Тоғда унутиб кетилган 4 ёшли бола ярим тунда топилди

13 апрель куни Оҳангарон туманидаги тоғларда дам олаётган оила 4 ёшли болани унутиб қолдирди. Орадан 40 дақиқа ўтгач, унинг йўқлиги аниқланиб, ФВВга хабар берилди.

Қидирув ишлари 6,5 соат давом этди. 14 апрель соат 00:20 да бола қутқарувчилар томонидан ота-онаси қолдирган жойдан 3 км узоқликда, қор ичида тирик ҳолда топилди.
Бола соғ-саломат яқинларига топширилди.

Сирдарёда судья пора билан ушланди: 3600 доллар эвазига ишни ҳал қилмоқчи бўлган

Сирдарё вилоятида иқтисодий ишлар бўйича судья Э.С. пора олиш гумони билан қўлга олинди.

Маълум қилинишича, у ўз иш юритувидаги иқтисодий ишни кассация инстанциясида Гулистон шаҳрида фаолият юритувчи МЧЖ фойдасига ҳал қилиб бериш эвазига 3600 АҚШ доллари олганликда гумон қилинмоқда. Судья ҳуқуқни муҳофаза қилувчи органлар томонидан ўтказилган тезкор тадбирда ашёвий далиллар билан ушланган.

Олий суднинг билдиришича, суд тизимида коррупцияга қарши курашиш, уни нопок кадрлардан тозалаш бўйича ишлар давом этмоқда. Шунингдек, бундай ҳолатларга йўл қўйган судья ва ходимларга нисбатан қатъий чоралар кўрилиши таъкидланган.

Telegram I Facebook I YouTube I Instagram

Ҳамма билиб, билмаганга олади, аслида, бу – коррупция – Шавкат Мирзиёев қурилиш соҳасида аризаларнинг рад этилиши ҳақида

Ўзбекистонда ўтган йил давомида қурилиш соҳасига оид 2,6 миллиондан ортиқ ариза кўриб чиқилган бўлиб, уларнинг қарийб учдан бири рад этилган.

Давлат раҳбари бу ҳолатга тўхталиб, рад этишлар ортида тизимли муаммолар мавжудлигини таъкидлади. Унинг сўзларига кўра, айрим ҳолатларда “камчиликлар сабаб қайтарилди” деган изоҳ берилади, аммо чуқур таҳлил қилинганда бошқа омиллар ҳам кўзга ташланади.

Шу муносабат билан қурилиш соҳасида коррупция хавфларини камайтиришнинг энг самарали йўли сифатида рақамлаштириш ва сунъий интеллектни жорий этиш зарурлиги қайд этилди.

– Масъуллар «Камчилиги учун қайтардик», деб айтади. Лекин ичига кириб таҳлил қилса, масала кўп. Ҳамма билиб, билмаганга олади, аслида, бу – коррупция! Бунга чек қўйишнинг бирдан бир йўли – рақамлаштириш ва сунъий интеллект! – деди давлатимиз раҳбари.

Айни пайтда аҳоли ва тадбиркорлар қурилиш ишларини бошлаш учун бир нечта босқичдан ўтишга мажбур. Жумладан, аввал лойиҳалашга рухсат олиш, сўнг архитектура режалаштириш топшириғини ишлаб чиқиш учун алоҳида-алоҳида мурожаат қилиш талаб этилади. Бу жараёнлар кўп вақт олиши таъкидланди.

Тошкент шаҳрида ушбу икки хизматни бир босқичда кўриб чиқиш амалиёти жорий этилган бўлиб, натижада ҳужжатларни келишиш муддати 3–4 баробарга қисқарган. Ушбу тажрибани 1 июлдан бошлаб барча ҳудудларда жорий этиш вазифаси белгиланди.

Шунингдек, ҳозирда электр, газ, сув ва канализация тармоқларига уланиш учун алоҳида идораларга мурожаат қилиш талаб этилмоқда. Янги тартибга кўра, 1 июлдан бошлаб фуқаролар ва тадбиркорлар барча коммунал хизматлар учун ягона ариза ва ягона тўлов орқали техник шарт олиш имконига эга бўлади.

Telegram I Facebook I YouTube I Instagram

Синдаров — жаҳон тожига даъвогар!

Ўзбекистонлик шахматчи Жавоҳир Синдаров Номзодлар турнирининг 13-турида нидерландиялик Аниш Гири билан дуранг ўйнаб, мусобақада муддатидан олдин ғолибликни таъминлади.

20 ёшли Синдаров шу тариқа шахмат тожи учун расмий даъвогарга айланди. У энди жаҳон чемпиони унвони учун кечадиган ҳал қилувчи баҳсда Ҳиндистонлик Доммаражу Гукеш билан тўқнаш келади.

Маълумот учун, Номзодлар турнири — жаҳон шахмат тожи учун энг кучли даъвогарни аниқлаб берувчи нуфузли мусобақадир.

Telegram I Facebook I YouTube I Instagram

ДХХ Сирдарёда судьянинг қўлга олиниш тафсилотларини эълон қилди

Сирдарё вилоятида судья ва «Агробанк» мансабдори пора олиш ва бериш билан боғлиқ жиноят устида қўлга олинган. Ҳолат Давлат хавфсизлик хизмати томонидан ўтказилган тезкор тадбирда фош этилди.

Маълум қилинишича, судья ўз иш юритувида бўлган тадбиркорлик субъекти иштирокидаги кассация ишини ижобий ҳал қилиб бериш эвазига банк мансабдори билан тил бириктирган. Улар фуқародан 7 500 АҚШ доллари талаб қилган.

Telegram I Facebook I YouTube I Instagram

"Аслида, бу – коррупция" – Президент қурилиш соҳасидаги яширин муаммоларни танқид қилди

Ўзбекистонда ўтган йил қурилиш соҳасига оид 2,6 миллиондан ортиқ ариза кўриб чиқилди, уларнинг қарийб учдан бири рад этилди. Президент Шавкат Мирзиёев бу ҳолатда коррупция омиллари мавжудлигини таъкидлади.

Telegram I Facebook I YouTube I Instagram

Қурилишдаги қўпол қоидабузарликлар учун молиявий санкциялар жорий этилади – Президент Урбанизация қўмитасига топшириқ берди

Ўзбекистонда қурилиш соҳасида назорат ва жавобгарликни кучайтиришга қаратилган янги чоралар белгиланмоқда. Бу ҳақда Президент Шавкат Мирзиёев раислигида ўтказилган уй-жой қурилиши ва урбанизация соҳасида амалга оширилаётган ишлар юзасидан видеоселектор йиғилишида маълум қилинди.

Унга кўра, Урбанизация қўмитасига эса шаҳарсизлик (шаҳарсозлик) қоидаларини қўпол бузганлик учун молиявий санкциялар жорий этишни назарда тутувчи қонун лойиҳасини ишлаб чиқиш топширилди.

Telegram I Facebook I YouTube I Instagram

Ўзбекистонда қишлоқ хўжалиги ерларидан самарасиз фойдаланишга қарши чоралар кучайтирилди

Янги ўзгартиришларга кўра, экин экилмаган майдонлар учун жарима солинади ва ер солиғи 3 баравар оширилади. Маъмурий жавобгарлик тўғрисидаги кодексга киритилган қўшимчаларга мувофиқ, қишлоқ хўжалиги ерларидан самарасиз фойдаланиш учун жавобгарлик кучайтирилди.

Эндиликда иккиламчи ижарага олинган ер участкаларида, хусусан, дала четидаги каналлар, суғориш ва коллектор-дренаж тармоқлари атрофидаги майдонларда белгиланган муддатларда мақбул экин экилмаса, фуқароларга базавий ҳисоблаш миқдорининг 1 бараваридан 3 бараваригача жарима солинади.

Telegram I Facebook I YouTube I Instagram

Тошкентга чанг бўрони яқинлашмоқда. Хоразм ва Бухорода аллақачон бошланган

Кучли шамол ва чанг бўрони пойтахтга кириб келмоқда. Синоптиклар аҳолини эҳтиёт чораларини кўришга чақирди. 15 апрель куни Тошкент ва унинг атрофида кучли шамол ҳамда чанг бўрони кузатилиши кутилмоқда. Шамол тезлиги 18 м/с гача етади.

«Ўзгидромет» маълумотларига кўра, 15 апрель куни Тошкент шаҳри ва унга туташ ҳудудларда об-ҳаво кескин ўзгаради. Таҳлилларга кўра, шамол тезлиги 13–18 м/с гача кучаяди, айрим жойларда чанг кўтарилиши ва чанг бўрони кузатилиши мумкин. Шаҳарда чанг кўчиши эҳтимоли юқори.

Маълум қилинишича, кучли шамоллар Хоразм ва Бухоро вилоятларида аллақачон кузатилмоқда. Айрим ҳудудларда шамол том қопламалари ва дарахтларга зарар етказган.

Telegram I Facebook I YouTube I Instagram

Энди ҳокимлар бўш турган биноларни сотишга жавобгар бўлади

14 апрель куни Президент Шавкат Мирзиёев раислигида ўтган йиғилишда муҳим ўзгаришлар эълон қилинди. Энди ҳокимлар хусусийлаштириш дастурига объектларни киритиш, уларни сотиш ва инвестиция самарадорлиги учун Давлат активлари агентлиги билан тенг жавоб беради.

Telegram I Facebook I YouTube I Instagram

Туркиядаги лицейда қуролли ҳужум: 18 киши жароҳатланди

14 апрель куни Туркиянинг Шонлиурфа вилоятидаги лицейда қуролли ҳужум содир этилди. Оқибатда камида 18 киши, жумладан ўқувчилар ва ўқитувчилар жароҳат олди.

Ҳужумчи мактабга қурол билан кириб, ўқ узган. Ваҳима сабаб айрим ўқувчилар деразалардан сакрашга мажбур бўлган.

Маълум қилинишича, ҳужумчи лицейнинг собиқ ўқувчиси бўлиб, полиция томонидан ўраб олингач, ўз жонига қасд қилган.

Ҳозирда вазият назорат остида, тергов ишлари давом этмоқда.

Telegram I Facebook I YouTube I Instagram

Австралияда 13 ёшли қиз 109 та жиноятда айбланмоқда

Австралияда 13 ёшли қизга нисбатан 109 та айблов эълон қилинди. У Мельбурнда ўғирланган автомобилни бошқариб, 45 ёшли эркакни уриб юборганликда гумон қилинмоқда.

Шунингдек, у йўловчиларга нисбатан ҳақоратли гаплар айтгани ҳам иддао қилинган. Полиция унинг телефонида жиноятга оид қидирувлар бўлганини аниқлаган.

Судда қиз кулгани ва ўз ҳаракатларини давом эттиришини айтгани қайд этилди. Жамият учун хавфли деб топилиб, гаров эвазига озодликка чиқиш талаби рад этилди.

У 3 ҳафтадан кейин яна суд олдига чиқади.

Telegram I Facebook I YouTube I Instagram

АҚШда ўзбекистонлик талаба вафот этди

22 ёшли ўзбекистонлик талаба Муҳаммадюсуф Фахриддинов АҚШда вафот этди. Бу ҳақда 14 апрель куни “Эл-юрт умиди” жамғармаси маълум қилди.

Маълум бўлишича, у АҚШнинг Stony Brook University университетида компьютер технологиялари ва информатика йўналишида 4-босқич талабаси эди.

Дастлабки маълумотларга кўра, Муҳаммадюсуф уйқуга ётиб, қайта уйғонмаган. Унинг ўлими юрак фаолияти билан боғлиқ экани айтилмоқда.

У 2004 йил Тошкент шаҳрида туғилган бўлиб, 2022 йилдан буён АҚШда таҳсил олаётган эди.

Ҳозирда ҳолат юзасидан барча тафсилотларни аниқлаш мақсадида тегишли идоралар билан ҳамкорлик ишлари олиб борилмоқда.

Telegram I Facebook I YouTube I Instagram

⚡️DNA MOTORS: Катта ваъдалар ортидаги катта муаммо…

Хитойдан электромобил олиб бериш ваъдаси, фуқаролар тўлаган пуллар ва охири — суд залида давом этаётган жиддий жиноят иши.

Чет элдан электромобил олиб келишни ваъда қилиб, мажбуриятлар тўлиқ бажарилмагани билан боғлиқ “DNA Motors” МЧЖ фаолияти юзасидан жиноят иши суд муҳокамасига ўтди.

Суд жараёнида оммавий ахборот воситалари вакилларининг иштирокига қисман рухсат берилган бўлиб, маълумотларнинг фақат ёзма шаклда берилиши белгиланган. Бу ҳолат жабрланувчилар томонидан турли эътирозларга сабаб бўлди, лекин судья Теҳрон Усмонов шунга қарамасдан тегишли ажримни ўзгартирмади.

Иш материалларига кўра, мазкур жиноят иши доирасида бир қатор шахсларга нисбатан фирибгарлик билан боғлиқ айбловлар қўйилган. Улар қаторида Халқ депутатлари Янгиҳаёт туман кенгашининг собиқ депутати Наргис Саидназирханова ҳамда “Адолат” Социал Демократик партияси марказий аппаратининг собиқ бошқарма бошлиғи Фазлитдин Зияев ҳам бор.

👉 https://youtu.be/Nr-zFGmIaAU

Кўп қаватли уйлар учун янги тартиб

1 октябрдан бошлаб Toshkent ва Samarqand шаҳарларида кўп қаватли уй қуриш учун ерлар тайёр ҳолда аукционга қўйилади.

Бу ҳақда Президент Shavkat Mirziyoyev раислигида ўтган йиғилишда маълум қилинди.
Эндиликда ер участкалари: – қурилиш рухсати
– архитектура режаси
– дастлабки лойиҳа билан бирга тақдим этилади

Сўнгги йилларда “Янги Ўзбекистон” массивлари учун 4,1 трлн сўм ажратилган. Бу йил яна 1,4 трлн сўм йўналтирилади.

Шу билан бирга, айрим ҳудудларда минглаб хонадонлар ҳали топширилмагани танқид қилинди.

Telegram I Facebook I YouTube I Instagram

Президент Синдоровни тарихий ғалаба билан табриклади

Президент Шавкат Мирзиёев шахматчи Жавоҳир Синдоровни Халқаро шахмат федерацияси Номзодлар турниридаги ғалабаси билан табриклади. Суҳбат телефон орқали бўлиб ўтди.

Давлат раҳбари уни Халқаро шахмат федерацияси (FIDE) томонидан ўтказилган Номзодлар турнирида қозонган тарихий ғалабаси билан самимий табриклади.

Суҳбат давомида шахматчининг юксак маҳорати ва халқаро майдонда эришган натижалари юксак баҳоланди. Қайд этилишича, мазкур ютуқ Ўзбекистон шахмат мактаби нуфузини янада оширишга хизмат қилади.

Telegram I Facebook I YouTube I Instagram

⚡️Сурхондарё судларида йўқолган мантиқ…

Пул тўланди, экспертиза тайинланди, лекин ўтказилмади — ва натижада фуқаро суддан норози. Экспертиза тайинланиб, унинг харажатлари тўланган бўлса-да, амалда ўтказилмагани ва шу асосда даъвонинг рад этилиши суд амалиётида жиддий саволлар борлигини кўрсатмоқда.

Effect.uz’га келиб тушган мурожаатга кўра, Сурхондарё вилояти Бандихон туманида яшовчи фуқаро Улуғбек Мўминов 2025 йил 20 январь куни фуқаролик ишлари бўйича Термиз туманлараро судига “оталикка эътироз билдириш” талаби билан даъво аризаси киритган.

👉 Мақола

👉 Тўлиқ видео

Telegram I Facebook I YouTube I Instagram

Энди пенсиядан кредит ушлаб қолинса ҳам, пул тўлиқ олиб қўйилмайди

Охирги пайтларда айрим ҳолатларда пенсиядан кредит тўловлари ушлаб қолингач, фуқароларнинг қўлида жуда кам маблағ қолаётгани кузатилган.

Шу сабаб янги тартиб таклиф қилинмоқда: Эндиликда кредит ушлаб қолинган тақдирда ҳам, фуқаронинг қўлида камида яшаш учун етарли сумма қолиши шарт бўлади.

Яъни: Пенсияни тўлиқ кредитга ечиб олиш амалиёти чекланади

Ҳар қандай ҳолатда ҳам инсоннинг кундалик харажатлари учун пул қолдирилади.Бу ўзгаришлар назарда тутилган қонун лойиҳаси ҳозирда Сенатга юборилган.

Telegram I Facebook I YouTube I Instagram

Туркиядаги мактабда яна отишма: қурбонлар бор

Бугун, 15-апрель куни Туркиянинг Қаҳрамонмараш вилоятидаги мактабда содир бўлган отишма оқибатида 4 киши ҳалок бўлди, яна 20 киши жароҳатланди.

Дастлабки маълумотларга кўра: Ҳужумчи 8-синф ўқувчиси бўлган

У мактаб ҳовлисида аввал ҳавога ўқ узган, сўнг бино ичида отишни давом эттирган
Шундан кейин ўз жонига қасд қилган

Қуролни собиқ полициячи бўлган отасидан олган бўлиши мумкин
Қурбонлар орасида 3 нафар ўқувчи ва 1 нафар ўқитувчи бор.

Ҳодиса юзасидан жиноят иши қўзғатилиб, кенг қамровли тергов бошланди. Расмийлар воқеа жойида ишламоқда.

Ҳолат юзасидан маълумотларни тарқатишга вақтинча чеклов жорий этилган.

Telegram I Facebook I YouTube I Instagram

Туркияда ўзбекистонлик аёл ўлими бўйича суд бошланди

Туркиянинг Айдин вилоятида казино ҳудудида отиб ўлдирилган ўзбекистонлик Муаттар Алиева иши бўйича илк суд мажлиси бўлиб ўтди.

7 соат давом этган судда: 4 нафар айбланувчи
14 нафар гувоҳ тингланди
Асосий гумонланувчи — казино эгаси айбловларни рад этди. Унга кўра, ҳодиса вақтида бошқа шахс аёлга ва ўзига ўқ узган.

Суд жараёнида гувоҳларнинг кўрсатмаларида жиддий тафовутлар аниқланган.

Суд қароридан сўнг асосий айбланувчи қамоқда қолдирилди, қўшимча суд-тиббий экспертиза тайинланди, ҳодиса жойида қўшимча тергов ўтказилади.
Кейинги суд мажлиси 3-июлга қолдирилди.

Шунингдек, яна 3 нафар шахсга далилларни яшириш (қурол ва видеоязувлар) бўйича тергов давом этмоқда.

Telegram I Facebook I YouTube I Instagram