Тиббий хизматлар сифати ва хусусий сектор иштирокини кенгайтириш бўйича янги ислоҳотлар тақдим этилди

Шавкат Мирзиёев тиббиёт соҳасини ривожлантириш, хизмат сифатини ошириш ва хусусий сектор иштирокини кенгайтиришга қаратилган таклифлар билан танишди.

Режаларга кўра:
— олис ҳудудларда янги клиникалар очиш учун 200 млн долларлик имтиёзли кредит ресурслари ажратилади
— ҳар бир лойиҳа учун 10 йилгача 10 млн долларгача кредит берилди
— кредит ставкасининг 50 фоизини давлат қоплаб беради
— хорижий мутахассислар учун ижтимоий солиқ 1 фоиз этиб белгиланади
— тиббий ускуна ва эҳтиёт қисмлар учун божхона имтиёзлари жорий этилади

Тиббий фаолиятни лицензиялаш тизими ҳам янгиланмоқда. Барча ваколатлар Тиббиёт ташкилотларини лицензиялаш ва аккредитациялаш марказига ўтказилади.

2026 йил 1 июлдан: — лицензиялаш талаблари кучайтирилади
— 14 та лицензия мезони қайта кўриб чиқилади
— қоидабузарлик аниқланган фақат муайян йўналиш чекланади (бутун клиника эмас)

Шунингдек: — хусусий клиникаларга бюджет маблағлари ҳисобидан хизмат кўрсатишга рухсат берилади
— аккредитациядан ўтган хусусий муассасалар трансплантация фаолияти билан шуғулланиши мумкин бўлади

2028 йилдан бошлаб аккредитациядан ўтмаган муассасалар учун давлат тиббий хизматлар хариди тўхтатилиши таклиф этилмоқда.

2030 йилгача барча давлат тиббиёт муассасалари босқичма-босқич лицензиядан ўтказилади: — 2027 йил 1 апрелгача — 55 та республика клиникаси
— 2028 йилгача — 413 та ҳудудий муассаса
— 2030 йилгача — 3000 дан ортиқ туман ва шаҳар тиббиёт ташкилотлари.

Telegram I Facebook I YouTube I Instagram

«Реал Санжик» 5 йилга қамалиши мумкин

«Реал Санжик» номи билан танилган тадбиркорга оид жиноят иши судда кўриб чиқилмоқда.

Суд жараёнида давлат айбловчиси музокараларда иштирок этиб, айбланувчига 5 йил муддатга озодликдан маҳрум қилиш жазосини тайинлашни сўради.

Маълумотларга кўра, тадбиркор Жиноят кодексининг 273-моддаси (гиёҳвандлик воситалари билан боғлиқ қонунга хилоф ҳаракатлар) 112-моддаси (ўлдириш ёки зўрлик ишлатиш билан қўрқитиш) 168-моддаси 4-қисми «а» банди фирибгарлик) бўйича айбланмоқда.

Жиноят ишида икки нафар жабрланувчи мавжуд. Суд жараёнининг якуний қарори кейинги мажлисларда эълон қилиниши кутилмоқда. Иш бўйича кейинги суд мажлиси Мирзо Улуғбек туман жиноят ишлари бўйича судида 8 май кунига белгиланган.

Telegram I Facebook I YouTube I Instagram

Тарбиячи — болага таълим берадими ёки ойна ювиб, обуна йиғадими?

Тошкент вилояти Чирчиқ шаҳридаги 14-сонли давлат МТТда олинган видеода таълим бўлими ходими сифатида таништирилган шахс тарбиячиларга таълимга алоқаси бўлмаган топшириқлар бермоқда. Уларга ҳудудни тозалаш, биноларни ювиш, ҳатто ойна артиш каби ишлар юклатилгани айтилмоқда.

Telegram I Facebook I YouTube I Instagram

#эксклюзив

Вазир таълим соҳасидаги муаммоларни қанчалик ўрганмоқда?

Бугун, 1 май куни Бухорода Ўзбекистон Республикаси Мактабгача ва мактаб таълими вазири Эъзозхон Каримова томонидан навбатдаги сайёр қабул ташкил этилди.

Унда таълим тизимидаги мавжуд муаммоларни жойида ўрганиш, фуқаролар ва тадбиркорларнинг таклифларини эшитиш ҳамда соҳани ривожлантиришга қаратилган лойиҳаларни кўриб чиқишга алоҳида эътибор қаратиляпти. 

Бу ҳақда айни дамда қабул жараёнида бўлиб турган мухбиримиз Муҳаммад Али Қозоқов хабар бермоқда.

Telegram I Facebook I YouTube I Instagram

«Ўзимни ўлдираман, ўзимни ёқаман» – Ишончдан бошланган мудҳиш воқеа!

EFFECT.UZ таҳририятига келиб тушган мурожаатда қўшничилик ишончи ортидан юзага келган кредит можароси ҳақида сўз боради.

Унда айтилишича, фуқаро А.Д. қўшнисининг илтимосига кўра унинг номига маиший техника учун кредит расмийлаштириб берган.

Мурожаатчининг таъкидлашича, қўшни тўрт нафар фарзандли бўлиб, доимий иш жойига эга эмас. Шунга қарамай, у кредит тўловларини «маклерлик орқали» қоплашини ваъда қилган.

👉 ТЎЛИҚ ВИДЕО

Telegram I Facebook I YouTube I Instagram

Қашқадарёда йирик миқдордаги гиёҳвандлик моддаси мусодара қилинди

​Мамлакатимиз бўйлаб 1 май санасидан старт олган “Қорадори–2026” кенг қамровли тезкор-қидирув тадбирлари илк натижаларини бермоқда.

Хусусан, Қашқадарё вилоятида ўтказилган амалиёт давомида трансчегаравий жиноий гуруҳнинг фаолияти фош этилди.

​Тезкор ходимлар томонидан қўлга олинган гуруҳ аъзосидан жами 46 килограмм “гашиш” моддаси ашёвий далил сифатида олинди. Ҳозирда мазкур ҳолат юзасидан тергов ҳаракатлари олиб борилмоқда.

Telegram I Facebook I YouTube I Instagram

Жарима баллари тизими ишга тушди

Жорий йил 1 апрелдан бошлаб йўл ҳаракати қоидаларини бузганлик учун фақат жарима эмас, балки жарима баллари ҳам ҳисобланмоқда. Энди камера ва радарлар орқали аниқланган айрим қоидабузарликлар ҳам мазкур тизимга киритилди.

Ушбу тартиб ҳайдовчиларнинг йўлдаги масъулиятини ошириш, авариялар сонини камайтириш ва хавфсиз ҳаракатни таъминлашга қаратилган.

Ҳайдовчилардан қоидаларга қатъий риоя қилиш сўралади. Чунки жарима балларининг белгиланган меъёрдан ошиб кетиши ҳайдовчилик ҳуқуқидан маҳрум этилишга олиб келиши мумкин.

Telegram I Facebook I YouTube I Instagram

Битирув тадбири учун пул мажбурияти?

Бекобод туманидаги 38-мактабда ўқитувчи ва битирувчи ўртасида можаро келиб чиққан. Маълум қилинишича, ўқитувчи битирув тадбири учун пул бермаган ўқувчини тадбирга қўшмаслик билан таҳдид қилган. Шунингдек, ўқувчига нисбатан зўравонлик қилингани акс этган видеолар ҳам тарқалган.

Қонунчиликка кўра, ўқувчиларга зўравонлик қилиш ва мактабларда мажбурий пул йиғиш тақиқланади. Ҳолат юзасидан расмий изоҳ кутилмоқда.

Telegram I Facebook I YouTube I Instagram

Наманганда фоҳишаликка жалб қилиш билан шуғулланган жиноий гуруҳ фош этилди

Ҳуқуқни муҳофаза қилувчи органлар томонидан ўтказилган тезкор тадбирлар натижасида Наманган вилоятида қизларни фоҳишаликка жалб этиш билан шуғулланган жиноий гуруҳ аниқланиб, қўлга олинди. Ҳолат юзасидан тегишли тартибда жиноят иши қўзғатилган бўлиб, тергов ҳаракатлари олиб борилмоқда.

Telegram I Facebook I YouTube I Instagram

Тошкент вилояти тоғларида жароҳат олган аёл қутқарилди

Бўстонлиқ туманида сайр қилаётган икки нафар фуқародан бири — 70 ёшли аёл оёғидан жароҳат олиб, йўлда қолиб кетган.

Хабар келиб тушгач, қутқарувчилар зудлик билан воқеа жойига етиб бориб, жабрланувчига биринчи тиббий ёрдам кўрсатган ҳамда уни хавфсиз тарзда тоғдан пастга туширган.

Аёл шифокорлар назоратига топширилди. Унинг аҳволи барқарор экани маълум қилинди.

Telegram I Facebook I YouTube I Instagram

Наманганда қалбаки валюта савдоси фош этилди

Наманган вилоятида қалбаки валюта муомаласига қарши ўтказилган тезкор тадбирда икки нафар шахс қўлга олинди.

Маълум қилинишича, иқтисодий жиноятларга қарши курашиш доирасида Давлат хавфсизлик хизмати вилоят бошқармаси ходимлари Бош прокуратура ҳузуридаги Департамент ҳамда божхона идоралари билан ҳамкорликда Чуст туманида махсус операция ўтказган.

Тадбир давомида Янги Наманган туманида яшовчи 1984 йилда туғилган шахс ва Чуст туманида истиқомат қилувчи, муқаддам судланган 1980 йилда туғилган фуқаро ўзаро келишиб, хориждан олиб келинган қалбаки 10 минг АҚШ долларини шартли харидорга ҳақиқий 7,5 минг долларга сотаётган вақтида ашёвий далиллар билан ушланган.

Ҳозирда мазкур шахсларга нисбатан жиноят иши қўзғатилган бўлиб, тергов ҳаракатлари олиб борилмоқда.

Telegram I Facebook I YouTube I Instagram

ЙПХ ходими жарима майдонидаги автомобилдан фойдаланганмиди?

Ижтимоий тармоқларда ЙПХ ходими жарима майдонида сақланаётган автомобилни бошқариб чиққанлиги ҳақида хабарлар тарқалди. Ушбу ҳолат Йўл ҳаракати хавфсизлиги хизмати томонидан ўрганилди.

Хизмат текшируви натижасида қоидабузарлик ҳолати тасдиқланмади ва айбдор шахсга нисбатан амалдаги қонунчиликка мувофиқ тегишли чоралар кўрилгани маълум қилинди.

Telegram I Facebook I YouTube I Instagram

Ҳаж сафарига илк зиёратчилар жўнаб кетди

Бугундан бошлаб юртимиздан муқаддас Ҳаж зиёратини адо этиш учун зиёратчиларни жўнатиш ишлари старт олди. Уларни кузатиш ва сафарга йўллаш жараёнлари босқичма-босқич ташкил этилмоқда.

Маълум қилинишича, зиёратчилар учун барча зарур шарт-шароитлар яратилган бўлиб, сафар давомида уларнинг хавфсизлиги ва қулайлигига алоҳида эътибор қаратилмоқда.

Telegram I Facebook I YouTube I Instagram

Бойсунда сел оқибатида нефт аралаш суюқлик сизиб чиқди

Сурхондарё вилояти Бойсун туманида кучли сел оқими оқибатида нефт аралаш суюқлик чиқиши ҳолати қайд этилди.

Маълум қилинишича, бугун соат 06:30 атрофида содир бўлган сел ҳандақни бузиб кетган ва натижада нефть маҳсулотлари аралаш суюқлик ташқи муҳитга сизиб чиққан.

Айни пайтда ҳодиса жойида Сурхондарё вилояти Экология бош бошқармаси ҳамда экополиция ходимларидан иборат ишчи гуруҳ бошқа мутасадди ташкилотлар билан ҳамкорликда ўрганиш ишларини олиб бормоқда.

Ҳолат юзасидан текширувлар давом этмоқда. Қўшимча маълумотлар эълон қилиниши кутилмоқда.

Telegram I Facebook I YouTube I Instagram