Олмалиқда сунъий интеллект лабораторияси очилади

МИСИСнинг Олмалиқ филиали ҳамда «Сифра» давлат корпорацияси ўртасида ҳамкорлик меморандуми имзоланди. Ҳужжат илмий-таълим ва инновацион фаолиятни ривожлантиришга қаратилган стратегик шерикликни мустаҳкамлайди.

👉 https://effect.uz/n/114

Telegram I Facebook I YouTube I Instagram

Тошкентдаги жанжал ортидан нафақат ҳайдовчи, балки унинг ИИБда ишловчи акаси ҳам лавозимидан айрилди.

Тошкент шаҳри Яшнобод туманида 30 март куни Malibu ҳайдовчиси томонидан ППХ ходимига нисбатан зўравонлик содир этилган эди. Ушбу ҳолат жамоатчиликда кенг муҳокамага сабаб бўлди.

Маълум бўлишича, ҳайдовчининг Сирдарё вилояти Ички ишлар бошқармасида масъул лавозимда ишлаган акаси 3 апрель куни ишдан озод этилган.

Ички ишлар вазири ўринбосари, полковник Диёрбек Саттаров раҳбарлигида ўтказилган йиғилишда тизимдаги камчиликлар кескин танқид қилинди. Хусусан, айрим ходимларнинг хизмат вазифаларига лоқайд ёндашуви, профилактика ишлари самарадорлигининг пастлиги ва жиноятчиликка қарши курашда тизимли ёндашув етишмаслиги қайд этилди.

Telegram I Facebook I YouTube I Instagram

Андижонда «замҳоким» пора билан қўлга олингани айтилмоқда

20 сотих ер эвазига 50 минг доллар: Андижонда юқори лавозимли амалдор пора билан ушланди. 2026 йил 4 апрель куни Андижон вилоятида ўтказилган тезкор тадбирда вилоят ҳокимининг ўринбосарларидан бири коррупцион ҳолат билан қўлга олинган.

Effect.uz манбаси маълумотига кўра, амалдор фуқаро С.Т.га тадбиркорлик фаолиятини бошлаш учун Бобур ҳудудидаги 20 сотих давлат захирасидаги ер майдонини расмийлаштириб беришни ваъда қилган. Бунинг учун ҳар бир сотих ерга 2 500 АҚШ долларидан жами 50 000 доллар талаб қилган.

Тезкор тадбир давомида «зам ҳоким» 50 000 АҚШ доллари миқдоридаги, махсус ишлов берилган пул маблағларини Андижон шаҳридаги яшаш манзилида олган вақтда ашёвий далиллар билан ушланган.

Мазкур ҳолат юзасидан 2026 йил 5 апрель куни унга нисбатан Жиноят кодексининг тегишли моддалари билан жиноят иши қўзғатилган. Айбланувчи процессуал тартибда ушланган, ҳозирда тергов ҳаракатлари олиб борилмоқда.

Telegram I Facebook I YouTube I Instagram

Қуёш йилнинг энг ёрқин кометасини ютиб юборди

2026 йилнинг энг ёрқин кометаси сифатида баҳоланган C/2026 A1 Қуёшга яқинлашганидан сўнг йўқ бўлиб кетди.

Маълумотларга кўра, комета Қуёшга ҳаддан ташқари яқинлашгани сабаб кузатув майдонидан чиқиб кетган. Олимлар комета Қуёш томонидан ютиб юборилганини таъкидлашмоқда.

Таъкидланишича, кометанинг учувчан моддалари Қуёш коронасида тарқалиб кетган, йирик тош бўлаклари эса эҳтимол Қуёш юзасига тушган бўлиши мумкин. Чангли изнинг бир қисми эса нур босими таъсирида ташқи қатламларга сурилиб, яқин вақт ичида бутунлай тарқалиб кетади.

C/2026 A1 2026 йилда кузатилган биринчи комета бўлиб, унинг қисқа вақтда йўқолиши эҳтимоли очилган пайтдаёқ тахмин қилинган эди. У Крейц оиласига мансуб бўлиб, қадимда парчаланган улкан кометанинг бўлакларидан бири сифатида қаралади.

C/2026 A1 йўқолганидан сўнг осмондаги энг ёрқин комета мақоми энди C/2025 R3 (PANSTARRS)га ўтди.

Telegram I Facebook I YouTube I Instagram

У Фарғонада кўпларнинг кўзига ёмон кўриниб қолганди – Жиззахда ОАВ ходими Элёр Тожибоев иши апелляцияда кўрилмоқда

Фарғоналик журналист Элёр Тожибоевга нисбатан чиқарилган ҳукм устидан апелляция шикояти Жиззах вилояти судида кўриб чиқилмоқда. У Марғилон шаҳри судининг 20 январь куни чиқарган ҳукмига асосан 4 йил муддатга озодликдан маҳрум этилган.

Effect.uz’нинг собиқ журналисти бўлган Тожибоев Жиноят кодексининг 10 та моддаси билан айбланган ва айни пайтда жазони қаттиқ тартибли колонияда ўтамоқда. Ҳозирда иш Жиззах вилояти судида судья Абдусаттор Абдураззақов раислигида апелляция тартибида қайта кўриб чиқиляпти.

👉 https://youtu.be/ts8uzdixIVY

“Surkhan Autocenter” иши: Тергов давом этмоқда

Автомобиль ваъдаси, аммо на машина бор, на пул: юзлаб фуқаролар ўзларини алданган деб ҳисобламоқда.

“Surkhan Autocenter” МЧЖ фаолияти атрофида йирик можаро юзага келди. Автосалон раҳбари Акмал Тўраев фуқароларга турли акция ва қулай шартлар орқали автомобиль олиб беришни ваъда қилгани айтилади.

Effect.uz маълумотига кўра, ҳозирга қадар мазкур ҳолат юзасидан 300 дан ортиқ мурожаат келиб тушган. Дастлабки ҳисоб-китобларга кўра, етказилган умумий зарар миқдори 35 миллиард сўмдан ошган.

Акмал Тўраев фирибгарлик гумони билан жорий йилнинг 12 январь куни эҳтиёт чораси сифатида қамоққа олинган. Ҳозирда ҳолат юзасидан тегишли тергов ҳаракатлари олиб борилмоқда.

👉ТЎЛИҚ ВИДЕО

Telegram I Facebook I YouTube I Instagram

5 кунлик медиа марафон: журналистлар, блогерлар ва SMM мутахассислар бир майдонда жамланди

Қорақалпоғистон Республикасида ташкил этилган “Media haftalik” лойиҳаси 5 кун давомида ўтказилиб, соҳа вакилларини бирлаштирган муҳим майдонга айланди.
Тадбирда 700 нафардан ортиқ иштирокчи — матбуот котиблари, журналистлар, блогерлар, SMM мутахассислар ва мобилографлар қатнашди.

Дастур доирасида иштирокчилар учун бир қатор амалий машғулотлар ва мастер-класслар ташкил этилди.

Жумладан:
— сунъий интеллект ва замонавий медиа воситалардан фойдаланиш;
— фактчекинг ва самарали SMM стратегиялари;
— визуал storytelling ва контент яратиш;
— телевидение ва журналистика амалиёти;
— ҳужжатли фильмлар тайёрлаш бўйича тренинглар ўтказилди.

Шунингдек, тадбир давомида давлат органлари ва оммавий ахборот воситалари ўртасида очиқ мулоқот ва ҳамкорликни ривожлантиришга алоҳида эътибор қаратилди. Лойиҳанинг навбатдаги манзили Хоразм вилояти бўлиб, у ерда 6–10 апрель кунлари давом этади. Шунингдек, “Media haftalik” тадбири Сурхондарё вилоятида 13–17 апрель кунлари ўтказилади.

Telegram I Facebook I YouTube I Instagram

⚡️«Ипподром»да кучли ёнғин содир бўлди, вазир воқеа жойида

Бугун, 5 апрель куни соат 15:56да Тошкент шаҳар Чилонзор тумани, Тошкент катта халқа автомобиль йўлида жойлашган «Бешқўрғон» бозоридаги бир нечта дўконлар ёниб кетган.

Вазият Тошкент шаҳар Фавқулодда вазиятлар бўлими томонидан тўлиқ назоратга олинган. Воқеа жойига Фавқулодда вазиятлар вазири генерал-майор Азиз Икрамов ҳам етиб борган.

Ҳозирда Фавқулотда вазиятлар вазирлиги қутқарувчилари ёнғин сабабларини текширмоқда. Бозордаги ёнғин оқибатида тан-жароҳати олганлар йўқ.

Telegram I Facebook I YouTube I Instagram

Хоразм ва Қорақалпоғистонда дўл ёғди

Хоразмнинг бир қатор ҳудудлари жумладан, Боғот ва Гурлан туманида жала ва дўл ёғиши ҳолати кузатилди. Худди шундай, табиат ҳодисаси Қорақалпоғистоннинг Хоразмга туташ ҳудуди – Элликқалъа туманида ҳам кузатилган.

Telegram I Facebook I YouTube I Instagram

Бухорода 60 оила уйсиз қолиш арафасида

Пул тўланган, уй қурилган — аммо яшашга рухсат йўқ. 60 оиланинг тақдири суд қарорлари ортидан мавҳум бўлиб турибди.

Бухоро вилоятида 60 нафар оилага тегишли кўп қаватли уй атрофидаги можаро ҳал этилмаган. Маълум қилинишича, Қоровулбозор тумани судида 2026 йил 25 февраль куни мазкур иш кўриб чиқилиб, уй эгалари тақдири муҳокама қилинган.

Фуқаролар ушбу уйдан хонадонларни 2021 йилда харид қилган. Лойиҳага кўра, бино 2022 йилда фойдаланишга топширилиши керак эди. Бироқ қурилиш ишлари турли сабабларга кўра кечиккан.

Шунга қарамай, аксарият харидорлар тўловларни тўлиқ амалга оширган. Кейинчалик эса қурилишнинг қолган қисми ҳам фуқароларнинг ўз маблағлари ҳисобидан якунланиб, бино деярли тайёр ҳолатга келтирилган.

Бироқ суд томонидан уй расман фойдаланишга топширилмагани сабаб, уни аукционга чиқариш масаласи кўтарилган. Бу эса хонадон эгалари норозилигига сабаб бўлмоқда.

👉 https://youtu.be/tKFaak4xC9k

“System Metal Stroy” ишида ҳукм ўқилди: айбдорлар қамалди

Миллиардлик можаро якунига етди: суд компания ишида айбдорларга узоқ муддатли жазо тайинлади.

Тошкент шаҳри Мирзо Улуғбек туман жиноят ишлари бўйича судида “System Metal Stroy” МЧЖдан жабрланганлар иши бўйича айбдорларга ҳукм ўқилди. Маълум қилинишича, мазкур иш доирасида Диёр Сияев, Андроник Алоян, Сергей Базарбаев ва Баходир Исмагилов айбдор деб топилиб, уларга 6 йилдан ортиқ муддатга озодликдан маҳрум этиш жазоси тайинланган.

Суд ҳукмига кўра, айбланувчилар Жиноят кодексининг бир нечта моддалари, жумладан, ўзлаштириш ёки растрата (167-модда), фирибгарлик (168-модда 4-қисм), ҳужжатларни қалбакилаштириш (228-модда) ҳамда жиноий даромадларни легаллаштириш (243-модда) билан айбдор деб топилган.

Аввалроқ суд қарори билан компаниянинг ҳисобрақамига қўйилган тақиқ бекор қилингани маълум қилинган эди. Айни пайтда мазкур иш бўйича жабрланганлар манфаатларини тиклаш масаласи ҳам алоҳида эътибор марказида қолмоқда.

👉 https://youtu.be/uVYFfKqSSqU

Ҳаётми ёки мол-мулк?

Хавф остида қолган одамлар ва уларни асрашга уринаётган ходимлар — вазиятга турлича қарашлар юзага келмоқда. Бозордаги ёнғин фонида жамоат жойларида хавфли вазиятлар кузатилмоқда. Айрим фуқаролар ўз мол-мулкини сақлаб қолиш мақсадида хавфли ҳудудларга киришга уринмоқда.

Мутасадди идоралар, жумладан, ички ишлар органлари ва Миллий гвардия ходимлари эса бундай ҳолатларда фуқаролар хавфсизлигини таъминлашга қаратилган чоралар кўрмоқда. Улар одамларни эҳтимолий хавфдан асраш мақсадида ҳудудларга киришни чеклаш ва вазиятни назорат остида ушлашга ҳаракат қилмоқда.

Мутахассислар таъкидлашича, фавқулодда ҳолатларда инсон ҳаёти ва соғлиги ҳар қандай моддий бойликдан устун ҳисобланади. Шу боис, фуқароларни хавфли ҳудудларга кирмасликка чақириш биринчи навбатда уларнинг хавфсизлигини таъминлашга қаратилган.

Айни пайтда, жамоатчилик вакиллари вазиятга нисбатан турлича муносабат билдирмоқда. Бироқ расмийлар барча ҳолатларда хавфсизлик қоидаларига амал қилиш зарурлигини яна бир бор эслатмоқда.

Telegram I Facebook I YouTube I Instagram

⚡️Опаси, турмуш ўртоғи, қайнисинглиси – “Surkhan Autocenter” иши бўйича янги тафсилотлар

Сурхондарё вилояти ИИБ ҳузуридаги Тергов бошқармаси томонидан “Surkhan Autocenter” МЧЖ таъсисчиси Тўраев Акмал Ахмед ўғли ва бошқаларга нисбатан қўзғатилган жиноят иши бўйича тергов ҳаракатлари давом этмоқда.

Маълум қилинишича, жиноят иши 2025 йил 29 декабрь куни Жиноят кодексининг 168-моддаси 4-қисми “а” банди билан қўзғатилган. Тергов материалларига кўра, Тўраев Акмал Ахмед ўғли автомобил ишлаб чиқарувчи корхоналар билан тўғридан-тўғри шартномага эга бўлмаган ҳолда, фуқаролардан янги автомашина учун турли миқдорда пул маблағларини қабул қилган. Шу билан бирга, мижозларга шартномалар тақдим этилган бўлса-да, белгиланган муддатларда автомобиллар етказилмаган.

Мазкур ҳолатдан жабр кўрган фуқаролар сони 700 нафардан кўп бўлиб, уларнинг аксар қисми сўроқ қилиниб, жабрланувчи сифатида эътироф этилган. Тергов жараёнида аниқланишича, Тўраев Акмал Ахмед ўғли ўз жиноий ҳаракатларини оила аъзолари кўмагида амалга ошириб келган. Хусусан, унга опаси Раджабова М., турмуш ўртоғи Қўлдошева М. ва қайинсинглиси Парданазарова М. фаол кўмак бергани қайд этилган.
Шунга кўра, Тўраев Акмал Ахмед ўғли, Раджабова М., Қўлдошева М., Парданазарова М. ҳамда Эшмуродов Н.га нисбатан Жиноят кодексининг 168-моддаси ва бошқа моддалари билан айблов эълон қилиниб, уларнинг барчасига қамоқ эҳтиёт чораси қўлланган.

Иш ҳажмининг катталиги ва жабрланганлар сонининг кўплиги сабабли тергов ҳаракатлари жадаллик билан давом этмоқда. Шунингдек, фуқаролардан ижтимоий тармоқларда тарқалаётган асоссиз хабарларга ишонмаслик ва тергов натижаларини кутиш сўралган.

Ҳолат бўйича ҳали терговга келиб кўрсатма бермаган фуқаролардан шахсини тасдиқловчи ҳамда ишга оид ҳужжатлар билан Сурхондарё вилояти ИИБ ҳузуридаги Тергов бошқармасига мурожаат қилиш сўралган. Айни пайтда жабрланганлардан аризалар келиб тушиши давом этмоқда.

Telegram I Facebook I YouTube I Instagram

170 дан ортиқ Ўзбекистонлик Маккада қолиб кетди

Макканинг Канари ва Ал-Аям Элите меҳмонхоналарида 170 нафардан ортиқ Ўзбекистонлик зиёратчи Ватанга қайтишни кутиб турибди.Дастлабки маълумотларга кўра, ушбу ҳолат ноқонуний ташкил этилган умра сафарлари билан боғлиқ. Зиёратчилар орасида кексалар ҳамда турли сурункали касалликларга чалинган фуқаролар ҳам бор.

Элчихона вакиллар вазиятни назоратга олган. Бироқ муаммони ҳал этиш жараёни маълум вақт талаб қилиши мумкин.Зиёратчиларга имкониятдан келиб чиқиб, ўз ҳисобидан авиачипта харид қилиб, Ватанга қайтиш тавсия этилган.Шунингдек, фуқароларга уларни алдаган шахслар устидан Ўзбекистонга қайтгач қонуний тартибда мурожаат қилиш мумкинлиги билдирилди.

Telegram I Facebook I YouTube I Instagram