Зироат Мирзиёева Хоразмда ижтимоий ва экологик лойиҳалар билан танишди

Ўзбекистоннинг Биринчи хоними, “Zamin” фонди Васийлик кенгаши раиси Зироат Мирзиёева Зироат Мирзиёева Хоразм вилоятига ташриф буюриб, ижтимоий ва экологик лойиҳалар билан танишди.

Ташриф давомида ҳудудда амалга оширилаётган ижтимоий ташаббуслар, атроф-муҳитни муҳофаза қилишга қаратилган лойиҳалар ҳамда аҳоли турмуш шароитини яхшилашга йўналтирилган ишлар кўздан кечирилди.

Telegram I Facebook I YouTube I Instagram

Сурхондарёда одам ўлдириб кетилди. 4 нафар шахс қамоққа олинган.

Жорий йилнинг 27 апрель куни соат 17:50 ларда Денов шаҳри “Боғишамол” маҳалласи ҳудудида жойлашган автотранспорт ювиш шохобчаси олдида А.У. ва унинг фарзанди А.А. ҳамда улар билан пул олди-берди масаласида олдиндан низоси бўлган жияни Қ.Ш. ва унинг шериклари — Т.Ш., Х.Ш. ва Т.Ш.лар томонидан уриш-жароҳат етказилган.

Шундан сўнг жабрланувчи А.А. “Jentra” автомобилига ўтқазилиб, воқеа жойидан олиб кетилган.

А.А. Денов туман тиббиёт бирлашмасида оғир тан жароҳатлари билан даволанган бўлса-да, кўрсатилган тиббий ёрдамга қарамасдан 28 апрель куни вафот этган.

Ҳолат юзасидан жиноят иши қўзғатилган. 4 нафар шахс процессуал тартибда қамоққа олинган.

Telegram I Facebook I YouTube I Instagram

Зарарли дастурлар савдоси фош этилди: жиноят иши қўзғатилди

Давлат хавфсизлик хизмати ҳамда Тошкент шаҳар ИИББ ходимлари, шунингдек Киберхавфсизлик маркази мутахассислари иштирокида ўтказилган тезкор тадбирда “Телеграм” орқали зарарли “APK” дастурларни сотиб келган шахс фаолиятига чек қўйилди.

Маълум бўлишича, Чирчиқ шаҳрида яшовчи, 2005 йилда туғилган фуқаро ўзи ишлаб чиққан зарарли иловаларни 100–300 минг сўм оралиғида сотган. Ушбу дастурлар 10 га яқин фойдаланувчига тарқатилган.

Шунингдек, у мижозларга техник ёрдам кўрсатиб, дастурлардан фойдаланиш бўйича маслаҳатлар ҳам бериб келган.

⚠️ Мутахассислар таъкидлашича, бундай “APK” дастурлар орқали бошқа шахсларнинг “Телеграм” аккаунтларига рухсатсиз кириш, СМС хабарларни ўқиш ҳамда тўлов тизимларидаги маблағларни ўзлаштириш мумкин.

Тезкор тадбир давомида гумонланувчидан ноутбук, смартфон, қаттиқ диск ва банк карталари ашёвий далил сифатида олинган

Ҳозирда мазкур ҳолат юзасидан жиноят иши қўзғатилиб, тергов ҳаракатлари давом этмоқда.

Telegram I Facebook I YouTube I Instagram

ППХ ходими билан чиқарилган шов-шувли видеонинг охири ёлғон бўлиб чиқдими? У ҳақиқатдан ҳам қизларга тегажоғлик қилганми?

Аввалроқ ижтимоий тармоқларда Патруль-пост хизмати ходими 2 нафар вояга етмаган, 14 ёшли қизларни зўрлик ишлатиб тоққа олиб чиққан ва уларга тегажоғлик қилгани ҳақида хабарлар тарқалган эди. Суриштирувлар давомида ушбу иддаолар мутлақо ҳақиқатга тўғри келмаслиги маълум қилинди. Бу ҳақда Тошкент вилояти Ички ишлар бош бошқармаси матбуот котиби Бобур Тўлаганов маълум қилди.

Унга кўра, жорий йилнинг 27 апрель куни тунги соат 00:40 да Оҳангарон шаҳар ИИБ ППХ ходимига таниши — 22 ёшли аёл қўнғироқ қилиб, ундан маслаҳат олиш зарурлигини айтиб чақирган.

Telegram I Facebook I YouTube I Instagram

Энди автотранспортни жарима майдонидан сарсон бўлмасдан онлайн тарзда олиб чиқиш мумкин

Транспорт воситаларини жарима майдончасидан олиб чиқиш бўйича электрон тартиб жорий этилди.
Эндиликда фуқаролар ЯИДХП портали ёки унинг мобил иловаси орқали мурожаат юбориши мумкин.

Мурожаат қилувчи сўровномани электрон шаклда тўлдиради ва жараён масофадан туриб амалга оширилади. Бу янгилик орқали ортиқча оворагарчиликлар бартараф этилиб, вақт тежалади.

Telegram I Facebook I YouTube I Instagram

Ғиёсиддин Қутбиддинович Режабов Президентнинг маданият масалалари бўйича вакили лавозимига тайинланди

Шу муносабат билан у Президент администрациясининг креатив иқтисодиёт ва туризм бўйича департаменти шўъба мудири лавозимидан озод этилди.

Telegram I Facebook I YouTube I Instagram

Ишдаги бахтсиз ҳодисалар туфайли 3 ойда 62 киши ҳалок бўлди

Камбағалликни қисқартириш ва бандлик вазирлиги маълумотига кўра, 2026 йилнинг 1-чорагида меҳнат фаолияти билан боғлиқ 198 та бахтсиз ҳодиса қайд этилган.

Уларнинг 9 таси гуруҳий, 139 таси оғир оқибатли ва 49 таси ўлим билан якунланган. Жами 223 нафар фуқаро жабрланган:
— 146 нафари оғир тан жароҳати олган
— 15 нафари енгил жароҳатланган
— 62 нафари ҳалок бўлган.

Соҳалар кесимида энг кўп ҳолатлар саноат (71 та) ва қурилиш (54 та) тармоқларида кузатилган. Шунингдек, қишлоқ ва сув хўжалигида 9 та, транспортда 8 та, савдо ва хизмат кўрсатишда 8 та, таълимда 6 та ҳамда соғлиқни сақлаш тизимида 4 та ҳолат қайд этилган.

Ҳудудлар бўйича энг юқори кўрсаткич Тошкент шаҳрида — 44 та ҳолат. Кейинги ўринларда:
— Сурхондарё — 36 та
— Тошкент вилояти — 29 та
— Навоий — 18 та
— Бухоро — 16 та
— Андижон — 15 та
— Самарқанд ва Сирдарё — 13 тадан
Қорақалпоғистон, Фарғона ва Қашқадарёда 10 тадан, Наманганда 7 та, Хоразм ва Жиззахда эса 5 тадан бахтсиз ҳодиса содир бўлган.

Telegram I Facebook I YouTube I Instagram

Қарийб 13 кг “опий” ноқонуний айланмадан олинди

Давлат хавфсизлик хизмати ҳамда божхона органлари ҳамкорлигида ўтказилган тезкор тадбирлар натижасида гиёҳвандлик воситаларининг йирик партияси фош этилди.

Хусусан, Бухоро вилоятида ўтказилган операция давомида муқаддам наркожиноят учун судланган, 1993 йилда туғилган шахс бошқарувидаги “Lacetti” автомашинаси Когон тумани ҳудудида тўхтатилди.

Автомашина кўздан кечирилганда, мотор қисмидаги ҳаво фильтри остига яширилган 993 грамм “опий” моддаси аниқланиб, процессуал тартибда расмийлаштириб олинди.

Суриштирувлар натижасида ушбу гиёҳвандлик воситаси Термиз туманида яшовчи, 1980 йилда туғилган, халқаро юк ташиш билан шуғулланувчи шахсдан олингани маълум бўлди.

Тезкор тадбир давомида мазкур шахс ҳам қўлга олиниб:
унинг ёнидан 5 кг
яшаш хонадонидан эса 7 кг
“опий” гиёҳвандлик воситаси ашёвий далил сифатида мусодара қилинди. Жами ҳисобда қарийб 13 кг гиёҳвандлик воситасининг ноқонуний айланмасига чек қўйилди.

Telegram I Facebook I YouTube I Instagram

27 ёшли беморга шошилинч стент қўйилди

Куни кеча 27 ёшли беморда энергетик ичимликларни мунтазам истеъмол қилиш оқибатида юрак томирида жиддий муаммо юзага келиб, томир ёпилиб қолган.

Шифокорлар томонидан зудлик билан тиббий муолажа ўтказилиб, ёпилиб қолган томирга стент ўрнатилди ва беморнинг ҳаёти сақлаб қолинди.

Мутахассислар таъкидлашича, бундай ҳолатлар энергетик ичимликларни ортиқча истеъмол қилиш юрак-қон томир тизимига жиддий зарар етказиши мумкинлигини яна бир бор кўрсатмоқда.

Ҳозирда бемор доимий равишда дори воситаларини қабул қилиши ва қатъий парҳезга риоя қилиши талаб этилади.

Telegram I Facebook I YouTube I Instagram

Жалақудуқ туманида 3 минг доллар билан боғлиқ коррупцион ҳолат фош этилди

Бош прокуратура ҳузуридаги Департаментнинг Андижон вилояти бошқармаси ҳамда бошқа ҳуқуқни муҳофаза қилувчи органлар ҳамкорлигида ўтказилган тезкор тадбирда Кадастр агентлигининг Жалақудуқ тумани бўлими раҳбари билан боғлиқ қонунбузарлик аниқланди.

Маълум бўлишича, у фуқарога уй-жой қуриш ва деҳқон хўжалиги юритиш учун жами 25 сотих ер майдони ажратиб беришни ваъда қилиб, 2024 йилда 3 000 АҚШ долларини фирибгарлик йўли билан қўлга киритган. Шу билан бирга, шубҳани яшириш мақсадида фуқарога гўёки “Шархончеки” МФЙ ҳудудидан 8 сотих ер ажратилгани ҳақида қарор чиқарилганини маълум қилган.

Тезкор тадбир давомида, туман кадастр бўлими ходими бўлим раҳбарининг топшириғига кўра фуқарога 3 000 АҚШ долларини қайтариб бераётган вақтида ашёвий далиллар билан ушланган.

Мазкур ҳолат юзасидан жиноят иши қўзғатилиб, ҳозирда тергов ҳаракатлари олиб борилмоқда.

Telegram I Facebook I YouTube I Instagram

Тошкентда 6–9 май кунлари гуллар фестивали бўлиб ўтади

Фестиваль давомида кўплаб санъаткорлар иштирок этади, қизиқарли чиқишлар ва байрамона муҳит сизни кутмоқда.

🎟 Кириш мутлақо бепул.

📍 Манзил: Алишер Навоий номидаги Ўзбекистон Миллий кутубхонаси олди майдони

Telegram I Facebook I YouTube I Instagram