Шавкат Мирзиёев Самарқанддаги ОТБ йиғилишида иштирок этади

3–4 май кунлари Ўзбекистон Республикаси Президенти Шавкат Мирзиёев Самарқанд шаҳрида бўлиб ўтадиган Осиё тараққиёт банки Бошқарувчилар кенгашининг 59-йиллик йиғилиши тадбирларида иштирок этади.

Telegram I Facebook I YouTube I Instagram

Ургут туманидаги техникумда калтаклаш ҳолати юз берди

Самарқанд вилояти Ургут туманида зўравонлик ҳолати акс этган видео ижтимоий тармоқларда кенг тарқалди. Унда бир фуқаро тиббиёт техникумининг раҳбар ходимларидан бирига нисбатан куч ишлатгани кўринади.

Ҳолат юзасидан расмий баёнот берилиши кутилмоқда.

Telegram I Facebook I YouTube I Instagram

"EFFECT.UZ" ёритган воқеа судда ўз ечимини топди

Ёдингизда бўлса, Фарғона вилояти Бувайда туманида яшовчи Баҳодиржон Набиев билан боғлиқ ҳолат жамоатчилик эътиборини тортган эди. Унга кўра, 2024 йил 24 январ куни фуқаро суд қарори сиз туман ИИБ профилактика инспектори ва маҳалла вакиллари томонидан Қўқон шаҳридаги 2-сон руҳий касалликлар шифохонасига олиб борилгани юзасидан видеолавҳа оммага тақдим этилганди.

Мазкур иш бўйича суд жараёнлари якунига кўра, Фарғона вилояти суди фуқаролик ишлари бўйича судлов ҳайъати қуйи суд қарорини бекор қилиб, янги қарор чиқарди.

Telegram I Facebook I YouTube I Instagram

Судда невара билан учрашув ҳуқуқи тасдиқланди

Хоразм вилояти судининг кассация инстанциясида невара билан кўришиш тартиби бўйича иш кўриб чиқилди. Жавобгар томон биринчи инстанция қарорига норози бўлиб, шикоят берган эди.

Суд Оила кодексига таянган ҳолда, бола яқин қариндошлари, жумладан бобо ва буви билан кўришиш ҳуқуқига эга эканини яна бир бор тасдиқлади.

Telegram I Facebook I YouTube I Instagram

Бола манфаати — ҳаммасидан устун!

Самарқанд шаҳрида оила судьяси Азиза Исматова кўриб чиққан фуқаролик ишида боланинг қаерда яшаши масаласи ҳал қилинди.

Суд жараёни давомида ота-оналарга фарзанд билан тўғри мулоқот қилиш, низоли вазиятларда эса уни руҳий босимдан асраш бўйича муҳим тушунтиришлар берилди.

Telegram I Facebook I YouTube I Instagram

Экстремистик ҳаракатлар рўйхати шакллантирилди

Янги лойиҳага кўра, эндиликда экстремизм аниқ белгилаб қўйилди. Улар қуйидаги ҳолатларни ўз ичига олади:

1️⃣ Конституциявий тузумни зўрлик билан ўзгартириш, давлат суверенитети ва ҳудудий яхлитлигига тажовуз қилиш, ҳокимият вакилларини зўравонлик билан четлатиш ёки шунга даъват қилиш;
2️⃣ Ҳокимият ваколатларини ноқонуний эгаллаш ёки ўзлаштиришга қаратилган ҳаракатлар;
3️⃣ Қонунга хилоф қуролли тузилмаларни ташкил этиш ёки уларда иштирок этиш;
4️⃣ Террорчилик фаолиятига ошкора даъват қилиш;
5️⃣ Зўравонлик билан боғлиқ ҳолда миллий, ирқий, этник ёки диний адоват қўзғатиш;
6️⃣ Жамоат хавфсизлигига таҳдид солувчи материалларни тайёрлаш, сақлаш ва тарқатиш, шунингдек экстремистик рамзларни намойиш этиш;
7️⃣ Ижтимоий гуруҳларга қарши адоват сабаб оммавий тартибсизликларни қўзғатиш ёки шунга чақириш;
8️⃣ Фуқароларни миллий, ирқий, этник ёки диний белгиларга кўра устун ёки камситилган қилиб кўрсатишни тарғиб қилиш.

Telegram I Facebook I YouTube I Instagram

Ўзбекистон ташқи рекорд даражада — 18 млрд долларга ошди

2025 йил якунлари бўйича Ўзбекистоннинг умумий ташқи қарзи 82,2 млрд долларга етди. Бу ҳақдаги маълумотларга кўра, қарз ҳажми бир йил ичида 18,1 млрд долларга кўпайиб, тарихий рекордни янгилаган.

Жумладан, давлат ташқи қарзи 40,5 млрд долларни ташкил этиб, йил давомида 6,6 млрд долларга ошган. Шу билан бирга, хусусий сектор ва давлат компанияларининг ташқи қарзлари 41,7 млрд долларга етган бўлиб, ўсиш 11,5 млрд долларни ташкил этган.

Шу тариқа, умумий ташқи қарзнинг ЯИМга нисбатан улуши 55,8 фоизга етган.

Мутахассислар фикрича, қарз ўсишининг асосий қисми инфратузилма лойиҳалари ва иқтисодиётни қўллаб-қувватлаш дастурлари билан боғлиқ.

Telegram I Facebook I YouTube I Instagram

Аёл ўз набирасидан "курьер" сифатида фойдаланди

Наманган вилоятида ҳаракатланаётган VAZ-2106 русумли автомашина текширув учун тўхтатилган. Кўздан кечириш жараёнида йўловчи сифатида бўлган аёл шубҳа уйғотган.

Текширув давомида аёл билан бирга бўлган вояга етмаган набираси кийими ичига яширилган селлофан пакет борлиги аниқланган. Унда тахминан 1 килограмм оғирликдаги “гашиш” гиёҳвандлик воситаси мавжуд бўлган.

Экспертиза хулосасига кўра, топилган модда гиёҳвандлик воситаси экани тасдиқланган.
Ушбу ҳолат бўйича жиноят иши қўзғатилиб, тергов ҳаракатлари давом этмоқда.

Telegram I Facebook I YouTube I Instagram

Ёлғон хабар тарқатган шахслар қўлга олинди

Ички ишлар органи ходими вояга етмаган қизга нисбатан ноқонуний ҳаракат содир этгани ҳақида асоссиз ва ёлғон маълумотни оммавий ахборот воситалари орқали тарқатган фуқаро ҳамда унинг шериклари ҳуқуқни муҳофаза қилувчи органлар томонидан ушланган.

Ҳозирда уларга нисбатан тегишли процессуал ҳаракатлар олиб борилмоқда.

Расмий органлар бундай турдаги тасдиқланмаган маълумотларни тарқатмаслик ва фақат ишончли манбаларга таяниш муҳимлигини таъкидламоқда.

Telegram I Facebook I YouTube I Instagram

Сув таъминоти ва тизимдаги муаммолар: жавоби кутилган саволлар

Сув таъминоти соҳасидаги шаффофлик, хизмат сифати ва молиявий интизом билан боғлиқ масалалар аҳоли ўртасида кенг муҳокама қилинмоқда. Қуйидаги барчамиз учун долзарб бўлган саволларга видеода жавоб оласиз:

— Сув таъминоти соҳаси қачон коррупциядан бутунлай холи тизимга айланади?
— Яқин келажакда сув қарзи бўлган истеъмолчилар электр таъминотидан узилиши мумкинми?
— Тизимдаги муаммолар шароитида кимнинг манфаати устувор — аҳолиникими ёки бошқа омилларми?
— Йиғилган тўловлар ва кадрлар ҳаракати бўйича масъулият қай даражада таъминланган?
— Шунингдек, ичимлик сувидан гигиеник мақсадларда фойдаланиш масаласида ечимлар етарлими?

Telegram I Facebook I YouTube I Instagram

Газ, нефть ва кўмир ишлаб чиқариш қисқарди — янги статистика

2026 йилнинг биринчи чорагида Ўзбекистонда энергия ресурслари ишлаб чиқаришида пасайиш кузатилди. Расмий маълумотларга кўра, январь–март ойларида 9,6 млрд куб метр табиий газ ишлаб чиқарилган бўлиб, бу ўтган йилнинг шу даврига нисбатан сезиларли камайишни кўрсатади.

Шу даврда нефть ишлаб чиқариш 157,3 минг тоннани, кўмир 1,1 млн тоннани, газ конденсати эса 242,3 минг тоннани ташкил этган. Ушбу кўрсаткичлар ҳам ўтган йилги натижалардан паст.

Шу билан бирга, қайта ишлаш саноатида ижобий динамика қайд этилди. Хусусан, автомобиль бензини 313,2 минг тонна, дизель ёқилғиси 280,9 минг тонна ва портландцемент ишлаб чиқариш 4,1 млн тоннага етган.

Умуман, саноат ишлаб чиқариши юқори улушни сақлаб қолган бўлса-да, энергия ресурслари сегментида пасайиш тенденцияси сақланиб қолмоқда.

Telegram I Facebook I YouTube I Instagram

Тошкент марказида бир қатор кўчалар вақтинча ёпилади

Тошкент шаҳар марказида бир нечта асосий кўчаларда транспорт ҳаракати вақтинча чекланади. Бу чекловлар пойтахтда ўтказиладиган Tashkent Flowers Fest 2026 гуллар фестивали билан боғлиқ.

Маълум қилинишича, фестиваль 7–9 май кунлари Ўзбекистон Миллий кутубхонаси олдидаги майдонда бўлиб ўтади. Шу муносабат билан 2 майдан 11 майгача қуйидаги кўчаларнинг айрим қисмлари ёпилади:

— Зарафшон кўчаси (Hyatt Regency Tashkent ҳудудидан Мустақиллик шоҳ кўчасигача);
— Истиқлол кўчаси (Амир Темур шоҳ кўчасидан Буюк Турон кўчасигача);
— Буюк Турон кўчаси (Истиқлол кесишмасидан Ёшлар ижод саройигача).

Telegram I Facebook I YouTube I Instagram

Дунёдаги энг йирик олтин конларидан бири Ўзбекистонда жойлашганини билармидингиз?

Гап Мурунтов кони ҳақида кетмоқда. У дунёдаги энг катта очиқ усулда ишлатиладиган олтин конларидан бири ҳисобланади.

Видеони томоша қилинг ва бу ноёб кон ҳақида батафсил маълумотга эга бўлинг.

Telegram I Facebook I YouTube I Instagram

Жинсий зўравонлик: Қиз қочиб қутулди, айбдорлар ҳам…

Сурхондарёда 17 ёшли қизга нисбатан зўравонлик содир этилгани айтилмоқда. Гувоҳлар, аудиоёзувлар ва экспертиза хулосалари мавжуд.

Қизнинг баёнотига кўра, у босим ва таҳдидлар остида қолган, ҳатто қочиб ёрдам сўрашга мажбур бўлган.

Бироқ, тергов давом этаётганига қарамай, гумонланувчиларга нисбатан ҳалигача қамоқ эҳтиёт чораси қўлланмаган.

Мазкур ҳолат юзасидан ўз фикрингизни тўлиқ видеони кўрганингиздан сўнг, изоҳларда ёзиб қолдиринг.

Муаллиф: Моҳинур Ҳамдамова

👉 ТЎЛИҚ ВИДЕО

Telegram I Facebook I YouTube I Instagram