Россиядан Ўзбекистонга кўчиб келаётганлар сони ортмоқда

Миллий статистика қўмитасига кўра, 2025 йилда Ўзбекистонга бошқа давлатлардан 1 159 киши доимий яшаш мақсадида кўчиб келган.

Келганлар фоиз ҳисобида:

▪️Россия 39,9 %;
▪️Қозоғистон — 20,3 %;
▪️Тожикистон Республикаси — 10,3 %;
▪️Қирғиз Республикаси — 4,3 %;
▪️Туркманистон — 3,1 %;
бошқа давлатлар — 22,1 %.

Ушбу фуқароларнинг асосий қисми Тошкент шаҳри, Тошкент вилояти ва Қорақалпоғистон Республикасида қўним топган.

Telegram I Facebook I YouTube I Instagrams

“Улгурмадим тавба қилишга”: Фарғоналик хонанда қўшиғи учун ИИБда босимга учради

Фарғоналик хонанда Бахтиёр Ғозиёв “Улгурмадим тавба қилишга” номли қўшиғи ортидан ИИБга чақирилганини ва у ерда босимга учраганини билдирмоқда. Ҳолат ижтимоий тармоқларда кескин муҳокамаларга сабаб бўлмоқда.

Ғозиевнинг Effect.uz мухбири Муҳаммадали Қозоқовга маълум қилишича, унга ИИБ ходими билан суҳбат давомида босим ўтказилган. Оқибатда хонанданинг қон босими кўтарилган. Айни пайтда мазкур ҳолат юзасидан идоралар томонидан расмий изоҳ берилмаган.

Ҳолат ижтимоий тармоқларда кенг муҳокама қилинмоқда. Айрим фойдаланувчилар буни сўз эркинлиги масаласи билан боғласа, бошқалар эса вазиятга аниқлик киритилишини талаб қилмоқда.

👉 ТЎЛИҚ ВИДЕО

Telegram I Facebook I YouTube I Instagram

Қашқадарёда суд қарори билан фермерга ер қайтарилди

Ўзбекистон фермерлари кенгаши томонидан фермерларга нисбатан қабул қилинган қарорларнинг қонунийлиги ва адолатлилиги юзасидан ўрганиш ишлари давом этмоқда. Маълум қилинишича, Қашқадарё вилояти Яккабоғ туманидаги “Жумаев Исматулла Ибодович” фермер хўжалиги манфаатида киритилган даъво 2026 йил 16 февраль куни Қарши туманлараро маъмурий суди томонидан рад этилган.

Бироқ апелляция инстанциясида иш қайта кўриб чиқилди. Аниқланишича, Кадастрлар палатаси Қашқадарё вилояти бошқармаси ҳузуридаги комиссия йиғилиши фермер иштирокисиз ўтказилган ва у бу ҳақда олдиндан хабардор қилинмаган.
Амалдаги тартибга кўра, манфаатдор шахс комиссия мажлиси ҳақида камида уч кун олдин огоҳлантирилиши ва иштирок этиш ҳуқуқига эга бўлиши лозим. Суд жараёнида мазкур талаб бузилгани тасдиқланган.

Шу асосда, апелляция суди аввалги қарорни бекор қилди, комиссия баённомасини ҳақиқий эмас деб топди ва фермер хўжалигига тегишли 4,366 гектар ер майдони қайта тикланди. Фермер мазкур қарор юзасидан Президент Шавкат Мирзиёевга миннатдорчилик билдирган.

Telegram I Facebook I YouTube I Instagram

Апелляция суди: тезликми ёки сценарий, ҳукм таёр бўлганми?

Судланувчи иштирокисиз ўтган апелляция, 5 кунлик кўриб чиқиш ва 9 йиллик жазо. Бу судми ёки тайёр сценарий?

Ўзбекистонда суд-ҳуқуқ ислоҳотлари доирасида «адолатли судлов» тамойили устувор деб таъкидланади. Бироқ айрим ишлар амалиётда бу тамойил қай даражада ишлаётгани ҳақида саволлар туғдирмоқда.

Адвокат Хуршидабону Насретдинова томонидан «Эзгулик» жамиятига тақдим этилган мурожаат шундай ҳолатлардан бири сифатида келтирилмоқда.

Унинг билдиришича, дастлаб биринчи инстанция суди айбни қайта малакалаб, оғир айбловни енгилроқ моддага ўзгартирган ва озодликдан маҳрум қилиш ўрнига ахлоқ тузатиш ишларини тайинлаган.

👉 https://effect.uz/n/109

Telegram I Facebook I YouTube I Instagram

“Шинжон” усулида экилган ғўза орасига зира етиштириш — қўшимча даромад манбаи

Фермер хўжаликларида ер ресурсларидан самарали фойдаланиш ва қўшимча даромад олиш мақсадида “Шинжон” усулида чигит экиладиган майдонларда бир вақтда зира экиш тавсия этилади.

Ушбу ёндашув орқали бир майдондан икки турдаги маҳсулот олиниб, иқтисодий самарадорлик ошади.

Telegram I Facebook I YouTube I Instagram

Наманган: Кўприк ўйинчоқ эмас!

Янги қурилган кўприк ва эскалатор болалар ўйингоҳига айланди. Бу ҳолат давом этса, халқ мулкига зарар етиши мумкин.
Сардоба савдо мажмуасида барпо этилган ерусти кўприги ва эскалатордан фойдаланиш маданияти билан боғлиқ муаммолар кузатилмоқда.

Маълум қилинишича, айрим ёшлар ва болалар кўприк инфратузилмасини ўйин сифатида ишлатиб, эскалаторни бир неча бор ўчириб-ёқиш ҳолатлари тез-тез такрорланмоқда.

Бундай муносабат давом этса, қурилмаларнинг эрта муддатда ишдан чиқиши ва халқ мулкига зарар етиши мумкин. Мажму эгаларининг таъкидлашича, бу каби ҳолатлар деярли ҳар куни кузатилмоқда ва огоҳлантиришларга ҳамиша ҳам эътибор берилмаяпти.

Шу муносабат билан жамоатчилик ва масъулларга эскалаторни асраб-авайлаш, ундан тўғри фойдаланиш ва зарурат бўлса, назоратни кучайтириш таклиф этилмоқда.

Telegram I Facebook I YouTube I Instagram

Дональд Трамп: Эрондаги операция яқин ҳафталарда якунланади

АҚШ президенти Дональд Трампнинг маълум қилишича, Эрон билан боғлиқ ҳарбий операция яна 2–3 ҳафта давом этади ва шундан сўнг АҚШ кучлари ҳудудни тарк этади.

Унинг айтишича, Вашингтон ўз олдига қўйган асосий мақсад — Эроннинг ядро қуролига эга бўлишига йўл қўймаслик бўлган ва бу мақсадга эришилган. Трамп таъкидлашича, режим алмашинуви АҚШнинг мақсади бўлмаган.
Шу билан бирга, у ҳозирда Эрон билан музокаралар давом этаётганини билдирди.

Telegram I Facebook I YouTube I Instagram

Чилонзорда яримяланғоч юрган йигит иши судга оширилди

Тошкентдаги кўнгилочар масканлардан бирида жамоат тартибини бузган йигитга нисбатан маъмурий иш қўзғатилди.

Маълум қилинишича, 22 март куни 1998 йилда туғилган фуқаро устки кийимини ечган ҳолда юриб, атрофдагиларнинг эътирозига сабаб бўлган.

Telegram I Facebook I YouTube I Instagram

Magic Safari боғида қизларга шилқимлик қилган шахсга ҳукм ўқилди

Тошкентдаги Magic Safari боғида вояга етмаган қизларга нисбатан номуносиб ҳаракат қилган шахс жазога тортилади.

Маълумотларга кўра, 1979 йилда туғилган фуқаро 24 февраль куни Янгиҳаёт худудидаги боғда қизларга нисбатан уятсиз сўзлар айтган, уларни кузатиб, шилқимлик қилган.

Шунингдек, у ички ишлар ходимларининг қонуний талабларига бўйсунмаган ва қаршилик кўрсатган.

Telegram I Facebook I YouTube I Instagram

Фарруҳ Омонов Президент Халқ қабулхонаси раҳбари этиб тайинланди

Президент фармони билан Фарруҳ Омонов янги лавозимга ўтказилди — энди у Халқ қабулхонаси фаолиятига масъул бўлади.

Ўзбекистон Республикаси Президентининг фармонига мувофиқ, Фарруҳ Фарходжонович Омонов Президент Администрацияси Коммуникациялар департаменти бошлиғи ўринбосари – Президент Халқ қабулхонаси бошлиғи лавозимига тайинланди.
Шу муносабат билан у Президент Администрацияси Коммуникациялар департаменти бошлиғи ўринбосари лавозимидан озод этилди.

Telegram I Facebook I YouTube I Instagram

Наманганда 200 га яқин фермерга қаршилик кўрсатган солиқ ходими жазоланди

Бизнес-омбудсман девони томонидан фермер хўжаликлари фаолиятидаги муаммолар ўрганилди. Аниқланишича, Наманган вилояти Мингбулоқ туманида фаолият юритувчи қарийб 200 га яқин фермер хўжаликларининг банк ҳисобварақлари туман солиқ инспекцияси ходими томонидан асоссиз равишда тўхтатиб қўйилган.

👉 https://effect.uz/n/110

Telegram I Facebook I YouTube I Instagram

1 апрелдан янги тартиб: Автомобиль эгаси эмас ҳайдовчи жавоб беради

2026 йил 1 апрелдан бошлаб Ўзбекистонда автомобилни бошқа шахсга бошқаришга бериш ҳамда йўл ҳаракати қоидалари бузилишлари учун жавобгарликни ўтказиш тартиби жорий этилди.

Янги тартибга кўра, транспорт воситаси эгаси автомобилни бошқа шахсга берган ҳолларда, содир этилган қоидабузарлик учун жавобгарликни тегишли тартибда ушбу шахсга расмий равишда ўтказиш имкониятига эга бўлади.

Бу ўзгариш ҳайдовчи ва транспорт эгалари ўртасида масъулиятни аниқ белгилаш, шунингдек, қоидабузарликлар бўйича адолатли жавобгарликни таъминлашга қаратилган.

Telegram I Facebook I YouTube I Instagram

Абдуқодир Ҳусанов — март ойида «Ман Сити»нинг энг яхши ўйинчиси

Ўзбекистонлик ҳимоячи Англияда яна эътироф этилди — у «Манчестер Сити»да учинчи бор ой ўйинчиси бўлди.
Қайд этилишича, футболчи ушбу совринни учинчи бор қўлга киритмоқда.

Унинг барқарор ўйини ва ҳимоядаги ишончли ҳаракатлари клуб мухлислари ва мутахассислар томонидан юқори баҳоланмоқда.

Telegram I Facebook I YouTube I Instagram

⚡️Шов-шувли ишга нуқта қўйилди: Суд Абдураҳмон Ташановни ҳуқуқбузар деб топмади

1 апрель куни Миробод туман судида Инсон ҳуқуқлари бўйича «Эзгулик» жамияти раҳбари Абдураҳмон Ташановга оид маъмурий иш кўриб чиқилди. Маълум қилинишича, 12 март куни чиқарилган ажрим устидан апелляция шикояти киритилган.

Ташановнинг таъкидлашича, ишда жабрланувчи мавжуд эмаслиги сабабли у МЖтКнинг 271-моддаси 8-қисмига мувофиқ тугатилиши лозим эди. Шунга қарамай, иш прокуратурага қайтарилган ва кейинчалик “жабрланувчи” сифатида янги шахслар киритилиб, иш қайта судга юборилган. Якунда мазкур иш суд томонидан МЖтКнинг 271-моддаси 1-банди (маъмурий ҳуқуқбузарлик ҳодисаси ёки аломати мавжуд эмаслиги) асосида тугатилди.

Абдураҳмон Ташанов суд қарорига муносабат билдириб, иш мустақил кўриб чиқилганини таъкидлади.

«Ишни суд мустақил кўриб чиқди деб ўйлайман. Мени жавобгар қилишни истаганлар кимлигини билардингиз. Шунинг учун уларни жавобгар қилиш йўлидан бормайман, уларни виждон оғриғи билан ўз ҳолига ташлайман», — деди у.

Шунингдек, Ташанов сўнгги кунларда мазкур ишга оид ижтимоий тармоқлардаги постлари ўчирилгани ва аккаунтига чекловлар қўлланганини ҳам қайд этган.

👉 https://youtu.be/pU1Gw3qbmoU