Туркия аэропортида қолиб кетган ўзбекистонликлар Ватанга қайтарилди

Жорий йилнинг 18 апрель куни Саудия Арабистонидан Туркия орқали Ўзбекистонга қайтаётган 82 нафар фуқаро Истанбул шаҳридаги Сабиха Гёкчен халқаро аэропортида мураккаб вазиятда қолиб кетди. Бу ҳақда Ўзбекистоннинг Истанбулдаги Бош консулхонаси маълум қилди.

Маълум бўлишича, фуқаролар “Ihlos Travel” ва “Hikmat Travel” хусусий туристик фирмалари орқали “Эр-Риёд – Истанбул – Чимкент – Тошкент” йўналишида умра сафарини амалга оширишни режалаштирган.

Telegram I Facebook I YouTube I Instagram

АҚШда 8 нафар бола отиб ўлдирилди

Шривпортда 19-апрель куни эрталаб номаълум эркак томонидан уюштирилган отишмада 8 нафар бола ҳалок бўлди, яна 2 киши жароҳат олди.

Дастлабки маълумотларга кўра, ҳодиса оилавий зиддият билан боғлиқ бўлиши мумкин. Отишма бир нечта уйларни қамраб олган, жабрланувчилардан бири эса қўшни уйга яширинишга уринган.

Шундан сўнг гумонланувчи автомобил ўғирлаб қочишга ҳаракат қилган, бироқ полиция томонидан таъқиб қилиниб, отиб ўлдирилган.

Полиция маълум қилишича, ҳалок бўлган болаларнинг айримлари ҳужумчининг қариндошлари бўлган. Ҳужумчининг шахси ва мотивлари ҳозирча очиқланмаган, тергов давом этмоқда.

Telegram I Facebook I YouTube I Instagram

Сиртқи таълим бекор қилинмаган, зарурат туғилса, қабул қайта тикланади

Сиртқи таълим шакли қонунчиликда сақланиб қолган бўлиб, келгусида эҳтиёж юзага келса, ушбу йўналишга қабул яна қайта тикланиши мумкин. Бу ҳақда Олий таълим, фан ва инновациялар вазири Қўнғиротбой Шарипов маълум қилди.

Вазирнинг таъкидлашича, сиртқи таълим тўлиқ бекор қилингани ҳақидаги гаплар асоссиз. Ҳозирги босқичда бу таълим шаклига талаб юқори эмас, деб баҳолангани учунгина қабул вақтинча тўхтатилган.

Маълум қилинишича, сиртқи таълим асосан ишлаб чиқариш корхоналарида муайян мутахассисларга эҳтиёж пайдо бўлганда жорий этилади. Агар келгусида, масалан, 4-5 йилдан сўнг шундай зарурат юзага келса, ушбу шаклдаги таълимга қабулни қайта очиш имконияти мавжуд.

Telegram I Facebook I YouTube I Instagram

“Келишувдан воз кечса, Эронни йўқ қиламиз” — Трампдан навбатдаги таҳдид

АҚШ президенти Дональд Трамп Эронни сулҳни бузишда айблаб, муҳим инфратузилмаларни йўқ қилиш билан яна огоҳлантирди.

Унга кўра, Ҳормуз бўғозида ўт очилиши келишувни бузган ва вазиятни кескинлаштирган.
Трамп, шунингдек, АҚШ Эрон билан “адолатли келишув” таклиф қилаётганини, рад этилса жиддий оқибатлар бўлишини таъкидлади.

Айни пайтда томонлар ўртасидаги музокаралар натижа бермаган, кескинлик эса сақланиб қолмоқда.

Telegram I Facebook I YouTube I Instagram

Солиқдан қочиш энди оғир жиноят: жазо 7 йилгача

2026 йил 17 апрелда қабул қилинган қонунга кўра, жуда кўп миқдорда (412 млн сўмдан ортиқ) солиқдан бўйин товлаганлик учун жавобгарлик кескин кучайтирилди.
Эндиликда бу жиноят учун жарима билан бирга 5–7 йилгача озодликдан маҳрум қилиш жазоси белгиланади ва у оғир жиноятлар тоифасига киритилди.

Қонун 19 июлдан кучга киради. Шундан сўнг айбдорлар жазони умумий тартибли колонияларда ўтайди, шунингдек, жазо фақат камида ярми ўталганидан кейин енгиллаштирилиши мумкин.

Мазкур ўзгаришлар солиқ интизомини кучайтиришга қаратилган.

Telegram I Facebook I YouTube I Instagram

Ўзбекистон БМТнинг нуфузли комиссиясига сайланди

​Нью-Йоркда бўлиб ўтган ЭКОСОС сессиясида Ўзбекистон 2027–2029 йиллар учун БМТнинг Жиноятчиликнинг олдини олиш ва жиноий одил судлов бўйича комиссияси аъзолигига сайланди.
​
​Комиссия вазифаси: Жиноятчиликка қарши кураш ва қонун устуворлиги бўйича глобал сиёсатни белгилайди (қароргоҳи Венада).
​Юқори рақобат: Осиё-Тинч океани минтақасидан ажратилган ўринлар учун Хитой, Япония ва Саудия Арабистони каби давлатлар билан бир қаторда Ўзбекистон номзоди ҳам бир овоздан қўллаб-қувватланди.
​Аъзолик муддати: 2027 йил 1 январдан бошлаб 3 йил давом этади.
​
Telegram I Facebook I YouTube I Instagram

Наркобизнесни пулсиз қолдириш керак

Шавкат Мирзиёев Самарқанддаги халқаро форумда наркобизнесга қарши кураш бўйича ташаббуслар илгари сурди.

Унинг мурожаатини Саида Мирзиёева ўқиб эшиттирди.

Президент наркобизнесни куч билан эмас, балки унинг молиявий манбаларини тўсиш орқали енгиш мумкинлигини таъкидлади. У бу тизим уюшган жиноятчилик ва терроризмни молиялаштираётганини қайд этди.

Шу боис ягона халқаро платформа яратиш, криптон-биржалар устидан назоратни кучайтириш ва ноқонуний маблағларни аниқлаш тизимларини жорий этиш таклиф қилинди.

Шунингдек, синтетик наркотиклар бўйича ҳамкорликни кенгайтириш ва махсус ривожланиш дастурларини ишлаб чиқиш зарурлиги билдирилди.

Тадбирда Бирлашган Миллатлар Ташкилоти, Интерпол ҳамда 50 га яқин давлат вакиллари иштирок этди.

Telegram I Facebook I YouTube I Instagram

2026 йилда сунъий интеллект қайси соҳаларга кучли таъсир кўрсатади?

Мутахассислар сунъий интеллектга оид 5 та асосий прогнозини эълон қилди:
​

1. Илм-фандаги инқилоб
​СИ тизимлари (масалан, "Космос") илмий адабиётларни таҳлил қилиб, янги кашфиётлар йўналишини кўрсатмоқда. СИ олимларнинг асосий ёрдамчисига айланади.
​2. Автоматик харидлар
​Чат-ботлар орқали тўғридан-тўғри харид қилиш оммалашади. Amazon ва OpenAI каби компаниялар СИ-агентларини синовдан ўтказмоқда.
​3. СИ-ҳамроҳлар
​Инсонларнинг технологиялар билан ҳиссий боғланиши кучаяди. Фойдаланувчилар СИ тизимларидан нафақат иш учун, балки эмоционал қўллаб-қувватлаш ва суҳбатдош сифатида ҳам фойдаланишни бошлайдилар.
​4. Сиёсий таъсир
​СИ масалалари (энергия истеъмоли, ижтимоий таъсир ва хавфсизлик) сайловолди кампаниялари ва сиёсий муҳокамаларнинг марказига чиқади.
​5. Киберхавфсизликдаги "қуролланиш пойгаси"
​СИ ёрдамида инсон иштирокисиз амалга ошириладиган киберҳужумлар хавфи ортади. Шу билан бирга, у ҳимоя тизимларини кучайтирувчи асосий восита ("Темир одам костюми") вазифасини ҳам ўтайди.

Telegram I Facebook I YouTube I Instagram

Президент эртага Қозоғистонга боради

Ўзбекистон Республикаси Президенти Шавкат Мирзиёев 21–22 апрель кунлари амалий ташриф билан Астана шаҳрида бўлади.

Ташриф доирасида давлат раҳбари Минтaқавий экологик саммит ҳамда Оролни қутқариш халқаро жамғармаси таъсисчи давлатлари раҳбарлари кенгаши йиғилишида иштирок этади.

Ушбу нуфузли анжуманларда минтақадаги экологик муаммолар, хусусан Оролбўйи ҳудудидаги вазиятни яхшилаш, атроф-муҳитни муҳофаза қилиш ва барқарор ривожланиш масалалари муҳокама қилиниши кутилмоқда.

Telegram I Facebook I YouTube I Instagram

Теҳрон ракета ишлаб чиқаролмайди: Исроил Эроннинг баллистик ракета дастурига зарба берди.

Эрон ҳозирча янги ракеталар ишлаб чиқара олмайди. Бу ҳақда Times of Israel нашри юқори лавозимли исроиллик ҳарбий манбаларга таяниб хабар берди.

Маълум қилинишича, мазкур баҳолаш Исроил томонидан қурол-яроғ ишлаб чиқаришда фойдаланилган муҳим объектларга берилган зарбалардан сўнг шакллантирилган. Шу билан бирга, Эрон қисқа муддат ичида ишлаб чиқариш қувватининг камида бир қисмини тиклашга уриниши мумкинлигини таъкидланмоқда.

Ҳисоботда қайд этилишича, тикланиш суръати бир қатор омилларга, жумладан:
❗️АҚШ билан эҳтимолий келишув доирасида Эрон ракета дастурига қўйилиши мумкин бўлган чекловлар;
❗️Хитой каби иттифоқчилардан хомашё ва ускуналар олиш имконияти;
❗️Теҳрон томонидан соҳани қайта тиклашга йўналтириладиган сармоя ҳажмига боғлиқ бўлади.

Telegram I Facebook I YouTube I Instagram

Навоий ва Қашқадарёда ноқонуний миграцияга чек қўйилди

Навоий шаҳридаги сайёҳлик фирмаси раҳбари Хатирчилик фуқарони 3 минг доллар эвазига Болгарияга ишга юборишни ваъда қилиб, пулларни олаётган вақтда қўлга олинди.
Қашқадарёда эса Тошкент вилоятида яшовчи шахс икки фуқарони Исроилга юбориш учун 20 минг доллар талаб қилиб, пулнинг бир қисмини (5 минг доллар) олаётганда ушланди.

​Ҳозирда ҳар икки ҳолат юзасидан жиноят иши қўзғатилиб, тергов ҳаракатлари олиб борилмоқда.

Telegram I Facebook I YouTube I Instagram

Ўзбекистонни яна чанг қоплайди: синоптиклар туман ва кучли шамол ҳақида огоҳлантирди

21 ва 22 апрель кунлари Ўзбекистоннинг бир қатор вилоятларида ва Тошкент шаҳрида чангли ҳодисалар бўлиши кутилмоқда. Ўзгидромет маълумотларига кўра, 21 апрель куни кечга томон пойтахтда чанг-тўзонли туман тушиши мумкин, бу тахминан 2-3 соат давом этади. Шунга ўхшаш вазият 22 апрель куни кечаси ва кундузи шамол кучайиши фонида такрорланиши мумкин.

Telegram I Facebook I YouTube I Instagram

Эски SIM-карталарни қайта расмийлаштириш шарт эмас

Аввалроқ, 22 апрелдан эътиборан мобил иловалар учун янги талаб жорий этилиши ҳақида маълум қилган эдик.
Эртадан кучга кирадиган ушбу тартиб фақатгина янги мижозларгагина тааллуқли бўлади. Бу ҳақда регулятор расман маълум қилди.

📌 Асосий жиҳатлар:
• Амалдаги фойдаланувчиларга ўзгаришлар таъсир қилмайди.
• 22 апрелдан кейин тўлов тизимларида рўйхатдан ўтадиган янги мижозларгагина тегишли.
• Агар рақам яқин қариндошлар (ота-она, ака-ука, опа-сингил, турмуш ўртоқ, фарзандлар) номида бўлса — хавотирга ўрин йўқ, барчаси аввалгидек ишлайди.

Telegram I Facebook I YouTube I Instagram

Арманистонда Nestlé компаниясининг NAN брендидаги болалар овқатининг қарийб 10 тоннаси йўқ қилинди.

9700 кг маҳсулот хавфли деб топилиб, муомаладан чиқарилди. Текширувларда қуруқ, тез эрийдиган ва сутли аралашмаларда токсин бўлиши мумкинлиги аниқланган.

Қарор Россия лабораториялари хулосаси асосида қабул қилинган. Аввалроқ компания айрим партияларни эҳтиёт чораси сифатида қайтариб олган бўлиб, бу хавфларни олдини олишга қаратилгани таъкидланган.

Telegram I Facebook I YouTube I Instagram

Ўзбекистонда совуқ қурол билан боғлиқ қоидабузарликлар учун жавобгарлик кучайтирилди.

17 апрель куни қабул қилинган қонунга кўра, жамоат жойларида совуқ қурол сифатида ишлатилиши мумкин бўлган ашёларни очиқ олиб юриш учун жарима белгиланди. Агар бу ҳолат бир йил ичида такрорланса, БҲМнинг 1 бараваридан 5 бараваригача жарима қўлланилади.

Шунингдек, болаларга нисбатан зўравонлик қилган шахсларга қурол сақлаш ва олиб юриш ҳуқуқи чекланади. Бундай ҳолларда қурол ва ўқ-дорилар ички ишлар органлари томонидан олиб қўйилади.

Қонун расмий эълон қилинган кундан кучга киради.

Telegram I Facebook I YouTube I Instagram

Республиканинг 10 та ҳудудида божхона бошқармаларига янги раҳбарлар тайинланди

​Божхона қўмитаси Раисининг буйруғи билан бир қатор вилоят бошқармалари раҳбариятида кадрлар алмашинуви амалга оширилди:

✓ ​Қорақалпоғистон Республикаси божхона бошқармаси бошлиғи: полковник Қутлимуратов Баҳодир Абдуллаевич;

✓​Андижон вилояти божхона бошқармаси бошлиғи: полковник Умаров Қаҳрамон Акбарович;

✓​Қашқадарё вилояти божхона бошқармаси бошлиғи: майор Хашимова Наргиса Рустамовна;

✓​Навоий вилояти божхона бошқармаси бошлиғи: майор Азимова Дилдора Муқимовна;

✓​Наманган вилояти божхона бошқармаси бошлиғи: подполковник Файзуллаев Жасурбек Шавкатович;

✓​Самарқанд вилояти божхона бошқармаси бошлиғи: полковник Салихов Шовкат Санъатович;

✓Тошкент вилояти божхона бошқармаси бошлиғи: подполковник Агзамходжаев Искандар Ялкинович;

✓​Фарғона вилояти божхона бошқармаси бошлиғи: полковник Турдалиев Зафаржон Тоҳиржонович;

✓​Хоразм вилояти божхона бошқармаси бошлиғи: подполковник Тўраев Шавкат Шоназарович;
​
✓​Тошкент шаҳар божхона бошқармаси бошлиғи: подполковник Қодиров Умиджон Суҳбатжонович.

Telegram I Facebook I YouTube I Instagram

Шавкат Мирзиёев Россия делегациясини қабул қилди.

20 апрель куни давлат раҳбари Денис Мантуров бошчилигидаги делегация билан учрашди. Улар Тошкентда ўтаётган INNOPROM. Марказий Осиё кўргазмаси доирасида келган.

Учрашувда Владимир Путиннинг саломи етказилди. Савдо-иқтисодий ҳамкорлик, саноат, энергетика ва бошқа тармоқлардаги лойиҳалар муҳокама қилинди.

Шунингдек, сунъий интеллект, киберхавфсизлик ва қишлоқ хўжалиги каби йўналишларда ҳамкорликни кенгайтириш муҳимлиги таъкидланди.

Telegram I Facebook I YouTube I Instagram

Самарқандда дунё миқёсидаги хавф — наркотикларга қарши кураш бўйича муҳим ташаббуслар эълон қилинди.

20 апрель куни Самарқанд шаҳрида трансмиллий наркотаҳдидларга қарши курашишга бағишланган халқаро форум бошланди. Унда Ўзбекистон томонидан қатор глобал ташаббуслар илгари сурилди.

“Жамоат саломатлиги ва хавфсизлигини таъминлаш мақсадида трансмиллий наркотаҳдидларга қарши курашиш” мавзусидаги халқаро форумда дунё ҳамжамияти учун долзарб масалалар муҳокама қилинмоқда.

Форум иштирокчиларига Ўзбекистон Президенти Шавкат Мирзиёевнинг мурожаати тақдим этилди. Уни Президент администрацияси раҳбари Саида Мирзиёева ўқиб эшиттирди.

Мурожаатда глобал наркотаҳдидларга қарши курашиш, замонавий хавф-хатарларга мос ечимлар ишлаб чиқиш ва халқаро ҳамкорликни кучайтиришга қаратилган қатор муҳим таклиф ва ташаббуслар илгари сурилди.

Telegram I Facebook I YouTube I Instagram