Наманганда ноқонуний дорихона фаолияти фош этилди

Норин туманида ўтказилган тезкор тадбирда фуқаро С.А. тадбиркор сифатида рўйхатдан ўтмасдан, дорихонада ҳужжатсиз дори воситалари ва тиббий буюмларни сотиб келгани аниқланди.

Ундан: — 1 197 турдаги
— 29 289 дона
— жами 140,9 млн сўмлик маҳсулотлар
ашёвий далил сифатида олинди.

Ҳолат юзасидан жиноят иши қўзғатилиб, тергов давом этмоқда.

Telegram I Facebook I YouTube I Instagram

Ўзбекистон ва ОТБ ўртасидаги ҳамкорлик янги босқичга чиқди: 12,5 млрд долларлик дастур имзоланди

Ўзбекистон Республикаси ва Осиё тараққиёт банки ўртасидаги стратегик шериклик доирасида муҳим келишувга эришилди. Янги ҳамкорлик дастурига мувофиқ, мамлакатда ижтимоий-иқтисодий ислоҳотларни қўллаб-қувватлаш учун 12,5 миллиард долларлик лойиҳалар амалга оширилади.

Мазкур дастур инфратузилмани ривожлантириш, энергетика, транспорт, таълим ва соғлиқни сақлаш каби устувор йўналишларни қамраб олади. Шунингдек, у барқарор иқтисодий ўсишни таъминлаш ва аҳоли фаровонлигини оширишга хизмат қилади.

Ҳамкорликнинг янги босқичи Ўзбекистон ва Осиё тараққиёт банки ўртасидаги ишончли муносабатлар янада мустаҳкамланаётганини кўрсатади.

Telegram I Facebook I YouTube I Instagram

Мирзиёев Самарқандда катта рақамларни очиқлади: иқтисодиёт 8,7% ўсди, камбағаллик 5,8% гача тушди

Шавкат Мирзиёев Самарқанд шаҳрида ўтказилаётган Осиё тараққиёт банки Бошқарувчилари кенгашининг 59-йиллик йиғилишида мамлакат иқтисодиёти бўйича муҳим кўрсаткичларни маълум қилди.

Президент таъкидлаганидек, глобал беқарорликка қарамасдан, Ўзбекистон иқтисодиёти барқарор ўсишни сақлаб қолмоқда. Жорий йилнинг биринчи чораги якунларига кўра, иқтисодий ўсиш 8,7 фоизни ташкил этган.

Амалга оширилаётган ислоҳотлар марказида инсон манфаати турибди. Сўнгги йилларда 8,5 миллиондан ортиқ эҳтиёжманд аҳолининг даромадлари оширилди. Натижада камбағаллик даражаси қарийб 35 фоиздан 5,8 фоизгача кескин қисқаргани қайд этилди.

Шу билан бирга, Ўзбекистон сўнгги ўн йилда Бирлашган Миллатлар Ташкилотининг Барқарор ривожланиш мақсадларига эришишда энг катта ижобий силжишларга эришган бешта давлат қаторига киргани таъкидланди.

Telegram I Facebook I YouTube I Instagram

Тошкент вилояти Оҳангаронда ички ишлар ходимига нисбатан 14 ёшли қизга зўравонлик қилгани ҳақида ёлғон хабар тарқатган шахслар қўлга олинди.

Маълум бўлишича, бу маълумотларни тарқатган йигит уларнинг асоссиз эканини тан олган. Суд қарорига кўра, у ва яна икки шеригига майда безорилик, қонуний талабларга бўйсунмаслик ва хизматга қаршилик кўрсатиш моддалари асосида 7 сутка маъмурий қамоқ жазоси тайинланган.

Ҳозирда ҳолат юзасидан қўшимча текширувлар давом этмоқда. Ёлғон ахборот тарқатиш ва ички ишлар ходимини обрўсизлантириш бўйича қўшимча чоралар кўрилиши мумкин. Telegram I Facebook I YouTube I Instagram

🔞
Фарғонада ота алимент тўламаслик учун аёли ва 3 ёшли қизини ўлдирди

Фарғона вилоятининг Ўзбекистон туманида содир бўлган оғир жиноят иши юзасидан суд ҳукми чиқарилди. Унга кўра, ўз турмуш ўртоғи ва 3 ёшли қизини ўлдирган эркак 19 йилга озодликдан маҳрум этилди.

Тергов маълумотларига кўра, воқеа 2025 йил 3 ноябрь куни содир бўлган. Спиртли ичимлик таъсирида қайнотасининг уйига келган фуқаро турмуш ўртоғи билан учрашган. Маълум бўлишича, аёл аввалроқ алимент ундириш масаласида судга мурожаат қилган бўлиб, суд қарорига асосан эркак 15 суткага қамалган.

Жазо муддатини ўтаб чиққанидан сўнг, эр-хотин ўртасидаги зиддият янада кучайган. Тергов хулосаларига кўра, эркак алимент тўлашдан қочиш мақсадида аёлга ҳужум қилган. Оқибатда, оилавий можаро фожиа билан якун топган.

Жиноят ишлари бўйича Ўзбекистон тумани суди айбланувчини айбдор деб топиб, унга нисбатан 19 йиллик озодликдан маҳрум этиш жазосини тайинлади.

Telegram I Facebook I YouTube I Instagram

ЧОРСУДА БОШЛАНГАН ИШОНЧ — СУДДА ТУГАЯПТИМИ?

Тошкентда Чорсу бозорида бошланган оддий савдо ҳамкорлиги бугун жиноят ишига айланган. Томонлар ўртасидаги ҳисоб-китоблар оддий дафтар орқали юритилган, аммо айнан шу ёзувлар ҳозир баҳс марказида.

Терговга кўра, тилла буюмлар савдоси ортидан 47 минг доллардан ортиқ зарар келтирилгани айтилмоқда. Ҳимоя томони эса дафтардаги ёзувлар ўзгартирилган бўлиши мумкинлигини билдирмоқда.

📌 Асосий савол: дафтар — ҳақиқатми ёки сохталаштирилган далил?

👉ТЎЛИҚ ВИДЕО


Telegram I Facebook I YouTube I Instagram

Фарғона вилоятининг Ўзбекистон туманида аёли ва 3 ёшли қизини ўлдирган эркак 19 йилга қамалди.

Маълум бўлишича, у аввал алимент масаласи сабаб турмуш ўртоғи билан низолашган. Жазо муддатини ўтаб чиққач, можаро яна кучайиб, эркак пичоқ билан аёлига ва кичик қизига ҳужум қилган. Оқибатда бола воқеа жойида, аёл эса шифохонага олиб кетилаётганда вафот этган.

Суд уни қасддан одам ўлдириш моддаси билан айбдор деб топиб, 19 йилга озодликдан маҳрум қилди.


Telegram I Facebook I YouTube I Instagram

Шавкат Мирзиёев Самарқандда Осиё тараққиёт банки йиғилишида нутқ сўзлади

Шавкат Мирзиёев Самарқанд шаҳрида бўлиб ўтган Asian Development Bank Бошқарувчилар кенгаши йиғилишида иштирок этиб, нутқ сўзлади.
Мазкур тадбир доирасида давлат раҳбари глобал иқтисодий жараёнлар, минтақавий ҳамкорликни мустаҳкамлаш ҳамда Ўзбекистонда амалга оширилаётган ислоҳотлар ҳақида тўхталиб ўтди.

Telegram I Facebook I YouTube I Instagram

Ўзбекистонда 2027 йилдан бошлаб бепул бериладиган дори воситалари рўйхати тасдиқланди.

Реимбурсация дастури доирасида онкологик, юрак-қон томир, эндокрин, руҳий ва бошқа касалликлар учун 69 турдаги дори бепул берилади. Улар орасида омепразол, трамадол, амброксол, калий йодид, гепарин каби препаратлар бор.

Дастурга кўра, беморлар оилавий шифокор ёзган электрон рецепт асосида шартномали дорихоналардан дори воситаларини бепул олади. Рецепт тасдиқлангач, беморга SMS орқали махсус код юборилади ва шу код орқали дори олинади.


Telegram I Facebook I YouTube I Instagram

Жорий йилда қурилиш объектларида 451 та ҳолатда сифатсиз қурилиш материаллари аниқланиб, тегишли ташкилотларга тақдимномалар киритилди

Қурилиш ва уй-жой коммунал хўжалиги соҳасида ҳудудий назорат қилиш инспекцияси томонидан 2026 йилнинг I чораги давомида қурилиш объектларида ўтказилган назорат тадбирлари жараёнида 451 та ҳолатда сифатсиз қурилиш материаллари аниқланди.

Аниқланган ҳолатлар юзасидан белгиланган тартибда тегишли ташкилотларга тақдимномалар киритилди.

Жумладан, 189 та ҳолатда ғишт маҳсулотлари, 144 та ҳолатда темир-бетон плиталар, 13 та ҳолатда ФБС блоклар, 11 та ҳолатда пеноблоклар ҳамда 51 та ҳолатда темир-бетон қудуқ конструкциялари, шунингдек бошқа турдаги қурилиш материаллари қурилиш талабларига жавоб бермаслиги маълум бўлди.

Инспекция томонидан қурилишда сифат ва хавфсизлик талабларига қатъий риоя этилишини таъминлашга қаратилган назорат тадбирлари изчил равишда давом эттирилмоқда.

Telegram I Facebook I YouTube I Instagram

+40 гача иссиқ: об-ҳаво кескин ўзгармоқда

6–8 май кунлари мамлакатимиз ҳудудига иссиқ ва қуруқ ҳаво оқими кириб келади. Айниқса, Қизилқум чўли ҳудудларида ҳаво ҳарорати +40 даражагача кўтарилиши кутилмоқда.

Шу билан бирга, ҳафта боши ва дам олиш кунларида айрим ҳудудларда кучли жала ёмғирлар кузатилиши мумкин. Натижада баъзи жойларда сув босиши ва сел ҳодисалари эҳтимоли сақланиб қолмоқда.

Мутахассислар прогнозига кўра, май ойининг иккинчи ўн кунлиги ёғингарчиликка бой ва нисбатан салқин ўтади. Учинчи декадада эса яна қуруқ ва иссиқ кунлар устунлик қилиши кутилмоқда.

Telegram I Facebook I YouTube I Instagram