facebook I YouTube I Instagram

Фарғона вилоятининг Данғара туманида темир йўлга чиққан маст фуқаро ҳаракатланаётган поездни тўхтатмоқчи бўлди

Ҳодиса вақтида фуқаро темир йўлга чиқиб, ҳаракатланиб кетаётган поезд йўлини тўсишга уринган.

Telegram I Facebook I YouTube I Instagram

Наманганда сел сой устидаги кўприкни олиб кетди

Тарқалган видеоларда кучли сел оқими оқибатида кўприк вайрон бўлганини кўриш мумкин.

Айтилишича, ҳодиса содир бўлган ҳудудда ҳайдовчи ва йўловчиларни огоҳлантирувчи хавфсизлик белгилари ёки чеклов чоралари ўрнатилмаган.

Telegram I Facebook I YouTube I Instagram

Ўзбекистонда UFC бўйича гаров ўйинлари билан боғлиқ аянчли ҳолат муҳокамаларга сабаб бўлмоқда

Ижтимоий тармоқларда тарқалган маълумотларга кўра, икки нафар ёш йигит Ҳамзат Чимаев ғалабасига катта миқдорда пул тиккан. Айтилишича, улар гаров учун кредит олган, автомашиналарини сотган ва айрим мол-мулкларини гаровга қўйган. Жанг натижасидан кейин эса оғир қарздорликка дуч келгани айтилмоқда.

Ҳозирча мазкур ҳолат юзасидан расмий идоралар томонидан тўлиқ маълумот берилмаган.

Мутахассислар қимор ва гаров ўйинлари инсонни оғир молиявий ҳамда руҳий муаммоларга олиб келиши мумкинлигини таъкидламоқда.

Telegram I Facebook I YouTube I Instagram

Энди ўрта махсус маълумотли боғча ходимлари учун олий таълим олиш имконияти яратилади

Президент фармонига кўра, 2026/2027 ўқув йилидан бошлаб бир қатор янги тартиблар жорий этилади.

➖ Мактабгача таълим ташкилотларида ишлаётган ўрта махсус маълумотли педагоглар учун дуал таълим тизими йўлга қўйилади. Унга кўра, ходимлар ҳафтасининг бир куни олийгоҳда таҳсил олиб, беш куни амалиётни боғчада давом эттиради.

➖ Дастур Мактабгача ва мактаб таълими вазирлиги ҳамда Олий таълим, фан ва инновациялар вазирлиги ҳамкорлигида давлат ва нодавлат боғчалар ходимлари учун ташкил этилади.

➖ Таълим тўлов-шартнома асосида амалга оширилади ва талабаларнинг амалиётини методик таъминлаш ҳамда баҳолаш механизмлари жорий қилинади.

➖ Шунингдек, янги ташкил этиладиган давлат боғчаларига биринчи навбатда олий маълумотли тарбиячилар ишга қабул қилинади.

➖ Тарбиячиларни ишга қабул қилиш танлов асосида амалга оширилади.

Telegram I Facebook I YouTube I Instagram

Ўзбекистон миллий терма жамоаси мураббийлар штабига италиялик мутахассис Aldo Esposito қўшилди

Uzbekistan Football Association маълумотига кўра, у футболчиларнинг тикланиш ва реабилитация жараёнларига масъул бўлади.

Эспозито фаолияти давомида Juventus FC ҳамда Italy national football teamда ишлаган. Шунингдек, у Жаҳон ва Европа чемпионатлари ҳамда Чемпионлар лигасида қатнашган жамоалар билан фаолият олиб борган.

Айни пайтда терма жамоа Тошкентда йиғинини ўтказмоқда ва тайёргарликдан сўнг Жаҳон чемпионати баҳсларига йўл олади.

Telegram I Facebook I YouTube I Instagram

Наманганда 11-синф ўқувчиси фожиали ҳолат қурбони бўлди

Бош прокуратура матбуот котиби Ҳаёт Шамсуддинов маълум қилишича, жорий йил 6 май куни Наманган вилояти Косонсой туманида йигит ва у билан унаштирилган қиз ўртасида рашк сабаб жанжал келиб чиққан.

Тергов маълумотларига кўра, йигит қизга пичоқ билан тан жароҳати етказган ва воқеа жойидан кетган. Қиз эса оғир аҳволда шифохонага олиб борилган, аммо шифокорлар унинг ҳаётини сақлаб қола олмаган.

Ҳолат юзасидан жиноят иши қўзғатилиб, гумонланувчи процессуал тартибда ушланган.

Telegram I Facebook I YouTube I Instagram