Президент аждодлар хотирасига эҳтиром кўрсатди

Хотира ва қадрлаш куни муносабати билан Президент Шавкат Мирзиёев Иккинчи жаҳон урушида қаҳрамонлик кўрсатган аждодларимиз ҳамда мустақиллик йилларида Ватан ҳимояси йўлида ҳалок бўлган юртдошларимиз хотирасига эҳтиром кўрсатди.

Давлат раҳбари мард ва жасур ватандошларимиз хотирасини ёд этиб, уларнинг Ватан озодлиги ва тинчлиги йўлидаги фидокорона хизмати ҳеч қачон унутилмаслигини таъкидлади.

Telegram I Facebook I YouTube I Instagram

Президент фахрийлар билан самимий суҳбат қурди

Давлатимиз раҳбари Хотира ва қадрлаш куни тадбирлари доирасида фахрийлар билан самимий мулоқот қилди. Суҳбат давомида уларнинг ҳаёт йўли, жасорати ва мамлакат тараққиётига қўшган ҳиссаси алоҳида эътироф этилди.

Telegram I Facebook I YouTube I Instagram

Apple, Google, Meta ва бошқа хорижий IT-компаниялар Ўзбекистонда 65,7 млрд сўм солиқ тўлади

2026 йилнинг биринчи чорагида электрон хизмат кўрсатувчи 89 та хорижий компания давлат бюджетига жами 65,7 млрд сўм солиқ тўлаган. Бу кўрсаткич ўтган йилнинг шу даврига нисбатан 81 фоизга ошган.

Энг кўп солиқ тўлаган компаниялар қаторида Apple — 16,1 млрд сўм, Google — 14,9 млрд сўм ва Meta — 13,9 млрд сўм билан етакчилик қилди. Шунингдек, Valve, OpenAI, TikTok, Netflix ва Booking.com ҳам рўйхатдан жой олган.

Telegram I Facebook I YouTube I Instagram

Жарима балли 12 баллга етган ҳайдовчилар сони кескин кўпая бошлади

Шундай биринчи ҳайдовчи аниқлангандан бир ҳафта ўтиб улар сони 49 нафарга етди. 29 та ҳолат Тошкент шаҳрида кузатилган.

Фақат 4 та ҳудуд – Навоий, Қашқадарё, Жиззах ва Сирдарё вилоятларида ҳозирча жарима балли 12 баллга етган ҳайдовчи йўқ.

ЙҲХХга кўра, машина бошқариш ҳуқуқидан маҳрум этилганлар яна бу ҳуқуқни қайтариб олишлари учун фақат имтиҳон топшириши эмас, автомактабларда ўқиши ҳам талаб этилади.

Telegram I Facebook I YouTube I Instagram

Телефон рақамини энди уйдан чиқмасдан бошқа одам номига ўтказиш мумкин

Ўзбекистонда телефон рақамини қайта расмийлаштириш жараёни онлайн шаклга ўтди. Энди абонентлар оператор офисига бормасдан, my.gov.uz портали ёки MyGov иловаси орқали рақамни бошқа шахс номига ўтказиши мумкин.

Бунинг учун икки томон ҳам MyID орқали тасдиқдан ўтади. Ариза оператор томонидан 1–5 иш куни ичида кўриб чиқилади.

Жараён қандай амалга оширилади?
➖ рақам эгаси оператор ва рақамни киритади;
➖ қабул қилувчи шахс маълумотлари тасдиқланади;
➖ иккинчи томон MyGov орқали Face-ID ёрдамида розилик беради;
➖ шундан сўнг рақам янги эгаси номига ўтказилади.

Хизмат нархи операторга қараб фарқ қилади. Айрим ҳолатларда “чиройли рақам” учун қўшимча тўлов ҳам ундирилади.

Агар рақамда қарздорлик бўлса, блокланган бўлса ёки тўлови тўлиқ якунланмаган бўлса, қайта расмийлаштириш рад этилиши мумкин.

Telegram I Facebook I YouTube I Instagram

Блогер «Реал Санжик» 5 йилга озодликдан маҳрум этилди

​Инстаграмда «Реал Санжик» тахаллуси билан танилган Санжар Каримов суд ҳукмига кўра 5 йил муддатга қамалди. У Жиноят кодексининг бир нечта моддалари, хусусан, фирибгарлик (168-модда), ўлдириш билан таҳдид қилиш (112-модда) ҳамда гиёҳвандлик воситаларини сақлаш (273-модда) бўйича айбдор деб топилган.

​Маълумот учун, С. Каримов ижтимоий тармоқларда йўл ҳаракати қоидаларини намойишкорона бузган видеолари билан танилган эди. У ўзини «тунги пойгачи» ва «эски бойлар услуби» вакили сифатида тақдим этиб келарди.

Telegram I Facebook I YouTube I Instagram

Президент Шавкат Мирзиёевнинг Ўзбекистон халқини байрам билан табриклади

Шавкат Мирзиёевнинг Ўзбекистон аҳолисини Хотира ва қадрлаш куни ҳамда Иккинчи жаҳон урушидаги Ғалабанинг 81 йиллиги муносабати билан табриклади.

Мурожаатда давлат раҳбари ҳалок бўлганлар хотирасини ёд этиб, уруш ва меҳнат фахрийларига миннатдорлик билдирди ҳамда тинчлик, миллатлараро тотувлик ва катта авлод жасоратига ҳурматни сақлаш муҳимлигини таъкидлади.

Шунингдек, мамлакатда фахрийларни қўллаб-қувватлаш ишлари давом этаётгани, хотира тадбирлари, уч авлод учрашувлари ва ватанпарварлик акциялари ўтказилаётгани қайд этилди.

Telegram I Facebook I YouTube I Instagram

100 ёшли уруш фахрийсига Президент совғаси — электромобиль топширилди

Бекободлик Иккинчи жаҳон уруши қатнашчиси, 100 ёшли Ҳасанбой Халматовга Шавкат Мирзиёев билан учрашувдан сўнг янги электромобиль совға қилинди.

Автомобиль калити тантанали тадбирда Тошкент вилояти раҳбарияти ва жамоатчилик вакиллари иштирокида топширилди. Фахрийга кўрсатилган эътибор ва ҳурмат йиғилганлар томонидан илиқ қарши олинди.

Telegram I Facebook I YouTube I Instagram

Сирдарёда меъёрдан ортиқ болаларни ташиётган Damas'лар аниқланди

Сирдарёда ўтказилган назорат тадбирлари давомида боғча болаларини белгиланган меъёрдан ортиқ ташиётган Damas автомобиллари аниқланди.

Текширув натижаларига кўра, бир транспорт воситасида 22 нафар, иккинчисида эса 24 нафар боғча тарбияланувчиси бўлгани маълум бўлди.

Ҳолат юзасидан тегишли тартибда чоралар кўрилмоқда.

Telegram I Facebook I YouTube I Instagram