Тошкентда 5 кун иссиқ сув бўлмайди

2026 йил 27 апрелдан 1 майга қадар Тошкент шаҳрида айрим ҳудудларда иссиқ сув таъминоти 5 кунга тўхтатилади.
Бу ҳолат 7-ИМ ҳамда ТошИЭМ қозонхоналарида олиб бориладиган режали профилактика ишлари билан боғлиқ.
Чекловлар қуйидаги туманларни қамраб олади:
Яшнобод
Яккасарой
Миробод
Чилонзор
Шайхонтоҳур
Сергели туманининг айрим ҳудудлари.

Telegram I Facebook I YouTube I Instagram

Чехия бош вазири Ўзбекистонга ташриф буюради

29–30 апрель кунлари Андрей Бабиш бошчилигидаги делегация Тошкент шаҳрига ташриф буюради.

Ташрифнинг асосий мақсади — инвестиция, саноат, иқтисодиёт ва савдо соҳаларида икки томонлама ҳамкорликни кенгайтириш, янги лойиҳаларни муҳокама қилишдан иборат.

Чехия элчисининг маълум қилишича, ташриф доирасида темир йўл транспорти соҳасида Škoda Transportation иштирокидаги йирик лойиҳани амалга ошириш бошланади.

Ушбу лойиҳа электропоездларни етказиб бериш, уларни Ўзбекистонда йиғиш ҳамда босқичма-босқич ишлаб чиқаришни маҳаллийлаштиришни ўз ичига олади.

Мазкур ташриф икки давлат ўртасидаги иқтисодий алоқаларни янада мустаҳкамлаши кутилмоқда.

Telegram I Facebook I YouTube I Instagram

Паркентда адашган фуқаролар қутқарилди

26 апрель куни кечқурун соат 23:50 да Ўзбекистон Республикаси Фавқулодда вазиятлар вазирлигига “112” тизими орқали Паркент туманининг “Кумушкон” МФЙ ҳудудидан оқиб ўтувчи Паркентсой сойи бўйида икки нафар фуқаро адашиб қолгани ҳақида хабар келиб тушган.

Маълумотга кўра, фуқаролар сайр қилиш мақсадида мазкур ҳудудга бориб, йўлни топа олмаган.

Хабар асосида қутқарувчилар зудлик билан ҳудудга етиб бориб, қидирув-қутқарув ишларини олиб боришган. Натижада адашиб қолган фуқаролар топилиб, соғ-саломат ҳолда хавфсиз ҳудудга олиб чиқилган ва яшаш манзилларига кузатилган.

Ҳодиса оқибатида жабрланганлар йўқ.

Telegram I Facebook I YouTube I Instagram

СМС хабарномалар нархи ошмайди

HUMO 1 майдан карта операциялари ва қолдиқ ҳақидаги СМС хабарномалар нархи ошмаслигини маълум қилди.

13131 рақамидан юбориладиган ҳар бир хабар учун амалдаги 84,2 сўмлик тариф сақлаб қолинади.

Telegram I Facebook I YouTube I Instagram

⚡️Effect.uz Воҳада!

Effect.uz ахборот агентлигининг ижодий жамоаси айни кунларда Воҳада журналистик суриштирув ишларини олиб бормоқда.

Шу боис бизнинг ижодий жамоамиз Қашқадарё, Сурхондарё ҳамда Самарқанд вилоятларидаги аҳоли мурожаатларини ўрганишда ҳамда журналистик суриштирув ишларини олиб боришда давом этади.

Мурожаат учун телефон рақамлар:

+998971663232
+998979663232

Телеграм орқали ҳам ўз мурожаатларингизни @effectgamurojaat профилига қолдиришингиз мумкин. Йўлланган мурожаатлар 3 кун давомида кўриб чиқилади.

Telegram I Facebook I YouTube I Instagram

Зироат Мирзиёева Хоразм вилоятига ташриф буюрди

Ўзбекистон Республикасининг Биринчи хоними Зироат Мирзиёева Хоразм вилоятига ташриф доирасида Урганч шаҳридаги эшитишида нуқсони бўлган болалар учун ихтисослаштирилган 96-сон мактаб-интернатига борди.

Ташриф давомида у муассасада ташкил этилган ўқув новвойхонаси фаолияти билан танишди.

Ушбу новвойхона ўқувчиларга амалий кўникмалар бериш, уларни касбга йўналтириш ва мустақил ҳаётга тайёрлаш мақсадида йўлга қўйилган.

Telegram I Facebook I YouTube I Instagram

Фарғона туманига янги ҳоким тайинлангани айтилмоқда

Фарғона туманида ҳоким алмашгани ҳақида хабарлар тарқалмоқда. Унга кўра, ушбу лавозимда фаолият юритиб келган Ҳамидулло Иномов бошқа ишга ўтган.

Маълум қилинишича, у янги лавозимга ўтгани муносабати билан унинг ўрнига Давлат кадастрлари палатасининг Фарғона вилояти бошқармаси бошлиғи бўлиб ишлаб келган Нодирбек Машрапов Фарғона тумани ҳокими этиб тайинланган.

Айни пайтда Ҳамидулло Иномов айнан қайси лавозимни эгаллагани номаълум.

Хабар расман тасдиқланмаган.

Telegram I Facebook I YouTube I Instagram

1 майдан “тонировка” арзонлашиши ҳақидаги хабарлар рад этилди

Ижтимоий тармоқларда 1 майдан бошлаб автотранспорт воситалари ойнасини қорайтириш (“тонировка”) учун рухсатнома нархи 412 минг сўмга туширилиши ҳақида тарқалган хабарлар асоссиз экани маълум қилинди.

Йўл ҳаракати хавфсизлиги хизмати расмий баёнотига кўра, амалдаги тартиб ўзгармаган. Ҳозирда “тонировка” учун рухсатнома нархи базавий ҳисоблаш миқдорининг 8 баравари бўлиб, 3 млн 296 минг сўмни ташкил этади.

Шунингдек, идора маълум қилишича, ёз мавсумида ушбу тўловни 412 минг сўмгача тушириш бўйича таклиф муҳокама қилинган. Бироқ мазкур таклиф ҳозирча қонуний кучга кирмаган ва амалиётга жорий этилмаган.

Telegram I Facebook I YouTube I Instagram

Андижонда аттракцион қулади: камида 7 киши жароҳатланган

Якшанба куни «Боғишамол» дам олиш мажмуаси ҳудудида одамлар бўлган аттракцион қулаб тушди. Дастлабки маълумотларга кўра, камида 7 нафар фуқаро жароҳат олгани айтиламоқда.

Ҳодиса Заҳириддин Муҳаммад Бобур номидаги истироҳат боғида жойлашган аттракционда занжир узилиши оқибатида содир бўлган. Ижтимоий тармоқларда тарқалган видеоларда аттракцион қисмлари ерга сочилиб ётганини кўриш мумкин.

Гувоҳлар сўзларига кўра, жабрланганлар сони камида 7 нафарни ташкил этган. Айни пайтда Андижон вилояти Фавқулодда вазиятлар бошқармаси ҳодисани тасдиқлаб, расмий маълумотда 2 нафар фуқаро енгил тан жароҳати олгани ва уларга тиббий ёрдам кўрсатилганини билдирди.

Ҳозирча ҳодиса сабаблари бўйича аниқ маълумот берилмаган. Айрим ижтимоий тармоқ фойдаланувчилари эса аттракционларнинг техник ҳолати ва уларнинг текширувдан ўтказилиши масаласига эътибор қаратиш зарурлигини таъкидламоқда.

Telegram I Facebook I YouTube I Instagram

163,9 млрд сўм тадбиркорлар фойдасига: солиқ низолари қайта кўриб чиқилди

Савдо-саноат палатаси ҳузуридаги Солиққа оид низолар бўйича эксперт кенгаши тадбиркорларни ҳимоя қилиш борасида сезиларли натижаларга эришмоқда.

Мазкур кенгаш Президентнинг 2025 йил 11 июлдаги ПҚ-223-сон қарори асосида ташкил этилган бўлиб, унинг асосий вазифаси — тадбиркорлар ва солиқ органлари ўртасидаги низоларни судгача босқичда холис ва профессионал тарзда кўриб чиқишдан иборат.

Жорий йил якунларига кўра: — 168,0 млрд сўмлик 6 та мурожаат кўриб чиқилди
— Шундан 163,9 млрд сўм бўйича қарорлар тадбиркорлар фойдасига қайта кўриб чиқилди
— 133,5 млрд сўм солиқ тўловлари ва 30,4 млрд сўм молиявий жарималарни бекор қилиш тавсия этилди
— Қолган 0,1 млрд сўмлик иш қайта кўриб чиқиш учун юборилди.

Кенгаш қарорлари солиқ, божхона ва бошқа давлат органлари томонидан мажбурий тарзда кўриб чиқилади. Бу эса тадбиркорлар учун қўшимча ҳуқуқий ҳимоя механизми сифатида хизмат қилмоқда.

Кенгаш таркибига давлат органлари вакиллари, халқаро экспертлар ҳамда тажрибали солиқ маслаҳатчилари киритилган. Ҳар бир мурожаат аъзолар томонидан шахсан муҳокама қилинади.
Мазкур механизм тадбиркорларга ўз ҳуқуқларини ҳимоя қилишда амалий ва самарали ечим сифатида намоён бўлмоқда.

Агар сиз ҳам солиқ органлари қарорларидан норози бўлсангиз, Эксперт кенгашига мурожаат қилишингиз мумкин:
📞 +998 78 150 60 06

Telegram I Facebook I YouTube I Instagram

Ўқув марказлари ва ўқитувчиларга мурожаат: “Иккинчи имкон” лойиҳасига қўшилинг

Ҳурматли Президент қарорларига мувофиқ, ёш маҳкумларни замонавий касблар ва чет тилларига ўқитишга қаратилган “Иккинчи имкон” лойиҳасига старт берилади.

Лойиҳанинг асосий мақсади — маҳкумларни касб-ҳунар ва тилларга ўргатиш орқали уларни озодликка чиққанидан сўнг иш билан таъминлаш, мустақил ҳаётга тайёрлаш ҳамда қайта жиноят содир этиш хавфини камайтиришдан иборат.

Ташаббус доирасида ўқув марказлари ва индивидуал тартибда фаолият юритувчи ўқитувчилар ҳамкорликка таклиф этилади. Агар сиз маҳкумларга замонавий ва рақамли касблар ёки чет тилларини ўргатишга тайёр бўлсангиз, таклифларингизни қуйидаги ҳавола орқали юборишингиз мумкин:

https://docs.google.com/forms/d/1FAIpQLSeL0ciF39mWHgCfK15BH9zCcrON0fXkphWz6BExI2w_Nv9xOg/viewform?usp=dialog⁠

Эслатма: Машғулотлар жазони ижро этиш муассасаларида ташкил этилади.

Telegram I Facebook I YouTube I Instagram

Наманганда оқиб кетган 3 ёшли бола қутқариб қолинди

26 апрель куни Наманган вилояти Янги Наманган туманидаги «Мингтерак» МФЙ ҳудудидан оқиб ўтувчи «Катта Наманган» каналида 3 ёшли бола сувга тушиб кетган.

Маълум қилинишича, ҳодиса вақтида Давлатобод тумани ФВ бўлими қутқарувчиси Асқаров Улуғбек хизматдан уйига қайтиб кетаётган бўлган. У болани сувда кўриб, дарҳол ҳаракатга келган ва ҳеч иккиланмай каналга шўнғиган.
Қутқарувчи тезкорлик билан чўкаётган болани сувдан олиб чиққан ва унинг ҳаётини сақлаб қолган. Ҳозирда боланинг аҳволи яхши экани айтилмоқда.

Қайд этилишича, қутқарув жараёни маҳаллий аҳоли хонадонларидан бирига ўрнатилган кузатув камерасига ёзиб олинган.

Telegram I Facebook I YouTube I Instagram

Тошкентда 40 та сохта ЙТҲ орқали суғурта пулларини ўзлаштирган гуруҳ фош этилди

Маълум қилинишича, “BLACK BULL RENT” МЧЖ раҳбари А.А. бошчилигидаги гуруҳ 2024 йил давомида амалда содир бўлмаган ЙТҲларни тизимли равишда уюштириб келган.

Тергов давомида жами 40 та сохта ЙТҲ ҳолати расмийлаштирилгани маълум бўлди. Ҳар бир эпизодда деярли бир хил схема қўлланган бўлиб, бир хил автомобиллар бир неча бор турли ролларда ишлатилган. Айрим ҳолатларда битта транспорт воситаси аввал айбдор, кейин эса жабрланувчи сифатида кўрсатилган.
Фирибгарлик схемасида асосан Malibu-2, Tracker, Nexia ва ВАЗ русумидаги автомобиллардан фойдаланилган. Қалбаки ҳужжатларда зарар миқдори деярли бир хил — 13–14 миллион сўм атрофида кўрсатилиб, шу сумма суғурта товони сифатида ундирилган.

Аниқланишича, мазкур схема орқали олтита суғурта компаниясига жами 811,8 миллион сўм миқдорида моддий зарар етказилган.

Айбланувчиларнинг ҳар бирига 103 миллион 700 минг сўм миқдорида жарима жазоси тайинланди.

Telegram I Facebook I YouTube I Instagram

Хотира ва қадрлаш кунида неча кун дам олинади?

2026 йилда Хотира ва қадрлаш куни 9 май санасига тўғри келиб, у ҳафтанинг шанба кунига тўғри келади.

Шунга мувофиқ, президент фармони асосида:
5 кунлик иш ҳафтасида ишлайдиганлар учун 11 май (душанба) дам олиш кунига кўчирилган
👉 Натижада улар кетма-кет 3 кун (9–10–11 май) дам олади
6 кунлик иш ҳафтасида ишлайдиганлар эса одатдагидек 2 кун (9–10 май) дам олади.

Telegram I Facebook I YouTube I Instagram

Давлат раҳбари Қувада агровольтаика технологияси билан танишди

​Президент Шавкат Мирзиёев Фарғона вилоятига ташрифи давомида Қува туманида жорий этилган инновацион агровольтаика тизими имкониятларини кўздан кечирди.

Telegram I Facebook I YouTube I Instagram