Президент Шавкат Мирзиёевнинг Ўзбекистон халқини байрам билан табриклади

Шавкат Мирзиёевнинг Ўзбекистон аҳолисини Хотира ва қадрлаш куни ҳамда Иккинчи жаҳон урушидаги Ғалабанинг 81 йиллиги муносабати билан табриклади.

Мурожаатда давлат раҳбари ҳалок бўлганлар хотирасини ёд этиб, уруш ва меҳнат фахрийларига миннатдорлик билдирди ҳамда тинчлик, миллатлараро тотувлик ва катта авлод жасоратига ҳурматни сақлаш муҳимлигини таъкидлади.

Шунингдек, мамлакатда фахрийларни қўллаб-қувватлаш ишлари давом этаётгани, хотира тадбирлари, уч авлод учрашувлари ва ватанпарварлик акциялари ўтказилаётгани қайд этилди.

Telegram I Facebook I YouTube I Instagram

100 ёшли уруш фахрийсига Президент совғаси — электромобиль топширилди

Бекободлик Иккинчи жаҳон уруши қатнашчиси, 100 ёшли Ҳасанбой Халматовга Шавкат Мирзиёев билан учрашувдан сўнг янги электромобиль совға қилинди.

Автомобиль калити тантанали тадбирда Тошкент вилояти раҳбарияти ва жамоатчилик вакиллари иштирокида топширилди. Фахрийга кўрсатилган эътибор ва ҳурмат йиғилганлар томонидан илиқ қарши олинди.

Telegram I Facebook I YouTube I Instagram

Сирдарёда меъёрдан ортиқ болаларни ташиётган Damas'лар аниқланди

Сирдарёда ўтказилган назорат тадбирлари давомида боғча болаларини белгиланган меъёрдан ортиқ ташиётган Damas автомобиллари аниқланди.

Текширув натижаларига кўра, бир транспорт воситасида 22 нафар, иккинчисида эса 24 нафар боғча тарбияланувчиси бўлгани маълум бўлди.

Ҳолат юзасидан тегишли тартибда чоралар кўрилмоқда.

Telegram I Facebook I YouTube I Instagram

Тўхташ ишорасига бўйсунмаган ҳайдовчи ЙПХ ходимини уриб юборди

Сирдарё вилоятида Nexia-3 русумли автомобил ҳайдовчиси ЙПХ ходимининг тўхташ ишорасига бўйсунмасдан ҳаракатни давом эттиргани оқибатида йўл-патруль хизмати ходимларидан бири уриб юборилгани ҳақида хабар берилмоқда.

Маълум қилинишича, ҳодиса вақтида ҳайдовчи қочишга уриниб, ҳаракатни тўхтатмаган. Натижада ЙПХ ходимларидан бири жароҳат олган.

Ҳолат расман очиқланмаган.

Telegram I Facebook I YouTube I Instagram

Тошкентдаги спорт тадбирларида хавфсизлик назорати кучайтирилди
 
Оммавий спорт тадбирлари давомида жамоат хавфсизлигини таъминлаш мақсадида Ички ишлар органлари ходимлари томонидан кучайтирилган назорат ишлари олиб борилмоқда.
 
Тадбирлар иштирокчилари ва мухлислар хавфсизлигини таъминлаш, жамоат тартибини сақлаш ҳамда турли нохуш ҳолатларнинг олдини олиш бўйича тегишли чоралар кўрилмоқда.
 
Видео тасвирга олишдаги ҳамкорлик учун — Press SBU жамоасига алоҳида миннатдорлик билдирамиз. Хизматларингизга омад ва чарчаманглар!

Telegram I Facebook I YouTube I Instagram

Ўзбекистонда 598 та ноқонуний қурол аниқланди

Жорий йилнинг бошидан буён ҳуқуқ-тартибот органлари ҳамкорликда ўтказган тезкор тадбирлар натижасида 7,5 мингдан зиёд қурол муомаласига доир қонунчилик бузилиши ҳолатлари аниқланган бўлиб, 3,2 мингга яқин ўқ-дорилар олиб қўйилган.

👉 https://effect.uz/n/146

Telegram I Facebook I YouTube I Instagram

Саида Мирзиёева Венецияда Ўзбекистон миллий павильонини очди

Дунё санъатининг энг нуфузли майдони — 61-Венеция биенналесида мамлакатимизнинг «The Aural Sea» лойиҳаси тақдимоти бўлиб ўтди. Ўзбекистон Президенти ёрдамчиси Саида Мирзиёева маросимда шахсан иштирок этиб, миллий павильонни очиб берди.

«61-Венеция биенналесида Ўзбекистон миллий павильони очилиши мен учун ўта аҳамиятли бўлди. Бу йилги «Минор оҳангларда» шиори биз яшаётган давр учун жуда аниқ танланган. Лойиҳамизда Орол фақатгина экологик фожиа эмас, балки хотираларимиз, афсоналаримиз ва ижодий изланишларимиз макони сифатида намоён бўлди. Маданиятимиз меҳмонларда катта қизиқиш уйғотганидан мамнунман», – дейди Саида Мирзиёева.

Миллий павильоннинг очилиши халқаро экспертлар ва санъат ихлосмандлари эътибор марказида бўлди. Бу каби иштирок Ўзбекистоннинг замонавий қиёфасини дунёга танитиш ва муҳим экологик мавзуларни санъат тили билан глобал саҳнага олиб чиқиш имконини беради.

Telegram I Facebook I YouTube I Instagram

Тошкентда нақдсиз тўловларга ўтиш ижара бозорига қандай таъсир қилди?

Таҳлиллар шуни кўрсатмоқдаки, 1 апрелдан бошлаб нақдсиз ҳисоб-китоб тизимига ўтилганига қарамай, пойтахтда уй-жой ижараси нархларида кескин ўзгариш кузатилмаган.

Апрель ойида ўртача ижара ҳақи март ойидаги ва ўтган йилнинг шу давридаги каби $550 даражасида сақланиб қолган.

Шу билан бирга, бир хонали уйлар ижараси 14,3%, икки хоналилар эса 10% га ошган. Уч хонали хонадонлар ижараси 12,5% га пасайган бўлса, тўрт ва ундан ортиқ хонали уйлар нархи 26,1% га арзонлашган.

Премиум сегментдаги айрим туманларда ижара нархлари тушган: — Шайхонтоҳур туманида — 25% — Миробод туманида — 11,1% — Яккасарой туманида — 6,7%
Энг юқори ўсиш эса Олмазор (+12,5%) ва Мирзо Улуғбек (+9,1%) туманларида қайд этилган.

Telegram I Facebook I YouTube I Instagram

9 май — Хотира ва қадрлаш куни муборак

Бугун юртимиз тинчлиги ва эркинлиги йўлида жонини фидо қилган инсонларни чуқур эҳтиром билан ёд оламиз. Уларнинг жасорати, матонати ва Ватан олдидаги хизматлари халқимиз хотирасида мангу сақланади.

Фахрийларимизга соғлик, узоқ умр ва оилаларига хотиржамлик тилаймиз. Юртимиз осмони доимо мусаффо, хонадонларимиз тинч бўлсин.

Хотира — муқаддас, инсон қадри — улуғ!

Байрамингиз муборак бўлсин!

Telegram I Facebook I YouTube I Instagram

Кремлда Мирзиёев ва Путин ўртасида учрашув бўлиб ўтди

Москва шаҳрида Ўзбекистон Президенти Шавкат Мирзиёев ҳамда Россия Президенти Владимир Путиннинг музокаралари бўлиб ўтди. Томонлар икки давлат муносабатларини янада ривожлантириш, иқтисодий ҳамкорликни кенгайтириш ва халқаро масалалар юзасидан фикр алмашди.

Владимир Путин Ўзбекистон раҳбарининг Ғалабанинг 81 йиллигига бағишланган тадбирларда иштирок этаётганини алоҳида таъкидлаб, буни мамлакатлар ўртасидаги яқин муносабатларнинг намунаси сифатида баҳолади.

Шавкат Мирзиёев эса уруш қатнашчиларининг жасорати ва фидойилигини ёд этиш, тарихий хотирани асраб-авайлаш ҳар доим муҳим бўлиб қолишини қайд этди.

Музокаралар чоғида савдо, саноат, энергетика, металлургия соҳаларидаги қўшма лойиҳалар, шунингдек маданий-гуманитар алоқалар ва ҳудудлараро ҳамкорлик масалалари ҳам муҳокама қилинди.

Telegram I Facebook I YouTube I Instagram

Ўйинчоқ машина, аммо жарима ҳақиқий: Тошкентда «кичик ҳайдовчи» катта йўлга чиқиб кетди

Ижтимоий тармоқларда тарқалган ҳолатда ёш боланинг ўйинчоқ автомобильда йўлга чиқиб ҳаракатлангани акс этган.

Ҳолат юзасидан масъул идоралар томонидан текширув ўтказилиб, боланинг отасига нисбатан Маъмурий жавобгарлик тўғрисидаги кодекснинг 47-моддаси асосида маъмурий баённома расмийлаштирилди.

Telegram I Facebook I YouTube I Instagram

Ўзбекистоннинг олтин-валюта захиралари яна рекорд даражага яқинлашди

Марказий банк маълумотларига кўра, 2026 йил апрель ойи якунида Ўзбекистоннинг олтин-валюта захиралари $70,89 млрддан ошди. Бу март ойига нисбатан қарийб $1,9 млрдга кўпдир.

Захиралар таркибидаги олтин қиймати $61,59 млрдга етган. Шу билан бирга, Марказий банк омборларидаги олтиннинг физик ҳажми тахминан 3,1 тоннага камайган.

Маълум қилинишича, регулятор 2025 йил сентябридан буён илк бор тахминан 3,1 тонна олтин сотган.

Валюта захиралари ҳам ўсишда давом этмоқда — улар бир ойда $1,15 млрдга ошиб, жами $8,72 млрдни ташкил қилди.

Қимматли қоғозлар қиймати эса $1,549 млрдга етди.

Telegram I Facebook I YouTube I Instagram