Эрон уруш бошидан бери АҚШ ва Исроилга тегишли 156 дронни уриб тушурди

Эрон армиясининг ҳаво ҳужумидан мудофаа (ҲҲМ) кучлари Форс кўрфази минтақасидаги қуролли можаро бошланганидан буён мамлакат ҳаво ҳудудида 156 та жанговор дронни аниқлаб, йўқ қилган. Бу ҳақда Эрон давлат телевидениеси маълум қилди.

Хабарга кўра, можаро бошланганидан ҳозирга қадар уриб туширилган дронлар сони 156 тага етган.

“Ҳаво ҳимоя тизимлари мамлакат осмонини доимий назорат қилиб, таҳдидларни бартараф этишда давом этмоқда”, - дейилади хабарда.

Telegram I Facebook I YouTube I Instagram

“Солиқ тўлашга розиман, аммо “Ўзбекконцерт” бизни тинч қўйсин” - Жаҳонгир Отажонов

Хонанда Жаҳонгир Отажонов 1 сентабрдан амал қилиши кутилаётган тартибга кўра, ҳар бир чиққан тўйидан даромад солиғи тўлашга тайёр эканини, аммо шундан кейин “Ўзбекконцерт” санъаткорларни тинч қўйиши кераклигини айтди.

“Хўп, бизга солиқ белгиланяпти. “Ўзбекконцерт” нима бўлади? Санъаткорлар мустақил ижодкор сифатида бу ташкилот билан алоқа қилмаслигининг иложи борми? Ундан қутулишимиз мумкинми? Бир мусиқачи сифатида “Ўзбекконцерт”нинг менга керагини ҳис қилмайман, ҳеч қандай”, - деди у.

Telegram I Facebook I YouTube I Instagram

Тошкентда банк эксперти 10 минг доллар билан қўлга тушди

Давлат хавфсизлик хизматининг Тошкент шаҳар бўйича бошқармаси ва Бош прокуратура ҳузуридаги Департамент ходимлари ҳамкорлигида тезкор тадбир ўтказилди.

Унда пойтахтда фаолият юритувчи нуфузли акциядорлик тижорат банкларидан бирининг катта эксперти хизмат кўрсатиш соҳасига ихтисослашган МЧЖ раҳбаридан 10 минг АҚШ долларини тамагирлик йўли билан олган вақтида ашёвий далиллар билан ушланди.

Аниқланишича, ушбу мутахассис ўзининг танишлари орқали, Самарқанд вилоятида жойлашган банкларнинг биридан мазкур МЧЖга 1 млрд 250 млн сўм миқдорида кредит олиб беришни ваъда қилган.

Ҳозирда унга нисбатан жиноят иши қўзғатилиб, тергов ҳаракатлари олиб борилмоқда.

Telegram I Facebook I YouTube I Instagram

“Umid Leasing” иши кескинлашмоқда: мижозлар норози, иш судгача етиб борган

Автомобилни орзу қилганлар — суд остонасида. “Umid Avto Leasing” атрофидаги низолар тобора жиддий тус олмоқда.

👉 https://youtu.be/rbJufca-x6o

Подполковник ишдан олинди

Сирдарё вилояти Ички ишлар бошқармасида раҳбар лавозимида ишлаган Подполковник Шерзод Пардаев эгаллаб турган лавозимидан озод этилди.

Маълумотларга кўра, бунга ижтимоий тармоқларда кенг тарқалган, ҳуқуқбузарлик билан боғлиқ ҳолат сабаб бўлган.
Расмий хабарларда қайд этилишича, мазкур вазият хизмат ваколатларини суиистеъмол қилиш ҳамда мансаб мавқейидан шахсий манфаат йўлида фойдаланиш эҳтимоли сифатида баҳоланган.

Эслатиб ўтамиз, тарқалган видеода Подполковникнинг укаси маст ҳолатда автомобиль бошқарган, йўл ҳаракати хавфсизлиги ходимларининг қонуний талабларига бўйсунмаган ҳамда улардан бирига нисбатан жисмоний куч ишлатган.

Telegram I Facebook I YouTube I Instagram

Тошкентда Кичик ҳалқа йўлининг бир қисми вақтинча ёпилади

Хусусан, Лутфий кўчаси кесишмасидан Фарҳод кўчаси чорраҳасигача бўлган йўлда транспорт ҳаракати кеча яъни 3 апрель соат 23:00 дан 6 апрель куни соат 06:00 гача чекланади.

Мазкур даврда 23 ва 131-сонли автобус йўналишлари ҳаракати ҳам ўзгартирилади.
Мутасаддилар йўловчилар ва ҳайдовчиларга айланма йўллардан фойдаланишни тавсия этмоқда.

Telegram I Facebook I YouTube I Instagram

Олмалиқда сунъий интеллект лабораторияси очилади

МИСИСнинг Олмалиқ филиали ҳамда «Сифра» давлат корпорацияси ўртасида ҳамкорлик меморандуми имзоланди. Ҳужжат илмий-таълим ва инновацион фаолиятни ривожлантиришга қаратилган стратегик шерикликни мустаҳкамлайди.

👉 https://effect.uz/n/114

Telegram I Facebook I YouTube I Instagram

Тошкентдаги жанжал ортидан нафақат ҳайдовчи, балки унинг ИИБда ишловчи акаси ҳам лавозимидан айрилди.

Тошкент шаҳри Яшнобод туманида 30 март куни Malibu ҳайдовчиси томонидан ППХ ходимига нисбатан зўравонлик содир этилган эди. Ушбу ҳолат жамоатчиликда кенг муҳокамага сабаб бўлди.

Маълум бўлишича, ҳайдовчининг Сирдарё вилояти Ички ишлар бошқармасида масъул лавозимда ишлаган акаси 3 апрель куни ишдан озод этилган.

Ички ишлар вазири ўринбосари, полковник Диёрбек Саттаров раҳбарлигида ўтказилган йиғилишда тизимдаги камчиликлар кескин танқид қилинди. Хусусан, айрим ходимларнинг хизмат вазифаларига лоқайд ёндашуви, профилактика ишлари самарадорлигининг пастлиги ва жиноятчиликка қарши курашда тизимли ёндашув етишмаслиги қайд этилди.

Telegram I Facebook I YouTube I Instagram

Андижонда «замҳоким» пора билан қўлга олингани айтилмоқда

20 сотих ер эвазига 50 минг доллар: Андижонда юқори лавозимли амалдор пора билан ушланди. 2026 йил 4 апрель куни Андижон вилоятида ўтказилган тезкор тадбирда вилоят ҳокимининг ўринбосарларидан бири коррупцион ҳолат билан қўлга олинган.

Effect.uz манбаси маълумотига кўра, амалдор фуқаро С.Т.га тадбиркорлик фаолиятини бошлаш учун Бобур ҳудудидаги 20 сотих давлат захирасидаги ер майдонини расмийлаштириб беришни ваъда қилган. Бунинг учун ҳар бир сотих ерга 2 500 АҚШ долларидан жами 50 000 доллар талаб қилган.

Тезкор тадбир давомида «зам ҳоким» 50 000 АҚШ доллари миқдоридаги, махсус ишлов берилган пул маблағларини Андижон шаҳридаги яшаш манзилида олган вақтда ашёвий далиллар билан ушланган.

Мазкур ҳолат юзасидан 2026 йил 5 апрель куни унга нисбатан Жиноят кодексининг тегишли моддалари билан жиноят иши қўзғатилган. Айбланувчи процессуал тартибда ушланган, ҳозирда тергов ҳаракатлари олиб борилмоқда.

Telegram I Facebook I YouTube I Instagram

Қуёш йилнинг энг ёрқин кометасини ютиб юборди

2026 йилнинг энг ёрқин кометаси сифатида баҳоланган C/2026 A1 Қуёшга яқинлашганидан сўнг йўқ бўлиб кетди.

Маълумотларга кўра, комета Қуёшга ҳаддан ташқари яқинлашгани сабаб кузатув майдонидан чиқиб кетган. Олимлар комета Қуёш томонидан ютиб юборилганини таъкидлашмоқда.

Таъкидланишича, кометанинг учувчан моддалари Қуёш коронасида тарқалиб кетган, йирик тош бўлаклари эса эҳтимол Қуёш юзасига тушган бўлиши мумкин. Чангли изнинг бир қисми эса нур босими таъсирида ташқи қатламларга сурилиб, яқин вақт ичида бутунлай тарқалиб кетади.

C/2026 A1 2026 йилда кузатилган биринчи комета бўлиб, унинг қисқа вақтда йўқолиши эҳтимоли очилган пайтдаёқ тахмин қилинган эди. У Крейц оиласига мансуб бўлиб, қадимда парчаланган улкан кометанинг бўлакларидан бири сифатида қаралади.

C/2026 A1 йўқолганидан сўнг осмондаги энг ёрқин комета мақоми энди C/2025 R3 (PANSTARRS)га ўтди.

Telegram I Facebook I YouTube I Instagram

У Фарғонада кўпларнинг кўзига ёмон кўриниб қолганди – Жиззахда ОАВ ходими Элёр Тожибоев иши апелляцияда кўрилмоқда

Фарғоналик журналист Элёр Тожибоевга нисбатан чиқарилган ҳукм устидан апелляция шикояти Жиззах вилояти судида кўриб чиқилмоқда. У Марғилон шаҳри судининг 20 январь куни чиқарган ҳукмига асосан 4 йил муддатга озодликдан маҳрум этилган.

Effect.uz’нинг собиқ журналисти бўлган Тожибоев Жиноят кодексининг 10 та моддаси билан айбланган ва айни пайтда жазони қаттиқ тартибли колонияда ўтамоқда. Ҳозирда иш Жиззах вилояти судида судья Абдусаттор Абдураззақов раислигида апелляция тартибида қайта кўриб чиқиляпти.

👉 https://youtu.be/ts8uzdixIVY

“Surkhan Autocenter” иши: Тергов давом этмоқда

Автомобиль ваъдаси, аммо на машина бор, на пул: юзлаб фуқаролар ўзларини алданган деб ҳисобламоқда.

“Surkhan Autocenter” МЧЖ фаолияти атрофида йирик можаро юзага келди. Автосалон раҳбари Акмал Тўраев фуқароларга турли акция ва қулай шартлар орқали автомобиль олиб беришни ваъда қилгани айтилади.

Effect.uz маълумотига кўра, ҳозирга қадар мазкур ҳолат юзасидан 300 дан ортиқ мурожаат келиб тушган. Дастлабки ҳисоб-китобларга кўра, етказилган умумий зарар миқдори 35 миллиард сўмдан ошган.

Акмал Тўраев фирибгарлик гумони билан жорий йилнинг 12 январь куни эҳтиёт чораси сифатида қамоққа олинган. Ҳозирда ҳолат юзасидан тегишли тергов ҳаракатлари олиб борилмоқда.

👉ТЎЛИҚ ВИДЕО

Telegram I Facebook I YouTube I Instagram

5 кунлик медиа марафон: журналистлар, блогерлар ва SMM мутахассислар бир майдонда жамланди

Қорақалпоғистон Республикасида ташкил этилган “Media haftalik” лойиҳаси 5 кун давомида ўтказилиб, соҳа вакилларини бирлаштирган муҳим майдонга айланди.
Тадбирда 700 нафардан ортиқ иштирокчи — матбуот котиблари, журналистлар, блогерлар, SMM мутахассислар ва мобилографлар қатнашди.

Дастур доирасида иштирокчилар учун бир қатор амалий машғулотлар ва мастер-класслар ташкил этилди.

Жумладан:
— сунъий интеллект ва замонавий медиа воситалардан фойдаланиш;
— фактчекинг ва самарали SMM стратегиялари;
— визуал storytelling ва контент яратиш;
— телевидение ва журналистика амалиёти;
— ҳужжатли фильмлар тайёрлаш бўйича тренинглар ўтказилди.

Шунингдек, тадбир давомида давлат органлари ва оммавий ахборот воситалари ўртасида очиқ мулоқот ва ҳамкорликни ривожлантиришга алоҳида эътибор қаратилди. Лойиҳанинг навбатдаги манзили Хоразм вилояти бўлиб, у ерда 6–10 апрель кунлари давом этади. Шунингдек, “Media haftalik” тадбири Сурхондарё вилоятида 13–17 апрель кунлари ўтказилади.

Telegram I Facebook I YouTube I Instagram

⚡️«Ипподром»да кучли ёнғин содир бўлди, вазир воқеа жойида

Бугун, 5 апрель куни соат 15:56да Тошкент шаҳар Чилонзор тумани, Тошкент катта халқа автомобиль йўлида жойлашган «Бешқўрғон» бозоридаги бир нечта дўконлар ёниб кетган.

Вазият Тошкент шаҳар Фавқулодда вазиятлар бўлими томонидан тўлиқ назоратга олинган. Воқеа жойига Фавқулодда вазиятлар вазири генерал-майор Азиз Икрамов ҳам етиб борган.

Ҳозирда Фавқулотда вазиятлар вазирлиги қутқарувчилари ёнғин сабабларини текширмоқда. Бозордаги ёнғин оқибатида тан-жароҳати олганлар йўқ.

Telegram I Facebook I YouTube I Instagram

Хоразм ва Қорақалпоғистонда дўл ёғди

Хоразмнинг бир қатор ҳудудлари жумладан, Боғот ва Гурлан туманида жала ва дўл ёғиши ҳолати кузатилди. Худди шундай, табиат ҳодисаси Қорақалпоғистоннинг Хоразмга туташ ҳудуди – Элликқалъа туманида ҳам кузатилган.

Telegram I Facebook I YouTube I Instagram