Ўзбекистонда 23 та дорихона лицензиядан маҳрум қилинди. Энг кўпи Самарқандда

2026 йилнинг биринчи чорагида Фармацевтика фаолиятини лицензиялаш ва Фарминспекция бошқармаси томонидан 23 та дорихонанинг лицензияси бекор қилинди. Текширувлар давомида ушбу субъектлар томонидан дори воситаларини мувофиқлик сертификатисиз сақлаш ва сотиш, рўйхатдан ўтказилмаган ҳамда қалбакилаштирилган маҳсулотларни реализация қилиш ҳолатлари аниқланган.

👉 https://effect.uz/n/128

Telegram I Facebook I YouTube I Instagram

АҚШ Ҳормуз бўғозида кемалар ҳаракатини чеклайди

АҚШ президенти Доналд Трумп Ҳормуз бўғозида денгиз назоратини кучайтириш ва айрим кемалар ҳаракатини чеклаш бўйича топшириқ берганини маълум қилди.

Telegram I Facebook I YouTube I Instagram

Ўзбекистонда 2 миллиард долларлик агроэнергетика лойиҳаси ишга тушади

Хитойда ўтган халқаро иқтисодий форумда Ўзбекистон учун муҳим инвестицион келишувларга эришилди. Энг йирик натижа — 2026–2030 йилларга мўлжалланган 2 миллиард долларлик агроэнергетика лойиҳаси бўлди.

👉 https://effect.uz/n/129

Telegram I Facebook I YouTube I Instagram

Бухорода эътибор тортган сирли қурилма аслида анти-дрон тизими бўлиб чиқди

Президент ташрифи пайтида хавфсизлик ходими қўлидаги ноодатий қурилма эътибор марказига айланди.

Маълум бўлишича, бу оддий ускуна эмас.
Қозоғистон Президенти Қосим-Жўмарт Тўқаевнинг Бухорога ташрифи чоғида олинган видео ижтимоий тармоқларда муҳокама қилинди. Унда хавфсизлик ходими қўлидаги қурилма анти-дрон тизими экани аниқланди.

Бухорода ўтган юқори даражадаги ташриф давомида хавфсизлик чораларига оид бир деталь ижтимоий тармоқларда кенг муҳокамага сабаб бўлди.

Видеоларда хавфсизлик ходими қўлидаги ноодатий қурилма кўпчилик эътиборини тортган.
Маълум бўлишича, ушбу қурилма анти-дрон тизими — яъни дронларга қарши мўлжалланган махсус мослама ҳисобланади.

Telegram I Facebook I YouTube I Instagram

⚡️Тошкентда йирик жиноий «тўда» устидан суд бошланди

Жиноят ишлари бўйича Шайҳонтоҳур тумани судида судья Сирожиддин Хасанов раислигида фирибгарлик ва товламачилик билан боғлиқ жиноят иши доирасида бир гуруҳ шахслар устидан суд жараёни бошланди.

Судланувчилар фуқароларга қарз бериш баҳонасида кўчмас мулкларни гаров сифатида расмийлаштириш орқали уларни ўз номларига ўтказгани айтилади. Қарз ўз вақтида қайтарилмаган ҳолатларда эса фуқароларни уйидан чиқариш ва мулкни олиб қўйиш ҳолатлари кузатилган. Шу билан бирга, гаровга қўйилган мулк қиймати берилган қарздан 3–4 баробар юқори бўлган.

Мазкур иш доирасида Сардор Роминов, Бахтиёр Йўлдашев ва Тимур Хусанов 2024 йил 11 сентябрь куни қўлга олинган. 43 нафар фуқаро ушбу ҳолатдан жабрланган. Айбланувчилар қаторида Тимур Хусанов, Сардор Роминов, Бахтиёр Йўлдашев билан бирга Гульжан Мусаева, Олег Ни, Иззатулла Суннатуллаев, Лазизходжа Нарходжаев, Юрий Ан ва Акмалжон Расулов ҳам бор.

👉 Мақола

Telegram I Facebook I YouTube I Instagram

Тоғда унутиб кетилган 4 ёшли бола ярим тунда топилди

13 апрель куни Оҳангарон туманидаги тоғларда дам олаётган оила 4 ёшли болани унутиб қолдирди. Орадан 40 дақиқа ўтгач, унинг йўқлиги аниқланиб, ФВВга хабар берилди.

Қидирув ишлари 6,5 соат давом этди. 14 апрель соат 00:20 да бола қутқарувчилар томонидан ота-онаси қолдирган жойдан 3 км узоқликда, қор ичида тирик ҳолда топилди.
Бола соғ-саломат яқинларига топширилди.

Сирдарёда судья пора билан ушланди: 3600 доллар эвазига ишни ҳал қилмоқчи бўлган

Сирдарё вилоятида иқтисодий ишлар бўйича судья Э.С. пора олиш гумони билан қўлга олинди.

Маълум қилинишича, у ўз иш юритувидаги иқтисодий ишни кассация инстанциясида Гулистон шаҳрида фаолият юритувчи МЧЖ фойдасига ҳал қилиб бериш эвазига 3600 АҚШ доллари олганликда гумон қилинмоқда. Судья ҳуқуқни муҳофаза қилувчи органлар томонидан ўтказилган тезкор тадбирда ашёвий далиллар билан ушланган.

Олий суднинг билдиришича, суд тизимида коррупцияга қарши курашиш, уни нопок кадрлардан тозалаш бўйича ишлар давом этмоқда. Шунингдек, бундай ҳолатларга йўл қўйган судья ва ходимларга нисбатан қатъий чоралар кўрилиши таъкидланган.

Telegram I Facebook I YouTube I Instagram

Ҳамма билиб, билмаганга олади, аслида, бу – коррупция – Шавкат Мирзиёев қурилиш соҳасида аризаларнинг рад этилиши ҳақида

Ўзбекистонда ўтган йил давомида қурилиш соҳасига оид 2,6 миллиондан ортиқ ариза кўриб чиқилган бўлиб, уларнинг қарийб учдан бири рад этилган.

Давлат раҳбари бу ҳолатга тўхталиб, рад этишлар ортида тизимли муаммолар мавжудлигини таъкидлади. Унинг сўзларига кўра, айрим ҳолатларда “камчиликлар сабаб қайтарилди” деган изоҳ берилади, аммо чуқур таҳлил қилинганда бошқа омиллар ҳам кўзга ташланади.

Шу муносабат билан қурилиш соҳасида коррупция хавфларини камайтиришнинг энг самарали йўли сифатида рақамлаштириш ва сунъий интеллектни жорий этиш зарурлиги қайд этилди.

– Масъуллар «Камчилиги учун қайтардик», деб айтади. Лекин ичига кириб таҳлил қилса, масала кўп. Ҳамма билиб, билмаганга олади, аслида, бу – коррупция! Бунга чек қўйишнинг бирдан бир йўли – рақамлаштириш ва сунъий интеллект! – деди давлатимиз раҳбари.

Айни пайтда аҳоли ва тадбиркорлар қурилиш ишларини бошлаш учун бир нечта босқичдан ўтишга мажбур. Жумладан, аввал лойиҳалашга рухсат олиш, сўнг архитектура режалаштириш топшириғини ишлаб чиқиш учун алоҳида-алоҳида мурожаат қилиш талаб этилади. Бу жараёнлар кўп вақт олиши таъкидланди.

Тошкент шаҳрида ушбу икки хизматни бир босқичда кўриб чиқиш амалиёти жорий этилган бўлиб, натижада ҳужжатларни келишиш муддати 3–4 баробарга қисқарган. Ушбу тажрибани 1 июлдан бошлаб барча ҳудудларда жорий этиш вазифаси белгиланди.

Шунингдек, ҳозирда электр, газ, сув ва канализация тармоқларига уланиш учун алоҳида идораларга мурожаат қилиш талаб этилмоқда. Янги тартибга кўра, 1 июлдан бошлаб фуқаролар ва тадбиркорлар барча коммунал хизматлар учун ягона ариза ва ягона тўлов орқали техник шарт олиш имконига эга бўлади.

Telegram I Facebook I YouTube I Instagram

Синдаров — жаҳон тожига даъвогар!

Ўзбекистонлик шахматчи Жавоҳир Синдаров Номзодлар турнирининг 13-турида нидерландиялик Аниш Гири билан дуранг ўйнаб, мусобақада муддатидан олдин ғолибликни таъминлади.

20 ёшли Синдаров шу тариқа шахмат тожи учун расмий даъвогарга айланди. У энди жаҳон чемпиони унвони учун кечадиган ҳал қилувчи баҳсда Ҳиндистонлик Доммаражу Гукеш билан тўқнаш келади.

Маълумот учун, Номзодлар турнири — жаҳон шахмат тожи учун энг кучли даъвогарни аниқлаб берувчи нуфузли мусобақадир.

Telegram I Facebook I YouTube I Instagram

ДХХ Сирдарёда судьянинг қўлга олиниш тафсилотларини эълон қилди

Сирдарё вилоятида судья ва «Агробанк» мансабдори пора олиш ва бериш билан боғлиқ жиноят устида қўлга олинган. Ҳолат Давлат хавфсизлик хизмати томонидан ўтказилган тезкор тадбирда фош этилди.

Маълум қилинишича, судья ўз иш юритувида бўлган тадбиркорлик субъекти иштирокидаги кассация ишини ижобий ҳал қилиб бериш эвазига банк мансабдори билан тил бириктирган. Улар фуқародан 7 500 АҚШ доллари талаб қилган.

Telegram I Facebook I YouTube I Instagram

"Аслида, бу – коррупция" – Президент қурилиш соҳасидаги яширин муаммоларни танқид қилди

Ўзбекистонда ўтган йил қурилиш соҳасига оид 2,6 миллиондан ортиқ ариза кўриб чиқилди, уларнинг қарийб учдан бири рад этилди. Президент Шавкат Мирзиёев бу ҳолатда коррупция омиллари мавжудлигини таъкидлади.

Telegram I Facebook I YouTube I Instagram

Қурилишдаги қўпол қоидабузарликлар учун молиявий санкциялар жорий этилади – Президент Урбанизация қўмитасига топшириқ берди

Ўзбекистонда қурилиш соҳасида назорат ва жавобгарликни кучайтиришга қаратилган янги чоралар белгиланмоқда. Бу ҳақда Президент Шавкат Мирзиёев раислигида ўтказилган уй-жой қурилиши ва урбанизация соҳасида амалга оширилаётган ишлар юзасидан видеоселектор йиғилишида маълум қилинди.

Унга кўра, Урбанизация қўмитасига эса шаҳарсизлик (шаҳарсозлик) қоидаларини қўпол бузганлик учун молиявий санкциялар жорий этишни назарда тутувчи қонун лойиҳасини ишлаб чиқиш топширилди.

Telegram I Facebook I YouTube I Instagram