⚡️Нафрат нотўғри, Хитойда пул бор – DNA MOTORS ишида кескин юриш

23 апрель куни Миробод туман судида “DNA Motors” МЧЖга оид жиноят иши навбатдаги судда кўриб чиқилди. Фирибгарликда айбланаётганлар орасида собиқ депутат Наргис Саидназирханова ҳам бор, иш бўйича 80 нафардан ортиқ фуқаро жабрланган.

Аниқланишича, компания томонидан Хитойдан электромобил олиб келиш ваъдаси берилган бўлиб, мажбуриятлар орадан йиллар ўтсада бажарилмаган. Ушбу ҳолат бўйича бир қатор шахсларга нисбатан фирибгарлик айблови қўйилган.

Айбланувчилар орасида собиқ депутат Наргис Саидназирханова ҳамда “Адолат” социал-демократик партияси марказий аппаратининг собиқ бошқарма бошлиғи Фазлитдин Зияев ҳам бор.

Суд жараёнидан сўнг судланувчи Наргис Саидназирханованинг адвокати Бобир Муқаддамов Effect.uz’га интервью бериб, судланувчиларни ичкарида қолиши вазиятни ўзгартирмаслигини, агар улар озодликка чиқадиган бўлса, келтирилган зарарлар тўлиқ қопланиши мумкинлигини маълум қилди.

Жабрланувчиларнинг адвокати эса Муқаддамовнинг фикрларини инкор этиб, судланувчиларда зарар қоплаш истаги йўқлигини агар хоҳиш бўлса, ичкаридан бўлса ҳам жабрланувчиларга пулларнинг қайтариш мумкинлигини билдирди.

👉 https://youtu.be/uEPjKV_cTJ8

Ер олди-сотдисига оид ҳуқуқбузарликлар учун жиноий жавобгарлик чораларини қайта кўриб чиқиш керак — Президент

Ерга бўлган ижара ҳуқуқини молиявий восита сифатида кенгайтириш, уни нафақат тижорат кредитлари, балки лизинг, ипотека ва банк кафолатини олиш учун ҳам гаровга қўйиш имкониятини яратиш зарурлиги қайд этилди.

Шунингдек, ер участкаси бўш турган ер сифатида ҳисобга олиш тартибини соддалаштириш, ерларни қайта ижарага беришда шартномаларни ҳақ эвазига ёки текинга тузиш мумкинлигини аниқ белгилаш таклиф қилинди.

Шундан келиб чиқиб, ер олди-сотдисига оид ҳуқуқбузарликлар учун жиноий жавобгарлик чораларини қайта кўриб чиқиш зарурлиги таъкидланди.

Telegram I Facebook I YouTube I Instagram

Ургутда янгиланган тиббиёт марказида биринчи чақалоқ туғилди, унга Шавкатжон деб исм қўйилди

Саида Мирзиёева Самарқандга ташрифи чоғида илгари хароба ҳолатда бўлган поликлиника қисқа вақт ичида замонавий тиббиёт марказига айлантирилгани билан танишганди.

Марказда 16 та қишлоқ аҳолисига хизмат кўрсатадиган туғуруқ бўлимида илк чақалоқ дунёга келди. Унга Шавкатжон деб исм қўйилди.

Telegram I Facebook I YouTube I Instagram

Тошкент вилоятида тадбиркордан 63 минг доллар талаб қилган ФВБ раҳбари қамоққа олинди

Фавқулодда вазиятлар бўлими (ФВБ)нинг Тошкент вилоятидаги туманларидан бирига раҳбарлик қилган мансабдор шахс тадбиркордан катта миқдорда пул талаб қилгани учун қўлга олинди.

Тергов маълумотларига кўра, у 3 та сой қирғоқларини мустаҳкамлаш ҳамда бетон плитали йўл ўтказгичлари қуриш бўйича умумий қиймати 5,04 млрд сўмлик шартномаларни маҳаллий МЧЖга олиб берганини важ қилиб, корхона раҳбаридан 63 минг доллар талаб қилган.

Маълум қилинишича, мансабдор жорий йилнинг март–апрель ойларида 24 минг доллар олган. У яна 25 минг долларни олаётган вақтида тезкор тадбир давомида қўлга олинган.

Ҳозирда унга нисбатан жиноят иши қўзғатилиб, “қамоқ” эҳтиёт чораси қўлланган.

Telegram I Facebook I YouTube I Instagram

Бухорода 17 нафар ИИБ амалдорига хизмат текшируви тайинланди

Бухоро вилоятида хизмат фаолияти давомида жиддий камчиликларга йўл қўйган 17 нафар раҳбарга нисбатан хизмат текшируви тайинланди. Бу орқали уларнинг келгусидаги хизмат фаолиятини қайта кўриб чиқиш кўзда тутилган.

24 апрель куни Ички ишлар вазири ўринбосарлари — полковниклар Диёрбек Саттаров ва Рустам Мирзаев раислигида Бухоро шаҳридаги “Шайх ул-Олам” маҳалласида жиноятчиликни жиловлаш, криминоген вазиятни барқарорлаштириш ҳамда хавфсиз муҳит яратишга қаратилган амалий ўрганишлар ўтказилди.

Шунингдек, Бухоро вилояти ИИБда йилнинг биринчи чораги якунларига бағишланган кенгайтирилган танқидий-таҳлилий йиғилиш бўлиб ўтди.

Йиғилиш якунида хизматда юқори натижаларга эришиб, бошқаларга намуна бўлаётган бир гуруҳ ходимлар рағбатлантирилди.

Telegram I Facebook I YouTube I Instagram

⚡️Фермерлар: “Пул тўладик, энди техникамизни ҳам олиб кетишмоқчими?”

23 апрель куни Ўзбекистон Республикаси Президентининг Халқ қабулхонаси олдида турли ҳудудлардан келган фермерлар ва тадбиркорлар тўпланди. Уларни бу ерга олиб келган муаммо — лизинг асосида олинган қишлоқ хўжалиги техникалари билан боғлиқ баҳсли ҳолатдир.

Фермерларнинг айтишича, улар тракторларни лизинг шартномалари асосида олиб, тўловларни тўлиқ амалга оширган. Бироқ шунга қарамай, бошқа лизинг компанияси томонидан ушбу техникаларни қайтариб олишга уринишлар бўлаётгани айтилмоқда.

Бу ҳолат фермерлар орасида жиддий хавотир уйғотган. Улар нафақат сарфланган маблағлардан, балки ишлаб чиқариш учун зарур бўлган техникаларидан ҳам айрилиб қолишдан қўрқишмоқда.

Фермерлар мазкур вазият юзасидан масъул ташкилотлардан аниқ изоҳ ва ҳуқуқий ечим кутаётганини билдирмоқда. Айни пайтда, ҳолатга алоқадор сифатида тилга олинаётган «Agro Stroy Leasing» МЧЖ ва «Artum Trans Service» МЧЖ вакилларининг позицияси ҳозирча маълум эмас. Таҳририят ушбу компаниялардан расмий муносабат олишга тайёр эканини маълум қилади.

Фермерлар Президент Халқ қабулхонаси орқали муаммога ечим топилишига умид билдирмоқда. Мазкур ҳолат юзасидан расмий идоралар қандай қарор қабул қилиши эса вақт ўтиши билан аниқ бўлади.

Аъзам Хўжақулов

👉 https://youtu.be/D4IwDA9eg7I

«Зарар қопланса, уларни ҳеч ким қамоқда сақламайди» – Адвокат DNA Motors иши бўйича

“DNA Motors” МЧЖга оид жиноят иши навбатдаги судда кўриб чиқилди. Фирибгарликда айбланаётганлар орасида собиқ депутат Наргис Саидназирханова ҳам бор, иш бўйича 80 нафардан ортиқ фуқаро жабрланган.

Собиқ мансабдорнинг адвокати Бобир Муқаддамов Effect.uz’га судланувчиларни ичкарида қолиши вазиятни ўзгартирмаслигини, агар улар озодликка чиқадиган бўлса, келтирилган зарарлар тўлиқ қопланиши мумкинлигига урғу қаратди.

Telegram I Facebook I YouTube I Instagram

177 миллион сўмлик «пора»: Натижа — жиноят иши

ИИВ Шахсий хавфсизлик бош бошқармаси ҳамда Йўл ҳаракати хавфсизлиги хизмати ходимлари томонидан ўтказилган тезкор тадбирлар давомида жорий йил бошидан буён 30 та ҳолат аниқланган.

Унда фуқаролар томонидан Йўл ҳаракати хавфсизлиги хизмати ходимларига жами 177 миллион сўмдан ортиқ миқдорда пора таклиф қилингани қайд этилган.

Мазкур ҳолатлар юзасидан айбдор шахсларга нисбатан жиноят ишлари қўзғатилган.

Telegram I Facebook I YouTube I Instagram

⚡️Бахтиёр Фозилов «мужик» одам, аммо…

Тошкент шаҳри Миробод туманида жойлашган Боровский кўчасидаги Tims Clinic объектида ишлаган 500 нафардан ортиқ ишчи бир неча ойдан бери ўз меҳнат ҳақини ололмаётганини билдирмоқда.

Объектда ишлаган фуқароларнинг айтишича, улар сентябрь, октябрь ва ноябрь ойлари учун ҳисобланган ойликларини ҳанузгача олмаган. Муаммо декабрь ойидан буён ҳал этилмаяпти. Мазкур объектдаги ишлар Enter Engineering билан боғлиқ бўлиб, эътиборлиси, Effect.uz ихтиёридаги видеолавҳада айрим ишчилар ойлик талаб қилиб мурожаат қилган пайтда ҳудудда ички ишлар ходими ҳам бўлгани кўринади. Ушбу шахс маош бўйича қарздорлик 15 мартгача бартараф этилиши мумкинлигини билдирган.

Шунингдек, Ички ишлар ходими ўзбекистонлик йирик тадбиркор Бахтиёр Шуҳратович Фозилов номини тилга олиб, у инсон айтганини бажарадиган эркак дея тарифлаган.

Маълумки, маошлар кечикиши билан боғлиқ ҳолатлар Eriell Group, Enter Engineering’га алоқадор корхоналарда ҳам кўп кузатилади. Хусусан, Камбағалликни қисқартириш ва бандлик вазирлигининг март ойидаги маълумотига кўра, Давлат меҳнат инспекцияси томонидан компания ва унга алоқадор корхоналар фаолияти юзасидан ўтказилган текширувлар натижасида Enter Engineering билан боғлиқ 12 754 нафар ходимга иш ҳақи ундириб берилгани қайд этилади.

Жумладан, 2026 йилда Тошкент шаҳар, Жиззах, Самарқанд, Бухоро, Навоий ва Қашқадарё вилоятларидаги 11 та объектда фаолият юритувчи 34 та корхонада иш ҳақи қарздорлиги ундирилган. Ҳозирча Effect.uz’га қайси давлат ташкилоти айнан Tims Clinic’да ишлаган ходимларга қандай амалий ёрдамлар кўрсатгани маълум эмас.

Ходимларнинг таъкидлашича, ойлик билан боғлиқ муаммолар бошланганига 6 ойдан кўпроқ вақт ўтган бўлсада аниқ натижа кўринмаяпти. Бунинг оқибатида эса оддий ишчиларнинг ижтимоий аҳволи кундан-кунга салбийлашиб бормоқда.

Ишчилар масъул ташкилотлардан ушбу ҳолатга расмий изоҳ беришни ҳамда меҳнат ҳақларини тез орада тўлашни сўрамоқда. Effect.uz таҳририяти мазкур масала юзасидан тегишли идоралар ва тилга олинган ташкилотлардан расмий муносабат кутади.

👉 ТЎЛИҚ ВИДЕО

Telegram I Facebook I YouTube I Instagram

⚡️«Судхўрлик»: Суд — ўйин майдони эмас!

Жиноят ишлари бўйича Шайҳонтоҳур тумани судида судья Сирожиддин Хасанов раислигида фирибгарлик ва товламачилик билан боғлиқ жиноят иши доирасида бир гуруҳ шахслар устидан суд жараёни бошланган. Иш 27 апрель куни

Судланувчилар фуқароларга қарз бериш баҳонасида кўчмас мулкларни гаров сифатида расмийлаштириш орқали уларни ўз номларига ўтказгани айтилади. Қарз ўз вақтида қайтарилмаган ҳолатларда эса фуқароларни уйидан чиқариш ва мулкни олиб қўйиш ҳолатлари кузатилган. Шу билан бирга, гаровга қўйилган мулк қиймати берилган қарздан 3–4 баробар юқори бўлган.

Мазкур иш доирасида Сардор Роминов, Бахтиёр Йўлдашев ва Тимур Хусанов 2024 йил 11 сентябрь куни қўлга олинган. 43 нафар фуқаро ушбу ҳолатдан жабрланган. Айбланувчилар қаторида Тимур Хусанов, Сардор Роминов, Бахтиёр Йўлдашев билан бирга Гульжан Мусаева, Олег Ни, Иззатулла Суннатуллаев, Лазизходжа Нарходжаев, Юрий Ан ва Акмалжон Расулов ҳам бор. Жабрланувчилар суд залида судланувчилар томонидан турли ҳаракатлар содир этилаётганига эътироз билдирмоқда.

Маълумот ўрнида, суд иши 27 апрель куни судья Сирожиддин Ҳасанов раислигида давом эттирилади,

👉 https://youtu.be/_eCK3CRuDXg