Шавкат Мирзиёев Самарқандда Осиё тараққиёт банки йиғилишида нутқ сўзлади

Шавкат Мирзиёев Самарқанд шаҳрида бўлиб ўтган Asian Development Bank Бошқарувчилар кенгаши йиғилишида иштирок этиб, нутқ сўзлади.
Мазкур тадбир доирасида давлат раҳбари глобал иқтисодий жараёнлар, минтақавий ҳамкорликни мустаҳкамлаш ҳамда Ўзбекистонда амалга оширилаётган ислоҳотлар ҳақида тўхталиб ўтди.

Telegram I Facebook I YouTube I Instagram

Ўзбекистонда 2027 йилдан бошлаб бепул бериладиган дори воситалари рўйхати тасдиқланди.

Реимбурсация дастури доирасида онкологик, юрак-қон томир, эндокрин, руҳий ва бошқа касалликлар учун 69 турдаги дори бепул берилади. Улар орасида омепразол, трамадол, амброксол, калий йодид, гепарин каби препаратлар бор.

Дастурга кўра, беморлар оилавий шифокор ёзган электрон рецепт асосида шартномали дорихоналардан дори воситаларини бепул олади. Рецепт тасдиқлангач, беморга SMS орқали махсус код юборилади ва шу код орқали дори олинади.


Telegram I Facebook I YouTube I Instagram

Жорий йилда қурилиш объектларида 451 та ҳолатда сифатсиз қурилиш материаллари аниқланиб, тегишли ташкилотларга тақдимномалар киритилди

Қурилиш ва уй-жой коммунал хўжалиги соҳасида ҳудудий назорат қилиш инспекцияси томонидан 2026 йилнинг I чораги давомида қурилиш объектларида ўтказилган назорат тадбирлари жараёнида 451 та ҳолатда сифатсиз қурилиш материаллари аниқланди.

Аниқланган ҳолатлар юзасидан белгиланган тартибда тегишли ташкилотларга тақдимномалар киритилди.

Жумладан, 189 та ҳолатда ғишт маҳсулотлари, 144 та ҳолатда темир-бетон плиталар, 13 та ҳолатда ФБС блоклар, 11 та ҳолатда пеноблоклар ҳамда 51 та ҳолатда темир-бетон қудуқ конструкциялари, шунингдек бошқа турдаги қурилиш материаллари қурилиш талабларига жавоб бермаслиги маълум бўлди.

Инспекция томонидан қурилишда сифат ва хавфсизлик талабларига қатъий риоя этилишини таъминлашга қаратилган назорат тадбирлари изчил равишда давом эттирилмоқда.

Telegram I Facebook I YouTube I Instagram

+40 гача иссиқ: об-ҳаво кескин ўзгармоқда

6–8 май кунлари мамлакатимиз ҳудудига иссиқ ва қуруқ ҳаво оқими кириб келади. Айниқса, Қизилқум чўли ҳудудларида ҳаво ҳарорати +40 даражагача кўтарилиши кутилмоқда.

Шу билан бирга, ҳафта боши ва дам олиш кунларида айрим ҳудудларда кучли жала ёмғирлар кузатилиши мумкин. Натижада баъзи жойларда сув босиши ва сел ҳодисалари эҳтимоли сақланиб қолмоқда.

Мутахассислар прогнозига кўра, май ойининг иккинчи ўн кунлиги ёғингарчиликка бой ва нисбатан салқин ўтади. Учинчи декадада эса яна қуруқ ва иссиқ кунлар устунлик қилиши кутилмоқда.

Telegram I Facebook I YouTube I Instagram

Зеленский: 9 май парадига дронлар етиб бориши мумкин

Владимир Зеленский Россияда 9 май куни ўтказилиши режалаштирилган парад юзасидан баёнот бериб, хавфсизлик масалаларига эътибор қаратди.
Унинг сўзларига кўра, Россия бу йилги парадни ҳарбий техникаларсиз ўтказишни режалаштираётган бўлиши мумкин. Агар шундай бўлса, бу сўнгги йилларда илк бор бундай ҳолат кузатилиши бўлади.
Зеленский, шунингдек, Украина дронлари Москвагача етиб бориши эҳтимоли борлигини таъкидлаб, бу Россиянинг аввалгидек кучли эмаслигини кўрсатиши мумкинлигини айтди.

Telegram I Facebook I YouTube I Instagram

086-шаклдаги тиббий маълумотномани энди онлайн олиш мумкин

Энди my.gov.uz орқали 086-шаклдаги тиббий маълумотномани масофадан туриб юклаб олиш имконияти яратилди.

Ҳужжатни онлайн олиш тартиби:
1️⃣ my.gov.uz порталига киринг;
2️⃣ “Соғлиқни сақлаш” бўлимига ўтинг;
3️⃣ “086-шаклдаги тиббий маълумотномани олиш” хизматини танланг;
4️⃣ тайёр ҳужжатни юклаб олинг.

Эслатма:
Маълумотнома шаклланиши учун аввал шифокорлар кўригидан ўтган бўлишингиз керак. Барча хулосалар базага киритилгандан сўнг, ҳужжатни онлайн тарзда юклаб олиш мумкин.

Telegram I Facebook I YouTube I Instagram

Юлдуз Усмонованинг Нью-Йоркдаги концерти бекор қилиниши мумкин

Юлдуз Усмонованинг Нью-Йоркда режалаштирилган концерти атрофида баҳслар кучаймоқда. 9 май куни Бруклинда ўтказилиши кутилган тадбир унинг антисемитизмда айбланаётгани ортидан бекор қилиниши мумкин.

Хабарларга кўра, айрим фаоллар концертни бекор қилиш ва хонанданинг АҚШ визасини қайта кўриб чиқишни талаб қилмоқда. Улар Усмонованинг аввалги баёнотларини танқид қилиб, бу ҳолатни жиддий баҳолашга чақирмоқда.

Брюс Блейкман бу масала юзасидан баёнот бериб, хонанданинг АҚШга кириши қайта кўриб чиқилиши кераклигини айтган. У, шунингдек, Марко Рубиога расмий мурожаат йўллаб, визани бекор қилиш ва мамлакатга киришни тақиқлашни сўраганини маълум қилган.

Шу билан бирга, Брайтон-Бичдаги “Океан” театри олдида норозилик акцияси ўтказилиши ҳам режалаштирилаётгани айтилмоқда.

Telegram I Facebook I YouTube I Instagram

Солиқ қарзини “йўқ қилиб бериш”ни ваъда қилганлар қўлга тушди

Хива шаҳрида ўтказилган тезкор тадбирда солиқ қарздорлигини бартараф этиб беришни ваъда қилган шахслар ушланди.

Маълум қилинишича, фуқаро Р.Д. “E.I.” МЧЖ раҳбари Д.М.нинг ишончига кириб, корхонанинг 608 млн сўмлик солиқ қарздорлигини гўёки суд бошқарувчилари орқали ҳал қилиб беришини айтган. У бу хизмат эвазига 3 000 АҚШ долларини олган вақтида қўлга тушган.

Тадбир давомида яна бир шахс — Хоразм вилоятидаги тегишли тузилма вакили О.А. ҳам 500 АҚШ долларини олган пайтда ашёвий далиллар билан ушлангани маълум қилинди.

Ҳолат юзасидан жиноят иши қўзғатилиб, тергов ҳаракатлари олиб борилмоқда.

Telegram I Facebook I YouTube I Instagram

Навоий вилояти делегациясининг Покистонга хизмат сафари якунланди

Нормат Турсунов бошчилигидаги делегация 28 апрелдан 2 майга қадар Покистонда хизмат сафарида бўлиб қайтди.

Сафар давомида иқтисодий ҳамкорлик, инвестиция имкониятлари ҳамда ҳудудлараро алоқаларни ривожлантириш масалалари муҳокама қилингани айтилмоқда.

Расмий маълумотларга кўра, ушбу ташриф якуни бўйича видеодайжест тайёрланган ва жамоатчиликка тақдим этилган.

Telegram I Facebook I YouTube I Instagram

Самарқанд шаҳрида Осиё тараққиёт банки Бошқарувчилар кенгашининг 59-йиллик йиғилиши бошланди.

Тадбирда Ўзбекистон Президенти Шавкат Мирзиёев нутқ сўзлаб, минтақавий ва глобал миқёсда муҳим ташаббусларни илгари сурди.

Давлат раҳбари томонидан қуйидаги асосий йўналишлар таклиф этилди:
— Ривожланаётган мамлакатларда сунъий интеллект технологияларини кенг жорий этиш учун Осиё тараққиёт банки шафелигида алоҳида дастур ишлаб чиқиш;
— Ўзбекистоннинг “Осиё учун рақамли магистрал” ташаббусига қўшилиши ва Тошкентда унинг минтақавий мувофиқлаштириш марказини ташкил этиш;
— CAREC дастури доирасида “Рақамли божхона ва логистика альянси”ни шакллантириш;
— “Критик минералдан – ишлаб чиқаришга” дастурида иштирок этиш ҳамда юқори қўшимча қийматли лойиҳаларни амалга ошириш;
— “Марказий Осиё яшил белбоғи” минтақавий экологик лойиҳасини йўлга қўйиш;
— Минтақа давлатларини ягона туристик маконга бирлаштирувчи “Марказий Осиё туризм ҳалқаси”ни яратиш.


Telegram I Facebook I YouTube I Instagram

Нукусда собиқ ходим раҳбарини шантаж қилди

Нукус шаҳрида шов-шувли ҳолат фош этилди. Маълум бўлишича, собиқ ходим чет эл фуқароси бўлган раҳбаридан катта миқдорда пул талаб қилган.

У ўзининг собиқ иш берувчисига корхона обрўсига путур етказиши мумкин бўлган маълумотлар борлигини билдириб, ушбу маълумотларни оммавий ахборот воситаларида тарқатмаслик эвазига 200 минг доллар талаб қилган.

Ҳуқуқни муҳофаза қилувчи органлар томонидан олиб борилган тезкор тадбирлар давомида мазкур ҳолатга чек қўйилгани маълум қилинмоқда.

Ҳозирда ушбу ҳолат юзасидан тегишли тартибда тергов ҳаракатлари олиб борилмоқда.

Telegram I Facebook I YouTube I Instagram

Навоийда медиаҳафталик кўтаринки кайфиятда давом этмоқда

Навоий вилоятида ўтаётган медиаҳафталик доирасида журналистика, блогерлик, медиа саводхонлик ва рақамли контент яратиш йўналишларида турли учрашувлар, маҳорат дарслари ҳамда очиқ мулоқотлар ташкил этилмоқда.
Тадбир иштирокчилари учун соҳа мутахассислари билан тажриба алмашиш, янги билим ва кўникмаларни эгаллаш имконияти яратилгани таъкидланмоқда.

Telegram I Facebook I YouTube I Instagram