Компаниялар учун махсус белги жорий этилади

Ҳукумат қарори лойиҳасига мувофиқ, мамлакатда ҳалол бизнесни қўллаб-қувватлаш ва коррупцияга қарши курашишни рағбатлантиришга қаратилган янги тизим жорий этилиши режалаштирилмоқда.

Лойиҳа доирасида қуйидаги асосий янгиликлар назарда тутилган:
➖ “Коррупцияга қарши хартия” электрон платформаси ишга туширилади;
➖ ушбу платформага аъзо бўлган компанияларга турли имтиёз ва рағбатлар тақдим этилади;
➖ компанияларнинг маҳсулот ва хизматларини тарғиб қилиш харажатлари қисман қоплаб берилади.

Шунингдек, “Йилнинг энг ҳалол компанияси” мукофоти таъсис этилиши ҳамда иштирокчи корхоналар учун махсус “compliance” белгиси берилиши кўзда тутилган.

Telegram I Facebook I YouTube I Instagram

Фарғонани ривожлантириш: устувор вазифалар белгилаб берилди

Президентимиз томонидан Фарғона вилоятини янада ривожлантириш бўйича келгуси устувор вазифалар аниқ белгилаб берилди.

Telegram I Facebook I YouTube I Instagram

Ўзбекистонда "дача" ва туристик дала ҳовлилар тўлиқ хатловдан ўтказилади

Президент қарори лойиҳаси жамоатчилик муҳокамасига қўйилди. Унга кўра, 2026 йил якунига қадар Туризм қўмитаси ва Солиқ қўмитаси томонидан мамлакатдаги барча “дача”лар ва туристик дала ҳовлилар тўлиқ хатловдан ўтказилиб, улар ҳақидаги маълумотлар ягона рақамли платформага киритилади.

2027 йил 1 январдан бошлаб эса мазкур объектлар томонидан кўрсатиладиган хизматлар нархларини Миллий туризм ягона ахборот платформасига мунтазам киритиб бориш мажбурий этиб белгиланиши режалаштирилмоқда.

Лойиҳага кўра, туристик дала ҳовлилар фаолиятини амалга ошириш учун алоҳида лицензия ёки рухсатнома талаб этилмайди. Шу билан бирга, платформага киритилмаган ёки ноқонуний фаолият юритган объектларга нисбатан маъмурий жарималар қўлланилади.

Шунингдек, ноқонуний фаолият ҳақида маълумот берган фуқароларни рағбатлантириш ҳам назарда тутилган бўлиб, ундирилган жарима суммасининг 30 фоизи миқдорида мукофот пули тўлаб берилиши мумкин.

Telegram I Facebook I YouTube I Instagram

Давлатимиз раҳбари Фарғона вилоятидаги IT-парк фаолияти билан танишди

Ўзбекистон Республикаси Президенти Фарғона шаҳрида жойлашган IT-паркга ташриф буюриб, у ерда амалга оширилаётган лойиҳалар ва яратилган шароитлар билан яқиндан танишди.

Мутасаддиларга IT соҳасини янада кенгайтириш, инновацион ғояларни амалиётга жорий этиш ва экспорт салоҳиятини ошириш бўйича топшириқлар берилди.

Telegram I Facebook I YouTube I Instagram

Швейцария суди Гулнора Каримовага оид ишни тўхтатди

Швейцария Федерал жиноят суди 27 апрель куни Гулнора Каримовага нисбатан юритилаётган жиноят ишини расман тўхтатиш ҳақида қарор қабул қилди.

Суд мазкур қарорни “барқарор тўсиқ” мавжудлиги билан изоҳлади. Хусусан, айбланувчининг суд жараёнида шахсан иштирок этиш имконияти йўқлиги ишни давом эттириш учун ҳуқуқий асосни йўққа чиқаргани қайд этилди.

Иш Беллинцона шаҳрида кўриб чиқилаётган эди. Бироқ Гулнора Каримова 2014 йилдан буён Ўзбекистонда ҳибсда сақланмоқда. Ўзбекистон томони унинг 2028 йил декабригача мамлакатдан чиқарилишига рози эмас. Шу билан бирга, даъво муддати ҳам айнан 2028 йилда якунига етади. Бу ҳолат суд жараёнини узоқ давом эттириш имконини чеклаган.

Шунингдек, таъкидланишича, қарор фақат Каримованинг шахсий қисмига тегишли. Швейцариянинг “Lombard Odier” банки ҳамда унинг собиқ ходимига нисбатан пул ювиш бўйича иш кўриб чиқилиши давом этмоқда.

Telegram I Facebook I YouTube I Instagram

Президентимиз «Нефтчи» футбол академияси тарбияланувчилари билан учрашди

Президентимиз Фарғонада «Нефтчи» футбол академияси тарбияланувчилари билан учрашиб, ёш спортчиларнинг машғулот жараёнлари ва келгусидаги режалари билан яқиндан танишди. Учрашув давомида футболни ривожлантириш, иқтидорли ёшларни қўллаб-қувватлаш ҳамда профессионал спортга тайёрлаш масалалари муҳокама қилинди.

Telegram I Facebook I YouTube I Instagram

Қашқадарё ва Андижонда 1 млрд сўмдан ортиқ суюлтирилган газ талон-торож қилинган

Бош прокуратура ҳузуридаги Департамент томонидан Қашқадарё ва Андижон вилоятларида суюлтирилган газ билан боғлиқ йирик қонунбузарлик ҳолатлари аниқланди.

Маълум қилинишича, Қашқадарё вилояти Деҳқонобод туманида “Деҳқонободтумангаз” бўлими масъул шахслари 337 нафар фуқаро номига сохта “ID” карталар расмийлаштириб, 143 тонна газ етказилгани ҳақида ёлғон маълумот киритган. Оқибатда, 529,8 млн сўм маблағ ўзлаштирилган.

Андижон вилоятида ўтказилган тезкор тадбирларда ҳам қатор қонунбузарликлар фош этилди. Жумладан, “Хўжаободтумангаз” бўлими ходими аҳоли учун ажратилган газ баллонларини ноқонуний сотиш вақтида ушланган. Шунингдек, масъул шахслар томонидан 81,5 тонна газ тарқатилгани ҳақида сохта ҳужжатлар расмийлаштирилиб, 428 млн сўм талон-торож қилингани маълум бўлди.

Балиқчи туманида эса газ таъминоти филиали ходимлари аҳолига ажратилган 34 дона газ баллонини сотиш вақтида қўлга олинган. Тергов давомида улар томонидан жами 23,92 тонна газ 107,6 млн сўмга ноқонуний сотиб юборилгани аниқланган.

Ушбу ҳолатлар юзасидан жиноят ишлари қўзғатилиб, тергов ҳаракатлари олиб борилмоқда.

Telegram I Facebook I YouTube I Instagram

Бойсунда дарёга нефть аралаш суюқлик оқиши 8,5 млрд сўмдан ортиқ зарар келтирди

Аввал хабар қилганимиздек, мазкур ҳолат Экология ва иқлим ўзгариши миллий қўмитаси ҳузуридаги Давлат экологик назорат инспекцияси томонидан ўрганилди.

Текширувлар давомида “Surxan Gas Chemical Operating Company” қўшма корхонасига қарашли қудуқдан нефть маҳсулотлари аралаш суюқлик қайнаб чиққанлиги аниқланган. Ушбу суюқликнинг табиий сув ҳавзасига тушишининг олдини олиш мақсадида “Eriell Oilfield Services Middle East DMCC” компаниясининг махсус техникаси ёрдамида 11 та хандақ қазилган.

Бироқ 23 апрель куни кузатилган кучли ёғингарчиликлар оқибатида тахминан 1,2 тонна нефть маҳсулоти аралаш суюқлик “Хонгаронсой”га оқиб кетган.
Ҳисоб-китобларга кўра, Вазирлар Маҳкамасининг 2021 йил 12 апрелдаги 202-сон қарори асосида етказилган зарар миқдори 8,5 миллиард сўмдан ортиқни ташкил этган.
Ҳозирда ҳолат бартараф этилган, сув нефть аралашмалардан тозаланган.

Текширув ишлари давом этмоқда, якуни бўйича тўпланган ҳужжатлар ҳуқуқий баҳо бериш учун тегишли идораларга тақдим этилади.

Telegram I Facebook I YouTube I Instagram

Сергелидаги мактабда очиқ мулоқот: замонавий таълим қандай бўлиши керак?

Тошкент шаҳри Сергели туманидаги 237-сонли умумий ўрта таълим мактабида “Сифатли таълим — келажак пойдевори” мавзусида Очиқ эшиклар куни ташкил этилди.

Тадбир таълим тизимини ривожлантириш ва Президент қарорларида белгиланган вазифалар ижросини таъминлаш мақсадида ўтказилди.

Унда замонавий таълим жараёнлари, илғор педагогик ёндашувлар, дарс сифати ва самарали методлар юзасидан фикр алмашилди.

Шунингдек, ўқувчиларнинг билим ва иқтидорини ривожлантириш масалалари муҳокама қилинди.

Тадбирда хорижий давлатлардан ташриф буюрган тил ўқитувчилари ҳам иштирок этиб, ўз тажрибалари билан ўртоқлашдилар.

Telegram I Facebook I YouTube I Instagram

❗️Швейцария суди Гулнора Каримовага оид ишни тўхтатди

Швейцария Федерал жиноят суди 27 апрель куни Гулнора Каримовага нисбатан юритилаётган жиноят ишини тўхтатишга қарор қилди. Бунга унинг судда шахсан иштирок эта олмаслиги сабаб бўлган.

Каримова 2014 йилдан бери Ўзбекистонда ҳибсда ва 2028 йилгача мамлакатдан чиқарилмайди. Айбловлар бўйича даъво муддати ҳам шу йилда тугайди, шунинг учун суд жараёнини чўзиш имкони бўлмаган.

Маълумот учун, ишнинг фақат Каримовага оид қисми тўхтатилди. “Lombard Odier” банки ва унинг собиқ ходимига қарши суд жараёни давом этмоқда.

У 2005–2013 йилларда телеком компаниялардан пора олиб, катта маблағларни Швейцария банкларига ўтказганликда айбланмоқда.

Telegram I Facebook I YouTube I Instagram

Тошкентда одам савдосига чек қўйилди

​Давлат хавфсизлик хизмати ва Ички ишлар органлари ҳамкорлигида ўтказилган тезкор тадбирда жиноий гуруҳ фош этилди.

Текширувлар шуни кўрсатдики, Бўстонлиқ туманида яшовчи, атиги 22 ёшли аёл бир неча қизларни алдов йўли билан хорижга, жинсий эксплуатация қилиш учун юбормоқчи бўлган.

У Дубай шаҳрига учиб кетаётган вақтида Тошкент халқаро аэропортида қўлга олинди. Энди унинг манзили Дубай эмас, тергов изолятори!

​Ҳолат юзасидан жиноят иши қўзғатилди. Ушбу жиноят учун қонунчиликда 5 йилдан 10 йилгача озодликдан маҳрум қилиш жазоси белгиланган.

Telegram I Facebook I YouTube I Instagram

Эксклюзив кадрлар: Президент Шавкат Мирзиёев ёш футболчилар билан майдонда

Президент Шавкат Мирзиёев “Нефтчи” футбол академияси тарбияланувчилари билан самимий мулоқот қилди. Давлат раҳбари ёш спортчилар билан бирга майдонга тушиб, тўп тепди ва уларнинг машғулот жараёни билан танишди.

Ушбу самимий учрашув орқали Президент ёш футболчиларга доимий қўллаб-қувватлов борлигини англатиб, уларни янада катта ютуқларга интилишга руҳлантирди.

Telegram I Facebook I YouTube I Instagram

❗️Ургутда болани калтаклаган тарбиячи ишдан бўшатилди

Самарқанд вилояти Ургут туманидаги “Кўзмунчоқ” хусусий боғчасида тарбияланувчига қўл кўтарган тарбиячи ишдан бўшатилди.

Маълум қилинишича, “Мадина Кўзмунчоқ” нодавлат боғчаси 2019 йилдан буён фаолият юритади. Ҳозирда у ерда 147 нафар бола таълим-тарбия олмоқда.

Ҳолат 20 апрель куни содир бўлган. 23 апрель куни эса тарбиячи билан меҳнат шартномаси бекор қилинган.
Айни пайтда воқеа ҳуқуқни муҳофаза қилувчи органлар томонидан ўрганилмоқда.

Telegram I Facebook I YouTube I Instagram

5 йил стажи бор аёл-қизлар учун янги имконият: 1 майдан аризалар қабул қилинади

2022 йил 9 июнда Вазирлар Маҳкамасининг 322-сон қарори асосида мутахассислиги бўйича камида 5 йил меҳнат стажига эга бўлган хотин-қизлар учун олий таълимга киришда алоҳида имконият яратилган.

📌 Ушбу тартибга кўра:
— 1 майдан 1 июнга қадар аризалар қабул қилинади;
— талабгорлар давлат олий таълим муассасаларининг бакалавриат йўналишларига алоҳида қабул параметрлари асосида танловда иштирок этади;
— бунинг учун махсус тавсиянома олиш талаб этилади.

Аризалар xotin-qizlar.uz платформаси орқали онлайн тарзда топширилади.
Ушбу имконият меҳнат тажрибасига эга аёл-қизларнинг таълим олиш ва касбий ривожланишини қўллаб-қувватлашга қаратилган.

Telegram I Facebook I YouTube I Instagram

Саида Мирзиёеванинг Хоразм вилоятига ташрифи: Тафсилотлар ва янгиликлар

​Ушбу ташриф давомида амалга оширилган муҳим ишлар ва келгусидаги режалар ҳақида эксклюзив кадрларни тақдим этамиз. Буни бошқа каналларда кўрмагансиз!

Telegram I Facebook I YouTube I Instagram

Шавкат Мирзиёев яқин вақтларда маънавият ва маърифат, маданият ва санъат вакиллари билан учрашув ўтказиши кутилмоқда

Маълумотларга кўра:
— мулоқот учун катта тайёргарлик олиб борилмоқда
— соҳа вакилларини қўллаб-қувватлаш масалалари муҳокама қилинади
— янги ташаббус ва имтиёзлар илгари сурилиши мумкин.

Расмий тасдиқ бўлса, қўшимча маълумотлар эълон қилинади.

Telegram I Facebook I YouTube I Instagram

Андижонда “Ҳаж” зиёрати билан боғлиқ фирибгарликка чек қўйилди

Андижон вилоятида муқаддас “Ҳаж” зиёратига юборишни ваъда қилган шахснинг ноқонуний ҳаракатлари фош этилди.

Маълум бўлишича, Асака туманида яшовчи 1975 йилда туғилган шахс алдов йўли билан 1996 йилда туғилган фуқаронинг ишончига кирган. У танишлари орқали уни ва 1964 йилда туғилган онасини жорий йилги “Ҳаж” мавсумида Саудия Арабистонига юборишни ваъда қилиб, ҳар бири учун 9 минг АҚШ долларидан, жами 18 минг доллар талаб қилган.

Давлат хавфсизлик хизмати ва Иқтисодий жиноятларга қарши курашиш департаменти ходимлари томонидан ўтказилган тезкор тадбирда у олдиндан 9 минг доллар олган вақтида ашёвий далиллар билан ушланган.

Ҳозирда ушбу ҳолат юзасидан жиноят иши қўзғатилиб, тергов ҳаракатлари олиб борилмоқда.

Telegram I Facebook I YouTube I Instagram

Нега пешлавҳалар учун ҳар чоракда 80 млн сўм тўланяпти?

Evos ресторанлар тармоғи вакили Тошкентда пешлавҳалар бизнес учун жиддий муаммога айланганини маълум қилди.

Унинг айтишича, тармоқдаги 65 та шохобчада ўрнатилган пешлавҳалар учун “реклама паспорти” олинган. Шу асосда ҳар чоракда тахминан 80 млн сўм миқдорида йиғим тўланмоқда.

❗️ Бироқ асосий эътироз шундаки:
— тўлов амалга оширилганига қарамай,
— айрим пешлавҳалар барибир демонтаж қилинган.
Сабаб сифатида эса шаҳарда жорий этилган “дизайн-код” талабларига мос келмаслик кўрсатилган.

Тадбиркорлар фикрича, бу ҳолат тизимдаги бир нечта муаммони очиб бермоқда:
— тўлов ва талаблар ўртасидаги номутаносиблик;
— аввал рухсат берилиб, кейин бекор қилиниши;
— бизнес учун ортиқча молиявий юк.

Ҳозирча мутасадди идоралар томонидан мазкур ҳолат юзасидан расмий изоҳ берилмаган.

Telegram I Facebook I YouTube I Instagram

Ҳудудларда ноқонуний валюта айирбошловчилар ушланди

Бош прокуратура ҳузуридаги Иқтисодий жиноятларга қарши курашиш департаменти ҳамда бошқа ҳуқуқни муҳофаза қилувчи органлар томонидан ўтказилган тезкор тадбирларда бир қатор шахслар қўлга олинди.

➡️ Тошкент шаҳрида:
— Э.М. 4 500 еврони 64,8 млн сўмга сотаётган вақтда ушланди. Ундан турли хорижий валюталар ва 73,6 млн сўм олинган.
— Миробод туманида М.П. 5 000 АҚШ долларини 60,9 млн сўмга сотаётганида ушланиб, ундан жами 9 044 доллар ва бошқа валюталар мусодара қилинди.

➡️ Ҳудудларда ҳам шундай ҳолатлар аниқланган:
— Ўзбекистон туманида 5 750 доллар савдоси вақтида фуқаро ушланди;
— Қашқадарёда 5 200 доллар сотиш ҳолати фош этилди;
— Бухоро шаҳрида муқаддам судланган шахс 4 100 доллар билан қўлга тушди;
— Жомбой, Булунғур ва Янгийўлда ҳам 4 000 доллар атрофидаги ноқонуний операциялар вақтида шахслар ушланган.

Ушбу ҳолатларда жами минглаб доллар, евро, рубль ва бошқа валюталар ҳамда катта миқдордаги сўмлар ашёвий далил сифатида олинган.

Барча ҳолатлар бўйича жиноят ишлари қўзғатилиб, тергов олиб борилмоқда.

Telegram I Facebook I YouTube I Instagram

Сирдарёда солиқ идораси мансабдори пора билан ушланди

Давлат хавфсизлик хизмати Сирдарё вилояти бошқармаси томонидан прокуратура, Иқтисодий жиноятларга қарши курашиш департаменти ҳамда солиқ органлари билан ҳамкорликда тезкор тадбир ўтказилди.

Унда маълум бўлишича, вилоят Солиқ бошқармасининг шўъба бошлиғи хизмат ваколатларидан фойдаланиб, заргарлик фаолияти билан шуғулланувчи МЧЖга нисбатан гўёки 1 млрд сўмдан ортиқ маблағни яшириш ҳолати борлиги важи билан 145 млн сўмлик жарима қўллаш билан таҳдид қилган.

Эвазига у жаримани қўлламаслик ва келгусида “ҳомийлик” қилиш учун корхона раҳбаридан қиймати 10 млн сўм бўлган тилла тақинчоқни олган вақтида ашёвий далиллар билан ушланган.

Ҳозирда мазкур ҳолат юзасидан жиноят иши қўзғатилиб, тергов ҳаракатлари олиб борилмоқда.

Telegram I Facebook I YouTube I Instagram

Ҳимолайда яширинган қор қоплони — топа оласизми?

Ҳиндистонлик ёввойи табиат фотосуратчиси Саураб Десаи Ҳимолай тоғлари даги экспедицияси чоғида ноёб кадрни эълон қилди.

Суратда табиат билан мутлақ уйғунлашиб кетган қор қоплони акс этган бўлиб, уни илк қарашда пайқаш анча мушкул.

Фотосуратчи ушбу кадрга: “Камуфляж санъати”, дея изоҳ қолдирган. Бу эса йиртқич мушукнинг табиий муҳитда ниқобланиш қобилиятини яна бир бор намоён этади.

Сиз ҳам қоплонни топиб кўришга ҳаракат қилинг.

Telegram I Facebook I YouTube I Instagram