Борис Гафуров “Солнечный ТВ” каналига берган интервьюсида “Илҳом” театрини ёпиш хавфи туғилган мураккаб даврда кўрсатган қўллаб-қувватлови учун Саида Мирзиёевага миннатдорчилик билдирди.

Хоразмда фермер ва ҳокимлик «жанги»

Айни экин мавсумида фермер далада эмас, суд залида. Қўшкўпир туманида фаолият юритувчи фермер хўжалигига нисбатан ҳокимлик томонидан киритилган даъво аризаси юзасидан Урганч туманлараро судида навбатдаги мажлис бўлиб ўтди.

Суд жараёнида даъво важлари муҳокама қилиниб, уларга қарши далиллар тақдим этилди. Эътиборлиси, мазкур хўжалик аввал ҳокимлик томонидан намуна сифатида эътироф этилган. Хўжаликка имтиёзли техникалар ажратилган, қарийб 5 миллиард сўм инвестиция киритилиб, ишлаб чиқариш базаси мустаҳкамланган.

Шу фонда вазиятнинг кескин ўзгариши саволларни кучайтирмоқда. Даъвонинг асосий бандларидан бири — фермер хўжалигининг Агробанкдан олган 301 миллион сўм кредит қарздорлиги. Одатда бундай масалаларда банкнинг ўзи судга мурожаат қилиши кутилади. Бироқ ушбу ҳолатда даъво ҳокимлик томонидан киритилгани банк ва ҳокимлик ўртасидаги алоқадорлик юзасидан саволларни юзага чиқармоқда.

👉 https://effect.uz/n/113

Юзлаб дорихоналар нархни ошириб миллиардлаб сом олгани аниқланди

Ўзбекистонда юзлаб дорихоналарда дори воситаларига белгиланган устамаларни ошириш ҳолатлари аниқланиб, жами 8,5 миллиард сом миқдорида асоссиз даромад олингани маълум бўлди.Рақобат қўмитаси хабарига кўра, 2025 2026 йилларда махсус ахборот тизими орқали келиб тушган маълумотлар асосида 991 та дорихонада (152 таси улгуржи, 839 таси чакана) 414 мингдан ортиқ ҳолат аниқланган.

Натижада ортиқча ундирилган маблағлар истеъмолчилар фойдасига қайта ҳисоб-китоб қилиниб, уларнинг ҳуқуқларини тиклаш чоралари кўрилди.Шунингдек, лицензия талабларини бузган қатор корхоналар бўйича материаллар тегишли идораларга юборилди. Айрим дорихона тармоқларининг лицензиялари дори нархларини асоссиз оширгани сабаб бекор қилинган.Қўмита бу йўналишдаги назорат ишлари давом эттирилишини ва қонунбузарларга нисбатан чоралар кучайтирилишини малум қилди.
Telegram I Facebook I YouTube I Instagram

Ўзбекистонда яна зилзила содир бўлди

Афғонистон ҳудудида содир бўлган зилзила Ўзбекистоннинг бир қатор ҳудудларида сезилди.

Маълумотларга кўра, бугун, соат 21:12 да зилзила кучи Сурхандарё вилоятида 3 баллни ташкил этган.

Қолган ҳудудларда эса ер силкиниши 2–3 балл даражасида қайд этилди. Жумладан, Фарғона, Сирдарё, Жиззах, Самарқанд, Андижон, Наманган, Қашқадарё, Тошкент вилояти ва Тошкент шаҳрида ҳам зилзила сезилган.

Зилзила эпицентри Тошкентдан тахминан 526 километр жанубий-шарқда жойлашган.

Telegram I Facebook I YouTube I Instagram

Эрон уруш бошидан бери АҚШ ва Исроилга тегишли 156 дронни уриб тушурди

Эрон армиясининг ҳаво ҳужумидан мудофаа (ҲҲМ) кучлари Форс кўрфази минтақасидаги қуролли можаро бошланганидан буён мамлакат ҳаво ҳудудида 156 та жанговор дронни аниқлаб, йўқ қилган. Бу ҳақда Эрон давлат телевидениеси маълум қилди.

Хабарга кўра, можаро бошланганидан ҳозирга қадар уриб туширилган дронлар сони 156 тага етган.

“Ҳаво ҳимоя тизимлари мамлакат осмонини доимий назорат қилиб, таҳдидларни бартараф этишда давом этмоқда”, - дейилади хабарда.

Telegram I Facebook I YouTube I Instagram

“Солиқ тўлашга розиман, аммо “Ўзбекконцерт” бизни тинч қўйсин” - Жаҳонгир Отажонов

Хонанда Жаҳонгир Отажонов 1 сентабрдан амал қилиши кутилаётган тартибга кўра, ҳар бир чиққан тўйидан даромад солиғи тўлашга тайёр эканини, аммо шундан кейин “Ўзбекконцерт” санъаткорларни тинч қўйиши кераклигини айтди.

“Хўп, бизга солиқ белгиланяпти. “Ўзбекконцерт” нима бўлади? Санъаткорлар мустақил ижодкор сифатида бу ташкилот билан алоқа қилмаслигининг иложи борми? Ундан қутулишимиз мумкинми? Бир мусиқачи сифатида “Ўзбекконцерт”нинг менга керагини ҳис қилмайман, ҳеч қандай”, - деди у.

Telegram I Facebook I YouTube I Instagram

Тошкентда банк эксперти 10 минг доллар билан қўлга тушди

Давлат хавфсизлик хизматининг Тошкент шаҳар бўйича бошқармаси ва Бош прокуратура ҳузуридаги Департамент ходимлари ҳамкорлигида тезкор тадбир ўтказилди.

Унда пойтахтда фаолият юритувчи нуфузли акциядорлик тижорат банкларидан бирининг катта эксперти хизмат кўрсатиш соҳасига ихтисослашган МЧЖ раҳбаридан 10 минг АҚШ долларини тамагирлик йўли билан олган вақтида ашёвий далиллар билан ушланди.

Аниқланишича, ушбу мутахассис ўзининг танишлари орқали, Самарқанд вилоятида жойлашган банкларнинг биридан мазкур МЧЖга 1 млрд 250 млн сўм миқдорида кредит олиб беришни ваъда қилган.

Ҳозирда унга нисбатан жиноят иши қўзғатилиб, тергов ҳаракатлари олиб борилмоқда.

Telegram I Facebook I YouTube I Instagram

“Umid Leasing” иши кескинлашмоқда: мижозлар норози, иш судгача етиб борган

Автомобилни орзу қилганлар — суд остонасида. “Umid Avto Leasing” атрофидаги низолар тобора жиддий тус олмоқда.

👉 https://youtu.be/rbJufca-x6o

Подполковник ишдан олинди

Сирдарё вилояти Ички ишлар бошқармасида раҳбар лавозимида ишлаган Подполковник Шерзод Пардаев эгаллаб турган лавозимидан озод этилди.

Маълумотларга кўра, бунга ижтимоий тармоқларда кенг тарқалган, ҳуқуқбузарлик билан боғлиқ ҳолат сабаб бўлган.
Расмий хабарларда қайд этилишича, мазкур вазият хизмат ваколатларини суиистеъмол қилиш ҳамда мансаб мавқейидан шахсий манфаат йўлида фойдаланиш эҳтимоли сифатида баҳоланган.

Эслатиб ўтамиз, тарқалган видеода Подполковникнинг укаси маст ҳолатда автомобиль бошқарган, йўл ҳаракати хавфсизлиги ходимларининг қонуний талабларига бўйсунмаган ҳамда улардан бирига нисбатан жисмоний куч ишлатган.

Telegram I Facebook I YouTube I Instagram

Тошкентда Кичик ҳалқа йўлининг бир қисми вақтинча ёпилади

Хусусан, Лутфий кўчаси кесишмасидан Фарҳод кўчаси чорраҳасигача бўлган йўлда транспорт ҳаракати кеча яъни 3 апрель соат 23:00 дан 6 апрель куни соат 06:00 гача чекланади.

Мазкур даврда 23 ва 131-сонли автобус йўналишлари ҳаракати ҳам ўзгартирилади.
Мутасаддилар йўловчилар ва ҳайдовчиларга айланма йўллардан фойдаланишни тавсия этмоқда.

Telegram I Facebook I YouTube I Instagram